|
وزني زاد كثيرا بعد ولادتي
السلام عليكم
وضعي عادي ولكن احيانا احس بأهميته وهو كالتالي( قبل زواجي كان وزني 65 ......... المهم حملت بديت انتفخ وجبت بنت زي القمر وبالاربعين اكلت الاكلات مالت العافيه وطلعت من الاربعين نفيخه حاولت بعد الاربعين اخس وارجع وزني الاولاني وحملت بعد بنتي بعد6 شهور ورجعت انتفخت بعهدها ولدت والحمدلله وحاولت ارجع وتأخرت لكن بين علي بداية نزول الوزن والكل لاحظ لكن مو الوزن المثالي اللي ابيه المهم بعد سنه ونص من حملي الثاني حملت بالثالث ماشاء الله لأن اي مانع حمل اخذه عن طريق الفم مايناسبني ابدا يتعبني وينفخني والحين اشوف نفسي بحملي هذا وانا بالثامن وصلت بالوزن 95 تخيلو فأحس فتور زوجي هو سبب زيادة وزني والا ايش لأنه مره من المرات واحنا بالعلاقه كان يقول لو انك نحيفه اخذت راحتي اكثر وسويت اللي بمزاجي هنا كسر خاطري بس انا اشبيدي الحمل والولاده هم السبب شسوي شلون املا عينه قبل يطير من يدي ويدور رشيقه خاطري افهمه انها فتره وبتزول بس هو من النوع الساكت بيقول ايه صح او ابتسامه وخلاص وعلى فكره عمري 28 شوروا علي هل لسبب هذا هو السبب الرئيسي في فتور العلاقه خاصة ان زوجي يحب بشوف افلام سينما واكيد تمر عليه اجسام نحيفه ويتمنى اكون هالشكل الاشراف / عفوا تم حذف التفاصيل |
[font=Times New Roman]مارسي الرياضة
توقفي عن أكلات مالت العافية تعلمي أنواع الرياضة التي تجعل جسمكِ أكثر رشاقة كل هذه الاشياء سارعي بها قبل أن تطير الطيور برزاقها الرجل لا يستطيع الصبر بمثل هذه الامور وبالخصوص اذا كان رجل يشاهد الافلام الاجنبية المثيرة للغرائز الشهوانية نسأل الله لكِ وله ولجميع المسلمين العافية |
كنك تتكلمين عني
بس أنا الحين حامل بالشهر السادس ومن الحين يقلي أول ماتولدين تسوين ريجيم وأنا بصراحة أخس ماعلي الرجيم محتااااارة جتى أدوية الحمل ما آخذهم عشان مانتفخ زيادة ولكن بلا فائدة.. تخيلي أنا زدت 18 كيلو بعد زواجي الي له 10 شهور بس وعمري 22 سنة وش الدبرة يابناااااااااااااات ساعدوا المتيناااااااااااااااااات |
مرحبا عزيزاتي آنه لما أنخطبت كان وزني 60 بالضبط وطولي 157 بعدين شويه وشويه زدت ووصلت ليه 69 في العرس وبداية الحمل 73 وفي الحمال 90.5 وبعد ماولدت 75 وعمري 20 وأبي أضعف بس ماعندي إرادة وزوجي دايما يعيب على كرشتي أحيانا اتفشل بس بعد ماقدر أقاوم الأكل والبيبسي وفعلا يبي لنا دبرة المتن بيذبحنه فهيا لنعمل ونساعد المتينات
|
بنات يلا يلا شدو الهمة و أنا معاكم
أنا امس أول يوم بالريجيم و إن شاء الله أقدر أستمر سوو بحث عن برامج السمنة و النحافة و رح تتشجعون طولي 167 وزني 87 وزوجي ذابحني تهزيئ و ما فيش حاجة من ملابس بتجي علي لن أيئس بإذن الله بالرغم من أني مرضعة الأن وانتي حبيبتي صاحبة الموضوع بعد الحمل لازم تسوي حل لعمرك أما هلأ وفترة الأربعين ما بتقدري تسوي شئ و إن شاء الله تقومي بالسلامة |
لالالا يابنات مرررررررررررة غلط الكلام اللي تقولوه
انتبهواااااااااا لنفسكم ولازوااااااجكم انحفي عشان نفسك قبل مايكون عشان زوجك الرشاقة صحة والوزن الزايد مرض انا اخس ماعلي الوزن الزايد والله اكتئب ولاعاد البس عشان لايبان جسمي المتين وتصير نفسيتي تحت الصفر والحين جسمي الحمد لله بدأ ينزل ونفسيتي بدأت تتحسن وصارت عال العال كل اللي سويته مشي على السير الكهربائي نص ساعة + أكل صحي بأي نوع وأي كمية لانه أخس ماعلي الرجيم مرررررررة ما التزم بالرجيمات والحمد لله بدأت أحس الفرق ماعندي ميزان بس الرياضة تخلي الجسم متناسق ومشدود حتى لو هو متين أما الريجيم يخلي الجسم مترهل والرجال يحبوا الجسم الرشيق المشدود أكثر من الجسم النحيف فالله الله بالرياضة يابنات يلا اتشجعوا وعفوا أزواجكم لاتخلوهم يطالعوا برا بعدين ترى محد بيندم غيرنا |
اخواتي الكريمات000
فيه قاعده بالمره مهمه00 وخاصة مع الحمل والولاده والرضاعه000 مع كل حمل عليك بقدر الإمكان أن لا يزيد وزنك عن عشره كيلو فقط00 تزيد شئ بسيط كيلو كيلوين 0ما يخالف00 اكثر من ذلك يكون الوزن كبير فيصعب إنزاله00 القاعده الثانيه00 الكيلوات الزائده التي تكتسبينها بعد الحمل والنفاس00 يجب عليك التخلص منها في خلال السنه التي تعقب الولاده000 لأنه كلما تخلصتي منها بسرعه يكون اسهل00ويكون جسمك لم يتكيف معها بعد00 الجسم بعد الولاده يحتاج إلى بناء عضلاته وشدها000 والرياضه جدا مهمه00 المبادره يا اخواتي بعد كل ولاده000 حتى لو تجيبين عشرة اطفال00 جسمك لن يتغير إلا تغيرااات بسيطه00 دائما نحرص على مراقبة الوزن000 حتى لو كان كيلوين00 فهنا يجب الدخول في برنامج رياضه بسيط000 والتقليل من الاكلات الدسمه والسكريات00 عن تجربه تكلمت00 دمتم في حفظ الله00 |
حبيبتي كان المفروض من اول ما تسيبي نفسك للوزن
هذا عيبنا اذا حملت الحرمة اجازت لنفسها السمنة و الوزن والله اشوف بنات يحملوا و ماشاء الله ما تزيد عليهم الا الكرشة الحمل مو معناها اكل كل و اي شي بالعكس معناها اكل صحي عشان البيبي و النفاس نفس الشي المهم الحين شدي الهمة التحقي بنادي رياضي اذا عندك القدرة ( مال ووقت) واذا ماعندك اشتري شريط رياضة ( والة المشي ) و اتمرني بالبيت و نقصي من الاكل و امتنعي عن الحلاوة و البيبسي و الذي منه و ان شاء الله راح ترجعي رشيييقة و قمر زي ما كنتي :) والله يستر علينا احنا كمان :) :) :) |
اقتباس:
وانا كان وزني 60 اول مااتزوجت وطولي 158 .....وضليت محافظه علىوزني لحد ما حملت بنتي الاولى وصار وزني 72 بعد ولادتها ورياضه وتخفيف اكل ورجع وزني 65 وبعدها بسنه واربع شهور حملت ببنتي الثانيه والمشكله اني ما اولد طبيعي كل ولادتي قيصريه وهذا يسبب سمنه زياده المهم .... بعد بنتي الثانيه اللي عمرها الان 8 شهور زاد وزني بشكل مش طبيعي يعني وصلت 77 وكدرت اتخلص من سبع كيلوات .... طبعا اتخلصت منهم بالرياضه وترك الرز والخبز والعصاير والببسي والحلو يا حلوات ....والان وزني 70 بس المشكله مو راضي وزني ينزل عن السبعين ..زتمارين وتخفيف اكل ومشي ونفس الشي ثابت على السبعين .....للعلم عمري 25 سنه ......وقررت الاسبوع الجاي ادورلي نادي واسجل فيه لانه لازم وان شا ءالله ارجع لوزني الطبيعي يرادنا اشوية همة واراده |
حبيباتي والله
toota2_noora_كلماتي_ تالينااا_ أشكركم عالمرور من جد يبي لنا نبدأ ونشد الهمه ونقضي عالزوائد والسمنه والكرشة والذي منه ونوصل للوزن المثالي وياسلااااااااااااااااام على النتائج لكن بطولة بال وأول ماأولد ببدأ بعزم وإراده وبقولكم شتوصلت له مع ان جسمي يمشي معاي بالريجيم والرياضه لكن بحماااااااااااس والحمدلله بحريني أعزب أشكرك جزيل الشكر عالمرور وفعلا يبي لنا ننتبه قبل تطير الطيور برزاقها وماتنفعنا الكيالو وفعلا الرجال ينتبه حتى لو ساكت ينتبه لكن بعضهم مايبي يجرح زوجته وتشوفه عيونه زايغه عاالتلفزيون يلا يابنات شدوالهمه وعطوني أخباركم وكم الكيالو اللي خسرتوها . مع صادق حبي |
الله يعينك ويارب تنحفي شدي همتك وتسجلي بنادي رياضي يكون فيه مسبح انا ما انحف الاعالنادي بس الحين زاد وزني مره مره وحملت استنى بعد الولادة الله يعين وانا انحف عالحمل بس لازمني 30 كيلوا على الاقل
|
نقل للمراءه مع تعديل العنوان
|
الله يساعدك وينقص وزنك اكثر من قبل لكن انت الغلطانه ليش تستخدمي الموانع إلي عن طريق الفم مع إنك عارفه إنها تزيد وزنك فيه ألف طريقه للمنع أنا توي والدة بنوته حلوه لي 4شهور باقي لي 3كيلو وأرجع لوزني أيام زواجي60إدعوالي وإنتبهي لنفسك ترى الرجال يوم يعاف صعب يرجع قللي اكل وانتبهي للجنين
|
يا اخواتي السلام عليكم انا من نحيتي سمعت انو الاكل بلا خبز ينزل الوزن او الخبز الاسمر وسمعت عن شيىء ينزل عشرة كيلو بالشهر وهو بزر الكتان بتغلي كوب بعد الفطور وكوب بعد الغداء وايضا كوب بعد العشاء وان شاء الله بتنزلو من الوزن وادعو لي
|
السلام عليكم
انا بأه كان وزنى قبل الجواز69وطولى 162 بعد الجواز أصبح وزنى 72وحملت طفلى الاول زدت فى الحمل 10كيلو ولما ولدت عملت رجيم وشجعنى زوجى وعمل معى رجيم نزلت تانى ل72 كيلو مش وزن مثالى بس بيبقى جسمى حلو فيه سافرت زيارة لأمى وهناك بدأ التزغيط زى ما بيقولوا زدت فى شهر 6كيلو ومن يومها مش عارفة انزلهم تانى خصوصا انى باخد حبوب منع الحمل ادعوا لى اعرف اخسهم تانى |
| الساعة الآن 11:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©