|
شكي بزوجي وتسرعي يكاد أن يدمر حياتي
السلام عليكم ورحمة الله وبركاته
احب اطرح عليكم مشكلتي المدة 3ايام واليوم يصير اليوم الرابع متزوجين صار لنا 3 سنوات ... المشكله هي اني متزوجه من انسان وربي كل طيبت الدنيا فيه وماعمره قصر عليي بشي .. لدرجة انه ياخذ ديون علشان رضاي بس .. لكن في مشكله وكانت تصير مابين كل فتره .. اللي هيه .. انه هو كان مهتم بزيااده باالجوال تبعه .. لدرجة انه ماااايحب انيي المسه ولا يحب اني اطالع جواله .. بس اذا كان معاه الجوال عادي يوريني اشياء وكذا اللي بالجوال .. يعني علاقتنا زي صديق وصديقته ,, ماخذينها من هالمبدأ.. لكن مرة صحيت من النوم .. وشفت الجوال امامي .. والرقم اللي متصل عليه رقم بدون اسم .. وسجلت الرقم بجوالي .. وعطيته احد من الماسنجر ..قلت له ابيك تسمع اللي يرد عليك صوت بنت او ولد .. اللي عجبني بالموضوع انه مااارد .. وتناسيت الموضوع .. واليوم الثاني .. قالي رقم مين هذا .. قلت مدري على فكرة انا عندي شركه باالنت وهو يعرف ارقام اللي عندي علشان كذا عرف الرقم .. ::: وبعد كذا زعل عليي مرة وقال انتي تشكيييين فيني وكلام كثير واخذ الاب توب مني والجوال .. وقال دقي على اهلك يجون يااخذونك .. ودقيت على اهلي ونااالان في بيت اهلي لأنه جا عند اهلي اليوم الثاني وقال لأبوي كل الساااااالفه .. والحين من جد ماادري ايش اسوي وربي محتاره .. بليز ابي مساعدتكم واي سؤال تبوووونه او مافهمتووه قولو لي تم تعديل العنوان ليتضح المضمون .. |
ونسيت اقول شي قبل يومين كلمني قال ترجعين بشروط قلت وشهي
قال الاب توب ممنوع والجوال ممنوع وتلبسين عباية راس من جد جمعها عليي من كل النواحي وربي انا ماتعودت كذا وربي يعني زودها مرة وربي وضغط عليي انا وافقت علشان تعدي السالفه بس من داخلي موموافقه بجد ايش اسوي |
كلمتي من على الماسنجر ؟
رجل اجنبي !!!!!!!!!!!!!!!!!!!!!!!!!!!!!!!!!!!!!!!! هااااااااااااااااااااااااااااااااااااااااا :eek: |
مافكرت بالخطااللي سويته اصلا من دون وعي كنت توني صااحيه من النوم وعلى طول دخلت لمسن ولقيت متصل قلت كلم بس اسمع الصوت اعترف اني خطيت وربي ..
الخطااللي فيني متسرعه مرة :( |
حبيبتي المهم هو انك تراضينه اللحين
واذا رجعتي لبيتك تقدرين تحلين الامور معاه لانه على كلامك طيب وبعدين الامور الثانويه ماهي مهمه الاهم زوجك وبيتك حافظي عليها ولاتخلين الشيطان يفرق بينكم ويخليك تشكين في زوجك ادام الله عليك الستر والعافيه وردك الى زوجك ردا جميلا |
لم نفهم
كلمتي من على الماسنجر ؟ ومن اين تعرفي هذا الرجل ؟ |
اناهذااللي ابيه ياسويت بس زودها مرة وربي اكلمه مايرد واذا كلم هو اسلوبه بارد
تتوقعون تطول السالفه انااخاف اعصب واقول خلاص مابيك بجد يعصبني انامشكلتي عصبيه عكسه مية وثمانين درجه احس نفسي اجلس اركض وراه بجد ماني عارفه وش اسوي |
اقتباس:
وعلى فكرة هو اللي دعمني وشجعني على شغل النت بس اناااخطيت :( |
,
, أختي الكريمة إعلمي أنك عندما يمنعك زوجك من الجلوس على اللابتوب أو يمنعك من الجوال فإنكِ لن تأتيكِ المنيِّة يعني الحمد لله ستعيشين فهل المهم عندك زوجك أم اللابتوب والجوال ؟ الإجابه معروفه لأنكِ من كلامك تحبين زوجك وتعلمين أنكِ على خطأ .. ثم يا أختي الكريمه مسألة عباءة الرأس ..!! لماذا لاتلبسينها وتجعلين زوجك يفرضها عليكِ فرضاً ؟؟ مادام أنكِ تعلمين أنه يحب أن يراك تلبسين عباءة الرأس فلماذا لا تفعلين مايحبه زوجك ؟؟ زوج طيب القلب ولايقصر عليكِ بشيء وأحيانا يجعل على نفسه الديون لصالحك فقط اما مسألة لبس عباءة الرأس فهي من صالحك في الدنيا والآخره ومن صالح زوجك عندما يفرح قلبه برؤية زوجته تلبس العباءة التي يحبها .. فلماذا تحبين مضايقة زوجك من أجل متعتكِ انتِ وهو يحب مضايقة نفسه من أجل متعتكِ أنتِ وليس من أجل متعته هو ؟؟ الجواب معروف لأنه ربما إختار الزوجة التي لاتناسبه ..!! أختي أزيلي كل وسائل الشك في قلبكِ والتفتي الى زوجك وارعيه حق الرعاية فمثله قليل في هذا الزمن .. دلع وطيبة قلب وعدم تقصير ثم يجد منكِ الشك والتقصير وعدم الطاعه في لبس العباءة ....!!!! , , |
[color=#FF1493][font=Times New Roman]أختي الكريمة أهدئي المشاكل لا تعالج بهذه الطريقة
اما شروطه فهي صائبة وفي محلها ولا توجد اي مشكلة ارجعي له وقدم الاعتذار ولا تكرري خطأكِ معه مرة أخرى موضوع الاب توب ليس مهم اذا شعر بالاطمئنان اتجاهكِ سيرجعه لكِ والنقاب هو لصالحكِ ونحن نتمنى من كل بناتنا أن يلبسو هذا اللباس ويسترو محاسن وجههن |
اقتباس:
|
اقتباس:
|
الله يفرج همك مافيه احد مرتاح
|
اختي الطيبة
اسمعي هذه المقوله ( الانسان على ما عود عليه نفسه ) مسألة التعود كلها أشهر وستعتادين على لبسها هي ليست صخرة ولا مسامير ولا اعتقد هي صعبة لهذه الدرجة [color=#4B0082]أبشرينا وأفرحي قلوبنا اذا لبستي ما اراده زوجكِ [/:22:color] |
جزاك الله خير قهر :(
|
اقتباس:
بس الحين مااابي الموضوع يتغير للبس العبايه ابي اعرف وش اسوي معاه اتصل ولا مااتصل ارسل مسج ولالالا فكرت اروح له اناالبيت بس قلت ماهي حلوة ماادري ايش اسوي |
أرسلي مسج وقولي له يا حبيبي أنا ليس لي غنى عنك واعتذر عما بدر مني وشروطك محققه بلا تردد
وأنتظري منه الرد |
اقتباس:
|
لا أختي هو مادام فكر بوضع شروط فهذا يدل أنه يريد أرجاعكِ ولكنه يريدكِ تكوني بهذا الشكل ومنعه للجهاز المحمول
هو لاجل تفادي المشاكل في المستقبل وهذا لصالحكما انتما الزوجين هو رجل رزين وذكي في تصرفه لا تبالي هو الان يريد الاصلاح وسيرجعكِ لا تتسرعي الصبر مفتاح الفرج |
اقتباس:
جزاك الله خير |
لا شكر على واجب
لا تنسين العباية أهم شي هي هذه :d ويفضل نقاب ايضاً ههههه:22: |
اقتباس:
|
الله يسعدكِ ويذهب كل همومكِ يا أختي الحمد لله أذهبنا قلقكِ
اختي سيحبكِ أكثر اذا ما التزمتي بلبسها صدقيني يا أختي العباية للمرأة يعطيها أكثر وقار وهيبة بتعبيرنا تكوني ( رزه ) ههه لا تفتحي له موضوع ترك العباية سيشعر بالضيق لا تعكري عليه وتعكري حياتكم |
,
, أرسلي رسالة لزوجك وقولي له : أنا آسفه ماراح أكرر هالشيء وانا غلطانه فعلا وشروطك أطبقها من العين هاذي قبل هاذي يا أغلى إنسان بدنيتي .. ولكن ..!! أختي لماذا هذا الرفض للعباءة ؟؟ أنتي جربيها ولتكن نظرتك لها ليست سلبية ولا إيجابية يعني لاتقولين في قلبك أنا أكرهها وما آخذ راحتي فيها لا ولكن قولي أنا راح ألبسها من أجل زوجي وربي واجعلي الشيطان يخسأ أنا زوجتي عندما تزوجتها كانت تبكي اذا ذكرت لها مسألة البوشية أو النقاب ولكنها بعد شهر هي من قالت لي أريد ألبس البوشية لأنها علمت أن بها سعادتي وسعادتها في الدنيا والآخره مع أنها كانت تقول أنا راح أختنق اذا لبستها وما أشوف عدل والآن هي تحمد الله أنها انه منَّ عليها بزوج يحفظها عن أنظار الناس ويغار عليها كأنها ياقوته وجوهره ليست بهذا الرخص حتى يراها ( كا من هب ودب ) .. و هذه العقبات إنما يضعها الشيطان في مخيلت المرأة حتى لاتتستر وحتى تكون سلعة رخيصة لأنظار الناس .. , , |
مااقدر بجد انااعندي الحياه كل واحد يعيشها براحته والمشكله عندي مبدا ان الرجل مافيه فرق بينه وبين الحرمه
يعني قلت له راح تمنعني من الجوال انت بعد نفس الشي راح امنعك بس قهرني وجلس يضحك انااالحد الأن مااسكه نفسي للأأأأأأأأأخر بجد وماادوي اكبرهااا ويصير طلاق او زعل لمدة سنه او كم شهر لأن السالفه مااتسوى احس |
عباتي حاليا لاهي ضيقه ولا تلفت الانظار وباالعكس حتى لو نكون باالسوق اقول له ماااحب لبس هالعبايه اللي مرة ضيقه
يعني السالفه سالفة اقناع فقط اني مقتنعه بلبسي كذا ومرتاحه ليش يضغط عليي .. بجد حطو نفسكم مكاني يعني لوو واحد فيكم ماايحب يلبس شماغ احمر بجي اقول له لازم لازم تلبسه بجد هالتتصرف مااحبه لأني تعودت على اللي اسويه اكون مرتاحه فيه .. اناقلت له قبل يوم موافقه على شروطك بس الرجال يقول اتذكر السالفه .. ويزعل زياده .. وشرايكم انتم وش اسوي تتوقعون لو اروح له البيت انااا احسن ولالالا اجلس لين يجي .. وشرايكم |
اقتباس:
, ماشاء الله تبارك الله ..!! مادام أن الرجل والمرأه عندك سواء ونفس الشيء ومافي فرق بينهم ليش كبرتي موضوع زوجك وأنه يكلم بنات ..!! عادي خليه يكلم بنات لأن البنت نفس الرجل وهي تصير حبيبته في الله ..!! ماهذه العقلية ..؟ لو كل مرأة تنظر للحياة مثل نظرتك أنه كل واحد يسوي إلي يبيه ليش تزوجتي مادامك لستِ قادره على الحياة الزوجية ..؟؟ كل إنسان يعرف ويعلم أن الحياة الزوجية بالنسبة للمرأة لابد فيها من الاوامر والنواهي .. يعني إذا زوجك قالك ماتروحين بيت فلانه , أنتِ تقولين انت مب كيفك انا أسوي الي يونسني ويفرحني ..!! هكذا الطلاق أرحم لكِ وله لأنه لايوجد إمرأة في العالم وضعت رأسها برأس زوجها وأخذت تعانده إلا كان مصيرها الطلاق .. أختي هذه الحياة الزوجية تحتاج صبر , تحتاج طاعة للزوج للفوز بالجنه والتقرب الى الله فالزوج هو جنتكِ وناركِ الحياة الزوجية ماهي فلوس وطلعات ووناسه وعشا ولابتوب كأنها فسحة مدرسة الحياة أكبر من ذلك أنصحك تجلسين مع أمك وأبوكِ أو أي إمرأة كبيره عاقلة لتفهمين طبيعة الحياة الزوجية .. أتمنى لكِ الهداية والتوفيق في الدنيا والآخره والله يا أختي لم يخرج هذا الكلام مني إلا لخوفي عليكِ من مداخل الشيطان فهو يفرح اذا فرَّق بين الزوج وزوجته .. , , |
اقتباس:
ان شاء الله اخذ بكلامك :$ على فكرة هو مااااايكلم بنات طلع الرقم اللي شكيت فيه رقمه هوووووو بس لأني مسجلته جوالي مرتين مااايطلع عندي عرفتو السالفه الحين كيف |
اختي أهم شي لا تجعلو الشكوك تأخذ بكما وتعصف بحياتكما
أتسائل يا أختي لما معظم الذين تزوجو عن حب يحالفهم الشك ؟ هل تستطيعين تشرحي لنا شعورك ؟ |
شي طبيعي هاالشي اللي خلاني اشك ووووووربي اهتمامه الزايد باالجوال وقسم مهتم فيه بدرجه غير طبيعيه وربي
ومايخليني امسكه هذااللي شككني فقط |
مافهمت كيف اخ الجوال من يده :( تبيني اروح فيها
|
انت غلطانه ميه الميه
انا مع اخي ابوفلان اما عن الجوال ففي طرق كثيره تخلي يتعود يوريك اياه وليس بطريقه مثلي مثلك |
ابي رايكم اروح له البيت ولا هو يجي يااخذني
|
لا طبعا هو يجي ياخذك احسن
|
اقتباس:
ياليت تشرحي لنااالطريقه علشان الكل بستفيد |
,
, أختي أنا أفضِّل إنك تروحي له لأنك اذا صعدتي معه السياره لن تستطيعي حضنه أو تقبيله وسوف يكون الجو رسمي تماما بينما لو دخلتي عليه بالبيت فألقي نفسك في حضنه كأنك طفلته وحسسيه أنك لاتستغني عن حضنه الدافي وأنك نادمه على مافعلت وأنك اشتقت إلى قبلته التي تزيل الهم وهكذا يكون الجو مشحون بالرومانسية بدلا من الرسميات لأنه دائما بعد الزعل لازم أحد الزوجين يتنازل ويلطف الأجواء بالرومانسية وإلا كانت الأجواء رسمية جدا ويُفتح الموضوع مرة أخرى .. , , |
...
يا اختي موضوعك غير واضح انتي اتصل عليك رقم وشكيتي انه غريب اوكي وين المشلكة ؟ ليش فكرتي تعرفين من يكون صاحبه ؟ بصراحه ماني عارفه شنو اهمية هالشي بالنسبة لك اللي خلتك تطلبين من غريب انه يشيك عليه ..لانه الافضل الارقام اللي مانعرفها مانهتم لها ..هذي نقطة والنقطة الثانية.. ليش زوجك لما عرف الرقم جا يسالك ؟! وليش ربط اتصال رجل من شركتك فيه بانه موضوع شك منك فيه ؟! بصراحه كثير اشياء مو واضحه بمشكلتك لكن شروط زوجك مثل ماقالوا الاخوة وافقي عليها ولو انه ماله حق باغلبها بس مو مشكلة طاوعيه وسايريه اليما يهدا الوضع وبعدها ان شاء الله بيهون لانها اساسا مالها داعي وما الومك بسالفة اهتمامه بجواله لانه المفروض يكون فيه ثقة بين الطرفين وزيادة الحرص تزرع الشك وانا اتفق مع ام ولدها لاتروحين له الا اذا كانت غلطتك كبيرة وانا مافهمت القصة عدل |
يا أختي إنتي كم عمرك ؟ وكم عمر زوجك ؟
شوفي ياقلبي أنا بكلمك من خوفي عليكي ماراح أعيد كلام أخي أبو فلان لانه هو الصح بس بزيد عليه وأقولك قبل لاتتصرفي أي تصرف اصبري شوي وعدي من واحد لعشرة بعدها فكري بينك وبين نفسك عواقب هذا التصرف وش راح تكون ؟ هل التصرف هذا بيزعل زوجي مني ؟ هل التصرف هذا بيخرب علي حياتي ؟ بعدها فكري مرة ثانية وقولي .. هل هذا التصرف مهم ولازم أسويه ولا ممكن اتغاضى عنه ؟ وإذا كان مهم فكري كمان وقولي .. هل فيه بديل لهذا التصرف يكون أخف وقعاً ؟ ونفس الشي إذا جيتي تتكلمي مع زوجك .. اتبعي نفس الخطوات السابقة لااااااتخلي عصبيتك تخرب عليكي حياتك ولاتفرحي ابليس فيكم ياعسل لاتخلي للشك مكان بينكم .. الحرمة اذا زوجها تغير عليها تحس سبحان الله وانتي ايش كان منبع شكك ؟ مجرد حرصه على تلفونه؟ صراحة هذا مو مبرر ولاهو شي يخليكي تشكي بزوجك خلي الثقة هي الاساس ,, أما الشك فوالله بيدمر حياتكم ********** بالنسبة للروحة فانا انصحك بنصيحة أم ولدها + نصيحة أبو فلان روحي له ولا تروحي له بمعنى .. واضح انه زوجك من النوع اللي مايرضى بسهولة .. من النوع اللي لازم ياخذ وقته من دون ضغوط خارجية حتى يرضى واذا أحد ضغط عليه بيتذكر المشكلة ويرجع يزعل من جديد فأنا أنصحك تتركيه لحد مايهدأ .. اتركيه يوم يومين زيادة بعدها اتصلي فيه وشوفي كيف طريقة كلامه معاكي اذا لسه زعلان اعطيه وقته واذا حسيتيه رضى لاتقوليله تعال خذني اعرفي جدوله اليومي كيف بيكون .. والوقت اللي تضمني انه بيكون برا البيت زي مثلا لما يكون في العمل روحي بيتك وجهزي له مفاجأة من اللي يحبها قلبك جهزي البيت ورود وشموع وحركات وانتي جهزي نفسك بفستان سهرة بسيط ومكشوف حبتين والشعر اسدليه وحطي لك ميك أب حلو وجهزي عشاء على نور الشموع ولما يجي استقبليه بالاحضان وقوليله طال غيابك الدنيا ماتسوى من دونك ولاتجيبي طاري السالفة أبدا خلي كلامك كله عن بعده وشوقك له واذا هو فتح السالفة بوسي يده وراسه وقوليله توبة ماعاد اعيدها نار بعدك صعب اكتوي بها ثاني والله يوفق بينكم يارب ويسعدكم ولايشمت فيكم أحد يارب ********** همسة للاخ بحريني غلط اننا نربط الشك بالزواج عن حب الشك هذا طبع في الانسان ، أخت زوجي تزوجت زواج تليدي وزوجها شكااااااااااااااااااااك درجة أولى وهي يشهد الله مافي زيها في صلاحها واستقامتها ولا ازكي على الله أحداً ووحدة من صحباتي المقربات تزوجت عن حب والشك ماله مكان أبدااااااا بحياتها لاهي تشك بزوجها ولا هو يشك فيها يعني ماهي قاعدة ، وانما على حسب قناعات الانسان كل الود لكم |
اقولك مثال اختي الحبيبه
ممكن تمر فتره تتعمدي تنسي جوالك بالبيت وانتي بالسياره مثلا سوي نفسك لازم تكلمي حد معين امك اختك صاحبتك واطلبي منو اذا ماعرض هو بطريقه عفويه الجوال علشان تكلمي فيه وصيري تعبثي فيه كانك مو عارفه عالجهاز وطولي وانتي تستخدميه سو نفسك يوم مرررررره طفشانه وزهقانه واعرضي عليه نلعبي معاه اي لعبه شده اي شي والعبي معاه شوي وقوليله نفسي مفتوحه عالالعاب والبلاي ستايشن كاني طفله ما ادري ايش فيني وبيوم تاني العبي بالعاب جوالك وباليوم الي بعده استاذني منه بعفويه انك تاخذي جواله تلعبي بالالعاب مثلا بس خلي طريقتك عفويه مره وكانك مانتي متوقعه الرفض ابدا وان رفض لاتزعلي بس قوليله ليه انا اغراضي واغراضك وحده بس كيفك يعني كذا مثلا لاتبيني انو مهم عندك الجوال حقه ابدا وموفقه اختي هاذي الافكار الي جت على بالي الان وبالنسبه للعمر العمر مو بالزمن العمر بالخبره انا عمري 22 مين اكبر انا او انتي ؟؟ |
وفرصه الان هو مانعك من الجوال استخدمي جواله وخليه مركز استعلامات ههههههه
|
| الساعة الآن 05:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©