|
مليت من جد !!احس ببرود عاطفي
اخواني واخوتي بعد التحية
مشكلتي باختصار وبدون مقدمات وشرح ... هو زوجتي وهو اني احس في الاونة الاخيرة ببرود عاطفي غريب تجاهها سواء في مقابلتها لي او اهتمامها بأولادي مثلا : لازم اشرف على كل شي حتى لو كنت خارج البيت وقت نوم الاطفال احيانا ينام الاطفال بدون عشاء !! بحجة انهم لم يطلبو شي !! هذا بالنسبة للعيال ! وما بالنسبة لابو العيال ... خذ مثال اخر اذا اتيت من العمل واخذت ابني من مدرسته وجينا على البيت ...طبعا اذا حالفني الحظ وكانت قد صحت من النوم الساعة12 تبدأ بالشتائم لابني بأن يضع حقيبته في غرفته !!! اما انا ... حط رجلك غير ملابسك لايجيك شي !!! طبعا الله يحفظها توها صاحية من النوم ولكم تتخيلون كيف سيكون شكلها !!! طبعا انا اجلس من دون نفس من اللي يصير قدامي وما ان ادخل الغرفة حتى احس براحة من الخروج من هذا الجو !! طبعا اذا كانت الغرفة مرتبة بعد ما صحت حضرتها ثم اغط بنوم عميق بعد عناء يوم عمل !! بالله ارشدوني تراني طفشت وصرت اكره علاقة الحب معها واحيانا والله اكره انها تجلس بجنبي او تلمسني !!! واحس اموري تتجه للمجهول ] |
الله يصلح حالكم .. ان شاء الله تلقى الجواب من اهل الخبره
|
الله ياصبرك يا اخوي بس كلمها وقولها ايش الي يضيقك فيها وفي افعالها مع العيال والله في حريم ما يدركون افعالهم بسبب الضغط النفسي الي تعيشه من مسوليات البيت والزوج والعيال والله يوفقك ويهديلك زوجتك
|
ان من راي انك تاخذها على مكان هادي خارج المنزل ... وتصارحها بكل شي في نفسك
وتوضح لها انك كنت تحبها وان الشي الي يسير يقلل من حبك لها ومن ومن ... وان شاء الله ربي بيساعدك انك تتخطي مشكلتك...ويهديلك زوجتك |
اخوي لو زوجتك شايفه منك الحزم كان ما ترجع البيت الا وكل شي مرتب والغدا جاهز و حتى تسمعها تهمس بدون ما يرتفع صوتها و تصدر اوامر عليك وعلى ولدها .. لانها لازم تكون عارفه انك تعبان و محتاج للراحه ..
اخوي التفاهم والصراحه في مثل هذ الامور ضروري جدا .. لازم تنبهها على هذه الامور ..في نسوان تكون بليده .. ونصيحه للاخوات .. الزوج ما يحب الزوجه البليده اللي طوول اليوم نايمه و ما تشوف شغل بيتها .. و تكون مهمله في نفسها الواحد يتزوج عشان يرتاح ويستقر مو عشان يربي بنت الناس من اول و جديد .. |
يبدو ان التفاهم بينكما معدوم؟
أخي الكريم انصحك بأن تجلس معها جلسة هادئة وتطلب منها بكل لطف ما تراه مناسبا لبيتكم وبدون عصبية وبدون صراخ وبابتسامة تدل عن حبك لها. |
اذا كنت حريص على حياتك الزوجية وتحبها صارحها
لان فيه بعض الرجال مايصدق يمسك زله عشان يمسكها على زوجته وخلاص لانه مايبغاها ويبغى اي عذر !!! فنصيحة صارح زوجتك وجددوا العلاقة بسفر او طلعة ممكن تلاقون حل بالمصارحة يمكن هي بعد تحس نفس الشعور تجاهك وبالمصارحة يتضح كل شي |
السلام عليكم
دع الحب جانبا والحق بيتك قبل لا تروح فيهااا .. اتبع بالتدريج ما يلي .. 1 - الحزم والشده بالراي والتمسك به بكل صلابه .. 2 - اجلس معها ولا تكلمه عن الحب وما غيره بل كلمها عن الاولاد والبيت ...وماتريده بالضبط من لحظه دخولك وحتى خروجك للدوام من الغد .. 3 - صارحها بما يجب عليها وبانها مقصره ... 4 - زوجتك لا تسهر فهمت علي الا اذا انت سهران .. 5 - اذا عندك شغاله بالبيت الغاء خدمات وخروج نهائي.. 6 - اطفالك ينامون بدون عشااء ؟؟ الله يعينهم وهي امهم ؟؟؟ هذي مصيبه !!!!!!!!!! اخووووووووووي الحزم هو ما يزين الرجل نعم اقول لك اعطها حقوقها واحبها وكم هادئا معها لكن كل ذلك .. على جنب والحزم في كفه اخرى اخي اصدر الاوامر واشرف على التنفيذ وان لم يصلح حالها فصارحها وعاملها بجلافه قليلا .. واذا لم يصلح حالها فعليك بهجرها بالفراش.. اذا لم يصلح حالها عليك بالضرب الغير مبرح واحذر الضرب في الوجه والمناطق الحساسه .. اذا لم ينصلح حالها فاتخذ قرارك انت ؟؟؟؟؟ أسال الله ان يستر عليك ويهدي زوجتك .. |
صارح زوجتك اسلم لك ولهل وقد تكون زوجتك من النوع الحار الذي يريد كل اموره على اكمل وجه ويشيل هم لأي شي صارحها قد يوجد عندها اسباب لهذه العصبيه او تريد من يساعدها بالمنزل او الحمل عليها كبير صدقني لو صارحتها لعرفت الاسباب واصبحت كما تريد الله يوفقكم
|
بسيطه ان شاء الله
ممكن البنت ماهي متعوده على تحمل المسؤليه! أو انها تزوجت وهي صغيره!ومابعد تعلمت! حتى لو عندها اولاديدرسون,,يجوز او عندها ضغوط نفسية! احسن شي انك عارف ايش ناقصك!! هذا بداية الحل.. مثل ماقالوا قبلي :تصارحها بس باللين..مو بالحزم.. وتقدر تقول لها لو انتي مكاني ايش تتمنين الوضع يكون؟؟ أو تقول ترضين اني ادور الراحه برا البيت؟؟عند اهلي او اصدقائي مثلا؟؟ ((((باسلوب ))))) واذا مانفع الاسلوب: يجي وقت الجد والحزم (يعني تبين انك متضايق) واياك والتهديد!!!! اهم شيء تبين لها انك وفرت لها احد يساعدها بالبيت(الخادمه)عشان تتفرغ لك واذا مانفع الله يعينك |
اقتباس:
كفى ووفى اخوي سيف المهند على هذا الرد الرائع ما بقى لنا شي تحيتي لك |
أخوي اولا التمس العذر لها شوف نظام نومها اذا كانت تسهر على الاولاد تساهل معها مع محاوله لتغيرها في طريقه غير مباشره انك تصلح حالها وهي
في قعده سواليف قولها واحد من زملائي في العمل سيتزوج وانكم عارضتوا وانه ماله داعي تتزوج وانه قالكم ان زوجته مهمله في نفسها وفي عيالها وزوجها( وقول كل اللي متضايق منه ) وانكم قلتوا له اصبر وانصحها وهو قال مافي فايده . وعلق انه الله يعينه وانه سكتكم ولا قدرتوا تقنعوه واذا علقت زوجتك انهزميلك غلطان قولها هوغلطان لكن زوجته السبب هي اللي ضيعته منها وبكذا ان شاء الله بينصلح حالها لانها ح تخاف انها تخسرك والله يصلح حالكم ولاتوهم نفسك انك بديت ما تحبها اوتكرها اذكر محاسنها والواجبات اللي تقوم فيها وساعدها في المنزل اذا لم يكن عندها خادمه والله يسعدكم |
صاااارحها بكل مايضايقك ...
حتى لو تذمرت وثارت لكن بتحاول تتغير ... |
كل الشكر والمعزة لمن امتعني برده ورأية !!
وأضيف على ما قاله احد الاخوة في موضوع الشغالة هي الان مشغلتني تبغى شغالة وانا ماعندي الا طفلين فقط وانا ترا صبرت مافيه الكفاية زواجي صار له 11 سنة وماخليت قاصر عليها في ترفيهها حتى صارت ماتقتنع الا بالسفر للخارجوي مايملا عينها ديرتها!! ومشكلتها في الحوار عصبية وتقول يعني لازم تكون انت الصح دائما وانا الغلط ولاتتقبل المحاورة وتقلبها زعل وكأنها جلسة تصفية للحساب ، والله انا كرهت نفسي جدا ووضعي الان الحب شبه معدوم والله اخاف انه يتلاشى الله يستر وتتدمر حياتي !!!! |
اخوي خل احد من اهلها يكلمها مثلا امها او احد خواتها ينصحونها ويقول لها ان حياتها في خطررررررررر ..
|
أخوي إذا هي مش من الأول كذا معناها في شي غيرها
يمكن متضايقة ملانه طفشانة تعبانة صح ما لها عذر بس تصير مرات لازم تقعد معاها وتكلمها بهدوء بلا لوم ولا عتاب وأستفسر منها ليش هي متغيرة ومهملتك ومهملة اولادها وبيتها ......... وإذا ما جاب نتيجة خذ إجازة وغيب عنها أسبوعين ولا تتصل فيها وخلها تحس بغيابك و قبل لا ترجع رد على مكالماتها لانها أكيد بتتصل وقولها أنا مليت وأنتي ما تهتمين فيني ومن هاالكلام ....... الله يصلح أحوالكم يا رب ........... |
اقتباس:
اخووي ختومي2 سامحني على صراحتي لكن انت رجال ولازم تحملني بردي هذي المره .. اخووي اذا عرف السبب بطل العجب ..!!!!!!!!1 ((((((((((( زواجي صار له 11 سنة وماخليت قاصر عليها في ترفيهها حتى صارت ماتقتنع الا بالسفر للخارجوي مايملا عينها ديرتها!! ))))))))))) انت المخطأ هي لم تخطأ .. تقول لي كيف اقول ارجع لعبارتك و اقرأها ؟؟؟ اخي بارك الله فيك 11 سنه سفريات وكل شيء تبيه سم وابشري وهالحين... وتبيها بعدتقولك كلام حب ؟؟؟ ياخوي الله يصلحك الحزم الحزم قبل فوات الاوان... وحتى الحزم يبيلك .. 1 - الصبر.. 2 - نفس طويل علشان تنجح .. 3 - لان زوجك صعب تتغير 11 سنه متعوده تقولها نعم .. الان يبيلك تغير كل هالمفاهيم اذا تبي عيالك وزوجتك .. اخوووي اعذرني انت رجل ولا بد من الحزم .. اخوووووووي الحل بيد الله ثم بيدك الاراده ؟؟ حب التغيير؟؟ الحزم معها ؟؟ نعم لماذا كل طلباتها مجابه ..؟؟ اخووي النساء ترى يحبن كلمه لا احيانا كثيره.. يحبن يشوفن شخصيات ازواجهن رزينه وبنفس الوقت قويه .. اخووي الحق بيتك قبل لا تندم عليه.. زوجتك عادي عصبيه عصبيتها على نفسهاا انا ما اقولك زود المشاكل بس خلك هاديء وناقشها وصارحها قل وقفنا 11 سنه كلها سم ونعم وماشفنا شيء.. الان يابنت الناس ابي كذا ووكذا وكذا وسفر السنه هذ مافيه ومن هالكلام .. ياخووي قو شخصيتك وافرض سيطرتك على بيتك.. اخوووووووووي اسف اسف اسف جدا اذا ضايقك كلامي بس ابي منك تسامحني اذا ضايقتك وبقولك شيء ترى من حرصي عليك اقولك هالكلام... وابي منك الله يستر عليك تعيد قراءه ردي السابق والحالي ...جيدا.. اخيرا التغيير لن ياتي بيوم وليله فزوجتك تعودت على هالحال 11 سنه التغيير يبي صبر ودعاء ونصح وتوجيه واتباع سياسه الحزم مع اللين والحب.. الله يوفقكم ويهدي زوجتك .. السيف المهند .. |
اخى ختومى هذه سحابة صيف وتعدى كل المتزوجين يمرون بمثل هذه المشاكل التى اعتبرها نتيجة طبيعة للروتين والراتبه ,حاول ان تجعلها تنشغل فى شى يجعل لحياتها معك معنى حاول ان تاخذها بعيد عن جو البيت والاولاد فى اسبوع او حتى يومين تجدد فيه نشاط وحياتك الزوجيه معه فى فندق وكل واحد يدرى بظروفه لكن واضح انك تمر بمرحله صعبه حتى ان نفسى مررت بها اسمع كلامى وجرب
اخوك حالة خاصة |
اكيد فيه شي مقصر به انتبه المره ماتهمل زوجهاااا الا اذا به شي
وا اكتشفت شي مهم عنم صارحهاااا بالحقيقه |
| الساعة الآن 03:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©