زوجي يبيني اسافر معه
 

السلام عليكم ورحمة الله وبركاته
انا ابي رايكم في موضوع محتاره فيه
زوجي يبي يسافر مع زوجته الاولى للعلاج وطلب مني اروح معهم وانا محتاره علشان عيالي واصغرهم بنوته عمرها سنه ونصف وقال خليهم عند اخواتهم يهتمون فيهم اللي هم بناته من زوجته الاولى وانا قلبي مع بنتي الصغيرة مدري انا اقدر افارقها والا لا وبنفس الوقت ودي اروح معه لانه العام الماضي سافرو للعلاج وانا ماودي اعيد ايام الهم بصراحه نفسي تراودني اروح خاصه ان احنا بنرجع خلال اسبوع او اسبوعين

أفضل شي انك تستخيرين :)

يمكن زوجته الاولى تتضايق من سفرك معها

خاصه وانها ذاهبه للعلاج وقد يؤثر على نفسيتها وجودك .. والله اعلم

نصيحه استخيري

عروب انا وزوجته الاولى مثل الاخوات يعني بيننا اتصالات وزيارات
لكن زوجي الان هو الاهم يمكن ماطلب مني السفر معه الا انه بحاجتي والا انا غلطانه

والله مافهمت من سؤالك منهو الي رايح يتعالج

اذا زوجك الي رايح يتعالج روحي طبعا بعد الاستخاره

واذا زوجته هي المريضه والي رايحه تتعالج لاتروحيييين تخيلي نفسك مكانها صعبه والله

لا يا اختي مهمها كانت علاقتكم ببعض تضل الغيره

ووقت المرض الانسان يحس نفسه منكسر واصلا هي محتاجه زوجها هناك يراعاها ويداريها مو ينشغل بوحده ثانيه

نصيحه لاتروحين

الله يشفيها وييسر لكم ويتم عليكم علاقتكم ببعض ومحبتكم

افعلي ما يرضي ربك0000 ثم ما يرضي زوجك00 وما يطلبه منك في الحلال00

ولا تنظرين لإشياء اقل من ذلك000

الأهم00 فالمهم00

الله يجعلك قرة عين لزوجك000

والله انا عن نفسي ابغى اروح لكن الشيء اللي محيرني هي طفلتي الصغيرة مدري كيف يكون وضعها بدوني هذا اللي اقصده وبالنسبه للعلاج ماهو زوجي المريض المريضه زوجته

طيب ..

وش رايك تحطين بنتك عند امك او اختك أأمن عليها . ؟؟

..
كم يوم راح تقعدين اذا سافرتي .. ووش يمنع اذا اخذتي بنتك الصغيرة معكم ؟؟

واذا كانوا بنات زوجك كبار ويقدرون يهتمون ببنتك خليها عندهم ..

وقبل ما تسوين اي شي استخيري .. لانه ما خاب من استخار ..

مشكورين على الردود وانا بستخير والخيره فيما اختاره الله

طيب الرحله للعلاج وشوله ياخذك معه ما فكر في ها الضعيفه المريضه الي رايحه تتعالج وتشوف زوجها معك مهما كنتي مقربه منها تبقين ضرتها وهو الله يهديه يعني ناوي ياخذ غرفتين المريضه الي محتاجه وجوده بجنبها ابغرفه الحالها وهو وانتي ابغررفه الله يهديه بس الرحمه الرحمه ارحمو من في الارض يرحمكم من في السماء اقلبي الوضع لو انتي مكانها وش بيكون شعورك حزتها

قهههههر
زوجي اهم من كل شيء

ما شاء الله تبارك الله خوات الله يديم عليكم السعاده

امنيتي اتزوج ثنتين ويصيرون مثل الخوات امووووووووووووووووت حب كذا

المهم اختي استخيري

واذا كان خوات بنتك راح يهتمون فيها خليها معهم ومنها تكوني مع الزوجه الاولى في مرضها و بقربها بجد ترى كذا يزيد الحب اكثر بينكم

طاعة الزوج فيما يرضي الله من علامه الايمان واتباع لما قاله النبي عليه السلام في الحديث ( لو أمرت احد ان يسجد لاحد

لامرت المراة ان تسجد لزوجها ) او كما قال عليه السلام . سؤال :

طلب زوجك بالذهاب معك هل ترينه لسبب , هل وضح لك السبب طبعا هذا السؤال للاحتياط ؟ اما بخصوص الطفله

اذا كانت ترضع حليب صناعي فتوكلي على الله ( لانك اقدمتي على عمل واجب لزوجك والله لن يخيب ظنك .

بنتي ترضع صناعي وترضع من صدري وقت النوم فقط

مشكور كلام ناس فاهمه