لأصحاب الخبرة ساعدوني ( زوجي ينفر مني ولا يحترمني ويستحقرني )!!
 

السلام عليكم

كيف حالكم اخواني واخواتي الأعزاء
ارجو ان تساعدوني بخبراتكم يا اصحاب العقول النيره
دخلت قسم المشاكل المحلوله وكبرتوا في عيوني يا اعضاء هذا المنتدى الله يوفكم ويزيدكم تعاون وأخاء

هذول الاخوان والا فبلا
ساعدوني ويارب تنتقل مشكلتي في هذاك القسم ادعولي

هذي مشكلتي
انا في حيرة من امري ما أعرف لماذا
ألاقي ألمعاملة هذي من زوجي وحبيبي الي هو كل حاجه في حياتي
أحبه ولطيفه معاه واحاول اسعده بما املك وهو لمن يزعل مني يصبح يكرهني ويصبح مثل الحجره مايرحم ويعاملني اقسى معامله ويحاول يهنيني
ويقول انا ما اجبرك تكوني زوجه لي
ويقول انتي ماتعامليني كويس وفيك وفيك وفيك ... الخ
مع اني باقصى ما عندي احاول ارضيه واسعده واعمل المستحيل عشان يدري اني احبه من الكلام ومن حركاتي في بيتي وفي لبسي والبطاقات والمسجات

هو في الوقت لمن يكون مبسوط يعاملني كويس بس مايرد علي احيانا اذا حكيت له سالفه ويكره سوالفي معاه احس انو يتمنى يسكتني اذا تكلمت احيانا
ما ادري ليش
احسه يستثقل مني اي حاجه
سوالفي ومشاويري
غير كذأ هو يزعل مني لأتفه ألأسباب
ماتصدقوأ لو قلتلكم انو يزعل على حاجات بسيطه ماتزعل ولو زعلت منه على حاجه قلبها علي ومستحيل يعتذر مني لو كان ايش ماصار
اذا زعلت منو على اهانه وجها لي يزعل مني ويهجرني مايكلمني
ابغى احس انو مهتم فيني ويعتذر مستحيل يسويها

وارجع انا اعتذر منه واجي لعنده واراضيه بكل حنان واذا قلت انت اخطأت علي يعصب مني ويرجع يزعل
احس انه يحتقرني ومستخف بي
ويشوف انو اكبر من انوه يعتذر مني
مايحترمني حتى اذا طلبت منه مشوار
يشوف ان طلباتي ماهي ضروريه مع انه يوصل زوجته الاولى ويشوف طلباتها ضروريه وانا يشوف ان طلباتي ماهي لازمه
ابغى اعرف هو ليش كذا يعاملني وانا ما اقصر معاه بحاجه

مع العلم ان عندي من العمر 19 وحلوة واتجمل له كثير ومرحه معاه واضحك معه كثير وانصت لسوالفه ولا احب اضغط عليه بطلباتي
وزجته الاول عندها 39 وهو عنده 41
ويحب انو يقعد عند زوجته الاولى وانا يكره القعده عندي ادرس في الجامعه واكره السكن الجامعي وهو يشجعني عليه ولا يشتاق لي يحب حتى في الاجازه اني اروح عند اخوي
ومايبغاني احمل وانا ما تزوجت الا عشان زينة الحياة الدنيا الاطفال


اتمنى اجد عندكم المعونه والحل لمشكلتي

على فكره انا حملت مع انو مايبغاني احمل وجبت ولد بس للأسف ابوه مايحبه مثل مايحب ابناءه من زوجته الاولى


وعلى فكره ثانية انا همي مو دنيوي الحمدلله بس ابغى اعرف ليش البني آدم مايقابل الاحسان بالإحسان

ليش تزوجتيه بالاساس لما شفتيه متزوج وانتي عمرك 19 واهو فوق ال40 ؟

يظهر يا اختي انه ندم على زواجه منك لا تظغطي عليه عشان ماينحاش منك هو تزوجك على زوجته عشان ينحاش من الاطفال والمشاكل مو عشان تجيبيله عيال ويواجه نفس المشاكل لبي طلباته ولاتناقشينه دامك رضيتي بحياتك من بدايتها

إلى الأخت ضياء ...من قصتك الواضح انو صار لك أكثر من سنه متزوجه ...كيف كان زوجك فترة الخطوبه يعاملك..وعلى أي اساس وافقتي تتزوجي شخص اكبر منك ب20 سنه ... مع العلم انو الزواج الثاني مخاطرة انت اقبلت عليها والاسباب مو واضحه ..تقولي يحب زوجته الاولى ..أجل ليش تزوجك .....فهمينا اكثر ..الله يرضى عليك

لاتلوموني على الزواج منه لأنه اغرى ابوي بالفلوس

يعاملني كذا من قبل ان انجب الطفل

وكان يعشقني بجنون اول ايام الزواج استمر شهرين وبعدها بدأ عليه التغير

ليش ماقلي قبل الزواج ما ابغى اطفال هو كان يظهر انو عادي عنده اني اجيب اطفال

والله قصتك احزنتني .. طيب يااختي يعاملك كذا من قبل انجاب الطفل .هذا يعني

ان الاحتياط والانتظار كان ضروري .. ماعلينا ....قدر الله وماشاء فعل .

ومادام الطفل اتى ربي يخليه ليكم ويقر عينك فيه . فعليكي بالصبر وطولة البال مع

الدعاء لله تعالى وكثرة الاستغفار . فرج الله همك

حاولي تخلي والدك يكلمه بطريقته ليحنن قلبه عليكي ويقوم بحقك وحسن معاملتك

بشكل غير مباشر :اي انه راى ابنته غير سعيده ..ومتكدرة ومن هالحكي .. لعل ذلك

يجدي نفعا ..حسبي الله ونعم الوكيل

اعتقد انو تزوجني شان زوجته كبير وهو يبغى بنت صغيره وهو قال لي قبل الزواج انو يقدرها

بس انها افتقدت نظارة الشباب

شكرا ع النصائح اختي

بس ابوي اتوفى الله يرحمه

على فكرة هو مش سيئا دايم لكن مثل ماذكرت لكم في اول الموضوع لمن يزعل واحيان يهمشي وسوالفي

يعني هو يخاف الله فيني بس احس انو يكرهني ومايحب يقعد عندي

وبرضو مايحب ابني مثل مايحب ابناءه للزوجه 1

انتي قلتي يااختي ...احس ..انه يكرهني ..يعني هذا احساسك انتي وقد تكوني

مخطئه في هذا الاحساس ..الكره كلمة كبيرة جدا وثقيله ..شيليها من راسك

وطالما انه يخاف الله فيكي فهذه والله نعمة . ومن يخاف الله فيكي لن يكرهك هكذا

بلا سبب .. ربما يااختي تكون كل هذه اوهام .. لاتخلي الفكره تسيطر على حياتك

لذة عشق
معاكي حق
عشان كدا انصح كل زوجة ثانية تاخذ منشط قبل ليلة الدخله عشان يبين هو يحبها ولا يحب نفسه

بس انا الحمدلله مو كدا قعدت معاه وقت طويل بدون اطفال ولا فكر يفرط فيني بس واضح انو مايحبني

في هاذي المسألة يفرق من يخاف الله ومن يخافه وبرضو اللي عنده ضمير غير





صحيح كان بيفرط فيني لكن مش من غير سبب

وهو قلي بنفسه ان الابناء يربطون الزوجه عند زوجها غصب

اختي يمكن انتي تتوهمين أنه يكرهك وهو يمكن يشوفك لسى صغيرة ...
حاولي تتكلمين بأشياء يحبها ولا تحاولين تجيبين سيرة زوجته الأولى وأولاده حتى مايتضايق من الجلسة معك...

قلت كذا قبلك بس ليش يبغاني اقعد في السكن الجامعي ويتخلص مني

ماعمري جبت سيرتهم على لساني الا بكل خير

سؤال انتي صارحتيه عن الي يدور براسك؟ يعني قلتيله عن احساسك بفتوره تجاهك وشو كان رده؟

عزيزتي يمكن زوجتة الأولى منكده عليه حياته عشان كذا هو حس أنه تندم على هذي الزيجة موعشان تفريط فيك بس يمكن وجد أن مسؤولية بيت ثاني حمل أكتشف أنه صعب عليه لأن للأسف بعض الرجال يتزوج وبعد مده يبدأ يتغير لأنه عرف نفسه مو قد مسؤولية زوجتين وحسب خبرتي يمكن زوجك يبيك وصاير بين الغار والنار لأن التضحية بأم العيال صعبه!! وفيه سبب أخر يمكن أنتي أفرطتي في تدليله وزوتيه معه وفيه بعض الرجال مايحب كذا يمل خلي دلالك له معقول تغالي شوي بدون ماتنقصين في حقوقة وخدمته باين من صغر سنك أنك تبدعين معه بس بعض الرجال أقول بعضهم وفي هذا السن يكون ثقيل شوي وبعضهم يكافي مرهقة متأخرة لاتكثرين عتاب له خليه على راحته قومي بخدمته أشغلي نفسك بدراستك وطفلك وأبعدي عنك فكرة أنه مايحب ولده مافيه أب مايحب ولده أو يفرق بين أولاده الا رجل مايخاف الله

واحد بعمر ابوج الله يرحمه شو تتوقعين الشي المشترك اللي بينكم ؟؟؟ ولا شي

هو بعده يحسج انج صغيره وسوالفج ما تناسبه عشان كذا مايحب يسمع منج .. وهذا مب معناه انه يكرهج

بس شكله متندم ..

الله يعينج اختي ..

اختي وانا اسفه على كلمتي..


الزوجة الاولى يحبها اكثر منك.. لانه صاحبة تجربة ورفيقة درب.. وقريبه منك.. وتفهمه بكل شئ..وهي الاقرب لقلبه..وهي يتعبرها زوجته..



ولكن انتي اعتذر على هذا الكلمة(( مجرد نزوه)) اشباع لغرائزة وشهوته.. وعندما اكتفى تركك..هو اشتراك بماله..


هو لايريدك زوجه بل وعاء تتفريغ الطاقات..


فروقات العمر كبيرة جدا.. بينك وبينه.. لا اعلم على اي اساس وانتي صغيرة قبلتي به زوجا..


اختي الكريمة..

((ان الله لايغير ما بقوم حتى يغيروا ما بأنفسهم..))


ابدأي الان باللجوء الي الله سبحانه وتعالى.. والصلاة والدعاء الدائم ان يحنن قلبه عليك.. ادعي الله انه ييسر لك الطريق..


حاولي ان تتحاوري معه بمنطق العمل..في خطابك.. هو رجل كبير بالسن وعقلاني.. هو ليس شاب رومنسي.. يفهم لغة الحب والغزل.. هو كبير..

الله يعينك اختي...والله حالتك صعبه...الله يعينك....

حبيبتي اكثري من الدعاء والتظر ع والتصدق باصغر الاشياء ...

اهم شى اختي لاتحملين ...بطفل ثاني لانك منتي ضامنه حياتك معه....

ويكفي ظحيه واحده

والله يوفقك