أبرة الظهر .. عاااااااااجل بليز
 

السلام عليكم ورحمة الله وبركاته


عساكم بخير أخواتي جميعااااا ... والله إني أحبكم في الله ، الله يسعد كل أهل هالمنتدى الطيب وينولهم مبتغاهم في الدنيا والآخرة ....

وعادت إليكم عاشقة الرياض بعد أحلامها وكوابيسها كما هي بعد أن أنتهى تاسعها ولا تطور يذكر... ادعو لها بتعجيل الفرج ..

سؤالي :

إلى أخواتي المجربات لأبرة الظهر :

هل هناك فحوصات أو اختبارات للظهر أو الأعصاب لابد من عملها قبل يوم الولادة في المستشفى لكي تحصلي على هذه الأبرة ؟ اقصد من تقرر فجاءه أنها تحتاجها هل تعطى إيها أم لابد من اشياء أخذها بعين الاعتبار تكون مسبقا ؟؟

أرجو التوضيح من أخواتنا المجربات تكفوووووووووون ولكم مني أحلى الدعوات الله يسر فؤاد كل وحده ترد علي بكل ماتتمناااااااااااااه آآآآآآآآآآآآمين ...

دمتم بوووووووووود .. عاشقة الرياض

شوفي حبيبتي انا ألي أعرفه وسمعته أنه فيه تحاليل تجرى لك من قبل يعني اذا كنتي ناويه أو تفكرين تاخذينها تسويين فحوصات احتياطيه وتخليها بملفك

وأذا أحتجتيها أو بغيتيها تطلبيها هذا ألي أعرفه حتى أنا كنت أفكر آخذها بس صدقيني بدونها أحسن لما فيه من اجر فبما تعانينه من آلام وفيها احساس بالأمومه أفضل ماأحلاها من لحظه لحظة خروج البيبي الي تنسيك كل الآلام ألي شفتيها وسمعت كثير يحذرون من مخاطرها

بأي شهر انتي ؟

الله يسهل ولادتك وولادتي وولادة كل حامل

ام الامورة .... الله يسهل علينا وعليك يارب
ب10

هل انتي بكرية ؟

تتكلمين بتفاؤل وردي الله يزيدك من نعيمه

لأ حبيبتي مش بكريه الأخت مجربه الولاده عشان كذا فكرت آخذ الأبره:d
لكن أحس أني ماأستحق أكون ام أذا ماتحملت آلام الولاده

الأمومه أجمل شي بالدنيا عشان كذا لازم الواحده تتعب عشان توصلها هذي وجهة نظري

وانتي بكريه ولا لك تجربه سابقه؟

يعني أنتي دخلتي العاشر وبعدك ماولدتي؟

بكم تعديتي موعد ولادتك ؟

وماتحسين بأي أعراض ولاده؟

الله يعينك على أسألتي بس أعذريني الأخت حامل وتعرفين الواحده لما تكون الواحده حامل ماتصدق تلقى أحد يثرثر معاها
خاصة فيما يختص بالحمل والولاده:p

هلاااااااااا وغلااااااااااااااا ام الامورة ...

أنت وثرثرتك على قلبي أحلى من العسل ..

نجي لأسئلتك ... يس انا بكرية ، يس تعديت الموعد بكم يوم بس ، وللأسف مااحس بشئ الا اكتئاب وهم وخوووف ..

وودي بالابره لكن اذا اكيد لازم فحوصاتها حتكون عند دكتور التخدير وانا مستحيل اكشف عن رجل :(

الله يفرجها من عنده ..

ياحي ياقيوم برحمتك استغيث
ياحي ياقيوم برحمتك استغيث
ياحي ياقيوم برحمتك استغيث

زماني يازماااااااني ....

نورتينا بإطلالتك غاليتي ...

دلله يسهل ولادتك ويجعلها اقصر وأهون مما تتمنين وجميع الحوامل يارب ..

بالنسبة لشاي النفاس تشربينه اذا بدأ الطلق والا من قبلها بايام؟

وبالنسبة للبخور هذا ايش الفايده منه؟ هل هو يفتح الرحم ؟ ونفس التساؤل السابق متى ينعمل إذا بدأ الطلق أم قبل؟

ياليت وحده مجربة تتكرم وتدلي بدلوها ...
اذا كانت عملت فحوصات قبل يوم الولادة خاصة بهالابرة؟

وهل تنصح فيها؟ وهل أثرت عليها بأي شئ سلبي ؟

بددي خوف الكثيراااات بإحتسابك الأجر وذكر تجربتك ,,,,,,,,,,,,,,,

وفقكن الله جميعا وأقر أعينكن بصلاح ذرياتكم,,,,

خلاآآآآآآآآآآآص حبيبتي هانت كلها كم يوم ويصير هاليوم ذكريات ومو ضروري تحسي بآلام ترى ألم الولاده يجيك فجأه بدون مقدمات

يعني الحين قاعده على النت يمكن مايجي بكره مثل هالوقت ألا وبنتك أو أبنك بين يديك وتقعدين تتذكرين ألي كتبتيه اليوم وتضحكين

مثلاً أنا بولادتي الأولى تعديت الموعد بأربعه أيام وجاني أكتئاب فظيع والحين لما أذكر هذيك الأيام أحسها من أحلى أيام عمري

توكلي على الله وأمشي وكلي تمر لأنه يساعد علىالولاده ويحرض الرحم على الطلق أنا لما آكل التمر هالأيام يجيني طلق على طول حتى أني خفت ووقفته حتى يجي وقته وامشي كثير والله يهونها عليك

بعدين أنتي ورماني زماني ليش ماتشاركون معانا بتجمع المواليد صدقوني راح ترتاحون وتنسوون الكآبه كل ماحسيتي بشي او ضيق تعالوا هناك وراح ترتاحون لان فيه أخوات هناك منهم البكريات وهم الأغلبيه ومنهم المجربات

تحطين كل ألي بخاطرك هناك أتمنى أني أشوفكم هناك

وبشرينا عنك أذا ولدتي بأنتظار آخر أخبارك

ايه ياقلبي شاي النفاس قبل الطلق بأيام يعني من دخول التاسع لانه يساعد على تحريض الطلق وتسهيل الولاده بإذن الواحد الأحد أما البخور يفتح الرحم والافضل اول ماتحسين فيه الم طلق تبخري فيه وبتدعين لي بس عاد لازم تبشريني. وبالتوفيق

زماني يازماني ......... الله يرضى عليك ويسعدك ويسهلك أمورك كلها شكرا لتفاعلك ....
حفظك الله لمن تحبين وحفظ لك أحبابك .



أم الأموره ......... الله يفتحها بوجهك ياكريم ويسهلها عليك كلامك درر توسع الصدر.....
حفظك الله لمن تحبين وحفظ لك أحبابك .

السلام عليكم ورحمة الله وبركاتة
الله يسرلك ويرزقك الذريه الصالحه شوفي عيوني أنا وقت الولاده لمن صار الرحم 10س شفتهم أعطوني أبره بس ماأدري حقت شنو وقت خروج الجنين(مجودي)ماحسيت بألم وحسيت نفسي أنام وأصحاء وبعدها برضو أنام وأصحاء وسألت الدكتور عن النومه قلت أيوه معطينك أبرةبس الحمد لله مرت على خير حتى اليوم وبرضو فيه زي الأكسجين يخفف من الطلق حاولي تطلبينه بس أنا ماتحملته صراحه

هلااااا وغلاااااا ام امجد ....


اعطوك الابرة بالظهر او بالوريد أو وين ؟ ممكن تكون مسكن وممتاز اذا خفف عنك ..
وإذا كنت من أهل الرياض بأي مستشفى ولدتي؟ وتتوقعون دلة يعطون هالاشياء ولا حذرين؟

الله يخفف عنا وعنك كل ما اهمنا يارب والمسلمين اجمعين .

السلام عليكم اختي
انا جربت هذه الابره مرتين بس بره السعودية وبصراحه مرررررررره مريحه وماتحسي باي شي تركزي بلولاده وماعملولي اي فحص قبل مااخذها بس انا طلبتها منهم قبل الولاده في المواعيد العادية اثناء الحمل عشان يحطوها بالملف , وزوجة اخوي كانت رافضة تاخذ الابره حتى اخر لحظه بس ماقدرت تتحمل الالم فطلبتها في الولاده وعطوها الابره وارتاحت عليها وهي في السعودية بس مو في الرياض . الله يسهل ولادتك يارب .

تولدين بالسلامه

انا متل ما بسمع انها ما بتسبب في اي شي مرت اخوي اخدتها والحمد لله رب العالمين هيها متل لحصانه ربنا يحميها ويعطيها الصحه وانا متل ما بسمع انه لازم الي بعطي الابره يكون متمكن لانها بتنعطا في الظهر

وربنا يتمملنا على خير ويسهلها علينا يا رب

اهلين فيك أنا مو من الرياض بس الأبره مو في الوريد كانت الدكتوره جنبي بس ماأدري فين أعطتنيهاأو يمكن مع المغذيه حطوها والله ماأدري الله يسرلك إن شاء الله

الله يهون عليك ويسهل عليك....
ليس لدي علم بس حبيت ادعي لك..

كل الي اخذوها من الي اعرفهم يشتكون من الم الظهر بعدها

الله ييسر لك اختي ويهون عليك

وبعدين الي اعرفه انه وقت الولاده يسحبون المخدر علشان تساعدينهم بالدفع فساعتها تنتقلين من الاشعور الى قمة الالم:d

الله ييسر ولادتك اختي

هلا والله عاشقة الرياض من زمان وانا اتابع كتاباتك عن حملك وماتسنى الي ان ارد عليك

انت بكر عادي تتأخرين انا تأخرت اسبوعين عن الموعد المحدد

انا اخذت اابرة الظهر وانا بكر مايحتاج فحوصات ولاشئ والامر سهل ولاتشيلين هم

كل اخوات رجلي اخذوها وكل معارفي اخذوها ولا راح تحسين باذن الله الا الم بسيط جدا بالمنطقة_------


انت اطلبي الابرة وراح يجيك دكتور ويسالك اسئله ويشوف علشان ممكن عندك حساسية ولاشي فياخذوا احتياطهم

وبأذن الله راح ترتاحي وتراهم مايسحبونها الا بعد مايخلصون الخياط يعني حتى الخياطه ماراح تحسي بها وبعد الولاده التقلصات اللي تجيماراح تحسي بها لانك في تأثير المخدر

بس فيه شئ لازم في النفاس تهتمي بالاكلات والاعشاب عشان تقوي ظهرك خصوصا الحلب وراح يزول كل الاثار بأذن الله
لاتخافي ترى العلم تطور وانا كنت زيك

وريحتني كثير

انا في الرياض في مستشفى الحرس واي خدمه من عيوني

ام ربيعة

السلام عليكم يكولون اسال مجرب ولا تسال حكيم
بس ما اعرف ينفع بها الحالة السؤال ولا لا
انا جربتها مرتين الاولى بالبكر وطبعا بعد صراع من الالم شلت المستشفى فيه شيل وحطيتها:22:
واتوسلت بية الممرضة:20: وانا من الخوف عن الي سمعتى عن الابرة ارفض واكول لا انا اريد اولد طبيعي :18:
وفي الاخر رظخت للامر الواقع وقبلت من دون اي فحوصات عطوني الابرة وكالولي روحة بلا ردة:16:
وكل الالم راح وكانو ما عندي حالة ولادة اضحك لهذا وذاك:14::15:
بس بالمرة الثانية انا الي طلبتها وهم الي رفضو وكالو اولدي طبيعي:11:
وبالثالثة اضطرو ينطوني الابرة من الالم الفضيع الي صابني وخافو مني لا اشيل المستسفى شيل مثل المرة السابقة:19::d
ومر الامر بسلام وعشنا عيشة سعيدة والحمد لله
ملاحظة كانت الحالتين لما رزقت بالاولاد اما في البنت فكانت الولادة سهلة مرة ما مثل الولد ما اعرف الكل هيج الا بس اني
يعني اقصد هل ولادة البنت اسهل من الولد ولا لا