|
صديقه عمري صدمتني
تعرفت على صديقتي من 15 سنه صداقه اسرار ضحكات كانت اقرب صديقه لي بعد ان تخرجنا من الثانويه ولم نتمكن من دخول الجامعه كنا ننتظر الزواج بفارغ الصبر فجئه جاء نصيبنا مع بعض هي خطبت قبلي وانا بعدها بفتره بسيطه كنا سعيدتين ولكنها اقل سعاده مني لان الزوج لم يكن هو طموحها ولم يكن هو من كانت تحلم به تزوجنا وتزوجت هي قبلي باسبوعين
بعد خمسه اشهر اصبحت انا حامل وانجبت طفله اما هي فلم تحمل كان زوجها يتمنى ان تحمل وكان هاجس الحمل مصيطر عليها هي وزوجها لمده ثلاث سنوات وهي تراجع في الستشفيات وتبين ان عندها ارتفاع في الهرمونات عالجت وبعد ان ملت من العلاج اتجهت للرقيه الشرعيه كنت دائمان ادعو لها واطلب من اخواتي ووالدتي ان يدعون لها وعندما اذهب للعمره ادعو لها وفي رمضان ادعو لها لم انسها من الدعاء ابدا صديقتي منذ السنه الاولى من الزواج تغيرت علي كانت دائما تنتقدني وزوجها يتكلم عني بشكل سلبي مثلا انا كنت اتمنى ان اخذ دبلوم في اللغه الانجليزيه ولكني اجلت الموضوع الى ان تستقر صديقتي في العاصمه لان زوجها يشتغل شمال المملكه كنت اقول لها ياريتك في العاصمه كان نطلع مع بعض لكل مكان بعد ماانتقلت صديقتي للعاصمه انا كنت انجبت طفلتي وانشغلت معاها فكانت صديقتي كل ما طلبت مني ان نخرج للنزهه اعتذر بسبب الطفله ومره قلت لها وش رايك كل اسبوعين نتواعد برا نطلع نتمشى مع بعض قال مافي امل اصلا انتي ماعندك الا الكلام حتى زوجي يقول هذي صديقتك الي ازعجتيني فيها كل يوم تصرفك وتطلع لك اعذار سخيفه قلت والله انتي ما جربتي يكون عندك طفل وبعدين اهلي بعيدين عني وين احط بنتي انا تضايقت منها لان كل شي تقوله لزوجها واي شي يقوله زوجها تقتنع فيه لانها لو مو مقتنعه بكلام زوجها كان ما وصلت لي الكلام انا والله زوجي يعرف انها صديقتي من سنين بس حتى اسمها وعايلتها مايعرفه ولا عمري تكلمت عنها الا لما سوت عمليه المهم حسيت ان زوجها دايما يحب ينتقدني وهي راضيه وعاجبها المهم مو هذي المشكله المشكله انها تبي تحمل باي طريقه ومن كنا في الثانوي كان ولد عمها يبيها نفسه يتزوجها بس هي ما تبيه وب بعدي كانت عينه فيها حتى انها دايما تحلم فيه احلام مزعجه وتقولي ودها تاخذ غساله قلت اعزميهم وخذي من غساله صارت تقراء وتدعي المهم انا لما شفتها كذا حزنت عليها وقلت لها اذا تبين تاخذين مني ترا ماعندي مانع ولو تبين من اهلي بعد جبت لك وترا ماراح ازعل جتني في البيت وعطيتها تشرب ولا زعلت لكن للاسف ما قدرت الشيء هذا وبعدها باسبوع عزمت ولد عمها واخذت منه بعد وهي في الفتره هذي كانت تقراء الرقيه الشرعيه المهم كم مره تصير لي معاها مواقف واعدي لاني والله اعزها بس الي صدمني انها تخلت عن الصداقه هذي بسرعه من فتره اختفت قلت مكالماتها صار بالي مشغوا عايها ولما اقول وينك تقول مشغوله المهم انا بعد كنت مشغوله بزواج اختي ولما قلت لها بتجين اعتذرت عن الزواج لاني ما عطيتها بطاقات دعوه قلت لها انتي اختي مو لازم اعطيك بطاقات دعوه تجين من دون بطاقه قالت زوجي يقول الي ما قدرتك وماعطتك بطاقه لاتجين لزواجهم وقالت حتى اهلي يقولون نفس الكلام قلت البطاقات والله مجهزتها بس ما امداني امر عشان كذا بحطها لك عن الحارس حق القاعه قالت لا زوجي رفض انا الي يقهرني ان اي شي يقوله لها زوجها تقتنع فيه طيب هي عارفه معزتها بالنسبه لي والمفروض تعذرني وتقول انا اسفه ودي اجي بس زوجي رفض والله ماراح ازعل زوجها حر فيها بس مو تقول حتى اهلي يقولون ما جابت البطاقه هم عارفين اني انا وهي مثل الخوات ومافي بينا رسميات بس الله يهديها المهم بعدين انقطعت وما صارت تتصل ولا شي كلمتها بعد كم شهر وقالت انها حامل وفي الشهر السابع فرحت وبكيت من الفرحه بس حزنت في نفسي اني انا صديقتها واخر من يعلم خايفه من العين؟؟ لما ولدت زرتها وجابت توائم ماخلتني اشوف عيالها انا حزنت كثير من تصرفها ولما رحت للبيت جلست افكر ليه كذا؟ تذكرت مره انها قالت لي انها لما راحت تحج قبل زواجها اكلت حبوب عشان ما تنزل الدور ونزلت الدوره معها يعني الحبوب ما نفعتها قالت ان في وحده لما عرفت ان الدوره جتني وانا ما كله الحبوب قالت لي شكل مبايضك قويه واكيد صابتني عين منها وعشان كذا ما حملت هي قالت لي السالفه على انها وحده من اقاربها وقالت لي اسمها بعد قلت لها يمكن منها اجل خذي غسالها انا لما فكرت ارسلت لها هذا المسج ( لايكون انا الي كنت ناظلتك وانا الي قلت الكلام لما رحتي للحج مو بنت عمك ترا انا انسى اذا انا ذكريني)) ارسلت لي المسج هذا ((هههههههههه تبين الصراحه اي والله بس لا تزعلين تراك غاليه وترا من بعد ما اخذت منك بعد ثاني دوره حملت )) يعني غصب انا السبب ارسلت لها مسج (( والله ما اعتقد انه مني انا الحمد الله عندنا عيال ومو ناقصين يعني انظلك على حمل واذا كان مني خلاص اجل انسيني والله يسعدك مع عيالك وزوجك)) ارسلت مسج (( لا حول ولا قوه الا بالله الله يصلحك بس)) المهم انا كنت مصدومه وضايق صدري وانا اعرف نفسي مو عيني حاره انا اتذكر انها لما قالت لي على سالفه الحج وان الدوره نزلت عليها شهقت لما قالت لي لاني كنت اتوقع ان الحج يخرب قالت لها يعني خرب حجك قالت لا ماله دخل هذا الي اتذكره بس هي تقول اني قلت اجل مبايضك قويه مع اني توني اعرف ان الحبوب لها علاقه بالمبايض بس ما اتوقع اني انا قلتها كذا من نفسي اكيد اهي جابت طاري المبايض وانا قلت الي قلته الله اعلم بس هذا مو دليل قلت لها في مسج انا لو عيني حاره كان نتضلت غيرك مو انظل عشان حمل قالت انتي وش يدريك عن الناس الثانين انتي عايشه معهم عشان تعرفين وش صار لهم يعني تقصد اني يمكن ناظلتهم بس ما ادري عنهم بعدين ارسلت مسج ((قالت ترا الام تنظل عيالها وانتي اكيد مو قصدك قلت لها طيب ليه انا ليه مو ولد عمك؟؟ قالت انا الي خذيته منك توضيت فيه وشربته بس ولد عمي توضيت فيه بس ماشربت منه ويمكن ولد عمي المهم انا مشغوله عندي ضيفوف)) جلست اسبوع لا اتصلت ولا اعتذرت ارسلت لها مسج لاني فكرت قلت خلاص اذا اهي خايفه مني بخلي علاقتنا بالتلفون صعبه تنقطع صداقتنا بالسهوله هذي ولانها تخاف مني خلاص ماراح اشوفها ولا اشوف عيالها مجرد تلفون وبس ارسلت لها مسج وقلت (( شكلك ماصدقتي خبر على طول تبين تنهين الصداقه )) قالت (( وش تبين اسوي احب راسك اجل انا علمتك باسلوب حلو وانتي تردين الرد هذا )) قلت اي اسلوب حلو انتي راسله ضحكه طويله وتتكلمين باستهتار رغم ان هذا موضوع حساس ومحد يتقبله بس خير تعمل شر تلقى )) قالت اقول لا يكثر وترا العربيه الي جبتيها لعيالي برسلها لاهلك والحمد الله ان عيالي ما ركبوها )) انا والله من الرساله هذي انهرت معقوله تكلمني بالاسلوب هذ وانا وش سويت عشان قله الادب هذي ارسلت لها خساره والله الصداقه الي كانت بينا العربيه هديه لعيالك واذا ما تبينها ارميها في اقرب زباله انا ما ابي اهلي يعرفون شي انا انسانه احترم شي اسمه خصوصيه وما ابي احد يحكي فيك الله يسامحك)) قالت المهم حلليني وان شاء الله نلتقي في الجنه)) انقهرت كذا باعت الصداقه بعد كل هالعشره ولا حاولت حتى انها تعتذر او تتصل انا لي شهر تعبانه نفسيتي زفت كل يوم افكر ليه كذا معقوله كنت مخدوعه فيها طيب لو انا حاسدتها واني انا السبب في انها ما تحمل طيب مو المفروض تشكرني لاني عطيتها تشرب من بعدي ومازعلت والله اعرف وحده كانت مصابه بالعين الله يرحمها ولما راحت لبنت عمها تبي تاخذ منها طردوها رغم ان كل الناس معطينها والحرمه توفت الله يرحمها لكن انا لا بالعكس عطيتها ودعيت لها حتى لما قلت لها هذا جزاي اني عطيتك ودعيت لك قالت دعوتك ما نبيها اسحبيها استغربت منها التصرف القاسي هذا ليه هذا جزاء المعروف ياناس انا الغلطانه معقوله هل انا اخوف للدرجه هذي وهل الي صار دليل على اني انا السبب؟ على فكره ابي اوضح بعض الاشياء الي عمري مافكرت فيها الا بعد موقفها شريط الذكرايات مر امام عيني تذكرت انها كانت تغار مني دائما حتى انها سكبت علي علبه سف اب بسبب الغيره في المدرسه امام البنات كلهم وراحت ورحت اجري وراها وقلت لها ليه قالت انا انقهرت منك وسكت ولا زعلت بالعكس تفهمت وقلت اهي كذا بكيفها تذكرت عندما كانت تتمنى الزواج كنت اقولها انا مثلك قالت لا انتي عندك خوات وتتسلون مو مثلي وحيده (( دايما انا واخواتي نتشاجر بدون سبب بس ماقلت انها عطتنا عين ولا فكرت )) تقول انتي يجيك خطاب مو مثلي انتي اصغر واجمل مني (صح دايم يجيني خطاب واحيانا نتفق بعدين بدون سبب ينسحبون وما انتخطبت الا بعد ما انخطبت هي بس مافكرت انها عين منها )) لما حملت قال زوجها سواها فلان والله مو سهل ضحكت ولا خفت انهم يحسدوني لاني عارفه انهم بيون عيال من اول ليله بعد ما زارتي في المستشفى بعد ولاده بنتي شافت بنتي قلت لها صح مو حلوه قالت ياريت اجيب اقل منها ان راضيه وماقالت ماشاء الله ولا فكرت في العين )) زوجها عصبي وشكاك وزوجي العكس ودايما احكي لها عن زوجي وعلى فكره انا عايشه مع زوجي ومرتاحه لان كل مواصفاته قليل تجتمع في رجل واحد مركز وبيت جميل جدا وعقليه متفتحه وانا جميله ومتافهمين واسافر مع زوجي ومعطيني حريه في كل شي حتى لو ابي اطلع واروح اي مكان يقول سوي الي تبين بدون ما تشاوريني انا واثق فيك وزوجها شديد وعكس زوجي وبيتها عادي وانا بيتي فخم ورغم هذا تجيني حالت من الضيق وعدم الشعور بالسعاده بس عمري مافكرت اخذ غسال صديقتي كم مره جتني بس ما افكر في الشي هذا الحين صرت اشك في نفسي تخيلو اني اخذ عسالي واحطه في البراده عشان اهلي كلهم يشربون منه اقول يمكن اكون اعطيت احد عين صرت اشك في نفسي مصدومه في صديقه عمري وفي اسلوبها والله لو انها قالت لي باسلوب ثاني مازعلت العين حق بس تكلمني بالاسلوب هذا يعني خير تعمل شر تلقى؟ |
الحمد له اقطعي علاقتك بها او اجعلي العلاقة سطحية وقللي الزيارت معاها00وادعي لها بالهداية
|
يا اختي هي تقول ان شاء الله نتقابل في الجنه بكل بساطه قطعت العلاقه انا ما ابي ارجع العلاقه
بس مقهوره وصرت اشك في نفسي ان عيني حاره وصرت ما اثق في احد ومصدومه من اسلوبها هل انا ابالغ والا الي سوته فعلا غلط وعيب |
أختى أولا العين حق
بس دايما الاصدقاء مابيزعلو من بعض اقولك على حاجه انا وصديقتى كنا لما تعجبنا حاجه فى بعض ولو نسينا نقول بسم الله ماشاء الله وتحسدنى ا و احسدها كنا نقولها بطريقة هزار انتى يافلانه حسدتينى تعرفى بأسلوب حلو كانت تقولى او اقولها ارقى نفسك بقى او هى ترقينى او انا ارقيها لكن توصل بينكم وبين بعض ان تنهو الصداقه مش هاقولك غير لا حول ولا قوه إلا بالله ده غباء وجهل ربنا يبعد عنكم الجهل ولو هى بتقولك حلينى منك ابعدى عنها لانها ليس مخلصه ابعدى عن الجهل ده |
المشكله انا الحين قلبي محروق من اشياء
باختصار اختي العزيزه ابعدي عنها ولاتحزني على وحده مثلها |
بسم الله الرحمن الرحيم
والصلاة والسلام على رسول الله اختي الكريمة بارك الله فيك لاتعلمي ان العين تصيب بعض الاحيان دون ان نعلم مثلا قد اعجب انا بشي لكن دون ذكر الله قد تقع العين ولكل شخص منا عين قد يصيب بعينه اي شخص وهذا سبب عدم الاكثار في ذكر الله وهو من الشيطان ولكن حاولي دائما ذكر الله فيما ترينه والله اني اعلم بعض القصص القديمة كأن أب يحسد انبته على جمالها ولكن لتعلمي ان هذا اللذي اصابك انتي وصدقة عمرك هو العين بذاته فهذا من الشيطان ولتحرصي على ذكر الله والدعاء لك ولصديقتك وكوني دائما متفائلة بعودتها وحاولي ان تسايري صديقتك كان تعتذري عن كل ماحصل وانك تنوين فتح حياة جديدة بينكم وحاولي ان تهديها اي شي ثمين كان تهديها مثلا مصحف او كتاب تفسير ولاتستسلمي للتفرقة الشيطان بينكما وكوني سباقة دائما للخير ولاتنسي انا اعلم انك لستي مخطئة لكن حاولي ان تعتذري لاتجعلي فرجة للشيطان ينهي صداقتكم التي طالت سنين ذكري صديقتك بالله واحرصي ان تذكريها دائما بالخير ولا تجعلي هذا الخطأ يجعلك تنسين ان هنالك ايام حلوة وذكريات تبقى في خلدكم وذاكرتكم لاتنسوها ابدا لاتنسي انها لازالت تفكر في ايام قد مضت بينكم ولا تستطيع نسيان الايام الحلوة فهذا الشي سيجعلك تتفائلين بانها سوف تعود اليك ملاحظه لاتنسين الدعاء في اخر الليل وتخيري اوقات الاجابة وادعي بان الله يجعل لك من هذا الهم والحزن مخرجا وان يعيد اليك صديقتك سالمة تحبك وتحبيها اقبلي تحياتي ومروري اخوكم اعشق جنوني لها |
خلي ثقتك بنفسك قويه ولايهزك شئ
وهي الخسرانه صدقيني بكره تجيها وحده تحاسبها على الكلمه وساعتها بتقول الله يرحم ايام العروس |
اختي المصريه انا مو زعلانه انها قالت ان العين منك
بس انا الي زعلني اسلوبها واصرارها ان انا السبب رغم انها اخذت مني ومن ولد عمها في نفس الفتره ليه ماقالت ولد عمي لانه كان نفسه يتزوجها ليه مصره انه انا السبب حتى لو انا السبب المفروض تجيني في البيت وتكلمني بكل احترام ولانها عارفه اني طيبه وقلبي ابيض ماراح ازعل الي قهرني انها حتى قايله لزوجها وهلها والله لو كان لي قدر ومعزه عندها مافضحتني عند الناس انا صديقتها المفروض تجي تقولي وانا ماراح اقصر معاها بس الي سوته مو تصرف يدل على المحبه بالعكس يدل على الحقد والكره |
اختي نايت
ليه ما احزن على عشره عمر انتهت بكل بساطه وبكل برود منها انا الحين تاكدت ان الطيبه ما تنفع الله يفرج همك اختي ويرزقك بكل ما تتمنين |
اختي العزيزه ،انتي جاوبتني بنفسك
لا تستاهل حزنك لأنكي طيبه وهي غير متفهمه وغير مباليه لعشره العمر انا قاسيه بعض الشي لاني انصدمت من صديقات العمر اكثر من مره حرقت قلبي ومرضت معدتي على ناس ما يسوون فلا تصبحي مثلي |
أختي
لاحظت على أخواتي تغيروا من بعد الزواج و بسبب تأثير أزواجهم عليهم و أهل أزواجهم فكيف بالله حتكون صديقتك ؟ يمكن تكون تأثرت بشخصية زوجها ؟ |
اخوي اعشق جنوني لها
انا عارفه نفسي زين مو من الناس الي يحسدون احد والله لو انا كذا كان حسدت اختي الي اهي اجمل مني واصغر ودايما الخطاب يتكلمون عنها وانا لا ليه ما حسدتها؟؟ اجي احسد صديقتي على الحمل ؟ وانا وامي واخواتي ماشاء الله عندنا خير مو ناقصين عيال حتى لو انا الي حسدتها والله انا ماقصرت معاها وعطيتها الي تبي ومازعلت المفروض تشكرني وتقدر الشيء هذا ترا محد يتقبل انك تجي وتقول انت السبب في العين الي صابتني عطني اشرب واغسل من غسالك صعب مستحيل احد يوافق لكن انا لاني احبها واعزها ولاني ما احب اظلم احد واكون انا سبب تعاسه احد عطيتها بدون اي حساسيه ومازعلت تجي الحين وتقولي اني انا السبب بطريقه تنرفز وفيها استهتار وبعدين الي يقهرني ان اي ذم فيني من قبل زوجها واهلها تجي تقوله لي بدون مراعاه شعوري والله اهلي احيانا ينتقدونها بس ما اوصل لها الكلام لكن هي العكس ومتحمله لاني اعزها وقبل الزواج كنت اخدمها وبعد الزواج اخوانها ما ودوها لشيخ عشان تقرا انا وديتها تخيل انا وهي انخطبنا مع بعض اول شي فكرت فيه اشتري لها هديه لزواجها شريت لها قميص نوم من لاسنزا مو اقل من 300 ريال وشريت لها مجموعه مستحضرات للجسم مو بقيمه 300 ريال وقال اشتري لي بنطلون جينز رحت وشريت لها من محل مانقو وحطيته في علبه كبيره مليتها بالورد المجفف يعني قريبا شريت لها بحوالي 900 ريال وحاسه انها شويه عليها وهي ما جابت لي شي رغم انها من فتره تزوجت وحده من زميلاتها شرت لها مايكروويف وانا اقرب وحده لها ماعطتني شي لو هديه رمزيه بعدين قالت معليش ما امداني اشري بس في وحده من اقاربنا مره ذوق بتهديني مفرش واكيد راح يكون فخم برسله لك قلت مو مشكله تخيلو كاني اطرها ارسلت المفرش يمكن سعره ما تعدى مئه ريال وياريته هي الي شاريته لا وحده اهدتها اياه ولانه ماعجبها ارسلته لي وانت تقول اهديها حتى لما جتني في المستشفى جابت معها علبه شوكولاته باربعين ريال من سوبر ماركت ولا اهتميت رغم ان زوجها راتبه فوق العشره الالف وانا لما رحت لها في المستشفى جبت لها سله شوكولا من محلات الشوكولا الفخمه ودايما تنتقدني وتقول انتي وش سويتي لي رغم اني دايما اساعدها بكل شي حتى فستان زواجي اعطيتها اياه وكل ما اروح لها مستحيل اروح وايدي فاضيه بعكسها اهي وكل هذا نسته وتخلت عني بسهوله ولا حاولت انها حتى ترسل رساله واذا ارسلت لها اعاتبها ترد رد غير لائق مثل لا يكثر وخلاص انا مو فاضيه وهي من نفسها قالت ان شاء الله نتقابل في الجنه يعني ما تبي تشوفني ابد خلاص باعت عشره عمر عشان هواجس وافكار مالها داعي تخيل تقول انتي السبب لاني دايما احلم فيك قلت وش الاحلام قالت عاديه ماتخوف بس انك تجين معي عند اهل زوجي يعني انتي وش دخلك في اهل زوجي عشان تجين معي في الحلم؟؟؟ شفت التفكير هذا حلم وتقول ليه تجين عند اهل زوجي في الحلم طيب هذي هي اصلا الاحلام يعني كل شي خيال يصير طيب حنا نحلم اننا نطير بعد بنقول ليه نطير هو حلم مجرد خيال والا ليه سموه حلم وش رايك في كلامها ؟؟؟ |
اختي جنز
اختي نايت ان شاء الله اني راح اكون قويه خاصه انني لا اترك الذكر والاستغفار خاصه هذه الايام واتمنى ان لا انصدم في احد ثاني لاني حساسه وما اتحمل |
روح الطير فعلا صديقتي تغيرت بعد الزواج
وكل شي يقوله عني على طول تقوله لي هذا دليل انها مقتنعه بكلامه والا لو مو عاجبها كلامه عني كان ماوصلته لي شكرا لك ولمرورك |
وحده مثل هذي ما ينزعل عليها حتى لو عشرة 20 سنه
ليش تحزنين على وحده ماقدرت العشره هاي مايسمونها صديقه وموضوع العين اي انسان من الممكن انه يحسد بس مايسمونه حسود ولاتحطين في بالج انج تحسدين حتى هي من الممكن انها تحسد من باعج بيعيه ولاتفكرين فيها بعد |
اختي همسات
انا الي مضايقني نكران الجميل وانها ماصدقت خبر على طول انهت كل شي بينا كانت منتظره الفرصه الله يسامحها |
ودي انسى بس المشكله اني حساسه كثير
والشيء هذا ياثر علي وعلى نفسيتي دايما افكر واحلم في الموضوع لا ارتحت وانا صاحيه ولا حتى اذا جيت انام مقهوووووره |
صدقيني أختي الكريمة أن صاحبتك ستتصل بك عند أقرب مشكلة راح تقع فيها, ولكن المسألة الفرح المصاحب للولادة
وكذلك نفسية النفاس وما تمر به الإنسانة في هذه الفترة وأنت أعلم بذلك, وربما أن زوجها منعها من الحديث معك, والشئ الآخر والذي لاتعرفينه أن زوجها كان يقول لماذا صاحبتك لا تزورك دائماً تتعذر, فأصبحت تغار على زوجها منك, وإحتمال أن زوجها كرهها فيك من كثرة مدحه فيك وأمامها, وربما أن زوجها كرهك بسبب حديث زوجته عن زوجك وأنه يسافر بك وكريم معك .... الخ كل هذه التحليلات جائزة وبالتوفيق لك ولصاحبتك وجنبك الله المشاكل والقيل والقال وكثرة السؤال |
اختي ليه مضايقة نفسك ؟؟
الفكه من هالصديقة غنيمة... خلي ثقتك بنفسك قوية وهي شكلها موسوسة بشي اسمه عين... عيشي حياتك وانسيها... |
عزيزتي بقلك شي
انا كانت لي صديقة عزيزة عليه بالمرة منذ لطفولة يعني اكثر من 15 سنه يمكن عشرين سنه بس هي تزوجت قبلي بخمسة شهور وانا تزوجت بعدها وزوجي لما عرف بعلاقتي فيها طلب مني اني اوقف علاقتي فيها ولا اكلمها وانا بدوري اتصلت فيها وقلت لها بطلب زوجي تخيلي وش قالت قالت مو مهم المهم رضا زوجك وانا طبعا ما قطعت علاقتي فيها بس غيرت اسمها في جوالي واتصل فيهها من وقت للآخر ولما ازور اهلي اعزمها عند اهلي وههي ماتقصر وبعد مرور ثلاث سنوات من زواجي زوجي تذكرها فجأة وسأل عنها فأنا مابينت له اني بتاصل فيها بالعكس قلت له انها صديقتي الوحيدة وحبيبتي هي قام قالي حاولي تدورين على رقمها واتصلي واسالي عنها ... فعززتي كل المواقف الجميلة الي بينك وبينها ولا تندمي على كل شي كويس سويتيها علشانها علشان مايكتب لك من..... يمكن بتاثير من زوجها بالرغم انه واضح انها ما تقدرك كثر تقديرك انتي لها او تحس بالنقص قدامك وهالشي يصير بين الاخوان فكيف بين الصديقات خلي جل تفكيرك ببيتك زوجك وعيالك والله يوفقها بحياتها ويكتب لك بكل حسنة سويتيها بعشر امثالها بارك الله فيك |
اقتباس:
|
حبيبتي ولاتزعلي نفسك واااضح اصلا انها تغير منك واتركيها عنك واللي مثلها مايستحق انك تزعلي نفسك علشانها .......
|
شو يعني غسال؟!
|
اقتباس:
بعد اذن كاتبة المشكلة غسال = أخذ أثر من الشخص العائن |
اقتباس:
كيف تاخد اثره مافهمت هل تاخد شىء من ملابسه وتغسله وتشرب مياة الغسيل |
اقتباس:
ممكن تأخذ من اثر شربه مثلاً كأس ماء أو فنجان قهوة وتشرب من بعده أو من ملابسه التي لبسها أي مازال اثره فيها وتغتسل فيها ( تضعها في ماء وتستحم بها ) أو تأخذ من اثره وذلك بأن تمسح مكان جلوسه أو سيارته أو أي شيء يتعلق به ( بمنشفه ) ثم تغتسل به .. |
ياقلبي انتي
لا تزعلي ولا على بالك والله كانك تتكلمي عن وحده من صديقاتي طبعا ماوصلنا لدرجة التجريح في بعض زي صديقتك عديمة الوفا بس هي كانت تغير مني على طول و انا تزوجت قبلها وجبت بنتي و ما فرحت لي وتزوجت بعدي ب 3 سنين من شخص كانت ترفضه و وضعه ما يشجع على انها تقبل فيه ،،،وكنت امشي معها وما علمتني تخيلي عرفت من الناس اللي تجي تبارك لها وهي قالتها بالحرف ماكنت ابغا اعلمك وماعزمتني على الخطوبة ومع كذا ماقصرت بحقها و يعلم الله دايم تقولي كنت اخاف تتغيري بعد الزواج بس اللي صار انها هي اللي تغيرت والله ياعمري حصل مواقف فجعتني فيها و قطعت علاقتي فيها لفترة سنتين غير اسفه عليها وبعد كذا ولدت انا بعيالي التوام وهي جابت بنتها الثانيه بيوم واحد واتصلت فجاه بعد كل هالسنين تبارك لي لانها تدري اني ما غلطت بحقها ،، بعدها عرفت من وحده من صديقتي انها تبي تتطلق وانها لمحت لها بانها محتاجة اني اكلمها لاني الوحيده اللي افهمها وكلمتها و نصحتها والله يعلم بس بعدها توفى زوجها الله يرحمه بعد ماذوقها المر رحت لها عزيتها وماقصرت معها بالعده ورجعت العلاقات بينا مو مثل اول بس عادي لنا تقريبا 3 سنين ومن فترة تزوجت وبرضه عرفت من امها يوم اتصلت ابغا اسلم عليها لاني من زمان عنها تخيلي تعيد الموقف نفسه بعد كل اللي صار !!!!!!!!!! والله النوعية هذي من الناس ماينفع معها الطيب احذري منها والله يعوضك خير باذن الله ولا تزعلي ولا تاخذي ببالك من كلامها لانه كله غيره وسالفة الحسد قالتها بس عشانها غيرانه من وضعك ماشاء الله و تبي تخرب عليكي حياتك و توسوسك |
معليش يا أختي قوي قلبك ترى كذا الدنيا ويا ما صديقات ما أقول لك تفرقوا بسبب مشاكل تافهه إلا كمان فيه صديقات يغدروا في نصهم الثاني
الله يعوض عليك والحمد لله إللي ريحك من الهم هذا ، تذكري دايما الأشياء الحلوة ، وتابعي حياتك لا تفكري كثير في هالموضوع يا قلبي مع إني عارفه إنك رح تحتاجي وقت إلين ما تتخطي هالصدمة الأليمة وقولي الحمد لله وقفت على كذا وكل هم وحزن يصيبك يرفع درجتك عند الله حبيبتي واستغفري كثير ولا تدعي عليها أبدا |
اخوي سطام
انا خلاص مستحيل ارجع علاقتي معاها لانها اهي اصلا ماتبي واسلوبها في انهاء العلاقه سيء جدا وصدمني ومستحيل اصلا هي تتصل والله يعوضني في صديقاتي الاخريات توني احس بقيمتهم شكرا لك |
كل الغلا
ان شاء الله راح انساها بس كيف انسى الجرح الي سببته لي الله قادر على كل شي وفلا الفكه من النوعيه هذي من الناس غنيمه شكرا لك اختي مرميس الي بينك وبين صديقتك غير انتي كلمتي صديقتك بكل احترام وبصراحه وبدون تجريح مافيها اي شي بالعكس عشان كذا صديقتك قدرت لك الشيء هذا لو زوج صديقتي ما يبيها تكلمني المفروض انها تصارحني وانا راح اعذرها زوجها ولازم تطيعه اما انها تتهمني باتهامات باطله هذا الي يقهر شكرا لك |
السرور
شكرا لمرورك مياااااااا ان شاء الله اني انساها وانسى كل جرح سببته لي |
ام وداد
حق مشروع صديقتي كانت جايه عندي ولما شفتها تتكلم عن العين والحمل قلت لها خذي مني وكنا نشرب شاي اخذت كوب الشاي حقي وصبيت عليه مويه وقلت لها اشربيه عشان اذا انا السبب في الحسد تشفى اتمنى تكونو فهمتو |
غاليه
شكرا على التوضيح ناديني انا ملازمه للاستغفار من فتره والحمد الله وما دعيت على صديقتي بس من القهر تحيسبت عليها كانها ظالمتني وخاصه انها قايله لزوجها واهلها اني انا الي حاسدتها وهذا عيب لو انها تعزني كان خلت الشيء هذا بيني وبينها الله يهديها لنفسها |
احلى ايام شكرا لردك والله يعوضني واياك بصديقات مخلصات
|
حتى الصداقات تمر بمطبات شانها شان اى علاقه
والعاقلات اللاتى يستطعن تجاوز هذا استرجعى ذكرياتكن معا والصفات المحببه بها التى جعلتكن مقربات من بعض لا يوجد حد كامل ولا انكر ان ما فعلته امر خاطىء ولا اعطيها عذرا فقبليها بكل نواقصها ومن غفر وسامح له اجره عند الله وهى ان قالت انك حاسدتها فتقولها ممكن بصيغه مزاح من منا لم تمر علاقتنا بصديقاتنا على مر السنوات بمطبات لكنا نتجاوزها |
اي مزاح هي قالته بكل صراحه وباسلوب سخيف ويقهر
لكن وش اقول الله يسامحها وعلى فكره هي خلاص باعتني تقول ان شاء الله نلتقي في الجنه يعني ماتبيني ابدا باعت العشره وانكرت كل الي سويته عشانها |
اليوم قريت مسج عتاب عن العشره حبيت ارسله لها بس ترددت
اصلا انا خلاص ما ابيها بس ودي انسى وترجع نفسيتي حلوه مثل اول |
نصيحتي لك سامحيها وامسحي رقمها من جوالك
والله ان عندي صديقات من عشر سنين وفجاه انقلبوا علي وليتهم يقولوا مع السلامه وما نبغى يكون بيننا صداقه تصوري فجاءه اتصل ارسل طناااااااااااااااااااااااااش ولايردوا اويرسلوا مسج وحده لها سنه ونص والثانيه لها 3 شهور ولي صديقه اعزها مره حتى فستاني حق الفرح طلبته علشان تكون ذكرانا وحده ولمى سافرت للمدينه الي هي فيها رحت انا وابو اولادي وزرتها في بيتها ولكن للاسف معاها زوج يكره يشوفها معايه اوحتى تكلمني كانت تكلمني بدون يدري حتى اني غيرت جوالي اكثر من مره ويعرف على طول ويحلف لوتكلمني انه يصير ويصير والخ اخرتها الظاهر حلف عليها بالطلاق وماعاد دريت عنها مسحت رقمها وارسلت لها رضى زوجك اهم مريت بنفس حالتك لدرجه اني كنت محتاجتهم مره وخصوي بعد ما انفصلت عن ابو اولادي ولكن تذكرت ان صديقتي الي لها كم شهر طنشتني وسالتها مره قالت البعيد عن العين بعيد عن القلب واللي من سنه ونص اتذكر وصيتها على اختها كانت بتتزوج قلتلها افرحي معاهاوشاركيها في فرحتها وبعدها زعلت الظاهر علشان ماجاء نصيبها واختها تزوجت قبلها الله العالم لكن قررت الي تسوي كذا وتزعل من راسها حلها عندي امسح وطنش والدنيا فيهااشياء احلى والحمد لله عندي صديقات احسن طولت عليكي بس تاكدي مثلهم لايستحقون مجرد التفكير فيهم |
اقتباس:
من مشكلتك قرات انها حاولت معك الصلح لكنك صديتيها فردت فعلها انها قالت خذى هديه عيالى |
في الشي هذا الحين صرت اشك في نفسي تخيلو اني اخذ عسالي واحطه في البراده عشان اهلي
حبيبتي الله يهديها ولكن ماذا تقصدي بالعسالى |
| الساعة الآن 02:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©