|
زوجة اخو زوجي تقهرني!
السلام عليكم
أحبائي أنا سجلت فهالمنتدى على أساس ما تبخلون علي بنصائحكم الي دايما كنت من المدوامين على قراءتها والاستفادة منها أولا مشكلتي يمكن يشوفها البعض تافهه وماتستحق الرد عليها بس هي والله متعبه نفسيتي جداً أنا يا اخوان وأخوات عايشه مع أهل زوجي وفنفس الوقت أخو زوجي الثاني يعني قبيلة ماشاءالله ساكنه فنفس البيت! أول ما انضميت للعائلة لاحظت أن زوجة أخو زوجي (ك) تدقق على بحياتي وتقارن بيني وبينها وكنت اسمع عنها قبل انها عللاقتها سطحية معاهم و....الخ بس لما انضميت الهم تغيرت نهائي صارت ما تفارقهم كلش دايم معاهم وآخر كرم وتاخذ أخوات زوجي معاها تفسحهم بس عشان تكون هي الأقرب والأحس وفعلاً صارت المحببه والمفضله والكل فالكل!! صرت أغار وأحس بفرق المعامله اهتمامهم فيها صار غير طبيعي خصوصا من أم زوجي تحبها موووووووووووووووت وصايرين حبايب وأكثر وأنا زوجة ابن عادي معاملة عاديه أمرض اولد عادي السؤال التقليدي! بينما هي آخر مراعاة والدنيا كلها تقوم اذا مرضت وأم زوجي تجلس عندها أدعيه وابتهالات الله يشفيها! ك عرفت هالشي صارت تتعمد تقهرني بزيادة صارت تستعرض على علاقتها الرائعه بعمتي من أحضان وقبلات وسوالف وأنا أتمنى اني أكون عبيطه مب فاهمه هالحركات بس مشكلتي اني فاهمتها لانه وااضح جداُ تملقها لام زوجي وهم فرحانين فيها لو زعلت على ام زوجي تجي على نفسها وتراضيها أما أنا جهنم تاكلني زعلت اصطفل برضا من نفسي فالنهايه صدقوووووووووني فعلاً أثر هالشي فنفسيتي انا شبه محطمة خصوصاً ان صارت اشكاليه بيني و بينها النتيجة زاد استفزازها لي صارت تتعمد انها تتعانق ويا أم زوجي جدامي! وزادت أحاديثها الجانبية مع أم زوجي تثبت انها حافظة الاسرار لأم زوجي وهي الي تفضفض الها وترتاح الها والله أحسس انها تخترع القصص بس نكايه في انا يعني والله لو ماكنت موجوده لا اسرار و لا أحضان بس مجرد ما أدخل بدت الحركات والسوالف :( الله يخليكم لا تستخفون بمشكلتي نفسيتي تعباااااااااااااااااانه والله أحلف الكم ماأقدر أطنش لأنه ما في عدل ابدا في المعامله دايما اهي معمول الها وزعلها ألف حساب وأنا ولا شي جدامها والله قهر:rolleyes: |
سبحان الله
اختي حاولي بكل جهدك ان تكسبي مودة ام الزوج بالهدايا متلا و الله الموفق |
اقتباس:
أختي للوهلة الاولى ظنيت أنك تتكلمي عن زوجك مو أم زوجك!!!!!!!! طيب ما يتعانقوا أنت مالك؟؟؟؟ سبحان الله فعلا اللي ما عنده هم يشتري له هم أختي أنت لك بزوجك هو فقط من يجب أن يحبك أكثر مما يحبها أما الباقين فهم أحرار بمشاعرهم يحبونها ولا يكرهونها كيفهم لكن أنك تغاري لأن أم زوجك قبلتها والا حضنتها غريبة شويتين نصيحتي أن تحاولي أن تقللي من مشكلة الغيرة عندك وتركزي على حياتك مع زوجك لأن مشاعرك هذه بالتأكيد ستنعكس على علاقتك مع زوجك سلبا بعدين فكري ليش يحبوها يمكن دافعة لهم فلوس علشان تشتري حبهم؟؟؟؟؟ أعانك الله ووفقك |
تصرفى وفق قناعاتك ولا تغيرين اسلوبك مع الجميع بما انه لا قصور فيه ودعك من المقارنات
|
اختي وانت ليه حارقه اعصابك و تاعبه نفسك ..
اختي كل واحد يعمل بأصله .. فانتي تعاملي معهم عادي جدا ولا كأنك تشوفي هالحركات الصبيانيه .. اختي لا تخلي مثل هذه الامور تهز ثقتك بنفسك .. انتبهي .. هم يحاولوا يزعزعوا ثقتك بنفسك .. ام زوجك حاولي تكسبيها بكلمه طيبه و بهديه بسيطه اذا نزلتي السوق .. لكن اوعي تحسسيها انك تتنافسي عليها مع زوجة اخو زوجك .. بدل ما تحرقي دمك و تهزي بدنك و تبذلي طاقتك على مثل هذ الامور .. اصرفي هذه الطاقه في شي يفيدك و يفيد زوجك واولادك .. انصحك انك تشغلي نفسك بهوايه مفيده لك .. مثل قراءة الكتب او التسجيل في دورة خياطه اذا كنت تحبي الخياطه او في دورة حاسبآلي او دراسة لغه او رياضه لان مثل هذه الامور راح تشغل وقتك وتلهيك عن التدقيق في مثل هذه الامور السخيفه .. وربي يهدي الجميع .. |
يا بوعزيز شفت يعني هذه حركات تنعمل لأم الزوج حضن ومساج وشغلات عبيطة كلش!! بس لقهري والله
|
باقي الأخوات مشكورين انكم تنازلتوا ورديتوا علي مع اني بنفسي شايفه بياختهم وبياخة مشكلتي فعلا مشكورين
عزيزتي أميرات عن جد شاكرة لج الرد كأنج حسيتي في! للأسف أم الزوج مستانسه انها تشوفنا بهالحال! اصلاً أنا حاسه بالهيافه الي هم فيها بس من كثر زيادة الجرعات في الفترة الأخيرة خلاص ما قدرت أطنش لأن شي واضح ومقصود من قبل الاثنين للعلم الحركات اطنشها لكن عدم المعامله بالمثل هو مايحز بخاطري يعني انا دائما مهمشه ومش محطوطه بالصورة بالمواقف الانسانيه الي تصير معاهم وهي العكس! التفرقه في المعاملة هي مشكلتي!! يعني ولله الحمد أنا كريمة معاهم واجتماعية ولله الحمد لكن مش عاملين لي قيمة تذكر في روحاتهم؛ فيزياراتهم ابد مب عاديني وحدة منهم وفيهم! بس هي لا هي الكل فالكل مب شي يقهر!! |
محبة الناس مو بالغصب.. ياختي بكره الايام توضح لهم ان كانت محبة صادقة ام زائفة ..
اهم شيء كوني طيبة معهم وعامليهم باحسان واشغلي نفسك باشياء مفيدة بدل الامور التافهة هذه صدقيني انتي عشانك فاضية الشيطان يشعلل الامور هذه في نفسك صحيح المثل لاقال مركب الطباين ماشي ومركب السلايف غرقان .. |
اقتباس:
نفسيتك كان المفورض يكون اسمك ( قويه حيل ) او (مطنشه حيل) انت الحين عارفه لعبتهم .. طيب .. ليه ما يصير العكس .. انت اللي همشيهم من حياتك .. انا عارفه انه شي يقهر .. لكن كبري عقلك شوي .. مع الوقت راح تتعودين على تهميشهم .. لا تعطينهم حيّز كبير من الاهتمام والتفكير .. ولا تحللي كل تصرف يتصرفونه .. كذا انت راح تتعبي كثير .. وكل ما شوفوا التأثر باين على تصرفاتك هم زادوا عليك الكيل ... وانبسطوا .. حسسيهم انك مو فاهمه السالفه او مو منتبهه لحركاتهم يعني طناااااش .. اختي مو لازم تكوني بالصوره في المواقف الانسانيه .. مع اني مدري وش تقصدي المواقف الانسانيه .. الواجبات الاجتماعيه تقدري تعمليها مع احد من اهلك امك او احد اخواتك مو شرط تكوني مع ام زوجك .. خلي لك حياتك الخاصه لا تربطي نفسك فيهم كثير .. واذا تقولي انك تنقهري في التفرقه في المعامله .. اهم شي ان ما احد يدوس على كرامتك او يهينك او يذلك .. كرامتك فوق كل اعتبار ... وخلهم يفرقون مو مشكله .. طنشي.. اهم شي زوجك .. اوعي تبين له انه امه تصرفاتها مو مضبوطه معك .. لا تجيبين له سيره ابد .. ومثل ما قلت لك اشغلي وقتك بعيد عنهم و حاولي تشيلينهم من بالك .. المسأله محتاجه لاراده قويه .. وثقه بالنفس .. ومحتاجه لوقت على ما تتأقلمي مع الوضع الجديد .. وربي ييسر امرك .. |
فعلا اذا اسلوبك معهم زين لا تغيريه ومعروف لا بد ان ام الزوج تميل لوحده دون الثانيه
بس انتي احمدي ربك على كذا عض امهات الازواج تنكد عليك عيشتك من كثر تدخلهابحياتك |
غاليتي حساسة
ثقي تماما ان التصنع والتزيف لابد وان يجيله يوم ويزول وينكشف .. وطالما هي ما تسوي هالاشياء من دافع حب وموده لهم فمعناها راح تفتر مع الوقت ولن يبقى الا المعاملة الحقيقة وما تكنه القلوب.. لا يهمك تصرفاتها طالما انك مقتنعه انها موب احسن منك وانك موب مقصره معاهم وصدقيني انها راح تذوب كل هالتصرفات المزيفه.. وما يصح الا الصحيح وفي الختام الله الله خليك واثقة بنفسك حيل دمتي بود nage7 |
السلام عليكم ورحمة الله وبركاته..
ذكرتني بوحده من صديقاتي تعاني مثلك ونصحتها بجملة طنش تعش تنتعش.. يعني شنو بتستفديني من هالحركات سوى الهم والنكد تركيهم وعيشي حياتك.. |
مشكورين حبايبي على الرد والله زدتوا ثقتي بنفسي أكثر مب عارفة شقول الكم والله!
زهرة اللوتس يعني في حد مثلي الحمد لله والشكر! مطويات يمكن لازم يكون فيه ميلان لوحدة اكثر من الباقين لكن توصل للتصرفات الصبيانية هذه! nage7 كلامك اثلج صدري! أختي وملاذي أميرات ما شاءالله ردج ريحني بدرجة فهمتيني عدل! صح احلل كل تصرف وهذا الي تاعبني بس الله يجزاكم كل خير معنوياتي صارت احس ولله الحمد والمنه ما شاءالله استشفيتي الي في من السطور! |
عادي لا تهتمين فيها
و حاولي انتي بعد تقهريها دايم حاولي تتقربي من عمتج و خوات ريلج اهديلهم هدايا و طلعيهم وياج و سويلهم طباخ و حلا فكل وقت و الله انج بتكسبين محبتهم ، نافسيها و أنا أتحداج لو ما كسبتي المنافسة و هي لا تبالين فيها ، عادي لا تحترين منها ،،،،، و ياااااااااااارب يحببهم فيج أكثر من محبتهم فيها |
أبشرى أختى عن قريب راح يوقعون ببعض ووقتها فقط راح يبان معدنك من معدن غيرك وتذكرى دائما ( دوام الحال من المحال)
|
يأختي الفاضلة
السلام عليكم ورحمة الله وبركاته : أتمنى من الله العلي القدير ان يبارك لك في حياتك وبالنسبة لموضوع أم زوجك فأم الزوج تحب أن تكون زوجة أبنها قريبة منها بمساعدتها في البيت والجلوس معها والسؤال عنها إحضار الهدايا لها مالمانع في ذلك أفعلي لها ماقلته لك ولا تفكري في زوجة أخ زوجك لان هذا حسد وحاولي في كيف تكسب رضا أم زوجك وأهله دون أن تظري بزوجة أخ زوجك الله يوفقك في حياتك الزوجيه |
غاليتي الحساسه حيل
ام الزوج عمرها كله مهما سوت زوجة ولدها لها مااظن انها بتعطيها حب حقيقي
ومشاعر صادقه إلا مارحم ربي..................عشان مااظلم الطيبيبات منهن وفي كل هالسالفه خلي زوجك هو الاهم في حياتك ومثل مايقول طلال مداح مادام معاي القمر مالي ومال النجوم واصبري لأنه بيجي يوم وتسقط الاقنعه ويبان المستور............................ |
بصراحه انا مع الاخوات mona777 واميرات وnega7
اعملي بنصايحهم والله يسعدك وين ما كنتي وبيجي اليوم الي بتبان فيه المعادن الاصيله والمزيفه وام الزوج حرمه كبيره يعني مو فاهمه الوضع من حولها وبالنسبه لزوجة اخو زوجك لا تتعبين نفسك وتحاولين تنافسينها سوي الواجب والي يريح ضميرك وقلبك وهي بتتعب وبتمل عامليها عاااااااااااااااادي لانها هي بتستحي في النهايه وان شاءالله تكون العلاقه بينكم كويسه اذا مو عشان ازواجكم واهلهم عشان اولادكم وكل الي بتسوينه بيجي اليوم الي بتكونين مكان ام زوجك وبتكونين مكان اخت زوجك فالشي الي انتي حابه انك تعاملين به تعاملي على اساسه والله يوفقك لكل ما فيه خير |
تم نقــــــــــله
|
مشكورين على الكلمات والردود الي رفعت من معنوياتي وان شاءالله أطوف هذي الشغلات وأكون أكبر منها والله يجزاكم كل خير:)
|
اهلا أختي
أنت فاهمة اللعبة و عارفة أنه كل هذه التصرفات عشان تغيضك .... ما تدخلي بلعبتها و اتصرفي عادي .... حتحس هي بالغيض و لازم يجي اليوم الي تظهر فيه المشاعر الحقيقية .... عاملي أم زوجك معاملة حسنة و خلاص ... بدون افراط و لا تفريط .... لأن الشيء اذا زاد عن حده انقلب الى ضده .... و الأيام ستثبت لك هذا الشيء فجري المحبة التي بداخلك في زوجك و حتكوني أنت الكسبانة..... الله يديم الألفة بيناتكم و يسعدك مع زوجك الله يوفقك |
انا مع الاخواااات في اللي قالووه
اهم شي زوجك ووالديه تقومين بواجبهم وغيره مالك فيهم ... ريحي بالك وانا اختك تحياتي وموفقه بعون الله |
شوفي وانا أختك .... نصيحه من مجرررربه .... خليك رسمية ... يعني وش بيصير اذا حبوك ؟؟ وش بيصير اذا رضو عنك؟؟ بيدخلونك الجنة ؟؟ لا والله ...انا ياما سويت وأسأل الله انه مايضيع لي اجر ما ثمر فيهم !!..... اهم شيئ عندك زوجك وبس ... حتى برك بأم زوجك على كلام احد الشيوخ مو واجب ... يعني راح يكون كرما منك ... لذلك ... اشتري راحة بالك .... خليهم يسوون اللي يبون ... ان شاءالله يتحضنون بعض طوووول اليوم ( الله يهني سعيد بسعيده):D ... انت عليك بااللي يفرضه عليك دينك من سلام .. وعيادة مريض .. وتلبية دعوة ... وما الى ذلك ... وفقك الله
|
حياتي انا فهمت قصتك صحيح وحبيت ارد عليكي واذا ما عجبك ردي اعملي حالك ولا كانه قريتي رئي صدقي يا حبيبتي بما انه انتي عندك شي اسمو غيرة ومن مين من ام زوجك شو بدك منها خليها تحب الي تحبة بس اذا تريدين تنعكس الامور بدل ما انتي تغارين هي الي تغار خليها تغار منك بزوجك يعني ئولي لزوجك لمن يجيبلك هدية او شي يعطيلك ياها قدامها وخلي زوجك يمدح بيكي قدامها يعني خليها تغار منك على زوجك خلي يطلعك دائما انتي ما يهمك زوجك ولا اخوات زوجك الان انتي يهمك زوجك وبس هي اكيد تعمل هذا الشي لانه زوجها مو فاضيلها خلي زوجك غير زوجها خلي زوجك المثل الاعلى وشوفي كيف تنقلب الامور وانشالله الله بيحلك مشكلة الغيرة
|
ياجبل مايهزك ريح
طنشي أختي وصدقيني ربنا قال في كتابه (( ولايحيق المكرالسئ إلابأهله )) إدعي ربك يرد كيدهم في نحورهم ولايهمك حطي في بطنك بطيخه صيفي وعيشي حياتك وأرضي ربك ثم زوجك وإهتمي فيه وبأولادك |
هالنوعية ماينفع معها إلا التطنيش لأنها تستلذ بإغاضتك..
عيشي حياتك طبيعي جدا.. دام علاقتك بزوجك جيدة خلاص ماعليك منهم.. |
اقتباس:
|
احسن شي اطبقينه معهم
هذا المثل الحقران يقطع المصران ان شاء الله فهمتيه |
مشكورين والله كلكم ما قصرتوا عن جد استفدت كثير من ملاحظاتكم وتعليقاتكم:)
|
| الساعة الآن 12:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©