|
مشورتكم في الشوفه الشرعيه والشاب المتقدم؟
السلام عليكم
الحمدلله اليوم الصبح رجعت من مكه و بعد ساعتين اتصل صديق اخوي اللى استقبلنا((( يبغي يخطبني)) فى الحرم و رحنا بيتهم يوم الثاني و تعرفنا على خواته و امه ما شاء الله ناس طيبين الولد جد محترم متخرج من كندا ماجستر بزنس و يشتغل فى شركة مقاولات (شركة ابوه) عمره 27 وسييييم وااااااااااااااااااااااااااايد ما شاء الله بس انا احلا منه:d و اتفق مع اخوي انه بيي باجر مع امه و خواته حق الشوفه اخوي قال له نسأل الاهل و هو صديق اخوي من 16 سنه راحو للدعوه و التبليغ مع بعض و اخوي وايد مستانس و تاركين القرار لي و انا بستخير بس لازم اعيش فى مكه و اترك الدراسه المهم انا مرتاحه عشان مكه و بعدين الولد مدين بس امي الله يهداها تقول ما قدر اطرش بنتي برع و الخ بس اخوي اقنعها هي رايحه مكه و من الكلام الحلو انا ما ابي اترك الدراسه هو قال حق اخوي بيخليني ادرس و نكتب فى العقد المهم ابيكم تشورون على حق الشوفه واييد خايفه و مستانسه |
عليكم السلام و رحمة الله و بركاته
ماشاء الله تبارك الله و حمدا لله على سلامتك الغالية و الله يتمم لك على خير حبيت ادعي و اترك الباقي على اخوتي الذين سيلحقون بالركب اقصد بالردود الجميلة:d |
يارب يوفقك ويسعدك
وربي فرحت من فرحك بالتوفيق |
((قل اعوذ برب الفلق من شر ماخلق ومن شر غاسق اذا وقب ومن شر النفاثات في العقد ومن شر حاسد اذا حسد))
اعيذك بكلمات الله التامات من عين لامة الحمدلله الحمدلله يام حسين فرحتيييييييييييييييييييييييييييييييييييييييييييييي ييييييييييني مبروووووووووووووووووووووووووووووك خيتي الف مبروووووووووووووووووك والحمدلله على السلامة عمرة مقبووولة ان شاء الله وتقبل الله منج صالح لاعمال بس دعيتين لي او لا وسويتين الي قلت لج عليه او لا ^_^ ترى بسحب فرحتي لج ههههه امزح وياج ترى من جد فرحاااااااااااااااااااااااااااااااااااانة يالغلا كلللللللللللللللوش الله يوفقج ويسهل الامور ان شاء الله وياج حبابة |
مشكورررررررررررررررررررررين
دمعات ما سويت لاني نسيت السور بس دعيت لكم كلكم ما قلتو لو بنسبه للشوفه شنو اسوي اول مررره اطلع جدام ريال بدون عبايه و بنسبه للشيله البس ملون او اسود شورو على بليييييييييييييييييييييز |
لا اله الا الله سبحان الله
الف مبروووك اختي الف مبرووووك توكلي على الله اقري البقره وحصني نفسك يوم الشوفه قولي قبل لا تدخلين بسم الله الرحمن الرحيم وجعلنا من بين ايديهم سدا ومن خلفهم سدا فأغشيناهم فهم لا يبصرون لا تعلمين احد بشان خطبتك الله يوفقك ويسعدك بس عندي سؤال دعيتي لي ان شاء الله هناك؟؟؟ |
اقسم بالله يا ناين ذكرتج بالأسم
جراج الله خير |
ما شاء الله تبارك الرحمن..خبر حلوو ان شاء الله دووم نسمع مثل هالاخبار..
بس حبيبتي ليش بتعيشين في مكه على ما أظن انتي من الامارات صح؟ الف الف مباااارك والله يتمم موضوعج على خير ان شاء الله.. |
يارب يستجيييب يارب يا رحمن يا كريم
جزيتي كل خير اختي حصني نفسك الله يسعدك ويوفقك |
لا حياتي انا من البحرين
و هو من مكه - السعوديه |
البسي الشي الي ترتاحين فيها اذا ترتاحين في الملون البسيها بس اذا تفضلين الاسود البسيها
لاتلبسين شي ماترتاحين فيه ^_* اذا ثيابج ملونة وتناسبها سادة البسي سادة ملونة واذا سادة البسي ملونة مزكرشة بس اكشخي باعتدال وبلييييييز ام حسين لاتقولين لاحد اخاف عليج وردة وعليج بالعافية غناتي تجاورين بيت الله انا اقول اتوكلي على الله وربي يسهل دروبج وحياتج وتروحين معاه ويسهل دروبي واروح مع زوجي تراه سعودي :d |
لا اكيد ما في شى ثقيل تنوره ناعمه و بلوزه
هو شافني بدون مكياج كنت عاديه جدا و هناك الواحد يتعب و الويه يكون باهت بس ما ادري شنو اللى اعجبه :d بس اخوي لزم عليه الشوفه و قال له فكر هو قال كان يستخير من 4 ايام و امه ينت على طبعا هو كلمهم و هما شجعو |
الله يهنيج حبابة دوووووووووووم
ولا تقولين شنو اعجبه يلا بلا دلع كلج ملح وزين ^_^ طيب دام لبسج نعومي ووسادة خلي الشيلة فيها شوية زركشات ولا تتكلفين ترى \اهم يبحون النعومي وايد والحمدلله استخيري انتي بعد والله يكتب لج الي فيه الخير انا حاسة الخير كله ياينج موفقة غناتي |
ما شاء الله تبارك الله
و الله فرحتيني بالخبر و عقبال كل مسلم ومسلمة.. اختي بالنسبة للشوفة اطلعي له عادي بلبس محتشم و من دون طرحة(شيلة) و عباية هذا اللي متعارف عندنا بالسعودية لان الخاطب يحق له النظر لمخطوبته و حتى شعرها.. لوكنت دارية انك تروحين عمرة كنت قلت لك تدعين لزوجي الله يفرج كربته و يرزقنا الذرية الصالحة |
اللى اعرفه ما يجوز!!
و انا شعري طويل امه اكيد قالت له بس صعبه اطلع بدون حجاب |
اتمنى لك التوفيق..
وربي ييسر كل امورك... و ادعي ان ربي يفرج كربة زوجي عاجلا غير آجل |
اختي العزيزه لبسي شي حلو وناعم
عن الشيله لازم تسالين شيخ دين اوصيج بالرقيه |
اقتباس:
على فكره مدام شافك الحمد لله لا تحاتين الله يألف بين قلوبكم |
ألف مبروووووووك مقدما
والله يتتملك علي خير بس حبيبتي لاتنسي الأستخاره وحصني نفسك تمام والله يوفقك بس عندي سؤال (دعتي لي أول ما شوفتي االكعبه زي ما قلتلك ...يارب تكوني دعيتي ) أختك أم ياسمين |
عندنا في السعودية مانلبس حجاب
البسي بلزوة وتنورة ناعمة وسيحي شعرك وحطي ماكياج ناعم خفيف كحل وماسكرا وبلاشر وجلوس وربي يوفقك ويسعدك ويتمم لك على خير وحياك بيننا حتنور السعودية بوجودك :) |
أختي
أعتقد من السنة التكتم على الخطبة و إفشاء الزواج و أقري على نفسك و لا تتكلمي كثير عنه أمام الأخرين :) |
الله يوفقك و يسخر لك و يبارك لكم و يجمعكم على خير
|
مبررررروووووووووووووووووك
الحمدلله على نعمه حصنتك بلا إله إلا الله والله دمعت عيني تذكرت الموضوع اللي نزلتيه قبل فتره عدت بخبرين رائعين ألف مبروك ويااااااااااااااااااااااااملايين مرحبا بك في السعودية ماشاء الله الله يحرسك ياعروستنا الله يوفقك ويجعلك في كل خطوة سداد وبركة آآآآآآآآآآآآآمين أهم شيء تونسي وأفرحي وأضحكي وتمتعي لحظة بلحظة |
الله يوفقك أختي ..
ويكتب الله مافيه خير لك |
ما شاء الله بارك الله
ما شاء الله بارك الله ما شاء الله بارك الله الله يوفقك أختي و يسخر لك و يبارك لكم و يجمعكم على خير أخوك عزوبي:21: بس:d رجل:30: دمتم بـحفظ الرحمن |
ام الحسين وعمر
ماشاء الله تبارك الله ... كنت احسبك متزوجه وام لولدين من اسم معرفك ... لذا استخيري الله .... و أسال الله ان يوفقك لكل خير وان بارك لك وان يحفظك من كل شر ... الف مبروك مقدماً ..... وبالتوفيق ... |
:14:
بسم الله ماشاء الله تبارك الله حصنتك بلا اله الا الله الله يتمم لك على خير ويختار لك الخيره الطيبه وييسر امركم يارب حبيبتي صلي واستخيري وتوكلي على الله ولاتتكلفي أبدا لبسك العادي تماما اللي تلبسيه دائم وشعرك ضروري جدا يطلع يعني البسي مثلا تنوره وبلوزه مع صندل ناعم وشعرك خليه مسدول طبعا من غير مكياج وادخلي بعد التحصين واجلس 5\ 10 دقائق جلسه ناعمه مع ابتسامه خفيفه:) شوي واطلعي طبعا حاولي تاخذي كم نظره:11: والله يوفقكم ويختار لكم الطيب استهدي بالله واذكري الله وتوكلي على الله الله ييسر امركم بشرينا حبيبتي حصنتكم بلا اله الا الله |
ماشاء الله تبارك الله
لااله الاالله الف مليون مبروك على العوض والله يجعله سبب لسعادتك بالدارين بالنسبه لشوفه ماعندي فكره ماجربتها والاخوات مايقصرون معك |
الف مبروووك:)
وبشرينا وش يصير معكـ :) |
حبيبتى ام الحسين و عمر
حمدا لله على سلامتك من العمرة و مقبوله بأذن الله و الف مبروك مقدما اسأل الله ان يكتب لك الخير كله وز يتمم لكى كل شىء على خير و ان يبارك لك و يحفظك من العين يا رب و زى ما اشاروا عليكى الاخوات .. استعينوا على قضاء حوائجكم بالكتمان |
اقتباس:
طبعاً هذا لايمنع من وضع الكريمات وتسريح الشعر (بس لاتغيري هيئته وتضحكين عليه مثل ماانضحك علي شفته ناعم والحقيقة طلع جاف وخشن !!! ) والله يوفق بينكم ويكتب لكِ اللي فيه الخير |
صراحه كلام المشرفه "روح الغالى " عيبنى وايد ..لدرجه ما تتصورونها ..حتى حسيت ودى اتزوج مره ثانيه كلام معقول وموزون وخطوات عملية ...بس الشعر لازم يطلع ؟؟انا ما ادرى فى هذا الامر شى ..المهم مشكوره على الخبره العجيبه هذه وماقصرتى والله يجازيك خير الجزاء ويوفقك للخير ويوفقك بالذى تقر بة عينك
|
عفوا الردود كلها ما عليها كلام ممتازه ..وصدق احس الواحد مدى الفرح التى عمتكم ..والله يوفق الجميع للخير حيث كانو .. اللهم آمين
|
ما شاء الله تبارك الله
الف مبروك اختي والكلام الي قالتة اختنا روح الغالي هو ما اردت قولة لكي ماقصرت الله يجزيها خير موفقة ان شاء الله |
بسم الله ما شاء الله تبارك الله
بسم الله ما شاء الله تبارك الله بسم الله ما شاء الله تبارك الله ربي يباركلك و ييسر لك أمرك و نفرح بيك قريب إن شاء الله |
مبرووووووووووووووك الغاليه اسأل الله ان يوفقك في حياتك وان ييسر لك امرك ...
تستاهلين كل خير ... كم فرحيتينا بها الخبر ... ^^ |
يغلق الموضوع فقد تم الامر
وهذا رابط الموضوع الجديد http://www.66n.com/forums/showthread...59#post1802359 |
| الساعة الآن 05:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©