|
هي في مثل عمري (25 ) .. ما رأيكم بالفارق.. وهل يؤثر عمرها في تربية الأطفال ؟
السلام عليكم ورحمة الله وبركاته
كيفكم ؟؟ بصراحه انا اول مره اطرح لي مشكله هنا هي عاد مو مشكله مشكله بس محتار وابي رايكم انا قررت ادور لي على بنت حلال لقيت اللي انا ابيه " طبعا انتهينا من الاستخاره وملحقاتها " ^_^ لكن المشكله اللي مقلقتني شوي هي العمر عمرها 25 .. نفس عمري مدري وش تقولون في فارق العمر؟؟ .. والشئ الثاني بالنسبه للعمر: انتم تعرفون ان الحرمه تكبر قبل الرجال .. صح والا لا ؟؟ فأنا افكر قدام .. يعني عيال او تربيه يعني راح يكونون العيال صغار وهي كبيرهـ .. ممكن ماتتحملهم .. او يتعبونها والشئ الثاني انا اشوف ان انسب شي يكون عمر الزوجه مقارب لسن الاطفال يعني بتفهمهم .. وبتحن عليهم اكثر تعرفون .. الواحد لما يتقدم به العمر يصير قاسي شوي مدري وش تنصحوني به ؟؟ عمرها مناسب او اشوف غيرها ؟؟ "" خذوا راحتكم .. ماني مستعجل "" ^_^ اخوكم شوق والم تم تعديل العنوان بما يفصح عن محتوى النص المشرف / شاطئ المحبة |
انت تقدمت لها و الا ما بعد ؟
|
أنا أرى أن فارق العمر مهم بين الزوجين ( الرجل يكبر عن المرأة على الأقل 3 سنوات وأكثر حتى 10)
لكن انت إجلس معها وشوف طريقة تفكيرها وكلامها ولو عجبتك توكل على الله. أما بالنسبة لموضوع الشكل فالمرأة فعلا تكبر قبل الرجل وشكلها بيكون عجوز عنه ولكن ذلك بعد ما توصلوا للستين وليس الآن. |
اهم شيء تربيتها اخلاقها تدينها مو عمرها (:
أعرف رجال تزوجوا من تكبرهم و عاشوا بسعادة و هناء و أعرف من تزوجوا من تصغرهم بسنوات فكانت النتيجة الدلع الزايد , قلة الإحترام , تلاقيها لا نافعة في بيت و لا مطبخ و لا تربية أطفال محتاجة اللي يربيها و العكس صحيح لان الناس تتفاوت في اخلاقها أهم شيء تكون مرتاحلها و مرتاح لعلاقتها بربها و أهلها و معارفها و مبروك |
اذا ماكنت تقدمت لخطبتها او تكلمت عنها
فالافضل انك تشوف وحدة اصغر منك بـ 5 سنوات الى 12 سنه >> وجهة نظر لا اكثر ولا اقل ولكن من الممتاز انك خبير في العمر وان المرأة تؤثر عليها الولادة والالام اكثر من الرجل لهذا ابحث عن فتاه اصغر ولكن لا تجعل هذا الامر فقط هو الذي يهمك ويكون مقياس اختيارك فالاخلاق والدين والتربيه اهم بكثير ولكن بالنسبة لي هذا الموضوع ايضاً مهم نفسياً ومعنوياً ومستقبلياً تمنياتي لك بالتوفيق ... |
لاحول ولاقوة الا بالله
اخي 25 جدا سن حلو ومناسب بالعكس فيها نضج وتقدر تربي عيالك تربيه اسلاميه وحكيمه الجمال جمال الروح و25 راح تعرف كيف تهتم فيك كزوج وكأب توكل على الله مبروك مقدما أي سؤال انا حاضره |
اقتباس:
لم تحرمون على بنات الناس الأمومه اقول لكم الدين والعقل اهم من هالتفكير |
أوافق الأخ نايت على كلامه
العمر عمر العقل أما العمر البيولوجي لا يعبر عن شيء أبدا فهو عداد لساعات و أوقات انقضت لا أكثر |
في نقطه مهمه قلتها وتبشر بخير
تقول صليت استخاره ولقيت اللي ابيه يعني ابعد الوساوس اعرف زيجات كثيره الزوجين بنفس العمر واشوفهم متفاهمين وسعيدين مدام استخرت الله ، الله ما راح يضيعك وبالعقل نفترض بغيبت بنت اصغر منك ، فرق سنه او سنيتن ما فيها فرق ليست مساله السن والعمر، في زوجات صغار اطفالهم مع الخدامات ، وبعضهم ما يعرفون اساسا ايش تربيه البنت الواعيه هي اللي تعرف تربي عيالها وتكون لهم صديقه توكل على الله |
اخي اولا الف مبروك الخطوبةوالف مبروك على طريقة تفكيرك لان الزواج جد مو لعبة شوف اخوي انا اوضح لك المسالة لان انا و زوجي نفس العمر هو اكبر مني 6 اشهور في بعض الاحيان خصوصا بالامور اللي تتعلق بالدين ابين انا اكبر منه وبعض الاحيان يبين هو اكبر مني بكثير وكانه من غير جيل والانسان بطبعه مو بعمره يعني انت فكر بشخصيتها اكثر من تفكيرك بعمرها والله يوفقك ان شاء الله وانا وجاهزة لاي استفسار
|
الف شكر لكم على المرور والرد
الله يجزاكم خير اخوتي انا ماتقدمت لها ولا شي لسى باقي ومن ناحية الدين والاخلاق واهلها وخصوصا امها كل شي تمام وانا مع اللي يقول ان تفكيرها راح يكون واعي ولو انا مابي الشئ هذا كان نويت اتقدم وانا معي شهاده ثانويه وهي مخلصه الكليه " وماني خايف انها ترفض بها الشئ " لانها مفتحه وتعرف مصلحتها وين ماشاء الله تباركـ الله وطبعا بعد السؤال عنها " جس نبض " من ناس مقربين منها وبنات مثل مايقولون يمونون عليها طلعت عاقله ماشاء الله تباركـ الله عليها وواعيه ..ورزينه .. ماعلينا من هالاشياء المهم انكم عطيتوني دافع زادني حماس اشوف وحدهـ اصغر منها وخصوصا ان هالشئ انا شفت له اثار جانبيه في ناس يقربون لي " من ناحية الرجل " لاتفكرون اني اسوي من حياة غيري معايير ومقياس لحياتي فهذا تفكير عقيم وبصراحه .. انا لما احترت لجأت لكم بعد الله سبحانه لأخذ ارائكم .. والاخذ برأي الاغلبيه " طبعا بعد الاقتناع " فو الله اني اعتبركم اخوان وربي الاخت نايت اقتباس:
ماراحت عن بالي " بالنسبه لحرمان البنات من الامومه " لكن في الامور اللي مثل كذا الواحد يبتعد عن العاطفه ويستعمل العقل .. علشان مايتخذ قرارات يندم عليه بالمستقبل وعلى فكرهـ ترى من المتابعين لردودك ومواضيعكـ وماشاء الله عليكـ .. مايحتااااااااااج والله ما اقول غير الله يوفقكـ ويرزقكـ الرزق الحلال يارب ويسعدكـ وكل شباب وبنات المنتدى آآآآآآآآآمين وما اقول غير الله يختار لي اللي فيه الخير " الله يباركـ فيكم " الله يحفظكم |
اللهم آمين
جزاك الله خير على الدعوه الطيبه اخي الكريم اخي لا تغضب لكني لا ارى داعي لتلك المخاوف التي لديك اكيد تبحث المنتدى وشفت مشاكل الصغيرات صدقني البنت العاقله تريح زوجها في بنات اصغر سنا لكنهن اما عندهن المظاهر كل شي واما تمشي زوجها على كيفها انا اخاف تخسر هالاشياء الأجابيه في البنت انت ممكن تشوفها وبعدين احكم |
ياخوي احس الكلام هذا ماله اي داعي....
الله يصلحك بس..... انا تزوجت وعمري 20 سنه وزوجي 23... والحمد لله مرتاحين..وولدي عمره الآن 13 سنه وتعاملي معاه احسن من تعامل ابوه والحمد لله..... والله يهديه.... بالمقابل اخوات زوجي واخواتي تزوجو وهم فوق سن 25 ومبسوطين وحياتهم آخر حلاوه ....وهم حنونات جدا مع عيالهم وطيبات ...فلا يغرك... اهم شي تكون دينه وذات خلق...وراح تعرف تربيهم ,,,مادام انك استخرت وارتحت واقدمت على خطبتها ...فالله سبحانه قد اختار لك والخيره فيما اختاره الله.... فالف مبروك مقدما وبشرنا اذا تمت الخطبه.... اسأل الله لك ان يرزقك الزوجه الصالحه و الذريه الصالحه..... وشكرا اختك ام حمودي |
ماراح أقول بموضوعك شي بحكم أني من بنات الـ25
لكن أشوف المؤيدين أنك تاخذها أكثر بس شكل العقل عندك رافض لهالأمر وخلاك تشوف العكس !! على العموم براحتك البنت مواصفاتها حلوه وبتلقى من يتقدم لها ويناسبها و أنت الله يرزقك |
يا اخواني
انا والله ما اعيب في البنت لا وربي .. البنت لسى في بيت اهلها والله يستر عليها ولاقصدي بعد اعيب في بنات الـ 25 لا وربي انا ادري ان الكبيرهـ واعيه وفاهمه .. معلمتها الحياهـ اكثر من الصغيرهـ وممكن تلقى كبيره عقلها عقل نمله .. صح والا لا ؟؟ الصغيرهـ عقلها على قدها .. وانا ما اقول الكل في بنات صغار سن لكن وربي عقلها يوزن بلد .. صح والا لا ؟؟ لكن السن وتجارب الحياهـ لها دور هذا شي طبيعي وليس كل البنات العمر يحكم تفكيرها لكن انا اقصد من ناحية الاطفال والموضوع لخصه المشرف في العنوان وانا لسى ماقررت قلت لكم في ردي السابق اقتباس:
ادري ان البنت بيجيها نصيبها لو ماتقدمت وكل واحد والله ماياخذ غير المكتوب له وماتموت نفس الا مستوفيه رزقها .. ربي ماراح يضيعني ولا راح يضيعها وربي ثم وربي اني معكم بسالفة عقلها وتفكيرها في هذا السن لكن .. حتى لو اخذت وحدهـ صغيرهـ راح ادور وحدهـ تفكيرها وعقليتها مناسبه حتى لو كان فيه نقص ترى الصغير يكبر ويعقل والايام سريعه .. اتحملها في البدايه لكن في النهايه مصيرها تعقل ان شاء الله فهمتوا اللي اقصدهـ الله يسعدكم |
في زوجات صغار, اطفالهم مع الخدامات ، وبعضهم ما يعرفون اساسا ايش تربيه
بس بغيت انبهك للنقطه التي كتبتها لك بالتوفيق اخي ولو تفكر فيها فرق خمس سنوات ما راح تسوي شي اقصد لو تزوجت وحده عمرها 20 يعني هي اللي بتكون صديقه اطفالك كل يعتمد على عقليه البنت ثم عقليه البنت انت صل استخاره في البنت مره ثانيه ربك راح يدلك |
اخي بنظري العمر مو مقياس ..
ليه الرجال و الناس عامة يحطون تاريخ صلاحية للانثى؟؟ مثلا اذا تعدت عمر معين خلاص محد يبيها.. بالعكس انا اشوف عمرها مناسب لك و انت عمرك مناسب لها و الله يوفقكم |
استغرب من طريقة تفكيرك؟
مالمهم بالعمر إذا كانت البنت عاجتك؟ ولو كانت اكبر منك ممكن يعني يصير فيها لكن بعمرك ...عادي شكلها... مرتاح لها والا لا ....تفكيرها يناسبك.. وبعدين مسالة انها تكون بعمر أطفالها يعني قصدك كم بيكون عمرها 18 مثلاً النساء يلدن الى سن الاربعين...يعني اول الاطفال يتربون والي بالأخير لا (طيب إذا بنسال عن كل شئ كم بتعيش من العمر إنت ؟ علشان نعرف انت الى كم بتصرف على الأطفال؟ وهل بيكون لهم عائل؟ووفرت لهم حساب بالبنك والا لا) الاسئلة الي بين قوسين تعني إن مداخل الشيطان كثيره ...أحد ضامن عمره والا حياته والا صحته إنت استخرت.. والبنت مرتاح لها.. خلاص احزم أمرك ولا تتردد ...أما إذا البنت مو عاجبتك أو تبغى صفات ثانيه فهذا شئ راجعلك ولا تدقق كثير....كويس إنك لقيت وحده تعجبك يمكن بكره تلقى غيرها بس الراحة النفسيه مهمه بالزواج والله يوفق الجميع |
تقول انك اتشجعت على البحث عن صغيرة من ردودنا !!
عضو واحد من قال ذلك و بقية الردود كلها قالت لك أن تتقدم للبنت ذات ال25 يعني إذا بعد كل هالإقناع انت ترجع على نفس كلامك فمعناها إن اللي براسك براسك محد فينا راح يقدر يغيره و معناه إنك غير مقتنع بموضوع السن و تجده عائق النسبة لك يعني أستغرب لما تطرح موضوع غذا كنت لا تنوي تغيير رأيك أو الإستماع لرأي الأغلبية الجميع أيدوا البنت عدا عضو واحد فأخذت بكلامه فورا لأن جاء على هواك طيب مثال جدتي أنجبت أول طفل على سن 16 و اتوقف عند 30 و فجأة لما كانت عندها 45 انجبت معناها إن طفلتها الأخيرة ما اتربت زين لأن جدتي كانت كبيرة غلط غلط غلط , خالتي هذي أكثر وحدة عاقلة في إخوانها بعد أمي و ما فرقت سن الأم على العلاقة بينها و بين طفلتها أبدا إذا راح تصمم على رأيك فإنت حر و الله الموفق |
قطرة حياهـ الله يباركـ فيك
اول شي اخر رد شفته لما رديت ردي الاول كان رد الاخت نايت وهذا هو : اقتباس:
راجعي الردود اللي قبل رد نايت راح تلقين شخصين مو شخص واحد هم اللي قالوا رأيهم نفس رأيي وهم " ملاذي الاخير " .... و " نسيان الماضي " واللي قالوا نشوفها عادي هم انتي والاخت نايت يعني صوتين لصوتين راجعي الردود وعلى فكرهـ ترى مو معناها اني اهملت الردود اللي تقول عادي وبعدين لاتسيئي الظن الله يهديكـ يعني افهم من كلامكـ انني نزلت الموضوع ابي استهبل او بس تسليه واللي في راسي في راسي ماراح يتغير ؟؟ لو في راسي هالشئ كان مانزلته اصلا ليش اخلي للشيطان فرجه يدخل في نفسي ؟؟ الله يحفظكـ |
السلام عليكم ورحمة الله وبركاته
اخي الكريم الله يختار لك الطيب وييسر امرك ويرزقك ربي الوزجه الصالحه انا بصراحه مالي تعليق في هذا الموضوع ولكن احب اقولك ابحث عن الزوجه الصالحه اللي تكون عونا لك في معارك الحياة اللي تكون عونا لك في امور دينك ودنياك اللي تعينك في تربية ابنائك اللي تشد من ازرك هذه الزوجه مارح تعيش معاك يوم او شهر او سنه هذي بتعيش معاك عمر هذي معاك بالحلوه والمره هذي شريكت حياتك فلا تتعجل بالرفض او القبول ولاتهتم لصغائر الامور الزواج اكبر من كذا عمر ماكان العمر او الجمال او او سببا في السعاده او التعاسه اهم شيء الوعي والتفاهم والتألف القلبي والروحي الله يختار لك الطيب |
اقتباس:
معلش أعذرني علم النفس لاحس مخي شوية كل الموضوع إني حسيت بإنك مصر فاستغربت و إنت أخي ما أقصد أي اهانة و الله يوفقك (: |
اقتباس:
اخي انصحك وارجوك فعلا مره ثانيه انك لو بغيت مواصفات معينه تحددها من الأساس يعني ليس منالجيد السؤال عن بنت ثم تغيير الراي لعمرها خاصه النساء لا يتكتمون على البنت ، وبعضهم ينشرون القيل والقال لما هون عنها فلان ليس جيدا بحق البنت انا لا اجلس افرض عليك شي بس انا اللي مستغربه تقول صليت استخاره وارتحت ثم تقول غير مقتنع بالسن اخاف جدا ان تلقى سن صغيره لكن تخسر تلك البنت لا اعلم ؟! الله يوفقك صل استخاره مره ثانيه |
المهم المحبه بين الطرفيين مب مهم العمر وراح تكون عاقله وفاهمه وشاطره بتربيت الابناء وثاني شي 25 مب وايد كبيره وقلب الام مستحيل يقسى علي عيالها
يالله بالتوفيج ان شاء الله ورايي المهم المحبه بين الطرفين تسد عن العمر وكل شي |
الله يجزاكم خير ويجعلها في ميزان حسناتكم
اشكر كل من مر بموضوعي وابدى رأيه شوركم وهداية الله مثل مايقولون قررنا نتقدم الله يكتب اللي فيه الخير بحفظ ربي |
اقتباس:
وأسأل الله لك التوفيق أخي يغلق |
| الساعة الآن 10:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©