عقدت على ابنة عمي .. ووالدها يمنعني من الزيارات والمكالمات !!
 

السلام عليكم ارجو من يوجد لديه حل اني ملكة والحمد لله ولاكن ابو خطيبتي لا يرضى بان اجلس معاها او حتي اكلمه واليوم عندي 3 اسابيع مو مكلم خطيبتي ولا ذاهب اليهم الى بيتهم فماذا افعل وهيه ابنت عمي ولله الحمد ما عملت اي شي يغضبه ونصحوني بان اترك الموضوع شهر ولاكن لا يجدي بعمي اي شي فماذا افعل انجدوني وانا احب خطيبتي واموت فيها وارجو الرد

ممكن أخي عمك لايرضى بذلك

بسبب العادت والتقاليد

حاولت تطلب منه؟؟

وإيش كان رده؟؟

خلص أذا تحب خطيبتك أصبر
وتر أحيانن يكون أحسن كذا من واقع خبرتي

والله طلبت اكثر من مره ولايتكلم معي اصلن والله اني اجلس امامه ولا اختلي بخطيبتي والله اني اخاف عليها اكثر منه وزواجي 4 اشهر ان شاء الله

اخوي انت تزوجت بنت عمك.. وانت تعرف عادات وتقاليد قبيلتك..




يعني لا تطالع للي يجلسون مع خطيباتهم.. لكل ناس عاداتهم..





صحيح يقهر... بس امرك لله..


انت الحين انتبه لتجهيزات العرس.. وربي يبارك لك ولها .. ويجعلكم افضل المعاريس.. ويسعدكم..

يأخي اصبر وتحمل

تقول : باقي على الزواج 4شهور

يأخي تحمل وتبي تتزوج إن شاء الله ولا يستطيع أحد يمنعك حتى عمك :d

لكل شخص عاداتة و تقاليده
خصوصا انه عمك و انت ادرى به

حاول تخلي ابوك يكلمه ويقوله عادي هاذي زوجتك ومن حقكم تجلسوا وتتكلموا مع بعض

يارب يسهل لكم الخير

أقووووول

( من كان له حيلة فليحتال )


انت عاقد على بنت عمك ، صح ؟


وهي تعتبر زوجتك ، صح ؟


وأنت لما تكلمها تكلم بنت يجوز لك تكلمها ، صح ؟


وإذا كلمتها بدون ما يدري عمك ما راح يضرك شي ، صح ؟


وأنت مصيرك متزوجها ، صح ؟




أقول يا أخوي


أتكل على الله وشف لك حيلة علشان تكلمها

عطفاً على مشاركة الأخوين

زوج في المستقبل

ش و م

أعرف ٍأحد الزملاء منعه خاله من لقاء ومكالمة زوجته
فترة الملكة ، فتحايل على كل هذا وإتصل بها خاصة أخر الليل:25:
وقت ما يكون فيه الأب موجود - على رغم بعد إقامة
البنت و زوجها قرابة 1000 كيلو بحكم العمل..


الله يوفقك أخوي وييسر أمرك


دمتم بحفظ الرحمن

أقول أركد وارزن ترى الخفيف ماله وزن ولا قيمة عند زوجته ولا عمه

قصتك مثل صديقي بالضبط , قلب عليهم الطاولة وأعطاهم طنااااااااااش

بعدها هو دعوه عندهم , لأنهم أحسوا برجولته وشخصيته فلو كان خفيف

كان ما أعطوه وجه , ووجوده كثل عدمه

جزيل الشكر على الردود والنصائح الحلوه

أسأل الله أن ييسر لك زواجك
و يسعدك بزوجتك
و يجمع بينكما قريبا على خير

الله يتمم عليكم
دخل الحريم بالموضوع وهن ماراح يقصرن بشكل ماتتوقعه

يغلق لبلوغه النصاب الزمني
المشرف / شاطئ المحبة