|
اناوزوجي والجوال
صباح الخير انا بكتب لكم معاناتي من زوجي طبعا كل يوم ياتي لي بالمشاكل حتى لوكانت تافها غير الدعاء عليا وغيرانه يتحسب فياوانا والله العظيم اني انسانه مسالمه ماازيد المشاكل احتسب الاجر عند الله وغير العصبيه حدث ولاحرج ايش اقول بالله عليك اخي الزوج لما زوجتك يدق عليها رقم غريب وانت منت موجود وترد زوجتك ويطلع الرقم غلطان ايش تسوي في زوجتك؟ شوفوا ايش سوافيا سحب الجوال مني وقال ماراح تخذين بعد اليوم جوال طيب ليش الجواب ليه تردي على رقم غريب ها ايش رايكم وغير الامور الاخرى لواني اقولها لكم والله تشيب روسكم الله يخليكم ارشدوني ايش اسوي معه
|
الزيارات 17 ولاواحد رد حتى لوبدعوه
|
لا تردي على أي رقم غريب .... أطيعي زوجك بارك الله فيك ... دمت بحفظ الرحمن ... |
السلام عليكم ...
اوافق اخي ابو وضحى جواب مختصر ورائع ... وازيد واقول .. الواضح ان زوجك غيور جدا عليك ويحبك وحريص عليك ... لذا افهمي زوجك يا رعاك الله ... 1 - اعتذري بلباقه منه وتأسفي له .. 2 - بعد مده سيعطيك الجوال بإذن الله ... واذا لم يرجع الجوال فطلبي منه ذلك من خلال ورقه او اختاري الزمان والمكان المناسبين وطلبي منه وقولي : يا بو فلان حقك علي اخطأت ومنك العذر والسموحه ... ارجع جوالي لي .. وثق في ...فانا زوجتك وام اولادك وابشر يابو فلان لن ارد بعد اليوم على رقم غريب ابدا ... :: 3 - عيشي يومك وحاولي التقرب من زوجك والبحث في اسباب عصبيته حتى تتفاديه فيتغير من انسان مزاجي وعصبي الى هاديء محب ... الحل المختصر .... لا تردي على رقم غريب ابدا ... وكسبي طاعه زوجك ... وبإذن الله مشكلتك جدا محلوله بالتوفيق .. |
يعني تقولون الي سويته يستاهل سحب الجوال مني طيب اذاكان يحبني ويغار علي ليش طيب مسح الثقه فيا لن قبلها بيومين جاني رقم غريب ورحت قلت له جاني رقم غريب واتصل شوف مين واتصل مارد عليه وبعدهارد وقال فلان موجود قاله الرقم غلط وبعدها جاني من رقم ثاني بس نفس الاسم المطلوب والله مصايب تجيني ماادري من وين واصلا هوقال لي ردي بس لاتتكلمي في الاول وطلع رجال والثاني سويت كذا رديت وصكت بس شكيت في صوته انه اخوي وبس هذا الي صار واخذ الجوال معاه العمل ورجع وقلت له ها خلاص بترجعه لي قال لاماراح تمسكيه الحين ياناس صعب على الزوجه انها تدور على رضى زوجها ومحبته لها وماتلقى الا النكران والحقران منه والحين راح البحر يصيد مع اصحابه وامس الليل جلس يدعي عليا انه مهو راضي عليا لادنيا ولااخره علشان دايم اقول له اذا نمت اوخرجت ابغاك تكون راضي علي ايش اسوي الحين والله اني خايفه انه مايرجع ويكون مهوراضي عليا
|
اقول يأختي
لا تكثري من قول هل انت راضي عني ... قبل النوم وبعد العصر وكل ما يخرج ... لماذا ؟؟ دعيني اكون صريحا معك ... زوجك واثق فيك ... ولكن ايضا انتي مشكلتك جدا بسيطه ... الجوال مثل ما قلتلك مصيره بيرجعه لك أن شاء الله .. 1 - أي رقم غريب ... يتصل ... لا تردي ... ثم مسح الرقم ...ثم عدم ابلاغ زوجك عن رقم غريب الا اذا كرر الاتصال كثيرا وازعك باتصالاته .. 2 - رساله لا تعرفي صاحبها مصيرها سله الحذف احذفيها ولا تردي ولا تبلغي زوجك بها ... الا اذا ازعجتك الرسائل من نفس الرقم مرات عديده .. 3 - لا تقولي لزوجك كل ماجاء وراح وكل ما خرج وكل مغاب _ هل انت راضي عني- اخيتي انتي حريصه على رضى زوجك ... خوفا من الله ... احسبك والله حسيبك ... لكن ايضا لا تكثري من هذه الكلمه بل قوليها عند فعل ما يحدث زعل بينكم واعتذري والحمد لله ... اخيتي افهمي زوجك ويوجد من المواضيع هنا التي تحث على فهم الازواج لزوجاتهم والعكس الكثير ابحثي وتجدي ما يسرك .. اتمنى .. ان لا تكبري الموضوع ولا تعيريه اهتمام زائد ....ولاتدعي الشيطان يدخل عليك من باب ان زوجك ناكر للجميل وغير واثق بك .. حتى لا تختلقي مشاكل غير موجوده .. وصدقيني ان زوجك راضي عنك والكلام اللي ينقال لحظه غضب ما يقصدها ... والسلام عليكم .. |
تفائلي بالخير دوما تجديه بأذن الله ...
زوجك سيعود من الصيد معه سمكه هديه لك ... بأذن الله ... المهم ان تكوني جاهزه لا ستقباله ونسي الموضوع او اعتذري ولا تذكري الجوال له الا اذا ذكره لك .. صدقيني بيرجعه لك ..أن شاء الله لانه واثق فيك فلا تدعي الشيطان يوسوس لك ما لم يقله زوجك ... بارك الله فيك ... |
الله يعطيك الف عافيه اخوي سيف المهند واشكرك علي ردودك الي تشرح القلب بس ابغى اقول انه انا مقلت لزوجي على الارقام الغريبه الي تجيني الامن كثر الاتصال 7 مرات رسال هذا الي خلاني اقول له واما على اني دايم اقول له ابغاك ترضى عليا بسبب كثر المشاكل ابغاه يحس اني ابغا رضاه مواكثر واما نصايحك لي انشاء الله راح اسويها والله يجزاك الخير
|
وابغى اقول بعد انه امس اماقدر ينام لاني خرجت من الغرفه على اساس اني بنام بره الغرفه النوم وجلست انتظرانه يجي يقولي تعالي نامي با الغرفه ماجاء وبعد دقايق جاء وقال لي نامي بالغرفه مشاء الله تبارك الله ماعرف ينام وانابره الغرفه وانا والله ناسويت كذا الا علشان الدعاء عليا والتحسب يعني من القهربس
|
اقتباس:
اختي لا تكرري فعلك هذا ... فان هذه المره تنازل وجاء واعتذر المره الاخرى قد يتعود على هذه الحركه فيتركك بدون اعتذار ... لذا دائما عند النوم كوني بغرفتك و ولا تلتفتي الى وسواوس الشيطان ... ::::::::::: ايضا انصحك بقراءه موضوع لي ... كيف تفهم شريك حياتك مثبت هنا اطلعي عليه ... وموضوع للاخت صائمه لله ... مفاتيح قلوب الازواج ابحثي عنه واستفيدي ... اسال الله ان يرزقك الذريه الصالحه وان يقر عينك بزوجك .. ادعي لي بظهر الغيب .. |
يا أختي خربت الدنيا يعني اذا ضليتي كم يوم بلا جوال
إلي بده إياك يحاكيك على تلفون البيت أنا لو منك لخلي له هالجوال ولو اعطاني اياه بقوله لا معليش ارتحت هيك الله يسر امرك |
اختي مو كل شي ينقال للزوج .. خاصه اذا كان الزوج من النوع اللي تكون ردة فعله
نوعا ما قويه .. ويعمل من الحبه قبه .. لكن اعتقد ان هذه النوعيه من الازواج من كثر ما تخاف منه زوجته تصب في اذنه كل صغيره و كبيره وذلك خوفا من ان ينكشف امرها و تروح في ستين داهيه .. ليه قلتي لزوجك عن هذا المتصل .. كان تصرفتي انت بنفسك .. اما انك تطنشي اتصالاته او تقفلي جوالك لفتره يوم او يومين او انك تبلغي شركة الاتصالات تتخذ معه الاجراء اللازم .. بدون ما تخبرين زوجك .. على العموم اختي زوجك تصرف هكذا لانه خايف عليك .. فهناك من هم من معدومي الضمير يعملون مثل هذه التصرفات لكي يزعجوا الغير ويقلقونهم ويسببون لهم المشاكل فاذا كان الطرف الثاني ايمانه ضعيف فانه يقع في هذا الفخ و تتواصل الاتصالات والعياذ بالله .. وياما قريت على المنتديا ان نساء ورجال متزوجين غرقوا في هذا المستنقع و تورطوا وصارت لهم فضايح و مشاكل.. وربنا يهدي زوجك و حاولي الامور اللي تثيره انك ما تخبريه فيها خاصه اذا كنت تستطيعين التصرف بدون الرجوع له .. وملاحظه اختي مهما كانت المشاكل بينك وبين زوجك اوعي تتركي غرفة النوم .. لا تنامي الا وراسك بجانب راس زوجك .. وربي يسعدك .. |
شكرا اختي اميرات علي النصايح الي تشرح الخاطر وان شاء الله راح اسويها ولما تقولين انه الحرمه الي تخبر زوجها كل شي تخاف منه لاوالله انه موخوف منه بس الرقم ازعجني وهذا الي خلاني ارجع له والزوجه مالها الا زوجها بس صح الي سويته اخذته على راسي بس اللحمد لله
|
حبيبتي انصحك اذا جائكي شيئ من رقم غريب ان تبلغي زوجك ربما يكون هو المتصل او المرسل كي يتأكد من طاعتك له فإذا لم تبلغيه قد تولدي فيه الشكوك والشيطان خبيث وخبير
خليكي واثقه من نفسك وحسسيه بتلك الثقه اعنك الله وهدى لكي زوجك حصني نفسك وبيتك دائما كوني بارده امام عصيبته وحاولي تثبتي له طاعتك كي يرضيكي |
غاليتي إذا كان سبب مشاكلكم الدائمة وعدم رضا زوجج عليج هو الجوال فإستغني عنه
وسيعوضج الله خير منه وهو رضا الزوج والحب والإستقرار... وبالتوفيق |
اختى لا تردين على رقم ما تعرفينه...عشان ما تصير مشاكل مع زوجك
|
مشكورين اخوتي الاعضاء على الردود الحلوه ماقصرتوا جميعا الحمدلله انحلت مشكلتي مع زوجي والجوال والارقام الغريبه وجلس يقول لي حسبي الله ونعم الوكيل على الي كان سبب في عصبيتي وزعلنا مع بعض بس الحمد لله انه اعترف بالغلطه معايا والله يهديه في ها الجمعه ويبعد عنا الشيطان وعمله ويسخر ازواج المسلمين انشاء الله
|
اللهـ يهديهـ صح بآلغ في الغيـرهـ بس أنتي مفروضاً تعرفينهـ و لا تدرين قدآمهـ على رقم غريب ..
|
الحمد لله على كل حال ..
استفيدي من هذه المشكله ... كي لا تثيري مشكله اخرى ... بالتوفيق .. |
| الساعة الآن 09:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©