|
زوجتي تريد التسجيل في منتدى والمشاركة فيه
السلام عليكم ورحمة الله
يااخوان زوجتي تريد ان تسجل في منتدى وتشارك فيه وانا رفضت الموضوع نهائيا لانه اغلب الشباب في المنتديات ماهمهم الا يتعرفون على البنات طبعا اقصد منتديات الالعاب وليست المنتديات المتخصصة بشيء معين مثل منتدانا هذا وهي بعدها صغيرة في السن واغار عليها والله اخاف تصير اشياء مب زينة وبعد رفضي اصرت اهي انها تسجل وقالتلي رفضي ماله اي سبب مقنع قلتلها اني اخاف عليها ولما شفت عنادها زاد فصلت الانترنت من البيت هههههه والله من حوستي وش اسوي قامت سجلت من بيت اهلها وماطاعتني وانا عرفت وتخانقنا بعدها ورفعت صوتي عليها وطقيت الباب في وجهها وخرجت من البيت واهي الحين زعلانة وانا بعد زعلان والله اكثر منها :(:(:(:(:(:(:( مدري وش اسوي دلوني تكفوووون اتركها تسجل وماعليه من احد انا اثق فيها والله وادري فيها بس ما اثق في هالشباب :( انصحوني تكفون :( |
ليش دام عندك ثقه في زوجتك خلها تسجل والعفيف عفيف الله يهديك ان شاء الله ويسخر زوجتك لك ان شاء الله
|
ليه اخوي تحلل على نفسك دخول المنتديات و الاستفاده منها و تحرّمه على زوجتك
خلها على طووول تسجل في منتدانا .. راح تستفيد منه كثير .. حسسها اخوي بانك تثق فيها .. وخلها تكون واثقه من نفسها .. ما يمنع اخوي انها تسجل في المنتديات الزينه مع اعطاءك لها بين فتره الثانيه نصايح وتنبيهات .. توكل على الله اخوي .. |
وعليكم السلام ورحمة الله وبركاته
أخي الفاضل لا بد أن تنزل زوجتك عند رغبتك ولا تعصي كلامك فتشترك من عند بيت أهلها و الامر بارك الله فيك لك و كما قال النبي عليه الصلاة والسلام " دع ما يريبك إلى ما لا يريبك " و القاعدة الفقهية تقول " سد الذرائع أولى من جلب المصالح " والتي تعتبر من كمال الشريعة و بالحوار بينكما تتبيّن وجهات النظر و تتضح أكثر و بدون إفتراق وتفارق فأنت لا تحب أن تشترك و لكنك الأن كبّرت المشكلة و لا داعي لتكبير المشكلة فإن كان ولا بد من أن تشترك و أنت لا تطمئن بذلك فلتشارك بوجودك و انت مشترك معها في الردود و في طرح المواضيع و ما إلى ذلك و لتنتبه إلى أنها يجب أن تكون عند رغبتك مهما كانت مادامت ليست في معصية الله و الله تعالى أعلم و الله ولي التوفيق |
السلام عليكم ورحمة الله وبركاته ..
اخواني بارك الله فيكم .. اخوي يقول انه مايبيها تسجل في منتدى العاب وخرابيط ... ومامنه فايده مثل منتدنا ... انا من رايي اخوي دام انك واثق فيها وفي منتديات حلوه وفيها العاب تنزلها وفي مسلسلات وبرامج حلوه شالمشكله لو خليتها .. انا مسجله في اكثر من منتدى العاب وماقط مرة حد كلمني او ارسل لي انه يبي يتعرف او من هالقيبل لانه يبين من اسلوبي اني مب مالت هالسوالف واكيد زوجنك احسن مني ... دامك واثق فيها اقصر الشر يخوي ورح لزوحنك وكلمها وبين لها انك كنت تغار عليها ومافي مانع لو سجلت معاها عشان تشاركها يعني وفي نفس الوقت انه هي تحس انك معاها ومايكون في مجال للشيطان يلعب بعقلها لاقدر الله ... بس اهم شي اخوي فهمها انك تضايقت من رفضها انك تسمع كلامك .. يعني اوكي انت رفضت يا اما تقنعك او تنطر لين تقتنع ماتسوي هالشي من وراك وتروح بيت اهلها تسجل .. هالشي غلط مع احترامي لك ولها اخوي .. الله ييسر لكم الخير يارب ويصلح بيتكم ويخليكم لبعض يارب ... |
عجيب امرك اخي الفاضل
محلل شي لنفسك ومحرمه لزوجتك بأي حق هذا |
ما اعتقد هذي مشكله .. اهيا كيفها تدش وين ما تبي دامها محترمه حالها بين لها انك تثق فيها .. انت مشترك اهني ف لا تحلل على روحك و تحرم عليها شيء ثافه مثل هل الشيء .. لا تكبر الامور لانه السالفه ما تسوى روح و راضها و قولها انك غرت و انك تحبها و ماكو مشكله و اب تعطيها الثقه و خلاص
اختك بني |
بصراحه مااشوف زعلك او رفضك له مبرر
الدنيا تغيرت يمكن هيا تستفيد من المنتديات وحتى تتسلى بالألعاب المحترم محترم في كل مكان واذا انت واثق فيها وواثق من نفسك فليش ترفض |
رفضك ماله أي داعي
و بعدين في منتديات كثير نسائية الرسائل الخاصة ممنوعة أصلا فيها يعني مضمونة حتى منتدانا هذا أتوقع الرسائل ممنوعة فيه لا أدري حقيقة بس عمري ما جربت أرسل أو استقبل |
هناك منتديات نسائية أولا و هناك منتديات محترمة و ممكن تخليها توقف خاصية الرسايل ؟
ثاني شئ أعرف واحد كان مثلك كذا مع زوجته و صارت زوجته تدخل للشات من عند أهلها و زوجها ما يدري و ألحين سامح لها تشارك و هو متابع لها بسبب غيرته الشديدة |
انا ماألومك
بالعكس ما شاء الله أنت تحبها وتخاف عليها لكن أضمن لك هذا المنتدى والله مافيه مثله كفاية أن الخاص بين الأعضاء ممنوع وبعدين المراقبين والمشرفين في المنتدى هذا الله يجزاهم خير واالله يقومون بالواجب وأكثر دمت في توفيق الله أنت وزوجك |
و عليكم السلام ورحمة الله وبركاته
ٍأخي الكريم العاشق لزوجته<<< ومن العشق ما خرب بيوت أخي الكريم زوجتك لما خبرتك بتسجيلها بالمتتدى هي أظهرت لك أحد إهتمامها (يعني كأنها تقول شفني و أهتمي بي) حتى ولو كانت شيء تافه ومضيعة، وقت كان من الأنسب أنك تطلب منها أنها تعرفك على المنتدى أنت بالمقابل تعرفها منتدى مثل منتدانا أو منتديات نسائية ممتازة يعني بالعربي تعطيها خيارات وهي تترك لها الإستكشاف والإختيار. هي من نفسها تجدها ترتقي بإهتماماتها وتركز على المنتديات الممتازة وتترك التافه تلقائياً،،،، الأن حاول تصلح ما سببته من مشاكل وشاركها إهتماماتها - إعرض عليها الأشياء التي تحبها كل النساء وستجد أنها تتغير.. و يا أخي الكريم طاعة الزوج ما كل مرة تأتي بطريقة مباشرة إنما تأتي في بعض المرات بطريقة غير مباشرة. فكر فٍأنت الرجل العاقل ومن تملك القوامة والقيادة لدفة حياتك الزوجية. والقائد دائماً حكيم وصبور ولا يسستعجل ويفكر قبل أن يعمل وأعلم أنها - بإذن الله - لن تقع بالحرام ما لم تقع أنت فيه ؛ فهي عرضك فحافظ عليه. [blink]واللبيب بالإشارة يفهم[/blink] الله يوفقك ويسدد أقوالك وأفعالك و يسخر لك قلب وعقل زوجتك أخوك عزوبي:21: بس:d رجل:30: دمتم بحفظ الرحمن |
رائي من رائ الاخ
عزوبي بس رجل ونعم الرد |
وعليكم السلام ورحمة الله وبركاته
أخوي العزيز أنا أشوف إنك ماتحرمها بدون سبب مقنع تقتنع هي به لأنها بتلجأ لإسلوب عمل الشي بدون اذنك وانا اشوف مادامت قالت لك عن رغبتها بدخولها للمنتدى فهذا يدل على كبر عقلها لإستئذانها منك وترغب في مشاركتك لها وليس في منعها ووالله العظيم لما دخلت هذا المنتدى وجدت الفائدة الكبيره ومنها المشاكل وحلولها لي وللغير والمواضيع المتميزه وكل شي فاتركها تختار ولاحظها بدون ماتحسسها ولاتخلي الأمور البسيطه تأثر على حياتكم يمكن يكون عندها وقت فراغ أو تحس بالملل فساعدها باللتي هي أحسن ... وبالتوفيق |
ياجماعة افهموا وش يقول
هو يقصد أقسام الألعاب الي في المنتديات والوساليف والضحك الي بين الشباب والبنات يعني الألعاب الي تقول مثلاً : نعد خمسة والي يصير الخامس يرمي الكيكة على أي واحد معهم << قسم بالله مصخرة شف يا أخي أنصحك نصيحة لوجة الله ومن خبرة سنوات في المنتديات خل زوجتك تسجل في أي منتدى محترم بس امنعها منعاً قاطعاً عن أقسام الألعاب والله يا إخوان أقسام الألعاب كلها غزل بغزل وأنا ما أقول الكلام ذا من فراغ لكن والله من خبرة طويلة جداً الله يوفقك ويصلح بين قلوبكم |
السلام عليكم
اولا الله يجزيك الخير على غيرتك ثانيا اقول احذر يا اخي الا تزيد غيرتك بشكل تؤثر فيه سلبيا على حياتك ثالثا انا اتفق معك ان التسجيل في المنتديات الذي فيه رسائل خاصة امر ضار و سيء جدا و لا أنصح به لا الكبير و لا الصغير لان ببساطة الشيطان موجود ويزين للانسان سوء عمله .. باختصار انا مع التسجيل في منتدى ليس فيه رسائل خاصة (مثل منتدانا) .. و ضد اي منتدى فيه رسائل خاصة لان الرسائل في نظري اول المصائب(بداية النهاية) اذا كانت بين الجنسين .. و الله يحفظكم .. |
والله محد فهمني الا اخ انسان ثاني
كلكم قمتوا علي ومحرم عليها ومحلل على نفسكم اقروا الموضوع زين الله يعطيكم العافية ومشكورين على الردود الزينة والطيبة وعلي خلاص وافقتها بس على منتديات نسائية وطلع المنتدى الي مسجلتن به منتدى نسائي ويقولون مايدشون الشباب فيه مشكورين وماقصرتوا السلام عليكم |
تمام
أنا مسجلة في عدد من المنتديات النسائية أصلا لو دخل شاب على طول يحذفون عضويته و يلغون رقم الأي بي تبعه عشان لا يدخل ثاني و اطمئن هذي منتديات جوها رائع و بتلاحظ على زوجتك اهتمام أكثر بنفسها لأن محتوى هذه المنتديات اسلامي طبخ أناقة و هكذا أشياء تفيد المرأة بيتها و حياتها و زوجها الله يبارك فيكم |
المفروض انك ما رفضت !!!!
ترى لازم تكون مرررن ... تمنع الشي المفروض يمنع .. وتسمح للشي المفروض يسمح ام تمنع كل شي !! ابدا مو من صالحك وليس من صالح حياتكم الزوجية وبعدين اخوي الغالي لازم يكون عندك ثقة بزوجتك .... لان الي يبي " الخطأ " بيحصله حتى لو ما عنده نت ولا عنده شي والي مو راعي هالاشياااء المنتديا ما اتوقع بتأثر عليه ابدددددددددددن :) |
يا أخي ليش هيك تصرفت من البداية تصرفك مو صح
في أحد بهالزمن ما بيدخل الانترنت برأيي من الخطأ انك تمنعها من الانترنت و لكن من الصح انك تعطيها حريتها مع بعض النصائح و خليك مراقب للوضع من دون ما تحسسها زوجتك صغرة يعني كم عمرها ؟ في أطفال بعمر 10 و 12 سنة عندهم ايميلات و بدخلوا الانترنت و بعرف ادمن (مشرف ) منتدى جامعي عمره 16 عام و أكثر اعضاء المنتدى التزاماً علما انه هو لسا في الثانوية و الاعضاء في الجامعة أخي الكريم لا تتسرع مرة تانية مشان ما تكسر كلمتك كن حازم معها لكن بحدود معقولة حتى ما تتصرف من وراء ضهرك بما لا يرضيك هي مقتنعة تماما انه المنتديات ما فيها شي معناها هي ما عندها خبرة و انت الآن اذهب إليها و اجلسها بحضنك امام الكومبيوتر و عملوا مشوار بين المنتديات و عرفها الفرق بينهم و اعطيها الدليل زوجتك اذا كانت متدينة ستعرف كيف تختار و ان شاء الله حتى لو اشتركت بمنتدى ترفيهي يمكن ان تكون داعية هناك سجلت شخصياً بمنتدى جامعي قبل ان اتزوج بأربع سنوات و كنت دائما انتقد اعضاء المنتدى بالكلام بينهم و اتكلم مع الادارة و احاول أدعوهم ان يخافوا الله و ينتبهوا للرودو بين الاعضاء و حصلت الحمد لله على عدد كبير من الصديقات اللي التزموا حدودهم مع الشباب و الحمد لله كلهم بحبوني لأني كنت أكبرهم سناً حتى كانوا يعطوني أسرارهم مع الشباب و انا أساعدهم و الحمد لله كنت مسجلة باسمي الحقيقي و عمري ما شعرت اني ندمانة لأني حافظت على سمعتي و سمعة صديقاتي اخي الكريم اتمنى اني اكون أفدتك و برأيي اني زوجتك لازمها ثقافة لأني يمكن تشعر اذا كانت مع صديقاتها او قريباتها انها متخلفة و لا عندها علم بالانترنت و هذا شي يعكس نظرتها لك و بالتالي يأثر على علاقتكم وفقك الله لما يحب و يرضى |
رفضك يمكن فيه غلط بس دافعه الغيرة وهذا شيء رائع
شجعها على دخول منتديات راقية هادفة مثل هذ المنتدى حتى تعرف انك مو بس حاب تسيطر وخلاص بس زعلك في محله اخي الكريم ما كان لازم تروح تدخل الانترنيت من بيت اهلها فهذه خيانة للثقة و كسر لكلمة زوجها خليك زعلان وبين لها انك زعلان لانها عاندتك و كسرت كلمتك وانت قلت هي صغيرة يعني لسة تحتاج نضوج حتى تفهم كثير من الامور الله يوفقك وتره انك عليت صوتك عادي احن النساء يبيلن بين فترة والثانية واحد يعصب علين وترة اذا لكين عسل ناكله كله ما نرحم |
خلها تسجل ما فيها شي. بالعكس يمكن تستفيد
خصوصا اذا ما عندكم اولاد و هي لحالها في البيت. بس خلك انت متابع معاها و شاركها جلستها على النت و تقدر انت تعلمها كيف تتعلم على النت. حسسها بالثقه و صدقني اهي ما راح تخبي اي شي عنك بتشوف انها بتستشيرك في كل شي على المنتديات اللى تدخلها. توكل على الله و شجعها . |
السلام عليكم
ياخي هي قالتلك ماخبت عليك زوجتك جدا تحترمك ويهمه رايك ولكن ماتمنعها وبعدين الحافظ الله وهناك منتديات محترمة جدا والافضل انه هناك ثقة بينك وبينه وتبادل في الحوار وفي دخولكم على النت |
اقتباس:
صعب جدا انك تحرمها من النت في هالزمن .... ودامها قالت لك من الاول واستاذنت منك لا تمنعها ... دامها صغيرة وتسمع سواليف البنات حولها عن المنتديات والنت و و و لا تمنعها بس وجهها ونبهها من الاخطار اللي فية <<< وانت ادرى باخلاقها ....واتفرجوا على المنتديات من وقت لوقت واجلس معها على جهازها والعكس.... وبكذا تحقق الشفافية وتقدر تنتبة لها وتوجهها بطريقة حلوة من دون ما تحرمها وتروح تدورة من وراك........... وغيرتك شي حلو ابدا مو عيب الله يوفقك وينور طريقك |
اخي الكريم.....موضوعك فيه امران
الاول\ان زوجتك تريد دخول المنتديات..... والثاني انها دخلت المنتديات دون اذنك اما الاول......فهو لا بأس في دخول الزوجه المنتديات المفيده والهادفه فهناك في منتدانا الكثير من اخواتنا اللواتي يمددننا بمعلومات وافكار رائعه وهن ملتزمات ونحن نتشرف بهن ونفخر انهن اعضاء معنا ونكن لهن الاحترام والتقدير......وانا اقول لك ان [blink]زوجتي [/blink]احدى هؤلاء الاعضاء اما الثاني....فأنت من جعلها تعصي امرك واسمح لي ... لم تكن لديك الحجه في نهيها عن المنتديات...مما دفعها الى الدخول من بيت اهلها اخي ..ناقشها وحددلها المنتديات التي ترى انها تستفيد منها...ولتجلس معها تتصفح المواضيع وتتناقش معها في المواضيع التي تتصفحونها والله يهديكم الى ما فيه خير اخوك |
حرآم عليكـ .! بالعكس هذا يحرهـآ أكثر ( عدم ثقتكـ فيهـآ ) عطهـآ الثقة و صدقني لو تجيهـآ أي رسـآله من أي شاب طايش
ايش بتقول ؟! بتقول اللحين زوجي وثق فيني أخون هالثقة ؟! بس أنت عطها الثقة و دلهـآ على منتديات محترمة مثل هالمنتدى أو أي منتدى إسلامي ثـآني .. |
كل ممنوع مرغوب
لوانكقلتها لها اشرايك تسجلين وانا وانتي نكون سوى و نشارك مع بعض ع الاقل تكون معاها و تشوف كل شيء بعينك وهمن تكون فيه حوارات مشتركة بينكم |
| الساعة الآن 03:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©