|
زوجي ومكالماته
السلام عليكم ورحمه الله وبركاته
فالبدايه حبيت اشكر كل القائمين على هذا المنتدى واتمنى منكم مساعدتي في مشكلتي هذي اللي هي اكبر مشكله في حياتي ومالي غيركم بعد الله سبحانه وتعالى........... انا متزوجه صار لي تقريبا 4 سنوات وشوي وعندي طفلين...المشكله انه زوجي يكلم بنات من اول اسبوع من زواجنا والى يومنا هذا اذا مايكلمهم بالتلفون ... يكلمهم عن طريق النت...واخر ماوصلنا اليه انه تعرف على وحده عن طريق النت ويكلمها بالجوال....وانا ميييييييييييييييييييييييييييييييييييييييييته من القهر وماادري ايش الحل؟؟ افيدوووني...مع العلم زوجي انسان محافظ على السنه..محافظ على صلاته بالمسجد...يحب عياله ويموت فيهم ... محترم اهلي ولايشتمني ولايضربني...داااايما فالبيت يعني بيتوتي...مايتاخر برا البيت...احيانا يقوم الليل ويقرا القران...يسمع للاشرطه الدينيه....وهذا اللي بيطير عقلي مني...واذا في اي استفسار انا فالخدمه تم تعديل العنوان ليتناسب مع المضمون .. |
وعليكم السلام ورحمة الله وبركاته
اختي شي غريب والله محافظ على دينه وهذا تصرفه! يمكن اختي يلزمك تغيرين شوي من نفسك يمكن نسيتي نفسك مع العيال والبيت اهتمي به شوي وشوفي طلباته وان شاء الله ربي يصلح لك الحال والاحوال وعليكي بالدعاء السلام عليكم |
الله يهديه
اقتباس:
وبعدها تبينين له عن انه كل هالمحاسن ممكن انها تخف تدريجي مع الوقت او ممكن انها تختفي لسبب واحد ممكن هو مو حاس فيه ومايستاهل التضحيه بكل هالاشياء الي تضمن له بإذن الله الجنة والنعيم الدائم مع اختيار المكان والزمان المناسب والحوار بتودد والله يكون بعونك ويهدي زوجك ويخلي كل منكم قرة عين للآخر |
فعلاً شئ غريب ، ربما كان متزوج من قبل ...
|
الاخ عاشق زوجتي....والله اسوي اللي اقدر عليه عشان ارضيه ومن النوع اللي اهتم بنفسي ولله الحمد وعلى قدر من الجمال والعلم وهو يكبرني بتسع سنوات وبعدين انا قلت من اول اسبوع من عرسي وهو يكلم بنات..انا احس انه انسان مبتلي وماخذ الدين ستااار له...
|
تكلمت بالموضوع كثير مره يتحجج انه يكلمهم لان يحل مشكلة اخوه مع بنات الحرام...ومره ينفي ومره جبت الادله وواجهته واعترف واعتذر...وانا عني تعبت من التبريرات....دعواتكم لي واشكرج على مروورج...مع العلم اني كثيره السؤال اذا في اي شي مضايقك مني يقول واحاول اعدل
|
محمد هيا كيف يعني متزوج....يبين يوم العقد صح؟ ويسالني الشيخ اذا انتي ترضين بالزواج فيه وهو انسان متزوج...يعني بيبين...وبعدين مايكلم بنت وحده مره من الخليج ومره من الدول العربيه ومره ومن نفس البلد
|
الله يصبرك ادعي له بالهدايه
الله يفرج همك ويسخره لك |
الله معك مالك الا الصبر والاحتساب والدعاء والله واحد مثل هذه الصفات يكون مبتلى ولا معمول له عمل وبعدين ما احد جابره ينافق ويقوم الليل ويقراء مالك الا الادعاء له وتجنب المشاكل معه
|
الله يعينكم يالرجال بهالوقت
البنات تفسخن ووصلن مرحلة من الإبتذال غير معقولة ( الا من رحم ربي ) والله يا أخوات إننا بلشنا في بنات الناس في المواقع في الشوارع في الجامعات في كل مكان البنات ينشبن بحلوق الرجال ولا أحد يقول الرجل يبي ، الرجل اذا شاف البنت رخيصة لهالدرجة بينفتن تبرج وسفور ولبس خالع ويبون الرجال يصبرون الله المستعان بس أسأل الله إن يعيد الحجاب لبنات المسلمين ويستر عليهن ـــ شوفي أختي زوجك مستقيم إن شاء الله ولكن لكل إنسان ذنوب يبتلى بها وبعضها يصير ذنب مزمن لذا هو أحوج للعلاج من أي شي ثاني اجتهدي بتذكيره بالله والدار الآخرة وذكريه إن ذا طريق للزنا والعياذ بالله وأن الزنا من أعظم الذنوب وذكريه بحديث الملكين اللذين سريا بالرسول صلى الله عليهم وسلم حتى وصلا إلى ناس في تنور والنار من تحتهم << الحديث مشهور وقولي له ذي خطوات الشيطان شوي شوي لين يطيحك بشي أكبر ولا أحد يأمن على نفسه الفتنة قولي له إن الفرج يزن والعين تزني والأذن تزني والفم يزني وذكريه بهالكلام ذكريه بالأجر إذا ترك هالأشياء وبنفس الوقت لاتنسين الدعاء فزوجك مبتلى نسأل الله أن يهدينا وإياه ووالله إن الرجال في هالوقت -الي يخافون من الله - يمرون بابتلاء صعب جداً يا أختي أنت ماتطلعين وتشوفين بنات الناس وش يلبسن ؟ أنت ماتشوفين التفسخ ؟ ماتشوفين الدشرة الي تصير بالنت ؟ أختي زوجك مبتلى شدي حيلك معه إن شاء الله بالتذكير وبالتعويض شوي يعني مثلاً إذا طلع أرسلي له رسالة غزل كلميه استهبلي عليه وامزحي معه ذكريه بحبك له ذكريه إن ذا نوع من الخيانة وطريق خطير جداً جداً أدري طولت بالكلام بس والله لأني أحس إنه مسكين يمر بأزمة أسأل الله العلي العظيم أن يمن علينا وعليه بالتوبة وبغض البصر وبترك المنكرات اللهم آمين |
الله يفرج همك ويهدي زوجك
عينيه ولاتكوني عليه والجئي الى الله عزو جل هو اللي راح يفرجها عليك اكثيري من الاستغفار واسال الله العلي القدير ان يهدي شباب المسلمين وفتياتهم الى الهدى والتقى والعفاف بحوله وقوته انه على كل شي قدير |
اولا عليكي بالدعاء له بالهدايه
ثانيا لابد ان تصارحيه ان ذلك يجرحك وان ذلك الشىء محرم يارب يفرج همك ويهدي زوجك |
اختي فيه كلمه وحده تقهر الرجال واذا عندك بنت بيكون السلاح فعال اشد شي على الرجال ان احد يتكلم في خواته انتي ابتحرقين لحيته الي ماتستحي من التلميح اذا كان يكلم او على النت يكلم بس ارمي كم كلمه واطلعي مثلا قولي الله يستر عليك يابنتي الي يتجرى على محارم الناس الناس تتجرى على محارمه الله يستر على بناتي ولا توخذوا بذن غيركم ومن كذا وهو متمسك بسنه وقولي الله لا يبلانا البلوه شينه ترميك واهلك بالهلاك
وقولي لبنتك اذا ارتفع صوتها صوت المراة عوره خفضي صوتك مدري كيف الي يكلم بنات كيف الحرمه اقسم بالله انه راح يحترق من داخل وكلام عندي كثير بس خايفه من اعضاء المنتدى يذبحوني |
اقتباس:
فكلامك فى اطار النهى عن المنكر ولا اظن احد ينهاكى عنه وهذا الزوج فى غفلة ويحتاج حقا للتذكير بالله والتخويف من عقاب الله مشكورة اختى مطويات على تعليقك والله يعين صاحبة الموضوع ويهدي لها زوجها |
قصة غريبة عنجد شي غريب
بس ممكن تكون نزوة وحتروح الله يوفقك |
لاحول ولاقوة الا بالله
الله يهديه ويصلحه ويبعد عنه بنات الحرام .. انا مع كلام اختي مطويات فعلا عين العقل ... |
أعتقد أن المكالمات أصبحت (عادة) عند زوجك ... وبالتالي ماصار يحس بعظم ذنبها أو حرمتها ... بمعنى أنه صار ما يشوف فيها عيب لو كلم بنات ... ويمكن في قرارة نفسه مقنع نفسه أنه نوع من التسلية والوناسه واللهو البريء ومدام اني ما وصلت للحرام فهاذا أهم شيء!!!
حاولي تنصحينه ... أو بالأصح أجتهدي في نصحه لأنك وكما يبدو ماقصرتي بس ما من مجيب ... أدعي أن الله يهديه وأكثري من الأستغفار .... وجربي نصيحة أختي مطويات .... لعل وعسى ! الله يهدي سركم ويبعد عنكم الحرام يااارب... |
بما انكم سمحتو لي اكمل فالخلاصه ان الزوج اذا كلمتيه مباشره بيحس انك تنصحيه وتفرضي رايك فلابد من الحديث الغير مباشر ليوم كلمت بنات الناي فرصه لوجود حديث جماعي لان تكوني انتي الباديه لان هذا الحديث نراه يتكلمون فيه كثير المسلسلات بعد كثير فابدي رايك على طول بنقد جارح للي يسوي كذا ودائما رددي عليه كم تدين تدان الي يكلم بنات الناس بكره الناس تكلم بناته ولا تيئسي من اصلاح زوجك لانه اول واخر هو سندك في دنيتك وبتوفيق
|
اقتباس:
|
يسلمو جميعا عالمرور والتعقيب...والدعاء وجعله الله في ميزان حسناتكم..وربي يوفقكم دنيا واخره ....انا واجهته ولي عوده معاكم باخر الاخبار...
|
اعانك الله اختي و صبرك على تحمل هذا الزوج الغير واعي لما يفعله من كبائر في اعراض ناس غافلين عن بناتهم هداهم الله تعالى
انصحيه اختي و ذكريه ان له زوجه وام و بنات و اخوات فهل يرضى لعرضه ما يرضاه لغيره هداه الله سبل الرشاد و ثبته على الدين الحق |
الله يهديه
|
| الساعة الآن 03:34 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©