|
خطيب اختي قال عنها هذا الكلام !! مالحل؟ .. حلت المشكلة بفضل الله
السلام عليكم ورحمة الله
اختي كتبت كتابها لها كم يوم .. واستغربنا ان زوجها لم يزورها ولم يتصل عليها رغم انه في نفس البلد .. مع العلم انه وقت عقد القران العريس ماحط المهر وطلع من غير مايبرر تصرفه .. ابوي سكت وقال يمكن الحين مو متوفر بعد الحفله وكل شوي نستناه يدق عليها مادق بعد كم يوم اتصلت اخته وقعدت تقول ان اخوها تفاجئ فيها ( رغم انه شافها الشوفه الشرعيه ) وقال ماتوقعتها كذا وليه كفها اسمر وليه رقبتها فيها شعر ,, وليه سنها مسوس وقال اشياء ثانيه تافهه اترفع عن ذكرها ..رغم ان كل من حظر الحفله اعجب في اختي وفي شكلها .. واحنا الحين مصدومين ماندري وش نقول رغم ان امي قالت لاخته شوفي حنا لس على البر اذا اخوك ماوده يتمم الزواج فماحصل الا الخير .. والزواج قسمه ونصيب ..قالت اخته لا مولهالدرجه بس المره الجايه انتبهوا زين وخلوها تتصلح اكثر .. بالله اش رايكم ؟؟ نقول لابوي على مكالمة اخته ونخليه يقعد مع الولد قعده رجال يتفاهمون ولا نستنى لين مايجي ولا يكلم اختي ؟؟؟ ارجوكم ساعدوني بأرائكم جزاكم الله كل خير .. |
و عليكم السلام و رحمة الله و بركاته
بصراحة هذه التصرفات غير لائقة , تعتبر غيبة للفتاة(اختك) و من الأصول ان يكتب المهر و المتأخر في جلسة كتب الكتاب .. و كلامه يحتاج له وقفة , و أقول لا يجب ان يترك هكذا و ينسى بل يجب التفاهم مع الخاطب لكي لا تظلم الفتاة في هذا الزواج .. و لا تنتظروا اتصاله فقد لا يتصل اصلا , و قد يتجاهل الأمر لان طريقته في الكلام عن خطيبته امام اهله قد يكون دليل انه يتعامل مع مثل هذه الأمور بالشكوى بدلا من مواجهة الطرف المقصود .. (اختك و اهلها) و الله يوفقها و يرزقها من يقدرها و يستحقها . و الله يجزاك خير على وقفتك بجانب اختك |
ارجو من اصحاب الاراء السديده
عدم اهمال موضوعي للاهميه اختي تقول احس انه طاح من عيني ..ونفسيتها مره مدمره .. |
جزاك الله كل خير اختي الوفيه
انا بعد من رأيك انه لازم يتناقش بالكلام اللي قاله بس امي تقول نصبر وانا مو مؤيده لهالرد انا ودي اعرف ليه هالكلام انقال ؟ على العموم يعطيك الف عافيه .. |
بصراحة من رأيي اللي هذا اوله ينعاف تاليه
|
هل تستطيع أختك أن تعيش مع شخص جرحها بهذا الشكل ؟
|
أختي الله يتمم على اختك بخير
بس كمان لازم تصبرو بصراحه شكل الرجل مو حق عرس |
اقتباس:
اقتباس:
اقتباس:
اما من ناحية موحق عرس فوالله عمره مو صغير عشان نقول انه موناضج عمره تقريبا 34 سنه .. الله يجزاكم خير واي تطورات اكيد راح انقلها لكم |
اختي عندي سؤال مهم هل يد اختك فعلا سمره
ان كان الجواب لا يجب ا ن تقرأ اختك الرقيه وبشكل مكثف الله يصبر قلبها |
واضح أنه غير مهذب ...
لازم اختك تواجهه وتكون صريحة معه وتقول إذا مو عاجبتك فكل واحد في طريق.. |
ياختي والله زي ماقالت امك تصرفوا الحين وانتوا مدامكم عالبر
وبعدين القرار أولا وأخيرا يرجع لأختك اساليها اذا تبيه اولا بعد كل اللي صار ولاتحاولون انكم تسألون اهل خطيبها او خطيبها ولاتترجوهم يرجعون ولاتفتحون لهم باب بس انتي شوفي اختك بعد اللي صار وش رأيها؟؟؟؟؟ واذا كانت ماتبيه عاد انتو انتظروا شوي وشوفوا تصرفات الرجل ومن حركاته راح تعرفون وتنهيها الحين ولا بعد ماتتزوج او تتورط وتجيب ولد ماله ذنب وبعدها تفتح مشاكل على نفسها اذا هو من الحين كذا اشلون بعدين حتى اخته مالها داعي |
اهلين اختي نايت
لا اختي ماشاء جسمها لون واحد .. بس المشكله مو هنا المشكله ,,كيف يروح يفضح اللي بتسير زوجته ويتكلم فيها قدام اهله وخواته .. اختي كل الغلا .. انا منم رأيك بس اشوف انه لازم بالول ابوي يقعد معه ويشوف ليه طلع هالكلام منه .. ونيته اذا يبي يكمل في الموضوع ولا لا .. وبعدين على ضوءه اختي تعرف تتفاهم معه .. |
لا تستغربي ،اشباه الرجال كثييرين
ان كانت فعلا يدها ليست سمراء بشده يجب ان تخبروه لأن اخاف انه متحجج او اخاف اختك فيها عين الله اعلم الله يفرج همها |
لا حول ولا قوة الا بالله والله لا اعرف ماذا اقول ولكن اكثر ما حز بنفسى هو جرح اختك وبدلا من ان تفرح تبكى الله يهديه ولكن معذرة يا اختى كم عمر اختك عموما يا اختى انت تعرفى ان كثير من الشاب يكون اهم شىء عنده الشكل وعندما يدخل على زوجته يركز على شكلها وعلى فكرة كثير من البنات تكون اجمل بمراحل بدون زينة ولخبطه وعندا يرها زوجها بعد العقد بملابس رقيقة ومكياج خفيف ينبهر اما موقف هذا الخاطب لا ادرى جليطه منه او ربما عين وحسد اصاب العريس والعروسه والله لا اعلم كله وارد ولكن ان شاء الله ربينا سيقدر لها الخير كله اجعليها لا تتوقف عن الاستخارة وياريت يتم السؤال عن الخاطب مرة اخرى وبعمق وبدقة وحتى يمكن الوقوف على اخلاقه ومدى صلة بالناس وعطفه على اهله وعلاقاته بهم وبمن حوله وطبعا يا اختى يحب ان تجلس اختك مع زوجها وتتحدث معه لان هذا الحوار سيكون فاصل فى آمور كثيرة وسيضع النقاط على الحروف |
شوفي انتو انتظروا شوي زي ماقلت لك وشوفي وش بيسوي أو في خطوة لقدام اولا
واذا الوضع زي ماهو او زاد عن حده فانصحكم انكم انتوا تبدأون وتقولوا بنتنا ماتبيه واقطعوها من الحين والله يوفق اختك يولد حلال صالح ولاتخليها تندم ولاتزعل ولايجي في بالها وتحتسب الأجر وان شاالله ربي يعوضها خيرااا منه |
اقتباس:
1- هل انتم متأكدين ان المتصل اخته ؟؟؟ 2 - هل انتم متأكدين ان اخته هو اللي قالها ؟؟؟ 3 - لا يعلم الغيب الا الله .. لذا حسن الظن افضل من سؤء الظن ... الحل في سؤالك يا اختي الفاضله هذه مواضيع ليس فيها مجال للنقاش .. هذي مواضيع الرجال اصحاب العقول الراجحه ... لا توجد عواطف هنا ... ابوك لازم يدري عن السالفه ويجتمع بزوج اختك ويقوله .. كلمتنا حرمه تقول انها اختك ونحن لا ندري ,... وقالت كلام مانبي نسمعه وم وقته اقوله المهم بالامر .. انت ملكت على البنت ... والمهر كذا وكذا ... والمؤخر كذا وكذا ... وكتبناه بالعقد ... فهل انت راغب الزواج من فلانه ام لا ... الموضوع ما يبي اخذ وعطاء .... وابوك بيحل الموضوع معاه وتنتهي كل المشكله باذن الله ... بعدين اختك لماذا طاح من عينها !!!!!!!!!!!1 دعيها تكف عن البكاء وتهديء قليلا ... وعادي الحمد لله .. سن مسوس يصلح وكف اسود يصير ابيض ولله الحمد .... الامور هذي عاديه .. كلمي اختك ودخلي عليها من باب الثقه بالنفس قولي انتي واثقه انك جميله فلماذا البكاء وكل شيء بيتعدل اهم شيء خلي ابوي يتفاهم مع هذ الرجال ومن هالكلام علشان تخففي معاناتها شوي .. :::::::::::::::::::::::: هذا ردي وارجوا ان تعجلي فيه ... ودائما تأكدي اذا كانت اخته مليون بالميه فانصحك بابلاغ و الدك يتفاهم مع هذا الرجل .... :: الله يوفقنا واياكم لكل خير .. |
كيف ستعيش معه بعد ذلك ونظرته لها هكذا؟؟
سيولد عندها عدم ثقه بالنفس كلما زارها الله المستعان |
ضروري تبلغي أبوك بهذا الكلام وهو إللي يتصرف معها..
|
أختي الكريمة
فرج الله عنكم وعن أختكم كما قال الاخ سيف المهند وهذا ما خطر علي مباشرة وهو التاكد التام من أن هذا الكلام حقاً صدر من الرجل نفسه من مزايدات ولا تحريف في الكلام كيف نعرف انه قال هذا الكلام ؟؟؟ بالمواجهه معه مبارشة تقولون له سمعنا ان أختك تقول انك قلت هذا الكلام ونريد نستوضح منك , فاذا لم أقر على نفسه هذا الكلام قولو له كلامك هذا لا يقوله رجل راغب في بنت وانت الان بعد ان تبين انك لست مستعد للمواصله مع بنتنا كل ما نرجوه منكِ أن تكف عن تجريح بنتنا والله يستر على الجميع والله يوفقك واعلم انك سقطت من عين البنت ولا فائدة وولكن انت غداً ستنجب ابناء ولا تحب أحد يتقول عليهم كلام ليس فيهم وكما تدين تدان والعاقبة للمتقين ولا عدوان الا على الظالمين وانت الان جرحت ابنتنا وكفيلك هو رب الخلق |
وعليكم السلام ورحمة الله وبركاته
أتفق كثيراً مع ردود الأعضاء الكرام ورد أخي السيف المهند يخصوص التأكد من هذا الكلام. هل صدر منه؟ وهل التي إتصلت هي أخته؟ متأكدين... لأنه أعرف خطبة كان محددين الملكة، وفسخت في لحظة،،، بسبب إتصال إمرأة على أهل البنت، جعل أهل البنت يقررون الفسخ وبدون ما يتأكدون.. يجب أن يواجه والدكم الشاب ويتأكد منه و يـعـرف من كلامه تفكير الشاب وشخصيته فلعل الله أراد بأختك خيراً فكشف بهذا الكلام الخافي في شخصية الشاب والله يعين أختـك ويكتب لها الخير أخـوك عزوبي:21: بس:d رجل:30: دمتم بحفظ الرحمن |
لأ طبعاً .. تتركه .. ده بتاع مشاكل .. وبعدين كان ممكن يتكلم معاها مباشرة لأن هي تعتبر زوجته مش يقول لأهله .. لأن كده البنت صغرت في عين أهله .. وبصراحة أنا حاسة أنه يستهبل علشان يقلل مهرها .. خليه يروح يمثل في بيت تاني ..
|
حسبي الله و نعم الوكيل
خلي أختك تكثف الإستخارة |
اشوف انها تصرف النظر عنه....وإن شاء الله ربي يعوضها خيراً منه.....
وبعدين هو شافها وقال اللي قاله .... يبقى خلاص مافي إنجذاب وذوقه وموصفات فتاة الاحلام لديه غير ما رأى..ما دام قال لاهله انها ما عجبته وقال ما قال.... وخوفي على اختك تصير فيها عقده وهو السبب...اخبريها ان كلامه ليس مقياساً للجمال.. اختي الناس اذواق....وبيجي اللي يشوف اختك ملكة جمال...بالتوفيق... |
يا بنت الحلال شكله ما منه فايده هل الرجال
مادام من اولها كذا يا بنتي اتركوه وربي يعوض اختك باي احسن منه ان شاء الله وربك فوق |
بصراحة ما يستاهل عروس...
اللي تكلم عليها بهذا الشكل... ولازم تتعدل اكثر.. هذا يبي جمالك شكل بس.. طيب بعد العرس بدون مكياج وش بيسوي؟؟؟؟؟ اختي خل اختك تستخير الله... وتشوف... والله يصرف عنها الشر |
شنو هذا الهرج !! بنات الناس المحترمات صارو سمار و سوس و قبح !! وين عينك قبل ؟؟ و وين المهر ؟ هذا داش على طمع و ما يبي يا اخوان و لو من صجه يدق يسال او يبين عن شوق ... بنات الناس مو لعب لو اخته شان ما رضه عليها و اذا اخته قايله جذي صراحه لا اهوا و اهله محترمين ما يستاهلون .. ف انا اقول اهيا على البر ... تفسخ و خل عقله المحدود ينفعه .. يا اختي لا تستعجلون على الزواج ارجوكم العيش في منزل ابوها معززه مليون مره افضل
اختج بني |
هل هو مقتنع بالزاوج ام مجبر؟؟
و بصراحة اللي هذا اوله ينعاف تاليه.. ليه هو ماشافها و اقتنع فيها قبل الملكة..؟ |
اذا كان الكلام صادر منه اكيد انه مجبر على الزواج من قبل اهله وشافوا اانه مافيه فايده قالوا خليها تجي منكم احسن
خصوصا انك قلت ان عمره35على مااضن يعني ليش مااتزوج لحد آلان؟؟؟ ا |
السلام عليكم
اشكر كل من رد وعقب وادلى برأيه الكريم وردا على مجمل الاستفسارات اقول : 1: هو جاء وشافها الشوفه الشرعيه وابوي خلاه يطول معاها خوفا من انه يتعذر انه ماشافها زين . 2: نعم احنا متأكدين مليون في الميه انه اخته اللي دقت لانها تصيرمرة عمي 3: لما كلمت اخته على امي وقالت لها هالكلام امي قالت خلاص دومتنا لس على البر شبكتكم وذهبكم راح ترجع لكم ..لكن اخته قالت لا وانا ماقصدت كذا انا بس ابي انصحكم عشان تصلحونها زين في الزواج ؟؟ 4:ابوي درا وقلنا له الموضوع وخلى امي تدق على مرة عمي وتقولهم ابوي يتحرا اخوك بكره بعد صلاة المغرب عشان يتفاهم معه على الكلام اللي قاله بحق اختي .. 5: مرة عمي انهبلت وقالت ليه قلتي لابوكم الله يهديك احنا ماقصدنا نكبرها ونسوي مشاكل وانا اخوي لو درا راح يزعل ومن هالكلام .. بس امي قالت لها لا هالكلام فيه تتشهير على بنتنا ..ولازم يتوقف اخوكم عند حده ياأنه يجي ويقول اللي في خاطره لزوجته او انه ينهي كل شي وكل واحد يروح لطريقه .. وبكره ان شاء الله راح يجي وراح اوفيكم باذن الله بآخر التطورات الله يجزاكم كل خير ودعواتكم الله يهدي النفوس .. ويكتب لاختي الخيره الصالحه .. |
هلا فيك ياقلبي
اليك الخطوات التالية: 1- ابوك يطلب مقابلة من الولد وتكون اختك موجودة ويتم السؤال عما جرى واطلبي من اختك التماسك 2- اذا اعتذر او تبين ان هناك لبس في الامر كان بها 3- اذا تبين انه متعمد فاعتقد ان عدم الاحترام من البداية لن يتغير مع مدى الزمن فافضل الانفصال وربي يسعدها أختك حائزة |
الله يسهل الامور
وكويس الي صار من امك ومن ابوك علشان تعرفون هو وش يبي ياخوفي لاتصير اخته هي ورى كل ذا القصه والله ما ابي اظلم احد بس حطو ببالكم هذا الاحتمال |
اهلين اختي حائزه
فعلا هذا ماسيحدث ابوي طلب مقابلة الولد وغدا باذن الله يتبين كل شي (طبعا اذا جاء) جزاك الله كل خير وفرج كربتك .. وجزالله كل من رد خيرا كثيرا .. |
يعطيك الف عافيه اختي جينز ..
وانتظروا غدا .. |
الله يجعل العواقب سليمة
|
انا متابعه ومنتظره ما سيحدث غدا
الله يكتب لها ما فيه الخير |
|
الله ييسر اللي فيه الخير يارب ...
ان شاء الله يكون ماقال الولد هالكلام ... بانتظارك اختي والله يصبر قليب اخويتك ... |
الله يفرج هم اختك عروس و ما فرت بخطبتها
نترجاك باخر اخبارها |
أختى انتفاضة قلب
احنا بنات وفاهمين بعض هاقولك على حاجه بينى وبينك ده شاف وجهها وكفها قال فيها سنه مسوسه وقال كفها اسمر رقبتها فيها شعر امااااااااااااااال لما يشوف ......... هايقول ايه واللى معروف انه اسمر وفيه شعر وينفر احيانا اختى اختك ربك اظهرلها علامه وهى انه يحكم بالعين ولا يقدر انسانيتها ومشاعرها وقال وجرح بكره يعايرها باى شيئ فى جسمها واغلبنا جميلات وفى جسدنا عيوب لكن الرجل المحترم الباقى على زوجته بيغلق عينه عن هذه العيوب ان رأها ولا يحدث بها احد او حتى نفسه أختى يارب تكونى فهمتى مااقصده انا لو مكان أختك صراحه افضها دلوقتى افضل مااروح بيت اهلى مطلقه وسيرتى على كل لسان وعيوب جسمى يعرفها كل البشر |
هذا واحد قليل مروة ونخوة ليحكي عن زوجته هيك
الله يعينها لاختك شو بدها تستحمل لتستحمل |
| الساعة الآن 07:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©