خطيبتي عنيدة وخجولة وباردة !!
 

السلام عليكم ورحمه الله وبركاته

أول شي حاليا انا ملكت وزواجي بعد شهرين ونص

المهم انا بكلمكم عن البنت

طبعا كاخلاق ودين ونسب ماشاء الله

لكن مشكلتها عنيده وتستحي وايام احسها بارده

يعني اقلها سوي كذا تقول لا انا متعوده اسوي كذا

اعلمها لازم تتصلي على زوجك وتطمنى عليه تقول طيب واسبوع مافيه اتصال

ارسلها رسايل مافيه رد

ولما اعاتبها
تقول اخر مره

ولما اكلمها على التلفون ساكته ولما اقابلها ساكته

ولما اتغزل فيها مااعاد اسمع صوتها

وبعد أسبوع طالع لها زياره

حبيت اسأل اخواتى كيف اقدر اتعامل معاها

الشي الثاني مانى عارف ايش اختارلها هديه

فستان ولا عطر ولا ساعه

انتظر نصيحتكم اخواتى

تم تعديل العنوان بما يفصح عن محتوى النص
المشرف / شاطئ المحبة

حلات البنت وهي بخجلها ..

وعلى طاري الهديه ما انصح بفستان .. خذلها عطر ولا ساعه

جميل الخجل اخى فاصبر عليها


ولكن قل لها اذا كنتى تعرفى انكى لن تستطيعي فعل شىء معين فقولى لن استطيع ولا تقولين طيب ثم لا تفعلين لان هذا ربما يعطيني انطباعا انكى لستى زوجة مطيعة كما انه كذب ولا اريدكى كاذبة

وبالنسبة للهدية ارجح ان تاخذها وتخرج كانه خروج للتنزه واذهب بها لمحل هدايا واجعلها تختار هديتها بنفسها لانك بهذا تكون حققت عنصر المفاجاة وفى نفس الوقت بهذا تستطيع التعرف على زوقها وما تفضله

الله يتمم زواجكما على خير عاجلا غير اجلا

طالما أنها خجولة فلا داعي لزيارتها وأنصحك بالصبر لمدة شهرين ونصف وحتى لاتفسد ليلة الزواج السعيدة ومايصاحبها من خجل فهو ملحها وحلاوتها

وبارك الله لكما وعليكما وجمع بينكما بخير
وبالله التوفيق

طنشها اسبوع رح تصير هي تطاردك

ماشاء الله دين ونسب واخلاق

وانت تحبها

يا اخي انا ما احبذ طريقة: ليه ماتتصلي علي .. ليه ماتتكلمين معي

في طريقه تقدر تخليها تشتاق لك وترسل عليك من غير ماتطلب منها


بالتدريج طبعا يبيلها شوية وقت

في البدايه انت اعمل لها كل الاشياء اللي تبيها تسويها لك

مثلا مسجات تصبح عليها

في وسط اليوم ترسل مثلا وش تسوين؟

او ترسل لها فجاه مسج ... (احبك) وتتركها ... لاتنتظر ترسل لك هي لانها اكيد راح تكون مستحيه وماتعرف وش ترد واكيد في نفس الوقت طايره فرح

اتصل عليها وكلمها كم دقيقه اسال عن حالها .. ووين راحت او عن دراستها او اي شي .. وقبل لاتسكر قل لها ديري بالك على روحك .. وسكر .. بين لها اهتمامك

قبل النوم ارسل لها تصبحين على خير


يعني خلها تتعود عليك بالتدريج من ثم تتعلق فيك يوم ورى يوم اكثر واكثر

لما تحس انها صارت متعلقه وهي لازالت مستحيه انت خفف اهتمام طبعا هي راح تلاحظ تغيرك يعني مره ارسل تصبحين على خير ويومين لاترسل

هي راح تبادر وتسالك وش فيك متغير

قل لها لا بس كنت تعبان شوي ونمت بدري او اي عذر .... لاتقول لها انتي ماترسلين لي ماتسالين عني لأ

وان شاء الله راح تتجاوب معك .. يعني بالباكر راح تسالك انت الليله بخير


وهكذا يا اخي ( هذا بس توضيح لكن بطريقه غير مباشره .. انت قيس المواقف اللي تصير بينكم على المثال البسيط اللي قلتلك عليه فوق )

كل شرحي يبيله وقت على شان هي تتعود عليك ويخف المستحى وتتعلق فيك وبالتالي تفقدك وتشتاقلك وتسال عنك بدون انت ماتصرح وتطلبها


اتمنى افدتك


الله يوفقك يا اخي

بالنسبه للهديه

مافيه مثل الورود

اخوي تصرف زوجتك غالبيتنا مرينا فيه او ببعضه

وسببه الجهل منا

بين لها وقل لها

وش شعورك اذا قلت لك كلام حلو

والا اذا مدحت فيك شي

والا اذا اتصلت عليك

والا اذا ارسلت لك رساله

نفسي احس بهالشعور وكل انسان بحاجة هالشعور

الشي الي يفرحك مني فرحيني فيه

وقولها ابيها تكون طالعه من قلبك مو عشاني قلتلك

والله يسخر لك زوجتك ويجعلها قرة عين لك ويسخرك لها ويجعلك قرة عين لها

ويسعدكم دنيا وآخره

من البديهي أن المراة التي تحس ان زوجها طايح عندها وما يقدر على فراقها ما تحتاج أن تكلف نفسها معاناة البذل

لأنها هو يركض وراها ..

انها تزيد وتعانده لأنها عارفه أنه ما يهش ولا ينش , لكن لو أحس ت منه حزم الرجال

وقوة الشخصية كان تادبت معه

كن واضح معها من البداية وحسسا انك رجل له حياته المستقلة وما تريد أحد يدخل فيها

ووالله لو لم تحل المشكلة من البداية , سيكون الأمر بعد الزواج معضلة كبيرة وحلها اصعب

بصراحه ان ارتحت لها أو العكس و تتعب معها وماتجي مثل ماتبي ابدا ؟؟؟


راجع حالك معها قبل الزواج واذا انت مو مرتاح في هالفتره الافضل انك تاجل موعد الزواج شوي لما تتأكد بالضبط

خطيبتك نفس خطيبتي ....وسويت مثلك .....وما كو فايده
ما لك الا الصبررررررررررررررر


الله يوفقك ويسعد يا غالي

يا حليل خطيبتك ...يعني تتصل عليك ....انا حتى اتصال ما في ...

ما غير قوه رسايل


الله يصبرنا يا ابو خديجه


تحياتي

ههههههههههههه الله يعينك عليها يابو خديجة

تذكر ان هذه البداية وانها مرحلة وتعدي

خذها من مجرب

صدقيني هي مبسوووووووووووطه وطايره من الفرررررررررررررح لكن الخجل يمنعها ليش تبغيها تكسر الخجل بيوم وليله صدقني بعد اول ليله زواج راح تتغير وانت راح تشووف بعينك لا تحرجها وخل الاتصال من طرفك وحاول معها بالمسجات الطف لها

كنت اعاني نفس معاناتك في الاخير البنت قالت لي انا مني مرتاحه معاك ... تعرف ايش سويت


طلقتها لاني اذا ما شفت الاهتمام منها راح اشوفه من احد غيرها ... و الله تذكرتايام اقهر اللي مريت فيها و كنت اصبر نفسي و اقول خجوله و في الاخير طلعت مو مرتاحه و دايم جوالها مشغول و تتكلم مع صاحباتها ...


صراحه احس براحه نفسيه بعد الطلاق و الحمد لله


لا تاخذ كلامي على اني انصحك بالطلاق ... لا بس لازم تعرف البنت تبغاك ولا لا

الله يوفقك

لا و الله ما ابي اعقده ... انا صحيح كنت اتضايق من الاعضاء الواضحين اللي يقولون لي نفس الكلام بس بصراحه كان معاهم حق ...

اهم شي تعرف ايش للي بقلب زوجتك .. لان البنت اذا حبت تعمل اي شي لحبيبها و تتصل عليه و تسأل عنه

الله يكتب لك الخير و يوفقك

أخوك مر بنفس التجربة المريرة !!!

بالنسبة للخجل ما يتعدى شهر وينكسر على الأكثر , أما إذا تعدى الشهر فأكيد فية مشكلة , صارح البنت وخذ العلم من راسها مو من أحد ثاني الله يوفقك .

أنا مريت بنفس حالتها ..

بس بقولك شنو السبب .. ويمكن هو نفسه اللي يدور براسها ..

هي تقلل من كلامها .. حتى ما تملها .. وتبقى لها سوالف لما تتزوجك وتكونون تحت سقف واحد ..

الشيء الثاني لما تقول لك بس أنا اسوي كذا ..

ما عليك منها هي تتدلع .. وتبي تفرض رايها قولها اوكي بس انت سو اللي تبيه ..

وصدقني بعد الزواج بيختلف كل شيء ..

حتى مبادئها بعضها بتغيرها عشانك ..

وانت الشيء اللي تبيه وتحس انه ما فيه ظلم لها .. اطلبه منها وتمسك فيه ..

بس بدون صراااااااااااااااااااااااااااخ..

واكيد البنت مو بارده بس عندنا يالبنات قاعده انّا ما نلحق الرجال .. عشان هو يلحقنا ..

وكثر المكالمات .. ووينك .. ووصلت الدوام قبل الزواج تقلل من حب الزوج لنا لانّا مانبي نوضح له اهتمامنا فيه ..

وانت اثقل شوي .. ولا تدق عليها خاصه انو ما باقي على عرسكم الا شوي

وبالنسبه للاتصال المرئي .. ورفضها له ..

يمكن البنت عندها اسبابها .. مثل تبي تكون كشخه لما تكلمك .. وحلوه وهي بنفس الوقت حاطه حنّا فوق راسها ..

يا اخي والله بتلحقك بعد الزواج وقول اني ما قلت ..

أتوقع طبيعي , يمكن منتظرة مناسة عشان تهديك