|
مخطوبة من 6 سنوات .. وخطيبي لم يتحدث في الزواج مطلقا !
السلام عليكم
بقول مشكلتي بختصار انا مخطوبه من 6 سنوات اوكي تخيلو وانا عمري الان 24 حطيبي قريبي مرررررررره كان يدرس وطول بالدراسه ولما تخرج طول مااتوظف مع انه قسمه حلوووووو المهم انه توظف الان صح الراتب عادي بس توظف انا درست الجامعه وتخرجت وتوظفت وهذا كله طبعا قبله يعني توظفت قبله يعني المفروض يستحي على دمه ويتملك ويحدد الزواج هالصيف او على الاقل عيد الفطر او ان شاء الله الصيف اللي يجي اهله قالو ان الزواج ان شاء الله راح يكون الصيف الجاي وعلى فكره كذا مره يحطون موعد ويخلفونه المهم اللي سمعته انه بيسافر هالصيف برا المملكه انا هنا جن جنووووووووووني رحت لاهلي قلت لهم اذا انا عاله عليكم قولو لي بس ماتخلون هذا يذلني لاحاسب لي ولاحاسب لهلي اي احترام بيسافر الاخ ولاحدد زواج ولاشي انا طقييييييييييييت ملييييييييييييت وانا انتظر قلت لهم قسما بالله لو سافر انا الللي بقول لاهله ماعاد ابيه واهلي لانهم عرفو انه مصخها قالو لهالحد وخلاص لانه زودها حيل انا ابي استشيركم الشهاده لله الولد يصلي وخلوق جدا لكنه بااااااااااااااااارد هل لو رفضته ماراح يجيني احد؟؟ وقولو لي شسوي تم تعديل العنوان بما يفصح عن محتوى النص المشرف / شاطئ المحبة |
الله يعينك ويسر أمرك اللي فهمته من قصتك أن الانسان هذا ما فراسه زواج أنصحك أختي أنك تخلي أهلك يا خذوا موقف ويسألوا أذا ناوي يتزوج ولا لأ ،لأنه كذا موقف حالك ما أنتي فاضيه علشان ممكن أحد يتقدم لك ،وصرتي مخطوبه مع أيقاف التنفيذ . محد حيفصل الموضوع الا اهلك يقولوله تبغى البنت ولا الله يستر عليك، على شان يبان اللي يدور فراسه
|
هلا بك الاوزون
اهلي اول ماكانو يبغون يتكلمون بحكم القرابه ولانه ماتوظف لسه انا في هالصيف اذا ماتكلم وحدد شي وسافر والله لو مايبقى بالدنيا الا هو مااحذته المشكله انو مو ناقصني شي واللي محيرني انو مو راعي حركات يعني مو من النوع اللي يحب يطالع البنات بس بااااااااااااااااااااااارد انا ثلاث مرات انخطبت واهلي يردونهم عشانه انا خلااااااااااص ماصدقت على الله يسوي شي وافتك منه كرهته من بروووووووووده اوكي صح ماديته مو ذاك الزود بس يقدر يدبر نفسه تخيلو انتظر للصيف اذا هو فعلا بيسافر والا لا؟؟؟؟ بس حاطه يدي على خدي وانتظر حضرته متى يقرررر؟ |
و عليكم السلام ورحمة الله
الأخت الفاضلة نعم لا بد أن يُتخذ إجراء حازم مع هذا الرجل ليتم تحديد ما إذا كان يرغب في الزواج أم لا ..! و عليكِ بالإستخارة لكي يختار الله لكي الخير إن شاء الله اقتباس:
فلا يكون اليأس عنوانكِ و توكلي على الله و عليكِ بالدعاء الصادق إلى الله تعالى و الله ولي التوفيق |
جزاك الله خيرا
واسأل الله ان يصلح احوالي |
هذه المشكلة من مآسي الزواج من الأقارب
ومن مآسي إطالة فترة الخطبة , ومن المفترض أن تتم الخطبة والملكة وحفل الزفاف خلال فترة لاتتجاوز الستة أشهر كحد أقصى , لذلك أنصحك بمحادثة أخته بكل مايجول بخاطرك بهدوء وسكينة فربما أن الرجل يريد التهرب ويتمنى أن يتم صرف النظر من طرفكم حتى لايشعر بالحرج, وربما أنه يعاني من أزمة ماليه كونه حديث عهد بالوظيفة ولم يكون نفسه حتى اللحظة , بارك لله فيك وسهل أمرك وجعل لكِ في كل خطوة الخير |
والله لك حق تعصبين
لازم اهلك يكلمون الولد بما انه خلوق ومو راعي بنات وخرابيط تمسكي فيه بس اهم شي خلي اهلك يكونون حازمين معاه وترا الصيف الجاي بعيد مره خلوه عيد الفطر احسن والفلوس الي بيحطها في السفر يحطها في المهر والشبكه احسن من انه يضيع فلوسه على سفره وهو محتاج للفلوس لازم تتفاهمون معاه قبل لا يحجز ويسافر وانتم مادريتو عنه وخلي اهلك يكونو جادين معاه يقولون يا يكون الزواج بعيد الفطر والا كل واحد يروح لحاله واذا الولد يبيك وشاريك اكيد راح يوافق الله يوفقك ويسهل اموركم |
الصراحه
والدك يكلم والده كلام رجال ويحدد موعد جاد خليها بوجه الرجال وبالتوفيق |
الاشراف: تم نقله إلى مكانه المناسب.....ليلقى التفاعل ان شاء الله
|
الله يتمم لكم على خير .
|
تساؤلك في محله ومن تجربة مشابهة جدا لتجربتك وبعد انتظار دام لثمان سنوات .. عقد قراني قبل سنة وعدة أشهر والآن يتفاوضون على تحديد موعد ليلة الزفاف.. وليومنا هذا أشعر بقرب انفصالي عنه من التشتت الحاصل .. ومن يتحمل كل ذلك .. طبعا لا أحد سواي فنصيحة إن كنت تملكين الكثير من الصبر على تحمله أكثر من سنة فاصبري وإن كان لا .. فتجرئي وتحدثي بطلاقة عما تريدينه فأنت لست بمجبورة على انتظاره طوال هذه السنين .. فبروده ربما يتعبك لاحقا أيضا بعد عقد القران.. لأنني أعاني منه لعدم معرفته بفنون التعامل مع الأنثى! استخيري واحزمي أمرك .. ولا تجعلي سنين حياتك تفوت من بين يديك أعانك الله وأنار بصيرتك |
اختي الغاليه عليكي بلاستغفااااااااااار و الدعاااااااااااء وربي راح ييسر امرك
|
السلام عليكم ...
هذه احدى الامور الغير جيده ( الخطبه الطويله من غير ملكه و تحديد زواج والعتب على والدك واخوتك ) ... نعم هنا لا بد من وضع النقط على الحروف ... وماهي النقط ومن الذي يضعها ؟؟؟ والدك ؟؟؟؟؟؟؟؟؟؟؟؟؟؟؟؟؟؟؟ نعم ابوك وينه ؟؟؟ ياروح لابو الولد ويمسكه بكلمتين يارجال انتم خطبتم وحنا عطيناكم رجال ولدك بيتزوج حياه الله الملكه متى والزواج متى ؟؟؟؟ ان شاء الله ... :: واذا قال لا ماهو متزوج ( وما اتوقع هذا الشيء الا اذا انعدمت الصراحه والرجوله ) ...او ان يقدر الله امرا مفعولا ... فالله يعوضك خير .. اختي هذا الامور ما فيها ضحك او مزح هذي امور للرجال اسمحيلي ؟؟؟ انت مالك دخل فيهاااااااااااااا !!!!!!!! دورك تروحي لابوك وتقولي ياوالدي هذا بيتزوج ولا لا يرد الخطاب عني ثم بكره يقول لا ماني متزوج ؟؟؟ وخلي ووالدك فورا يكلم والد الرجال وابنه ويجتمع بهم ويعطيهم هالكلام بوجيههم...ويشوف ردهم وبعدين مافيه كلمه صيف ما صيف ... يقوله تبي تتزوج الصيف هذا ومهر ( يسريه عليه ومظاهر الزواج الكثيره اتركيها وتزوجي ويسرها الله )) .. اما قولك ؟؟؟ اكرهه من بروده !!!!!!!!!! يا اختي هذه خطبه وهذا حتى لو كان قريبك فهذا رجل اجنبي عنك لا تعرفيه كيف تحكمي عليه بارد او حار او ماذا ؟؟؟ لا تفكري بهذا التفكير ودعي التفكير هذا عنك .. اخيتي استخيري الله ثم انظري في حالك ثم اذا قررتي الموافقه فهذا زواج وكلام رجال مافيه مزح او لعب .. وفي ما معنى حديث الرسول صلى الله عليه وسلم .. ثلاث جدهن جد وهزلهن جد الزواج والطلاق والرجعه .. بارك الله فيك .. بالتوفيق ... |
جزاكم الله خير على تفاااااااااااااااااااااعلكم
والله موقادره انام ولااعيش حياتي مثل الناس والعالم من كثر التفكير في هالموضوع طبعا انا ماراحاتكلم ابوي هو الللي بيكلم ابوه وانا متأكده بيقوله الصيف الجاي ان شاء الله بتزووووج بس انا احس اني مهاااااااااانه كل سنه واهم يقولون السنه اللي بعدها تبعا لضروفهم واخرتها سفره برااااااااااااااا انا والله مومتحسفه عليه خلاص كرهته من جد والله كرهته ابي اتزوج بس عشان اسكت العالم اللي كل شوي يسألون امي بنتك للحين ماتزوجت؟ متى بيتحدد زواجها؟ مليت حسيت اني انا اللي هاينه نفسي وللأسف سامحتله انا شي واحد بساللي مخليني اتردد وهي امه تحبني كثييييييييييييير ومتعلقه فيني ودايما تتعذر لامي بأنو عارفه انا طولنا فترة الخطوبه مادرررررررررررري محتاااااااااااره د.سطام تكلمت مع اخته وقلتلها متى يعني اخوك بيتزوج؟ اول قالتلي بعيد الفطر وعشان كذا سكت بعدها بفتره قالتلي لا بالصيف وفعلا طلعو مقررين الصيف السنه الجايه تخيلو دلووووووووووني سفره بشهر 7 وامي تقول ابوك لايكلمهم الا بعد مايسافر الولد شرايكم؟ ادري غثيتكم اسأل الله ان لايحرمكم اجري وان يوفقكم ويرزقكم من حيث لاتحتسبوووووون |
اختي لاوم ابوك ياخذ موقف جد باسرع
وقت و قبل لا يسافر. يا يحدد وقت الملكة و الزواج او كل واحد في طريق. 6 سنوات تنتظرين راحت عليك من عمرج ليش يماطل؟؟؟ خلي ابوك يكلمه و ينهي الموضوع الله يسهل امورك |
دعى اهلك يكلموه وليكونون حازمين معه وحسب موقفه
فان تقدم لك غيره وافقى |
ادعوووووووووووولي بان الله ييسر اموري ويكتب اللي فيه خير لي
وابي اشوف اراااااااء اكثر |
نعم للمصارحه
لا للمفاضحة يستطيع ولي امرك ( ابوك ، اخوك ) يتصل بالرجال ويتفاهم معه فإن كان راغبا ( فخير البر عاجله ) وان كان غير ذلك ( فالله يوفقك وحنا الله يوفقنا ، والوجه من الوجه ابيض ) والسلام |
اقتباس:
اما كلامك ( ابغي اتزوج عشان عشان اسكت العالم ) .. هل الزواج بنظرج هو مجرد برسيتيج للعالم عشان يسكتون؟! .. وهل الناس وكلامهم بينفعونك اذا كانت زواجك لا سمح الله ما نجـح .. فكري بهدوء وبرويه بعيدا عن ضغط الناس .. وضغط اعصابك .. واختاري ما يحقق لك مصلحتك سواء مع هذا الشخص او مع غيره .. |
اذا لسى ما عطوك المهر ولا الشبكه
المفروض ان والدك يطلب منه قبل السفر يجيب المهر والشبكه احسن من انه يضيع فلوسه على سفره بعدين يتعذر منكم ويقول حالتي الماديه لا تسمح نصيحه لا تخلونه يسافر الا بعد ما يعطيكم المهر والشبكه واذا رفض قولو له خلاص اجل الله يستر علينا وعليك ودور لك عروس ثانيه |
أخوي سيد الرجال
ترى المرأة تقول كرهته وووووو لكن مو من قلبها نحن مو مثلكم فالأخت ما تقصد لكن هو مجرد فضفضة و تعبير عن مشاعرها و عن كبريائها المجروحة بإهماله و عدم سؤاله |
ااخر المستجدااااااااات
واحد من عماني صديقه وكلمه وقاله مايصير ترى البنت ممكن تحسرها قال شقصدك يعني بياخذها احد غيري؟ مستحيييييييييل اخلي احد غيري ياخذها ((اجل الله يعافيك وشوله لاطعني)) المهم قاله عمي لاتسافر وبس وانا نصحتك تخيلو قاله اشووووف قولو امين جعله يساااااااافر وافتك منه ادري انه بينهبل ومو متوقع ان ابوي ممكن يفركش الموضوع كله بس احسن يستاهل اذا صار الواحد مافي وجهه حياء يسوي اي شي العرووووووس حبيبتي والله لاجاب لامهر ولاشبكه وولاشي كل كلامهم زواجنا بالصيف السنه الجايه.....!!!!! وانا متأكده انو مو أكيد والله طابت نفسي منه حتى لو انه مثقف وخلوق ويصلي ولا راعي بنات بس شخصيته ضعيفه وين مايقولون له ربعه نسافر على طول يروح معاهم اصلا انا اهم شي عندي شخصية الرجل ودينه ابي دعواااااااااااااااااتكم |
اصبري يا إختي والله يكون في عونج
|
صبر ماراح اصبر
ليش انا اللي اصبر واحترم وكل سنه اقول لاااااااااا هذا مافي مثله مستحيل افرط فيه ليش اهو مايضحي ويحاول يدبر اموره عشان مايخسرني ولله الحمد والمنه مو ناقصني شي وخطبوني بعده 3 ورفضهم ابوي عشانه |
و ليه تستني لحد ما يسافر ؟
خلي أهلك يكلموه من ألحين ؟ |
الله يصبرك
ما يصير بينكم إلا كل خير والله يعين قلبك على خطوبة 7 سنوات |
اقولك حاجه ولاتزعلين مني بس هذا اللي اشوفه
زوجك مايحبك وحده اعرفها حددوا وقت زواجها وقبل الزواج باسبوع مات اخو زوجها ,,,بس هالشي مامنعه تزوجها تخيلي؟؟؟؟؟؟؟ |
اقتباس:
لأني مقهور مرررررررره ماقدرت أعرف مقياس الحب وشكراً لك ياغالي |
الله يسهل أمورك ويهديه لك انشالله ويكتب لك الي فيه الخير
|
اقتباس:
اما اختي السائلة انت تحبيه و عاجبك هذا الشخص بس هو شكله ضامنكم فاحسن شي مثلما قالو الاعضاء مصارحة ابوك واتخاذه موقف شديد ومحدد وهو شكله ما يفرط فيك ابداااااااااا |
يا اختي ركزي في كلامي زين الله يحفظك
1 - ما عليكي من اي كلام واسمحولي يا اخاون. خاصة الامور الغيبية الرجال ما يحبك ما يريدك ومن هالكلام 2 - الرجال باين انه يبيكي لكن اتوقع انه مو فباله انكم راح توافقون على الزواج وان يتم الموضوع بهالسرعه عشان كذا لازم واحد يوصله الفكره باسرع وقت مثلاً ترى فيه ناس بيتقدمون لها او تصرفاتك يا اخي يفهمها البعض انك منت مهتم بالموضوع عشان كذا لازم تنهي الموضوع وكذا تكون المسؤلية والنتائج علية. يا اختي انا اعرف واحد من اعز الناس كان في موقف زي خطيبك تدرين ليش يقول الكل يقول تقدم وتزوج والرجال جايته اخبار انهم ينتظرونه يتكلم بالموضوع ويحدد ويجي حتى يرفضونه !!! الاخ وصله هالكلام من الناس اللي ما تخاف ربها واثر فيه عشان كذا ماحب يجيهم وجته اخبار انهم ما يبون يزوجونها الا بعد ما تخلص الجامعه وهذا كلام عمه " ابو البنت" وعشان كذا الولد وبحسب كلامه يقول لي انا قلت اشغل نفسي بشي مفيد لين تخلص !!! لاني لو تقدمت وطلبت الزواج يقولون مستعجل ليه !! ويمكن يكون سبب في اثارت المشاكل وانا ابيها وما ابي اي مشكلة تصير, ابوها يشجعني ويقول ياولدي شاريينك وبنفس الوقت يقول ترى مافيه زواج الا بعد الجامعة ؟؟؟ يعني الله يعينه بيصبر اكثر من ثلاث سنوات؟؟؟ الموضوع يا اختي يبيله صراحه واهم شي لازم واحد يطمن الولد ويبلغه بكل صراحه وانا ما اشجعك على مسالة لو سافر راح اتركه !!! يمكن الرجال طلع لشي فيه فائده ليش تفكيركم دايم ان اللي يطلع يروح للخارب هذا مع اني بحياتي ما طلعت برى المملكة لكن وين ابوكي وين دوره اهم شي ان والدك وخطيبك يكونون واضحين في هالنقطه ويا خوفي الولد متعذبب من ابوكي وانتي مو داريه والله اعلم. |
| الساعة الآن 12:46 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©