|
انا وزوجي والشغاله ابي رايكم
السلام عليكم ....... ثلاثة مواقف صارتلي مع زوجي
اولا انا موظفه ولااستغني عن الشغاله الموقف الاول ....اول ماجت الشغاله قال زوجي انه يبي يوديها المستشفى الصباح يسويلها تقرير قلت انا بستاذن من مديرتي واطلع ونروح بها زوجي صار وجهه:19:ورفض تماما وعند اني انا مااروح وانه هو يبي يوديها وحده .....انا قمت اصيح وانيح وجلست بغرفتي ....المهم قال خلاص ماراح اوديها يوديها اخوي .....ارتحت بس بعد مااتعبني الموقف الثاني ....الشغاله هذي اضربت عن العمل قلت له كويس اضربت قبل ماتكمل 3 شهور يمدينانوديها المكتب ويقدمون لنا غيرها بنفس قيمتها .قال زين تجهزي البسي عبايتك نوديها......جاء وقالي يالله قالي خلاص لاتروحين اخاف نطول .......قلت عادي اجلس بالسياره ......صررخ بوجهي قال ماراح تروحين يابنت الح..... انا انقهرت ماابي هالخلوه ابدا الموقف الثالث .....انا زعلت عند اهلي قبل ماتسافر بيوم اخذها من المكتب وداها لاهله لاني زعلانه طبعا جابها بلحاله وداها المطار بلحاله بس قال لخالتي نوديها خالتي رفضت لان كان الصباح بدري المهم انا مقهوره ليش هالمشاوير كلها بلحاله وانا مالي راي عنده......والشغاله ىانا مقدمتها ودافعه رواتبها انا......زوجي هذا يدخل المطبخ وهي فيه .....مايجلس الا قدام المطبخ هذاا مادقق عليه مره لكن ليش الرجال دايما يدافعون عنهن .....ويعندون .... |
يا حياة قلبي ما تزعلي و تتضايقي لأنه والله انتي بهايدي الطريقه راح تكبرين الأمور كتير و هي بالاول والاخير شغاله انتي اكيد الزوجه وام العيال والغاليه كبري راسك و فوتي الامور ولا تبينين له انك متضايقه من هالشي ابدا الله يهون علايكي
|
الصراحه اختي ما فهمت مشكلتج رغم ان الشغاله جديده و ماقعدت معاكم الا كم يوم و موقف زوجج غريب مالقيتله تفسير المهم انج تخلصت من هذي الشغاله يمكن مسويتلكم عمل اذا ما كان زوجج كذا قبل لا تجي الشغاله حمدي ربج انج تخلصتي منها و لما تجيبين شغاله جديده هاتيها كبيره في السن و لا تخلين تواصل بين زوجج و بينها الى عن طريقج و فهمي زوجج موقفج انج تريدين تخدمينه بنفسج و بذالك تطمأن نفسج و ترتاحين و فهمي زوجج ما يدخل بينج و بين الشغاله
|
الله يكون بعونك بس الي نشوفه حنا النسوان الرجال يعتبرونه سخافه اسلملك قدمي على شغاله تكون كبيره شوي بحيث انك ترتاحين خاصه ان رجلك كذا ولا صدقين راح تتعبين وهو مادرى عنك
|
الشغاله اللي جتني كبيره في السن 42 سنه وشكلها اقل من عادي بس من كثر القصص والحركات اللي هن يسونها قمت مااثق فيهن هو يحلف انهن مايهزن فيه شعره بس ليش يصمم على رايه ليش مايعطين الثقه .....انا كل ماتذكرت انه ركب هو اياها بلحالهم ساعه الاربع للمطار انهبلت انا مقهوره
انا قمت ادعي ربي ان رجلي يصير مايهمني من القهر الي هو يقهرني |
اختي هذه اول مره تستقدمين عامله لبيتك ؟؟
|
لا .......ثاني مره ...الاوله كانت سرنكليه بس جلست سنه لان زوجها مريض ...والثانيه بعد ماوديناها لقو معاها جوال وشكلها مو راعية شغل
اخت القمر ام اغلى البشر بحريننا اميرات شكرا لكم |
اشوفك يا أختي متحسسه من الشغاله وزوجك زيادة عن اللزوم يمكن زوجك مضايق من تدقيقك في خلوته بالشغاله ،أنت معك حق .لكن لاتبيني الموضوع والاهتمام والزعل عند زوجك ،لانه بيفهمها عدم ثقة فيه والرجال اذا فكروا كذا عاندوا
وانصحك تكوني لينه ومتفاهمه ،وانه ما تفرق معك اذا رحتي ولا لأ مع الشغاله وصدقيني هو اللي بقول لازم تروحين معه وبالله التوفيق |
باحاول اخوي الاوزون واضغط على نفسي ولك مني جزيل الشكر
|
ارجوا انك يا اختى ما تعممين ..فيه رجال ما يلقون بال للشغلات اصلات ../ش الكل ..ب
|
أول شئ الحل بيدك طالما أنك تغارين لهذه الدرجة فكان من المفترض بك يا أختي الكريمة عدم إحضار خادمة ويوجد موظفات يطبخن الأكل ويوضع في الثلاجة وبمجرد خروجهن من العمل يتم تسخين الأكل ثم يوضع الأرز وبعد نصف ساعة يجهز الأكل وبهذه الطريقة يصبح الأكل طازج
وبالنسبة لوضعك أرى أنك تعانين من مشكلة الشك الزائد فطالما عمرها كبير وشكلها عادي لاتفقدي ثقتك بزوجك وتحاولي قطع أجمل رباط في الحياة الزوجية وهو الثقة وفقك الله وللمعلومة سأرد على موضوعك السابق قريباً فقط مسألة وقت أعانكِ الله وعلى طريق الخير سدد خطاكِ |
عشان ترتاحي مله داعي الشغاله
|
د.سطام يعني انا الحين صرت شكاكه
وهو تصرفه مايقهر.........علىالعموم ااحترم وجهة نظرك الاخ شهومي مشكور وانا اسفه اذا كنت عممت لانهم موب كلهم كذا |
دنيا الروح ......مشكور على الرد
دز سطام خبير بالطبخ |
اختي كيف كان تعامل زوجك مع الشغالات السابقات ؟؟ هل كان بنفس الطريقه ؟؟
|
ماكان يتكلم معاهم ولا يامرهم لاني مااتركله فرصه بس كان عادي يدخل المطبخ وهي فيه وحتى عند اهله يدخل ويحوس بالطبخ وهي فيه ......مره جاب سندوتشات كنت انا تعبانه قام نادى الشغاله وعطاها ,,,,انا اسكت مابي مشاكل وتعبت معاه ....يمكن انا غيوره بس انا اشوفها اذا مر من عندها مثلا وهي تفرك السجاد جالسه ماتقوم تبتل تنظف..انا للاسف ماعندي ثقه فيهن ....وهوللاسف مايعطيني الثقه
|
اخت اميرات الشغاله الاولى نفس الشي تصرفه ....ومشكوره
|
الله يهديك و يصلح بالك و يعينك أختي
أشعر ان هناك ما يغضب زوجك غير أمر الشغالة و انه هو حط الشغالة سبب حتى يفش خلقه و يعاندك و ما دفعني للظن بهذه الطريقة جملتلك هذه اقتباس:
أسأل الله أن يصلح بينكم و لا تنسي قول الله تعالى (و الصلح خير) وفقك الله |
اختي اتوقع ان زوجك من خلال تصرفاته مع الشغالات يرسل لك رساله من غير ما
يشعر انه محتاج لمزيد من الحب والاحتواء والاغراء والتدليل والجنس منك انت .. اشبعيه اختي .. لان غيرتك تنعكس على تصرفاتك و تخليك في حالة توتر دائم وفي حالة مراقبه دائمه لتصرفاته .. و قد يحاول انه يثير غيرتك بهذا الاسلوب عشان تشبعينه لكن انتي بدل ما تتصرفين بشكل ايجابي تجاه هذا الموقف و تكسبين زوجك تتصرفين بشكل سلبي و تعصبين و تراقبين و تهاوشين و تدورين انت و زوجك في حلقة مفرغه .. ا ختي عشان يتغير تصرف زوجك من ناحية الشغالات .. ابدئي انت بتغيير تصرفاتك تجاه زوجك و امنحيه و حسسيه بالثقه اولا ثم اشبعيه و احلبيه (عذرا على هذا المصطلح) ثانيا حتى ما تفر عينه على الشغالات .. انتبهي اختي لتصرفاتك قبل ما تحاسبي زوجك على تصرفاته .. فلكل فعل ردة فعل .. وربي يسعدك .. |
مشكوره اختي يمكن التطبيق شوي صعب بس ان شاء الله الله يعينيواناعلاقتي معاه فتور وملل وهو كذلك جاف جدا كاانه شايب مايبي العطر ولا البنطلون ......ولا المكياج الا وقت مايبي شغله ماعنده اسلوب كرهني فيه يتافف من كل شي استغفر الله .......يجيني وقت اتمنى ان احد يمسكه بالشارع ويلفعه .....خخخخخخخخ
|
اختي اذا كانت هذه حياتك كما ذكرتي .. عشان كذا انا قلت لك ان زوجك يحاول
يوصل لك رساله بحاجته للحب والحنان والاحتواء والاشباع الجنسي من خلال تصرفاته مع الشغالات .. اختي الحياه الزوجيه مثل النبته تحتاج الي ان ترويها بكل ما ذكرته لك وإللا مصير هذه الحياه الي التعاسه التي تعيشينها الان .. اختي الزوجه هي اكثر حرصا على استقرار الحياه الزوجيه من الزوج .. لان هذه هي طبيعة المرأه .. فالمرأه هي التي دائما تبحث عن الحلول للمشاكل اكثر من الرجل . اختي الم تتسألي ما الذي اوصل حياتك الي هذا الشكل ؟؟ لماذا زوجك دائما متذمر ؟ لماذا زوجك ينظر للشغالات ؟ لما حياتكم ينتابها الملل والفتور ؟ انت ماذا تقدمين من جهد لانجاح هذه الحياه ؟ اختي انت لازم يكون التغيير منك اولا .. عشان ينعكس هذا التغيير على تصرفات زوجك .. غيري من نفسيتك ابعدي عنك الشك و التذمر والمراقبه .. غيري اسلوب كلامك و نبرة صوتك عندما تتحديثين مع زوجك .. حسسيه بالحب والاحترام و التقدير والثقه من خلال تعاملك معه .. اختي لما تلبسي و تتزيني و تتعطري وقال لك ليه لابسه و ليه متزينه .. ردي عليه .. حبيبي انا البس لارضاء نفسي اولا .. ثم لارضيك .. انا ايضا لي نفس اني انظر لنفسي في المرايه و انا حلوه و متزينه .. انا اتزين ايضا لنفسي .. حسسيه انك تحبي نفسك .. اختي احترمي زوجك قبل كل شي .. لان الاحترام يولد الحب .. اعيدي الحب والحيويه الي نفسك اولا وصدقيني هذا راح ينعكس على حياتكم كل هذه الامور ليست صعبه لمن تريد ان تنجح حياتها الزوجيه .. سفه اختي على الاطاله .. ربي يسعدك .. |
جزاك الله خير والله انك افيدتني .....وشكرا على اهتمامك
|
|
شوفي انت خلطتي بين المشكلتين مشكلتي الاساسيه مع زوجي عصبيته الزائده احيانا يعصب لاتفه سبب ويرفع صوته ويهاوش اهديه ومايصلح عند العيال .....زوجي للاسف راعي الفاظ سيئه للغايه .......بالنسبه للشغاله هو قالي انزلي بنوديها بعدين تراجع قلتله نفس كلامك مايصير الخلوه وانت ذنبك على جنبك ......قالي روحي انا مستعجل يابنت ال..........
مشكوره على الرد وانا ياام جمانه مانيب ناقصه هم عشان اشيل هم اكثر والحمدلله على كل حال .........بس سؤال اخير ترضين ان زوجك يودي شغالتكم مشوار طويل زي كذا ؟ |
زوجك يشوفك ميت من الغيره ويحاول يغيضك
اتركيه وسوي نفسك مو هامك ورا تشوفين كيف يتغير بس يبلها صبر |
بلاش شغالة
|
والله أنا من رأى
ما لها داعى الشغاله تماماً لا تدخلى بيتك من يعكر صفوك ويبعث معه المشاكل اعتمدى على نفسك وخلى شعارك لالالالالا لا لا لا لا للشغالات |
ياريت نتكلم عن الشغالة بصفتها انسانة (يمدينانوديها المكتب ويقدمون لنا غيرها بنفس قيمتها) شو هي صندوق طماطم
|
حسيت من كلامك انك عصبية كثير والرجال ديما يحبون يعاندون العصبيات
نصيحتى لك اشربى الكثير من الازهورات والليمون مهدى جيد لااعصاب والله يعين زوجك عليك |
مشكورين على الرد
ام الزهورات والليمون ماافدتيني بشي المفترض اللي يدخل موضوع مايحكم على الانسان من موقف واحد ورجاء اللي ماتزوجت او ماعندها خبره لاترد.....انا استفدت من النصايح الاولى استفدت كثير .....لكن منك ماستفدت كنت اطلب نصيحتك مو تعليقك ........عندما خرجت عائشه ام المؤمنين رضي الله عنها من بيتها ليلا مقتفية اثر الرسول صلى الله عليه وسلم كانت تظن انه سوف يذهب لاحد زوجاته لم يقل لها الرسول صلى الله عليه وسلم .انت غيوره او ماعندك ثقه بابي انت وامي يارسول مااجمل خلقك . روحي انتي اشربي الليمون والزهرات وانت تردين شكلك انتي معصبه |
انا اول ما جبت الشغاله كذا وللاسف ان اهل زوجي اللله يصلحهم الوضع عندهم عادي تخيلي وهو شاب توه كانوا يخلونه هو يستلمها من المطار و يجيبها للبيت و هو يسفرها وبلحاله وما معه احد بحكم ان امه متوفيه واخواته متزوجات وما فيه بالبيت الا مره اخوه :(
المهم اول ما جبتها نشبت له بروح معك المطار رفض وقال مرمطه وتعب قلت له انا راضيه بس ما ارضى ان ربي يغضب عليك والخلوه حرام وانا اخاف عليك من الحرام وغير كذا لازم نعلمها من اول لحظه انها ما تمون عليك ويكون فيه حاجز احترام و و و و هو طبعا قال انا قبل اوديها واجيبها لا تخافين :) ما راح اكلها :) قلت له قبل كنت بذمه اهلك وهم راضين لك بس الحين انت بذمتي واذا انت ما تبي معناها اني اخليت ذمتي اتجاه ربي وانت حر الحمد لله اقتنع ورحت معه صدقيني المسؤله مو مين قدمها والا مين يدفع راتبها ؟؟؟ شوي شوي وتنحل الامور اذا هو عصبي انت خليك بارده |
اختي همي ارضي ربي
خلي تعاملك وتوجيهاتك لشغاله نفسها يعني قولي لها اذا شفتي ابو فلان في المطبخ لاتدخلين واذا هو دخل انتي اخرجي من المطبخ وعلميها تتغطي من الرجال ولا تكثر من الروحه والجيه قدام زوجك وياريت كمان تشتري لها كتيبات اسلاميه بلغتها عشان تتعلم وامر زوجك مالك غير الدعاء المستمر بان يصلح الله من حاله ويحسن خلقه كان الله في عونك وسخرلك زوجك ا |
أختي الغالية...همي ارضي ربي
لقبك (همي ارضي ربي ) رائع جدا واجعليه أختي الكريمة شعارك في الحياة .. بالنسبة لموضوع الشغالة ..أختي الغالية ردود الأخوات الكريمات ما شاء الله كفت ووفت ولكن أحب أضيف اضافة بسيطة وأسأل الله أن ينفع بها . أمامك الآن اختيارين: الأول : تصبري على شغل البيت وتستغني عن الخادمة نهائيا وتشترين راحة قلبك بتعب جسمك.. الثاني : تصبري على وجود الخادمة في البيت وتشترين راحة جسمك مع محاولة أنك تخففين عصبيتك وشدة تعاملك قليلا ..حتى يرتاح قلبك. وحاولي طلب مشورة زوجك في هذا الموضوع وبذلك تكونين ارضيت زوجك واشتريتي راحة بالك.. ملاحظة صغيرة جدا: أختي الغالية الله الله بزوجك فهو جنتك ونارك. وأسأل الله الكريم في هذه الساعة المباركة وفي الثلث الأخير من الليل أن يجعل لك من كل هم فرجا ومن كل ضيق مخرجا ومن كل بلاء عافيه وأن يوفقك لما فيه الخير دائما.. |
اخواتي الرائعات .......انتن بمعنى الكلمه رائعات فعلا ردودكم اثلجت صدري والحمدلله
دلوعة زوجهاانا حاولت اقنع زوجي بنفس هالكلمات بس ماقتنع والحمدلله عسى خير وشكرا لك جزيل الشكر انتي حسستيني انه فيه احد مثلي الفارسه جوريوالله فكرة الكتيبات مره حلوه وانا اعطي شغالتي بعض التعليمات بس تعرفين بعضهن ماينفذ والحمدلله وزوجي ان شالله بحاول ارضيه وساعمل بنصيحتك ان شالله الاخت منتظرهسهل الله عليك الانتظار يوم القيامه وشكرا لك كم احبكم |
سبق ان اطلعت على مشكله شبيهه بهذه ومن باب الفائده اذكر لكم شياً مما فيها
وهي ان بعض الازواج يرى شدت التعامل وقسوته من زوجته على الشغاله وهو بتصرفاته ومن شعوره بالذنب يحاول التخفيف عنها او الدفاع عنها والشيطان قد يزين هذا العمل له فيحاول ان يخفف عنها او يظهر جانب الرحمه فيه والعطف عليها ويشتد هذا منه كلما راى شدت زوجته وقسوتها حتى ان بعض الرجال " واقول بعض" لديهم شبه قناعه بان النساء قاسيات في التعامل مع بعضهن ورقيقات مع ازواجهن انا لا اقول ان ما سبق حجه للرجال ولكن ما اقصده ان وجود الجهل منه والتهاون مع العلم بامر الخلوه !!! وشدت الزوجه وقسوتها على الشغاله امام زوجها وللاسف التواصل مع الشغاله في المنزل او لمسها واعطائها هذا للاسف امر يحدث في اغلب البيوت والسبب انهن شر اتى لبيوتنا والشر هنا هواء وجود الخلوه والمحزن ان يفهم الرجل ان امراته تشك فيه عندما تغضب من خلوته معها !!! وهذا من حقها والواجب عليه الانصياع لامر الله ورسوله قبل زوجته لان من نهى عن الخلوه هوا ديننا حتى لو اقسم الرجل ان الشغاله عجوز شمطاء لان الامر تعبدي ايضا المراه مع السائق !!! وخاصه خروجها او سفرها دون وجود جماعه معها من المحارم والنساء او خروجها من المنزل دون اذن زوجها ال...خ اعانكم الله على تجاوز هذه المحنه والامر يسير باذن الله اتمنى ان تكون قد مداخلتي قد سلطت الضواء على احد الاسباب اللتي قد نكون غفلنا عنها في هذا الموضوع |
مشكوراخوفهده انت بذلك تساعدني اني افهم زوجي اكثر وشكرا لك جزيل الشكر
....الله يكملك بعقلك ودينك .....للاسف ضعف الوازع الديني عنده هو السبب....الله يهدينا جميعا وانا بصير كوووووووول واطنش على طول وذنبه على جنبه |
اقتباس:
ياأختي الكريمة أنتٍ لاتعرفيني ولاأعرفك وكتبتي موضوعك لتبحثي عن حل وأنا من ضمن من شارك بالحل رغبة في مساعدتك وليس بقصد إغضابك فلماذا تغضبي من ردي؟؟؟؟؟؟!!!!! قال تعالى (وأمرهم شورى بينهم) وفائدة الشورى هي انها تجعلك ترين الموضوع من وجهات نظر مختلفة تكون غائبة عنكِ فتعرفي أسباب المشكلة وتحليها بإذن الله أما ان تغضبي وتصري على موقفك فهذا معناه أنك لن تستفيدي شيئاً وقد تكون القسوة في بعض الردود نافعة لتفيق صاحب المشكلة من غفلته وينتبه لخطأه وإجابتي عن سؤالك هذا : بس سؤال اخير ترضين ان زوجك يودي شغالتكم مشوار طويل زي كذا ؟ نعم أرضى وأوافق إذا لم يكن يريد أن أذهب معه لكي لاتكون خلوة ومصر أن يذهب وحده فعندها لم أمانع لأن الهداية بيد الله وحده وأنا فعلت ماعليّ ونصحته وهو حر فلن أستطيع غصبه على تطبيق أوامر الله وعادي عندي حتى لو ذهب بها لبلدة أخرى ....هل تعرفين لماذا ؟؟.. .لأني أعرف ولله الحمد من هو زوجي وماهي أخلاقه ولاأشك فيه البتة وهو يخاف من الله قبل أن يخاف منيّ ولإنه ليس محروم من شيء حتى يبحث عنه هنا وهناك و ذهابه بها يراه هو عادي وليس به إشكال وكانه يوصل أي مستخدم حتى في تنزهاتنا عندما نتوقف لشراء ساندوتشات فإن زوجي يسأل كل من في السيارة عن نوع الساندوتش ونوع العصير اللذي يريد حتى الشغالة...أليست بني آدم؟؟؟؟ ولكن أهم مافي الموضوع أن لاتدعيها في البيت تأتي بالأكل وانتم جلوس فهذا في نظري قلة أدب أن تدخل الخادمة أمام الرجل وتضع الطعام لابد أن تقدمي كل شيء بنفسك حتى كوب الماء لاأسمح بأن يقدمه لزوجي غيري وإذا دخل زوجك المطبخ فأطلبي منها أي شيء أخر خارج المطبخ تقوم به بأسلوب لطيف لايدعوا للريبة وإذا كانت تنظف في مكان فيه زوجك فكلميها بهدوء أن تؤجل التنظيف لوقت أخر وأيضاً يجب أن يراني زوجي امامه انا من أخذ الطعام للشغالة وانا من أقول لاتنسوا الشغالة من الطعام وأنا من أقول حرام لاتتعبوا الشغالة لذا فإني لااجعل مجال لزوجي بأن يحسن إليها قبلي وفي الختام أرجوا ان لايزعجك كلامي فغرضي النصيحة لكِ وصدقيني الرجل العصبي يملك قلب أبيض ولكن يريد من تمتص غضبه وبعد أن يهدأ بإمكانك الحديث معه أعرف قريبة لي زوجها عصبي ويسبها ويشتمها أمامنا وهي باااااردة تضحك في وجهه وبعد سنوات تغير جداااااا وأصبح يقدرها ويحترمها وتغير أسلوب وهدأ غضبه بفضل الله ثم بفضل أسلوبها فكانت تضحك وهو غاضب وتتركه حتى يهدأ ثم تعاتبه مابينها وبينه عتاب المحب المؤثر كما تريد وشيئاً فشيئاً حتى تغير ولله الحمد وإليكِ هذا الرابط فهو إجتماع لزوجات العصبيين اجتمعوا وتبادلوا خبرات رائعة للتعامل الأمثل مع أزواجهم اتمنى أن يفيدك http://www.66n.com/forums/showthread...D5%C8%ED%ED%E4 وأتمنى منك السموحة غن أزعجتك بكلامي |
بصراحة لو انا سوى مثلك كان قومت الدنيا عليه
مو على كيفه يروح ويجي لوحده بالشغالة |
بصراحة
أنا ضد دخول الخدم للبيت وزوجتي حاولت معي الكثير لإحضار خادمة للبيت وأنا أرفض والحمد لله أكملت دراستها البكلريوس والماجستير أثناء الزواج وعندنا طفل، أكيد هناك مشاكل ولكن بتعاونا تحل المشاكل . وأي مشكلة واجهتها بالبيت خاصة أثناء حمل زوجتي أو أيام إختباراتها أهون علي من دخول الخدم لبيتي . والله أعلم |
شكرا ياام جمانه الله يديم عليك ....انا بصراحه استفدت من ردك على احد العضوات في المنتدى صراحه مااذكر اسمها وهو انهاتهتم بنفسها وكيف تبين له ان اهم شي عندها نفسها ....ولا عليكي واحيانا القسوه تفيق المراه .....الله يوفقك على الرابط
خالد اناماني ضد الخدم بالعكس شغل البيت احيانا حتى لو كان ماعندها وظيفه يحسس المراه انها مثل الاله بس اهم شي يكون فيه ضوابط ملك ناظري .....انتي الظاهر مثل طبعي انا قومت الدنيا وماقعدته بس وش استفدت ماغير اتعبت نفسي ماسمع مني وشكرا على الرد\ الف شكر وجزى كل خيرا كل من رد |
| الساعة الآن 04:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©