خطبة قريبتي وموقفي
 

خطبة قريبتي و

السلام عليكم اخواني واخواتي

قصتي راح ابتدي فيها من البداية احس نفسي مررره تعبانه وضايق صدري ماادري انا اكبر الموضوع ولا
تحملوني مالي الا حضراتكم بعد الله افضفض واستريح
قريبتي جاييينها خطاب عررفنا عن طريق امها اليوم متصله تقول لامي ان قريبنا متصل لها وجايب ناس يخطبون بنتها بس هي مااتصلت لنا لله في لله بس عشان انهم يجون بيتنا لانو بيتهم في صيانه
وهي بالعاده اذا احد خطب بنتها ماتتكلم ولا تقول لاحد الا هذي المره

صراحه يوم سمعت مامي تتكلم بالتلفون مع قريبتي افتكرت الخطاب لي بس مابينت لماما قلت ايش صاير وقالت لي الموقف وقعدت تقول ان قريبنا قال يمكن هالشي يصير نصيب لفلانه اللي هي حضرتي
انا قلت لماما مابقعد بالبيت قريبتنا ماعمرها تكلمت ان احد جاي لبنتها كل تخاف اني اخذهم منها وهالمره ماتكلمت الا لحاجتهم وبس
يعني لو بيتهم ماكان فيه شي ماكنا عرفنا

قعدو يقولو لي ماتدري كثير يروحو لبنت محدده ويصير من نصيب الثانيه
اوكي اتفق بحال كانو اخوات ببيت واحد مش احد رايح بيت غير بيته ليستقبل خطاب
يعني قريبتي لو ان بيتهم مافيه شي ماكانت حتى تكلمت لمامي بهذا الشي

انا مصره اطلع من البيت بهذا اليوم وهم يقولو لي باني معقده
اوكي ماقلت شي بالعكس الله يوفق لها ويسعدها بس مش يدخلوني عرض بينهم

نفسيتي زفت ماخلصت من سؤال الناس على ان اختي اللي اصغر مني مخطوبه يجيني هذا الشي

والله يخليكم لاتنسوني بدعائكم بظهر الغيب

والسموحه طولت عليكم

اختي انتي مكبره الموضوع

لوهي خايفه منك على قولتك صدقيني تقدر تدبر نفسها بيت ناس ثانين على الاقل بيت الجد او بيت خاله العروس او خالها

خليك واثقه من نفسك ولا تتحطمين

صدقيني بخروجك من البيت كذا بتعطينها صوره انك فعلا منقهره انه بنتها يجونها خطاب وبكذا ممكن يزيد خوفها من ناحيتك

الامر رزق بيد الله

وسعي صدرك واقعدي ببيتكم وحطي رجل على رجل بعد :d

الله يرزقك الزوج الصالح

اختك بالله
جينز

للاسف اختي فاهمه الموضوع غلط ولو قرأتي ردي شفتي ان خالي هو اللي قال قولو لفلانه تقعد :)

ماهي خالتي اخت ماما وحماة اختي :)

ومن جد اللي ايده بالنار غير اللي بالماي

مشكورات يااخواتي والله يوفق للجميع

ايش رايكم قالت لماما بس قولي لفلانه اللي هي اختي ولو انا ماكنت جنب ماما يوم تتصل ماكنت عرفت!!!

وانا ماقلت غيرانه ولا فرقت بينهم بالعكس الله يوفق لها بس موقفهم مااعجبني

واذا البعض بفسرها غيره الحمد لله الخطاب اللي يجوني اكثر منها :D

أشعر باحساسك
لما الأصغر ينخطبوووون وانتي تعالي اجلسي وجاملي
الله يرزقنا ويفرج همومنا


شوفي اذا تقدرين تتعدلين وتتزينين واقري المعوذات وعلى نفسك اجلسي يمكن يشوفونك ويرشحونك

يا اختي انتي مكبره المساله او يمكن حامله ليش ما جاك الخاطب اعذريني والا كل الناس تخبي امر الخطوبه الى انا يتم العقد الا للمقربين مره واحيان لا
خليك بالبيت مو بنيه يمكن يغيرو ويخطبوك بس خلك عادي كانه جايكم ضيوف

الجميع والله ماانكم عارفين قصدي زين
انا كل قصدي هم ليش يقولو ولا يحطوني بالجمله
هذا كل قصدي

الله يرزقك ويفرج همك وهم الجميع

والسالفه ماهي ترشيح

عندكم تخبي امر الخطوبه بس عندنا عادي ولا كيف يتم السؤال عن المتقدم

ونيتي بس ليش يقولو يمكن جيتنا بيتكم تنفع بنتكم

أعدت قراءة الموضوع خمس مرات مع الردود لأحاول فهم ما تقصدين و لكن لم أستطع للأسف , كل كتابتك قريبنا و قريبتنا و قريبتي , اتلخبطت على الآخر , حاولت قرائته للمره السادسة لكن شعرت بدوار و لاحظت من الردود اني لست الوحيدة التي لم تفهم , المهم نصيحة مني الشيء اللي يزعجك طلعيه من دماغك و خليكِ طبيعية