|
متوتر جدا جدا من الرؤية الشرعيه .. ( تمت الرؤية ولله الحمد )
السلام عليكم ورحمة الله وبركاته
اخواني الكرام واخواتي الفاضلات بشوف خطيبتي الشوفه الشرعيه اليومين الجايه وبيني وبينكم انا دقة الملاحظة عندي صفر وابوها بيصير قاعد معنا يعني بتصير دقة الملاحظة عندي بالسالب بعد!!! :29: شلون اشوف البنت واتمقلها (يعني املى عيوني منها) بدون ما اكون وقح مع ابوها ولا ابي اصب عيوني عليها كني ما شفت بنت من قبل!!!! وثاني شي انا ابيها تشوفني وهي ما اتوقع راح تحط عينها في عيني وبعدين هل اكلمها واسألها اسئلة بسيطه يعني كيف الحال كيف الدراسه شي زي كذا ولا تحسونها بايخه؟ وهل استمر في حديثي مع ابوها ولا اسكت شوي اذا دخلت ؟ الي عنده اي معلومه تفيدني يتفضل ولو فيه رأي قاله احد الاعضاء قبلك يا ليت ترد وتؤيده ولا الغي فكرة الشوفه؟ مع العلم اننا محددين وقت الملكه من قبل وشكرا جزيلا على المرور وعقبال عندكم (هذا للي ما خطبوا بعد) :d |
وعليكم السلام ورحمه الله وبركاته
والله انا شخصيا مامريت بشوفه ولايحزنون وقبل فتره انخطبت وبغت تصير وماصار نصيب وبحط نفسي مكان خطيبتك وارد على اسالتك وان شاء الله افيدك والاعضاء الباقين ماراح يقصرون كالعاده اخوي القصد الشرعي من الشوفه هو الارتياح او لا يعني وش تشعر به اول ماتقبل عليك وموحلوه تكمل سوالف وهي داخله بل اسكت واذا شعرت انك مرتاح اذكر ربك بصوت عالي وسالفه انك تركز عيونك فيها بايخه وتروع البنت انتبه واسالها كم سؤال بسيط اذا قدرت وطلعت معك الكلمات اخوي اوصيك بالدعاء والاستخاره قبل ماتروح واكثر من الاستغفار وفيه ايه (وجعلنا من بين ايديهم سدا ومن خلفهم سدا ---الي اخر الايه) وليه تلغي الشوفه بالعكس حلوه وتقرب وجهات النظر وتكسر حده لقاءكم بعدين وممكن تصير مواقف تتندرون بها بعدين اذكر قصه وحده تقول يوم الشوفه كان هو واخوانها بالمجلس ودخلت عليهم ومن زووووود الاحراج اتجهت على طووول للولد وسلمت عليه هههههه وتزوجها وللان يذكرها بالسالفه ويضحك الله يوفقك وينورك بعينها وينورها بعينك ويجمع بينكم ويرزق كل محروم ماسأل |
عليكم السلام ورحمة الله وبركاته
بدايةً الله يوفقك وييسر أمرك أفضل طريقة أنا أشوفها إنك تحاول تختار لك مكان واضح شوي علشان تشوفها من أول ماتدخل تمشي يعني يمديك ترفع عيونك وتشوفها وترفعها مره ثانية وتشوفها وهي ماجلست :d التفت على أبوها وقله أي شي علشان ينكسر حاجز التوتر لما يتكلم وانت اسمعه والتفت شوي عليها وبالطريقة هذي هي بعد راح تشوفك كويس وإنت تتكلم مع أبوها وتاخذ راحتها يعني اسألها كيف حالك ؟ وكيف دراستك ؟ أو دوامك ؟ إن شاء الله مرتاحه فيها يعني اسئلة عامة ولا تسألها ورى بعض شوي شوي اسأل علشان تستغل كل ثانية أنا بقولك ترى التوتر قبل تروح لهم لكن مجرد ماتدخل البيت وتجلس خلاص بتحس نفسك أمام الأمر الواقع وبترتاح إن شاء الله الله يوفقكم ويكتب لكم الخير .. |
ههههههههه والله انك خليتني ارتاح شويه بقصتك الله يجزاكي خير بيني وبينك انا ما خفت انها تاخذ عني فكره غلط لانها هي بتصير محرجه مثلي وبتقدر الموضوع بس اخاف ابوها ياخذ عني فكره غلط لأني ارتبك في السوالف هذي وبالنسبة لمشاركة الاعضاء شكلهم ماهم لمي :( 45 مشاهده ورد واحد بس!!!!!
|
أخي الكريم
ما حبيت أخرج دون مشاركة أسال الله أن ييسر امرك و يضع بينكما القبول لا تتوتر و خذ الأمر ببساطة:25: و الله إذا أنت توترت ماذا تفعل هي المسكينة:d |
أخوي تعبت أعطي
السلام عليكم ورحمة الله وبركاته يقول المثل اسأل مجرب ولا تسأل طبيب أو خبير ( إن جاز التعبير ) أنا ولله الحمد والمنة ذهبت لأخطب يوم الثلاثاء الماضي وبصراحة تضايقت عندما رفض والدها إعطائنا الموافقة من عدمها لكن عندما فاجأني والدها عند خروجنا أنا ووالدي بأن يطلب مني البقاء لفترة وجيزة عرفت عندها أنه يريدني أن أراها و تراني ( النظرة الشرعية ) فعندها توترت وارتبكت وعندما دخلت عندي حسيت وجهي صار أحمر من الخجل طبعا واحوليت لدرجة أني حسيت عيوني اليمين فوق واليسار تحت وعندما وضعت نظري بنظرها حسيت براحة كبيييييييييييييييررررررررةةةةةةةةةة وعندما خرجت كنت على أعصابي وأقول في نفسي لا أريد غير هذه المرأة وكنت على أعصابي لدرجة ( والله يشهد علي ) نمت الساعة 2 أو 2:30 وصحيت الساعة 8 تماما ( مع أني كنت تعبان وأنا إذا نمت نمت ) وكنت صباح الأربعاء على أعصابي والحمدلله أتصل والدها وأعلن الموافقة لوالدي ظهر الأربعاء الذي لم يتوقع بأن يتصلوا بهذه السرعة (فالنظرة أخي العزيز ليس لرؤية جمال المرأة فقط بل حتى راحتك وراحتها النفسية فخذ بنصيحتي تشوفها وتشوفك أفضل لك ولها وكما قال رسول الله صلى الله عليه وسلم ( فإنه أحرى أن يؤدم بينكما ) أو بما معنى الحديث ) |
حبيبي الموضوع سهل
أشغل أبوها في موضوع وخصوصاً الشياب يحبون السوالف وجب معك كتاب فيه قصص عن الأولين وعطه الكتاب خله يلهى فيه وهناك قصة قريبة من قصتك (شخص أستوقفه رجل أمن يقف عند الإشارة) لقطعه إشارة المرور فقال لرجل الأمن يوجد حادث خطير خلفنا بدقيقة فذهب رجل الأمن مسرعاً تاركاً الرجل مع العلم أنه لا يوجد حادث بالأساس , حاول تشغل أبوها بأي طريقة وتمقل زين هذا زواج ماهو لعب الله يوفقك ويسعدك |
اقتباس:
وضعك طبيعي موقف جديد عليك وعليها طبيعي يكون فيه نوع من الارتباك يمكن لو ماترتبك بقول : وش هالجريييء الله يعيني عليه أحياناً بنفس الوقت تحدد موقفك يامرتاح ومُقبل على الموضوع بسعادة أو تكون متردد وقلبك مو مرتاح وفي كل الحالتين صلاة الإستخارة مطلوبة الله يوفقك وتبشرنا بخطوبتك الرسمية .. |
الله يجزاكم خيرا جميع والله انكم ريحتوني بردودكم انا بحاول بشتى الطرق عن طريق الاهل اني اخلي اخوها الي بسني يقعد معنا وابوها يطلع قبل ما تدخل وارجوا رجاء حار من كل من يدخل الموضوع انه يدعي لي ان الله يسر اموري ويوفقني معها
|
مبروك أخي
و لا ترتبك كتير ترى الموضوع سهل الله يسهل لك أمورك و ييسر لك و يوفقك |
ربنا يوفقك
و اقعد أمام والدها لأنها طبيعي حتكون مكسوفة و حتقعد جنب والدها , لذا لما تقعد أمامه حتقدر تشوفها كويس مبروك و ربنا ييسر أمورك |
اخي الفاضل
الله يوفقك ويسر أمرك اخي اول شي ادعي الله بأن يسهل الأمر ويجعلك قره عين لها وقره عين لك تصدق فالصدقه بامر الله راح تسهل لك الشي الثاني انصحك بان تسال فتاتك بعض الأسئله لا ادري ان كان الوقت مناسب لكن مهم ان تعرف مثلا لو كنتلا تريد فتاتك تدرس يجب ان تخبرها بوجهة نظرك هل تريد شغاله اولا هل تريدها تستمر بالعمل او لا لان البعض يروح الشوفه من اللي اشوفه واسمعه ويقول كل شي تمام ولما يصير العقد والملكه يقول انا ما ابغيها تدرس وذيك تتشرط المفروض تكونون ع بينه وقبل لاتدش عليهم بالمجلس اقرى هالأية من سورة يس بسم الله الرحمن الرحيم وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لاَ يُبْصِرُونَ (9) واسالها كيف حالها يعني اسئله اهتمام خفيفه تمسح الحواجز |
الله يوفقك ويسهل امرك وامانة اذا صارت الشوفة ارجع رد لنا اش صار معاك
|
الله يوفقك
وأبوها ما عليك منه يعني ليش جاي انت ؟؟ ما جيت عشانه هو أنت جاي عشان البنوتة ولا وقاحة ولا شيء بس نصيحتي لا تلكلمها يالله بتخجل بزيادة بس إسألها عن حالها وأسكت لا ترد مره ثانية عشان ما تتوتر بزيادة طبعا هذي وجهة نظري الله يوفقك ويوفق شبابنا وبناتنا كلهم |
السلام عليكم
توكل على الله و الله تعالى رحمن رحيم ثق بأنه تعالى سيسهل أمرك إسأل مجرب ----->أنا أقول لك الأمر بإذن الله ليس صعباً رغم الإرتباك الفضيع الذي سبق و مريت به أنت حاول أن تكون هادئأ لكي لا تربكها معك و فقك الله |
اخوي ترى الوضع عادي جدآ
اذا دخلت عندهم ان شاء الله بتغير عليك التوتر والاحراج هذا زواج يعني دقق فيها قد ما تقدر والاهم وهذا حالنا يا الشباب اذا دخلنا نشوف البنت ما نعرف ندقق حتى الاسئله نتلخبط فيها من كثر الاحراج من الأب او الاخ يعني اذا جاء في بالك ان تبي تدقق فيها هذا انساه اسأل مجرب الله يوفقك ان شاء الله وتبشرنا بملكتك قريب تحيتي لك اخوك القناص |
لا توتر ولا شي رايح تشوف المخلوقة إما رايح تحارب اليهود
خليك هادي واتملق على راحتك بس مو ضلك حاطط عينك بعينها كمان إحكي شويتين مع عمك لا تشوف البنت تنسى ابوها الله يوفقك ياعريس أم وليد |
حتى الرجال تجيه نفس حالاتنا
الله يكون بعونك بس ترى اذا الله تمم لك على خير ووفقك ويارب انك تتوفق وتتيسر لك راح يكون هذا الموقف له ذكريات بعد الزواج وممكن ان البنت تتاخربالرد وهذا شي عادي انت اهم شي حاول تتطالع فيها تسالها كيف حالك وكيف الدراسه ام شي لايجيك السوال الغبي * انتي تدرسي باي مرحله ؟ لان هذا السوال كثير بنات ينسالوه مع ان الرجال عارف بس من الربكه بس نحسه سوال غبي احسن شي تدخل مع اخوها واذا دخلت اوقف ورد السلام الله يسر لك ويتمم لكم على خير يارب |
ابشررررررررركم شفتها:17: والحمد لله مرتاااااااااح جدا:14: صدق اني كنت متوتر:rolleyes: لما دخلت اول شي بس شوي وراح التوتر وبديت احس بالراحه النفسيه لها المسكينه بغى يغمى عليها من الخجل يوم شفتها خجلانه راح الخجل مني :d وجزاكم الله خير
على دعواتكم وعلى ردودكم ملاحظة: اختي ام السوسة تراني سألت السؤال البايخ :29: وش اسوي انا العادة كلامي كثير بس راح الكلام كله ذاك الوقت :19: |
الحمدلله اخوي و ان شاء الله تبشرنا بخطبتك عن قريب...
و الله يوفقك |
الحمد لله
مبروك و الله يوفقكم |
الحمدلله والشكر
ربي ويوفقكم ويسعدكم ويتمم موضوعكم على الخير |
اقتباس:
الحمـــد لله ، على البركـــــة الله يوفقكم ويتمم لكم على خير ويرزقكم الذرية الصالحة المعافاة يــارب .. وتعطي وتاخذ وتاخذ وتاخذ وتاخذ |
الحمدلله والله يتمم لكم الخطوبه على خير
ويكتب لكم الي فيه الصالح والخيره |
الحمدلله والله يتمم لكم الخطوبه على خير
ويكتب لكم الي فيه الصالح والخيره |
ما شاء الله تبارك الله
و فقكما الله |
ماشاء الله تبارك الله
الف مليون مبروك الله يتمم عليكم بالخير ويجعلها من نصيبك ويرزقك الذريه الصالحه المعافاه الباره بكم |
الف الف مبروك
الله يوفقنا واياكم ويتمم لكم بخير يالله انك تيسر أمري يارب |
اقتباس:
كنت حاسه انك بتساله بس يالله احسن خلها تعلق عليك بعد الزواج :):) اسال الله ان ييسرلك امورك ويبعدكم عن الحرام وان بيارك لكم في حياتكم القادمه انه على كل شي قدير |
جزاكم الله الف خير على الدعاء والمشاعر الطيبه وان شاء الله اكتب لكم عن قريب موضوع في قسم التبريكات عن ملكتي
|
اقتباس:
يغلق |
| الساعة الآن 04:19 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©