|
مليون عانس وش فيها لو خليتهم مليون و واحد !!
بسم الله الرحمن الرحيم
مليون عاااانس وش فيها لو صرتي أنتي الواحد بعد المليوون أبد ما فيها شيء طال عمرك مليون وواحد مليون وواحد وش ورانـــا هذا كلام بين بنت و رجل و القهر لما يكون هالرجل هو الأب ما قول غير الله يخلف عليك يا دنيــا |
الله يفرجها عليك وعلينا ياعبوره
اجل الوالد يقول ليه ماصبرتي على الاول قلت سكير وممكن يشربني معاه يقول عادي والثاني ليه ماوافقتي عليه؟؟؟؟؟؟ لانه عاجز ورفض يعمل فحص يقول وش فيها عيشي عنده كذا ومتى مابغى يتعالج براحته!!!!!!!!!!!!!!!!!!!!!!!!!!!!!!! عبوره ماتوقع ابوك يكره لك الخير بس من خوفه وحبه لك والله ياعبير العنوسه ارحم من زواجها تندمين عليها طول عمرك اقلها انتي الحين ماعندك اثار وجروح انتي تعرفين قصتي وبالرغم ان الكل يؤيد تصرفي وانه صح لكن مايبوني ويرفضون الزواج مني ؟؟؟؟؟؟؟؟؟ ياعمري لاتناقشين ابوك ولاشي هو حاس فيك ويبي الافضل لك ومتوتر عشان كذا فلاتضغطين عليه ويتصرف تصرف تندمين عليه طول عمرك الله بيفرجها بس شويه صبر |
كم عمرك أختي عبير ؟
عندنا في مصر بنقول : قعدة الحزانه و لا جوازت الندامة يعني الوحدة تصبر و تدعي كثيرا و إن شاء الله حتتوفق يمكن كلمات والدك قاسية قليلا لكن انتي اصبري و احتسبي الأجر عن الله --- اقتباس:
|
منتظره فرج ربها
و الله من قال هالكلمه سكت كان ودي أقول طيب كان قلت كذا من أول مو جالس تقول دراستها و وظيفتها وفلان طماع والثاني مطوع وهذا مدري أيش فيه منتظره لو يبي لي الخير ما جلس يقنع فيني مره أرفض واحد ملتزم لأنه ملتزم على العموم هو ما أخذ رايي رفضه و خلاص و أللي راح راح الله يصلح الحال |
اختي كل انسان حر اب تصرفاته و العلاقه بين البنت و الاب مبين انها قويه و كانهم ربع .. كل اسره لها طريقتها و بيتهاو تصرفها بالمواقف .. و اش فيها ؟؟ هل الكلمه قد تعني انها.. ممكن تكون صغيره او ما تشوف روحها الحين متزوجه ... اختي الكريمه انا ما احب احكم على احد او اعلق على كلامه لانه ساعات تره تصير العنوسه مو من البنت و يمكن اهيا ما تشوف روحها الا اب بيت ابوها... الخيره في ما اختاره الله
اختج بني و ممكن ايضا ابوها يشوف انه ماكو احد يستاهلها اختي .. ف صبرا جميلا تو الناس اختج بني |
نوران
هي قاسيه و بس ألا تعور القلب عمري 25 نوران أدعي لي وربي تعبت من الكر و الفر مع الوالد الله يصلحه |
bunney
أيه العلاقه قويه كأنهم ربع بس ما فادت هالعلاقه في أوقات الشده !! |
إن شاء الله الزوج الصالح يكون من نصيبك قريبا جدا
و 25 مش كبيرة أبدا , افتكرتك عانس بجد , لا انتي لسه صغيرة و الحمد لله , سنك مطلوب لأن أكيد مخلصة تعليمك و كتير جدا من اللي معاهم دراسات عليا عايزين وحدة مخلصة جامعة و دراسة ما تخافيش البنت تبتدي تعتبر عانس من 32 سنة تقريبا و حتى بعد التلاتين ربنا بيرزق و الحمد لله طيب رأي والدتك ايه في الموضوع ؟ مالكيش اخوان ذكور يساعدوكِ و يقنعوا الوالد ؟ |
والله يااختي عبير معاك حق بس العتب بصراحه.. على بعض البنات.. وبعض الاباء انا بمجتمعي وبنجد خصوصا لاحظت العوانس كثير بسبب المهور الخياليه.. والطلبات التعجيزيه يعني الناس ماهي سواسيه انا خسرت بليله زواجي مع المهر تقريبا 300 الف ريال المهر كان ميه وعشرين وقصر الافراح وهدايا للعروسه وامها وبالاخير اكتشفت اني متزوج من انسانه ماديه... وملاحظ ان البنات اذا بغت تتزوج تناظر صديقاتها وصاحبتها وش عندهم وتسوي مقارنه بينهم وهاذا اللي يسبب المشاكل...يعني ماهي متقبله يجيها شاب وظيفته عاديه وراتبه 7000 الاف مثلاا وساكن عند اهله ويبي يسكنها عندهم .. اذا ودها تسكن ببيت لحالها ترخي الريال وتشتري بيت وانتهى الموضوع لكن انها تحمل الشاب مصاريف وديون واخر شيء يتطلقون لسبب تافهه ويقعد ابو الشباب يسدد 5 سنوات او 8 سنوات بعدها هاذا الظلم والله...
|
-نوران-
نوران صغير عندكم في مصر وموضوع أني أطلب المساعده على أبوي من أحد أنتهينا منها طلبت ألين تعبت .. على قولة الوالده فضحتينا !! ما يحس بألمك غير نفسك |
ومن ناحيه ابوك اختي مع احترامي له دامه رفض واحد ملتزم لمجرد انه ملتزم يعني مافيه عيب ثاني اسمحيلي ابوك غلط غلطه وراح يندم عليها واتوقع ابوك شخص عادي يعني ماهو ملتزم .. لان الانسان الملتزم والصالح يعتبر مكسب والناس تدوره مو ترفضه...
|
حنون. بس متعذب
ماراح يندم غيري .. للأسف الله يعينك و يارب يعوضك في زوجتك الثانيه |
المعذرة
25 سنة!!! ... وعانس؟!!!!!! كيف إذاً ستصفين نفسكِ بعد عشر سنوات مثلاً؟!!!!!! عزيزتي.. أنتِ ناضجة وعاقلة .. ومن حقكِ أن تناقشي والدكِ في أسباب رفضه إذا كان الرفض غير منطقي. ولكن أن تصفي نفسكِ بالعانس .. فصدقاً لا أعتقد أنكِ وصلتِ إلى هذه المرحلة. |
مهره
مو أنا من وصفت نفسي و ان شاء الله بعد عشر سنوات متزوجه و عندي عيالي بس أدعو لي |
اختي عبير .. انتي سالتي ابوك عن الناس اللي تقدمو لك او لا؟؟؟ يعني هل ابوك مبالغ بالمهر مثلاا او مبالغ ببعض الاشياء ...
|
اعذريني يا عزيزتي ولكن وجدت نفسي أضحك عندما قرأت ردكِ.
لم أقصد إخافتك .. وأعتذر إن أسأت التعبير .. ولكنني بالفعل لا أرى من الصواب أن تصفي نفسك هكذا .. وبالفعل أنتِ لا زلتي صغيرة على أن تكوني عانس ... (يعني لسه بدري) أنا تزوجت وأنا في الثلاثين ولم يحدث أبداً أن رأيت نفسي بهذا المنظار قبل زواجي الذي يراه البعض متأخراً ;) على كل حال لا تزعلي وأدعو لكِ الله تعالى ونحن في الثلث الأخير من الليل أن يهبكِ ما تتمنين وأن يرزقكِ بالخير إن شاء تعالى. قولي آمين ;) |
حنون. بس متعذب
هو يرفض قبل الموضوع يتطووور و ناقشته و مازلت و على العموم أنا كتبت هالموضوع عشان الآباء يتقون الله في بناتهم و عشان أقول أللي بخاطري لأني متضااااايقه من أسلوبه الله يعين بس |
مهره
آمين و جزاك الله خير |
اختي الحبيبه اعلم حتى لوكتبت لن اخفف عنكي
لأني اشعر الله يصبرنا يارب الوالد يقولك كذا لان يبغي يخفف عليك من وجهة نظره، وهو عنده وجهة نظر خاصه ادعي له بالمغفره والهدايه وانا متأكده ان ابوكي يتعذب من الداخل لأجلك لا اقول هذاالكلام من فراغ الله يبغله يشوفك وانتي عروسوهو خايف عليكي لأن اشباه الرجال اكثر من الرجال طبعاالوحده وقسوة الليل والحاجه والأمومه لاتشعر بها الا المتأخره واللي يقولون صغيره لا اعلم هل هي مجامله ، لأن الآن تحت العشرين بعد مو عشرين يتزوجون الأضرار النفسيه على المتأخره لا احد يعرفها الا اللي مجربها بس الله كريم ، الله يعوضك يا اختي يوعوضنا يارب ونعيش احسن منهم يارب في شي بعد يمكن يخفف عليكي، تذكري انكي مطلوبه وفي ناس يخطبوتك في امل باذن الله الواحد الأحد الله يصبرك ويرزقك احسن الرجال الله يفرج همومنا ادعي الله بان يسخر والدك ان يرزقك الأنسان اللي يسعدك |
الله يزوجك باللي يسعدك امين يارب العالمين ....
|
night2005
نايت ودي أتكلم بس مدري وش أقول ووش أخلي الله يفرجها من عنده و الله يستر علينا |
حنون بس متعذب
الله يجزاك خير |
فعلاا اذا كان الخصم هو ابوك كيف تقاضينه والله ودي اواجهك ابوك واغير تفكيره .. لان هالتفكير هو اللي سبب المشاكل..
اسف اني طولت بالموضوع .. وهو قصيير |
الله يفرج كربك اختي عبير ويهدي والدك ويصلح حالك ويزوجك بالزوج الصالح الي يسعدك ويعضوك عن كل الي فات
يا قادر يا كريم انت وكل بنات المنتدى |
25 سنه وتقولين على نفسك عانس اجل اذا وصلتي 50 سنه وش بتقولي..
اسمعي وانا اختك اتركي عنك الهرج الفاضي انت (ااااااااااااااااااانسه) مو(عااااااانسه).. ولاتكرين ولاتفرين مع الوالد الموضوع مو مستاهل... عيشي حياتك واستمتعي فيها ومتى ماكتب الله النصيب بتاخذينه ليش العجله ترا العجله من الشيطان.. |
أختى ممكن يبقى مليون واتنين
أختى انا كنت مثلك فى يوم من الايام كنت اتضايق عندما يتقدملى خاطب ويترفض حتى بدون أن أعرف وكنت أعرف غالبا بالصدفه لكـــــــــــن أكتشفت أن هذا لمصلحتى لأنهم يعلموا جيده ما المناسب لبنتهم وقلب الاب دليله يمكن لم يشعر براحه اتجاه الخاطب او يشعر ان شخصيته ضعيفه الله واعلم لماذا اباكى رفض لكن لا تحزنى النصيب لسه مجااااااااش |
حنون. بس متعذب
الله يصلح الجميع يارب *** أميرة موناكو الله يجزاك خير *** saapna81 صدقتي الموضوع ما يستاهل ياكثر الآنسات أللي مو متزوجين وقفت على حضرتي آنسه أو عانسه عندي بمعنى واحد الموضوع أحس تعدى مرحلة الشد هو عرف تفكيري و أنا عرفت تفكيره و للأسف ماعتقد فيه مجال للتقريب لازم واحد منا يتنازل و الظاهر أنه أنــا |
المصرية
النصيب ما جاء أنا معاك فيها لكن أبوي يبحث لي عن المناسب أعارضك أذكر موقف قهرني منه أخوي خاطب و هي للآن تدرس و أبوي يحاول في أخوي يتزوج هالعطله قلت أنا البنت للحين تدرس بيأجلونه قالي الدراسه مو عذر تقدر تتزوج وهي تدرس وش فيها رديت فورا مو أنت مأخرني عشان دراستي سكت مارد أبوي من أفعاله يتضح أن ماوراه خير وراه مصيبه لكن ماني عارفتها الله يكفينا شر كل ذي شر |
أبوك يحبك ياعبيــــر
قد قلتها لك قبل : أبوك أحسه يبي يشوف بناته حوووله ومايتخيل بنته مع رجل غيره ! ولو إنه شي مو طبيعي لكن بإذن الله إذا أراد ربك ياعبير راح يتم كل شي بغمضة عين وقولي غالية ماقالت .. لي فترة ماشفتك ياعبير تفائلت لك وقلت : يــــــــارب انزاحت الغمامة لكن مازلت متفائلة خيـــــر قولي : يــــــارب .. |
ليش تحطمين نفسك ياأختي تبقى الخيره فيما اختاره الله وأهلك موجودين الله يخليهم لك انبسطي معهم وعيشي حياتك بما يرضي الله بدري على المسؤليه وصدقيني متى ماجا النصيب وتم راح تقولين(يامن شر له من حلاله.....) الله على ايامك يابوي مااحلاها..
الله يسعدك دوم مو يوم.. |
دة ظاهرة عامة في العالم الإسلامي أخوكم من أوزبكستان نفس المشاكل ولاكن لشباب أصعب بكثير اللهم احفظ شباب و بنات المسلمين
|
أختي الفاضلة عبير
كنت وما زلت أظن أن أباك سوف يتغير ويغير من أفكاره ولو الشئ البسيط واليسير وكلي أمل أنه سوف يتغير في يوم من الأيام نرجو الله أن يكون قريباً أعرف أنك صبرت وما زلت صابرة أعرف أنك دعوت الله تعالى وما زلت تدع ونحن بدورنا دعونا لك وما زلنا ندعو أن يخفف الله عنك مما أنت فيه من الشدة والضيق وأن يرزقك الله الزوج الصالح الذي عندما يراه والدك للمرة الأولى يقف فرحاً ويقول أنت الرجل الذي طالما انتظرته للزواج من بنتي عبير أختي الفاضلة هذه ليست خرافات وأوهام (وما ذلك على الله بعزيز) عليك أن تبقي بصيص الأمل في قلبك مضيئاً وأن لا تجزعي أبداً أسأل الله تعالى أن يرزقك من حيث لا تحتسبي وأن يستر عليك في الدنيا والآخرة |
عبير الرياض
قد اكون انا أول من مر على الموضوع و لكن تعطلت لغة الكلام لدي و لم يكن لدي ما أقوله او بالأحرى لم اعرف ما أقول في هذا الموقف ! هل جربت ان تكملي هذا الحوار مع والدك و تقولي .. نعم مافيها شيء مليون عانس و واحد مليون بنت بلا مستقبل و و احد مليون و واحد بنت ستعيش حياتها بلا خلف و لا زوج مليون و واحد بعد سنوات ستكون حياتها بلا معنى و بعد عمر طويل سيكون مصيرها في غرفة ببيت اخوها و هكذا ... عل تصوير المعاناة بهذا الشكل تضع والدك في الصورة !! الله يهدينا ويهديه و ييسر لك أمرك يا عبير قولي الحمد لله الحين لان عندك دراستك تنشغلي فيها و لعل و عسى يأتيك خاطب استاذ و يكون لديه وسائل اقناعية للوالد ! |
أختي الكريمة
الله يفرج لك همك ويسعدك ويحنن قلب ابوك عليك دوام الحال من المحال والصبر مفتاح الفرج وفقك الله |
اقتباس:
لكن كنت بتكلم من منطلق عرقي الكويتي ( أبي ) و اللي شايفاه أمامي إن كل بنات العائلة و صديقاتي في الكويت و قريباتنا تزوجن و هن 24 سنة و ما فوق , لأن الشهادة و الوظيفة سلاح المرأة ثم يأتي الزواج ليتوج المرأة و يصونها طلعي من راسك فكرة إنك عانس عشان ترتاحي نفسيا و لأنك فعلا مش عانس و لا ليكِ علاقة بالعنوسة |
أختي عبير ..
هوني عليك ولن أزيد على كلام الأفاضل والفاضلات ... 25 بدري بدري بدري ............................. وغلطة المجتمع وغباؤه الذي يعتبرها عانس وهي في ريعان الشباب وأوج العشرينات !!!!! ولنا في رسول الله أسوة سنة ... فتذكري كم كان عمره صلوات الله عليه وكم كانت أم المؤمنين خديجة بنت خويلد وكم أنجب منها رسولنا الحبيب ... أعرف أن هناك حاجة وفطرة... إلا أنني أذكرك أن الصبر مفتاح الفرج والخيرة فيما اختار الله ... وكلما اشتد العسر فاليسر قريب <<<<<<<<<<وهذه لجميع الأخوات الآنسات العزيزات الكريمات المتأخرات فقط وليس العانسات ... أم حمزة |
غـاليــة
هلا بغالية أختفيت مع هالدراسه أللي مدري وش تاليتها كرهت الجامعه من كلام الوالد و ناويه أتركها و أجلس ببيته عشان ماتكون له عذر و أندم عمري كله و متى ماربي أراد كملتها بوقت ثاني غاليه ان شاء الله الأمور تبي تتيسر لي و لك *** saapna81 ماظن راح حياتي تكون أشين ألا إذا أخذت واحد ما يخاف ربه و هذا أللي أحاول أتجنبه الآن |
اقتباس:
هداكِ الله حبيبتي , ما تخليش الشيطان يلعب بدماغك و يوسوسلك افترضي تزوجتي انسان و شاء الله أن يتوفاه , حتعملي ايه وقتها من غير شهادة ؟ حتقعدي في بيت أهلك تنتظري الإحسان و الصدقة ؟ افترضي زوجك وقع في أزمة مادية , حتساعديه ازاي ؟ بالثانوية العامة تشتغلي في وظائف لم تتصوري أن تعملي بها ؟ فكري بالمستقبل و لا تجعلي تفكيرك ينحصر بما تحت قدميك فقط |
mustapa
الله يعينكم *** أبو أحمد حياك الله أبو أحمد من ناحية هو تغير فهو تغير لكن عجزت أحدد للأحسن أو للأشين أول محاولاتي معاه كانت العام أذكر قالي أنسي شي اسمه زواج قبل 35 سنه لكن مع كلامي معاه حتى لو مافيه خاطب أفتح الموضوع أبي شيء واحد بس .. أبيييييه يحس بخطورة أللي جالس يسويه أحيانا أحس أنه يتأثر بكلامي و مرات كأن ما حولك أحد أنا متفائله لكن خايفه |
سبحان الله أبي يشبه أباك كثيرا أبي أيضا يقول لي كثر هن من لم يتزوجن , انظري حولك, البيوت مليئة بهن!!! فأرد عليه : ليس لي شأن بهن , أنا أريد الزواج وبالنسبة لأخي الصغير لم تكن له رغبة بالزواج ولكن أبي ألح عليه حتى أنه كان في آخر سنة دراسية له بالجامعة ولم يكد ينتهي إلا وهو متزوج ( وربما تزوج وهو لم يكمل آخر فصل دراسي له ,, لا أذكر جيدا ) ,, وزوجته كانت لا تزال تدرس بالجامعة. وأذكر أن أمي قالت لي مرة أنه تقدم لنا أحدهم منذ فترة طويلة طبعا ورفضه أبي بحجة أننا لا زلنا نحن البنات ندرس ,, وأبي لم يسألنا عن رأينا نحن البنات أبدا ولم أعلم شيئا عن هذا إلا مؤخرا وبالصدقة. عبير ,, طالبي بحقك ولا تسكتي ,, أنت لا زلتي صغيرة لكن السنين تمر بسرعة وقد يظنون أنك راضية بتأخر زواجك هذا أتمنى لو أنني أبديت رغبتي بالزواج بالتصريح منذ زمن طويل ,, ولكن عُرف العيب عندنا منعني ,, ولا زالوا يمنعونني الآن بحجة العيب أليست للفتاة رغبة بالاستقرار تماما كالشاب ؟!! كتب الله لك الزوج الصالح قريبا ,,, اللهم آآآآآآآآمين |
| الساعة الآن 11:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©