|
انقذوني من الفوضى
على الرغم من ان موضوعي يفشل لكن حبيت اعرض عليكم حتى تجدوا لي حل
وانا اعرفكم ابدا ماتقصرون مشكلتي اللي اتمنى اني اتخلص منها اليوم قبل بكرة هي الفوضى وعدم النظام مهما حاولت اكون مرتبه مهما بذلت اجلس لحظات وبعدين ارجع لطبيعتي الفوضويه انا لي الحين متزوجه لي اربع سنوات ناجحة الحمدالله في حياتي الا هذا الذي الشئ اللي مسبب لي ارق وهذا طبعي من يوم كنت صغيرة على الرغم من محاولات الاصلاح ممن حولي وكرهي لنفسي احيانا لكن عجزت تخيلوا اني اجلس ارتب الشئ يوم كامل وخلال لحظات احوسه رجلي وده يذبحني خصوصا انه من النوع المرتب جداااا والمحافظ ودايما طقاق معي انا اتمنى والله من كل قلبي اغير نفسي بس زيي ماقلت لكم كم يوم وارجع لطبعي جربت اني اصير مرتبه شهر وغصبت نفسي مااقولكم نفع لمدة شهر اخر انه يصير طبع لكن رجعت بعدها زيي او ل ابي حل تكفون لكن رجاءا باسلوب حلو حتى ماتحطموني |
الله يهديك اختي ام ربيعه ..
اذا ما عندك خادمه استعيني بخادمه تعينك على الترتيب .. لكن استغرب لما اشوف نساء غير مرتبات .. يتهأي لي هذه الايام ما في احد مهمل في ترتيب بيته .. النساء هذه الايام تتنافس على ترتيب بيتها و تزيينه و نتسيقه و يكون دايما نظيف و انيق فهو عنوان لصاحبة البيت .. بعدين اذا انت مو مرتبه اكيد هذا الشي راح ينعكس على ابناءك في انهم يكونوا غير مرتبين .. يا زين الحرمه النظيفه اللي تهتم ببيتها و ترتيبه .. شوفي اللي حواليك من البيوت هل هي مثل بيتك ؟؟ اجبري نفسك اختي على الترتيب .. |
يا اختي كنك تتكلمين عني
احب بيتي يكون نظيف ومرتب احيانا اجلس يوم كامل ارتب وانظف يطلع بيتي زي الفله وما انام الا رجولي متكسره بس بكره اجمع الصحون صحن مع صحن مع كاس مع ملعقه لحد ماتتجمع غبار يوم ورا يوم لحد ما يطلع البيت مو نظيف صح مو حوسه بس شكله يجيب اكتأب ارتب غرفه النوم وبعدين امل ارتبها ترتيب عادي تعبت من جد رغم ان ماعندي لا شغله ولا عمله بس كسل مو طبيعي والي مشجعني زوجي اذا شافني ارتب يقول اجلسي ارتاحي هو الي خربني وخلاني ما اهتم في اليت انا دايما ارتب الجلسه الي نجلس فيها واعطرها وارتب غرفه النوم بس ترتيب بسيط لكن غرفه بنتي على المطبخ الغبار الي على الطاولات والدرج اخليه كااااااااااااام يوم وبعدين اتلحلح واتحرك والله ابي لي حل ياليت الكل يساعدنا ابي اصير نشيطه سنعه بس كيف |
اقتباس:
اختي لماافكر اجيب خدامه بالايجاراقول نفسي الى متى وانا كذا خلاص ابقوم ارتب وازين وفعلا اخلي ابيت زي الفله لكن ماالبث ان اعرجع لعادتي اتمنى من كل قلبي اكون مرتبه والله اني احب الترتيب لكن ماقدر اوصل له |
اختي العرووووووووووس
يعني مو انا بس الفوضويه والكسوله اتمنى احد يساعدنا |
معلش خواتي اللي يعانون من عدم الترتيب لا تزعلوا من كلامي ..
( من لم يكن له من نفسه واعظ .. لم تنفعه المواعظ ) يعني مهما ننصحك اذا ما يكون من داخلك انتي العزيمه والاراده عشان تغيري من طبعك صعب ان حنا نغيرك بكلمتين على المنتدى .. يعني حتى لو جبتي لك شغاله عشان تساعدك و شافتك الشغاله مو مرتبه راح تطنش .. ليه تتعب نفسها دام ان صاحبة البيت كسوله و مو جايبه خبر و لا تدقق على كل الاعمال اللي تقوم فيها الشغاله .. يعني الشغاله كمان راح تصاب بعدوى الكسل منك .. |
عفواً .. يُنقل للقسم المناسب .
|
هههههههههههههههههههههههه
كح كح الظاهر الحال من بعضه بس الحمدلله مو دايما بس بغرفتي لكوني عزوبيه أكثر شيء يحوس المكتب لأني دايم عليه تلاقي الكتب والأوراق والشاي يعني تقولي سلطه بس الحمدلله مبسوطه على هالشيء يعني غرفتي ومتى ماحبيت اطلع منها اقفلها بحيث ماحد يدخلها ويتفاجأ ...لكن ما اتركها اكثر من يومين حوسه ...لازم انظفها لكن سابقا يوم كنت ببيتي ماحب الحوسه أبدا تلاقيني من كثر ماحب انظف مالاقي شغله فااصير اغير بالغرف والديكور .. الوحده وماتفعل والفاضي يعمل قاضي لكن ماانصحك بالتغاضي عن هالمسأله ..حاولي يكون لك مكان مايدخله غيرك ..في الوقت اللي تلاقي نفسك مشتاقه حق الحوسه ادخلي فيه وحوسي وخربي ...لكن البيت خليه دايمن نظيف وطبعا على قولهم البيت من صاحبته والعكس .. |
اميرات حبيبتي ليش تقولين ان نصايحكم هنا في المنتدى ماتنفع
والله ثم والله اني لما قريت كلامك على طول التفت وراي وقمت ارتب وارتب وارتب مابي اكون غير النساء ووحطيت كلمتك في بالي لما قلت البيت دليل على صاحبته وانا مابي احد يكتشف هذه الصفة القبيحة لاني لما اشوفها في احد اشمئز لذلك ودي امحيها وشكرا لمرورك |
يا اختي احنا نظيفين بس كسولات
انا احب اغير في بيتي احب اظيف لمسات جماليه للبيت حتى زوجي ينبهر بالي اسويه لما ارتب البيت ارتبه ترتيب وحده سنعه احب اغير في الاثاث ما احب الروتين اغير في غرفتي وفي غرفه بنتي دايما ابتكر حاجات حلوه في الديكور حتى اني ناوي اصبغ درج بيتي بنفسي لاني احب اي عمل فيه فن الستائر الي على شبابيك درج البيت انا الي عاملتها لو تشوفيها ما تصدقي مطبخي مسويه فيها حاجات حلوه غرفه بنتي لما تدخليها تقولي عالم ديزني وكله شغل ايدي بس الطبخ الغسيل وخاصه غسيل الصحون ااااااااااااه منك تجيني مليون حاله من الكسل لما افكر اغسل او امسح |
بما انك فوضويه00
خلي لك جدول تمشين عليه00 واجبااااري00 ولمدة شهر00 هذا الجدول00 لكي تعودي نفسك على النظااام00 وعدم التآأجيل00 انت الان عودت نفسك على الفوضى والكسل00 فعليك بشوية همه تغيير نفسك وبشوية صبر00 وايضا اود ان اسألك ما الذي تحبينه في شغل البيت من هذه الاشياااء التي سأذكرها 00 غسيل الملابس000 كوي الكلابس00 ترتيبها في الخزانه00 وتعليقها00 غسيل الصحون00 وغسل الفرن00 مسح كل شئ في البيت00 من طاولات واكسسوارات واجهزه00 والارضيه00 كنس الموكيت00 الترتيب عموما00 والتنظيم في الغرف00 كتسوية السرير00 تنظيف الشبابيك00 ودواليب المطبخ00 طبعا هناك اعمال يوميه واعمال اسبوعيه وغيرها شهريه00 لكن عموما قولي ما تحبين وما تكرهين00لنساعدك في الحل00 |
اختي ام ربيعه .. انا متزوجه و اعرف وش يعني شغل البيت ..
واعرف انه روتين قاتل و يحرق الدم والاعصاب .. ويرهق البدن و خاصه في اجواءنا المغبره .. وانا ضد ان تعمل الزوجه في البيت لدرجه الارهاق البدني و النفسي .. لكن اهم شي ان تعمل الاساسيات .. ان يكون المطبخ نظيف .. ان تكون غرفة المعيشه مرتبه و نظيفه .. ان تكون غرف النوم مرتبه .. يعني اللي يدخل بيتك يكون عنده انطباع انك مرتبه و نظيفه .. و من الضروري جدا ان يكون لك وقت لنفسك لتستريحي و تسترخي و تشاهدي برنامج في التلفزيون او تكلمي احد اقاربك في الهاتف .. لكن اللي ياكل الوقت كله هو النوم لساعات متأخره في النهار .. و كثرة الحديث في التليفون .. ومعلش اختي لا تزعلي مني في مداخلتي السابقه .. |
اهلين بأم ربيعة
شوفي يا قلبي مافي حدا بينزل من بـطن أمه مرتب ومعدل ولا في حدا بينزل وهو فوضوي كل شي تعود على نمط او شي لنساعد بدك تقولي لنا تشتغلي وإلا لأ عندكـ أولاد بيتك كم غرفة بتطبخي كل يوم دوام زوجك من أي ساعة لأي ساعة وان شاء بتصيري ست بيت مرتبة على أصول أم وليد |
أختي تخيلي انه الناس لما يزوروكي و يروحو بيتكم يقولون فلانة بيتها وسخ او نتمنى نشوفه مرتب ههههه
فقط تخيل لأنه ربما يكون التخيل حقيقة تحصل و انتي مو عارفة بمجرد تخيلك لهذا الأمر يمكن تتشجعي تغيري طبعك و تصري على التغيير |
و نصيحة أخرى و مجربة
اجعلي ترتيب بيتك في الصباح و لا تعملي أي شي قبل أن تنتهي من الترييب و التنظيف |
اتخيلي جارتك تخبط عليكِ فجأة و لا ييجي ناس زيارة على غفلة
أنا طبيعتي منظمة بجنون عكسك تماما و لكن مرة مرضت و يومين ما نظفتش البيت من المرض و جاء أهلي للزيارة , بقيت نفسيتي زفت لمدة لانهم دخلوا و البيت مش مرتب الترتيب المعتاد يعني أصبح عدم ترتيب البيت أو عدم اهتمامي بنفسي علامة إني مريضة أو نفسيتي تعبانة من شيء |
بصراحه موضوع مهم وحساس
وكل وحده تحب بيتها يكون زي الفل لكن إذا الجتهدتي وجاكي الحلوين الصغار الله يصلحهم وقلبو البيت فوق تحت دواليبهم فارغه وملابسهم في الارض والعابهم معبيه غرفت الالعاب وغرفة الجلوس وش الحل وياهم بصراحه بناتي الحلوات في الروضه واذا عملو فوضه أخليهم يرتبو فوضتهم حتى لو كانت مش ولابد بين فتره وفتره اصير ارتب زين وهي حياتي من أصحا من النوم على رجل لحد ما ينامو أصير أتفرغ الجلس وريح |
اختي اللي سألت عن اكثر شئ احب اسويه
اكثر شي احب اسويه واتفنن فيه الطبخ وايضا احب اكنس واكره شئ اسويه ترتيب الملابس وتوزيعها على الدولايب وزيي ماقالت اختي اميرات حنا فينا كسل ولا لو بغينا خلينا البيت جنه مرات يدخل زوجي يقو ل ماصدق اغير في الديكور واغير امكان ااثاث يعني ماعلي انا زيك يااميرات بالضبط صح ماقلت لكم عندي مشكله صغيرة بعد ودي اكون دقيقة في التنظيف مثلا انتبه لتحت الثلاجه تحت الفرن بين الادراج ماابي تنظيفي فوضوي ساعات اختي تجيني وهي بعدها ماتزوجت وتنتبه لاشياء ماطرت ببالي مثلا مسكات الادراج ترى انا مو وسخة بس تنظيفي فوضوي وكثير انضف ولا ارتب سلامات ياقلبي عمري 23 وعندي ولدين الكبير عمره ثلاث سنوات والصغير عشرة شهور الكبير بس يحوس ورايي الله يصلحه لي لي متزوجه اربع سنوات بيتي غرفة نوم وغرفه مخليتها (مستودع ولتنشير الملابس وللكمبيوتر) وصاله ومجلس للضيوف وحمامين فقط صغير وهذه مشكلته اي فوضى على طول توضح الطبخ اطبخ كل يوم الوجبات الاساسيه الثلاث والعصر اصلح شئ خفيف حلى او موالح زوجي دوامه من 8 الى 2 الظهر اما انا عاطله باطله هههه يلا ساعدوني تكفون ترى كلامكم له تأثير كبير علي هزؤني ان بغيتوا خوذوا راحتكم |
أضاف يضيف إضافة ( بالضاد ) و ليس بالظاء مثل ما كتبت أعلاه وهذه لغة الضاد هي لغتنا الجميلة المرتبة يا اختي اصلحك الله
|
المقصود بتعليقي السابق الاخت العرووووس وليس الاخت ام ربيعة واذا كان للفوضى كلنا في الهوى سواء لكن عند ما أرى اخطاء لغوية ضغطي يرتفع فأرجو المعذرة
|
الداوودي
هذي مشكلتي في الحرفين اتلخبط دايما حتى زوجي دايما يصحح لي اذا ارسلت له مسجات فشييييله |
ههه00ياحبيلك مادام عندك عزيمة وحماس ومتقبله التوبيخ00
يعني مابك خلاف00مدمتي مدركه إن فيه مشكلة وهي( الفوضوية ) وعارفة سببها (الإهمال والكسل ) خلاص وداوها بالتي كانت هي الداء ؟! ينقصك بعض الأحساس بالمسئولية وهي نفس حالتي أول زواجي00 تخيلي زوجك يدخل بيت أحد معارفه فجأة !! ووش شعوره ومع من بيقارن بيته ؟! تخيلي إنك منظمة وزوجك أو أحد أطفالك فوضوي ،وش شعورك ؟؟وش نظرتك له ؟؟ وهو رجل محفول مكفول الفوضوية منفرة منه00 فمابالك بالمرأة اللي يفترض إنها تكون قمة بالأنوثة حتى فبيتها00 والله إني من غلا زوجي تغيرت 00ومن إهتمامي بأطفالي تغيرت00 تخيلي زوجك ــ الله لايقوله ـ تزوج ؟! الحريم ماهي واحد لكن البيوت وحدة ؟؟ فهمتي من داخل قرري تبذلين كل جهدك لتكوني زوجة وأم مثالية00سوي كل اللي تقدرين عليه والأمر بيد الله00حتى ماتلومين نفسك على تقصيرك أو تدفعين ثمنه ؟؟ الموضوع بجد كبير تترتب عليه أساسيات يمكن ماأدركتيها00فقط أستشعري المسئولية وأحتسبي الأجر00 إذا رغبتي بطرق معينه00أبشري أتمنى لك التوفيق والقرااامة >> وش رايك |
شكرا لمرورك و رحابة صدرك يا العروووس و ان شاء الله دائما تظلين مثل ما انت مسمية نفسك
|
اقتباس:
اشكرك اختي ربيب على الكلام الي يشحذ همتي عطيني من الطرق بوركت |
| الساعة الآن 07:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©