:::بالنسبة للقرفة ارجو الافادة لمن لديه العلم:::
 

السلام عليكم ورحمة الله و بركاته

انا حامل بالشهر التالت

وسمعت كتير عن القرفة انو بتسبب اجهاض ومسهلة للولادة

وعارفين اول حملي قبل مااعرف اني حامل فكرت الدورة متاخرة وشربت 3 فناجين قرفة


لكن الله ستر وماصار شي ماشاءالله

المهم هلأ مابشرب قرفة اكيد

لكن عندي معلومات عنها

انهو بتسهل الولادة وانو قبل الولادة الوحدة تشرب مغلي القرفة مع العسل

لانو بيعجل الولادة

طيب هالكلام باي شهر؟؟؟باي وقت؟؟؟وقت حدوث الطلق؟يعني بداية مظاهر و بوادر الولادة نروح نشرب قرفة مع عسل؟؟؟

او من اي شهر ؟؟؟

وكم فنجان مثلا

وكمان بالنسبة للتمر الي بيسهل الولادة نفس السؤال عندي

وبدي اعرف

سمعت انو القرفة بتنظف الرحم بعد الولادة هل هادا صحيح

يعني بعد مااولد إن شاء الله

اصير كل يوم اشرب قرفة ؟؟؟

وكيف بتتحضر؟؟؟سمعت انو لازم العيدان تغلي مية وتنقعي فيها العيدان بعدين تشربيها

وقالولي انو القرفة البودرة مابتفيد بشي

لازم تكون عيدان

فهل هادا صحيح؟؟؟

وخبروني كيف بتتحضر

كنت اعملها وقت الدورة وهيك لكن بدي اشوف الطريقة المفيدة الصحيح

وشكرا الكو واسفة كتير للاطالفة

انتظر ارائكم

ياريت تكون عن تجربة او معلومات اكيدة يعني

بارك الله فيكم

كيفك اختى اشتقنا لك
والله يتمم حملك
متعارف القرفه لبعد الولاده ونغليها بالماء وتشرب وهى على شكل عيدان

اهلا منى شكرا لجوابك السريع

يعني قصدك اغلي مية ومن ثم انقع فيها عيدان القرفة

اعتقد هيك احسن عشان تضل الفوائد فيها

لانو بسمع الدكاترة بقولو عن كل الاعشاب حتى الشاي
انو لازم المية تنغلى

ثم تطفي النار وتوضعي العشبة

وتسكري عليها

وبعد اكم دقيقة تشربيها
اما قصة الغلي اعتقد بتخلي الفوائد تروح

شكرا الك الله يخليكي ويوفقك

اختي الله يتمم عليكي بخير
افضل مسهل للولاده هو التمر اختي و اذا كان تمر برني افضل نوع .. و اذا مافي تمر اكلي لين تطلقين ممتاز
اختج بني

شكرا اختي
لكن ماجاوبتي امتا ابدا اخدو
اخر 3 شهور
ولا بداية الطلق
ولا ازا قربت من نهاية التاسع و ماظهرت مظاهر ولادة
؟؟؟شكرا لك

الله يتمملك حملك و حملنا على خير يارب

أختي أعتقد انه بالأسابيع الأخيرة من الحمل

هههههههههه ملك وينك ووين الولاده قاعده بتسالي من الحين
اللي يشوفك يقول انك بالتاسع

عموما يا ستي القرفه بتنشرب باواخر التاسع مش اخر 3 شهور اصحك..

الله يتمملنا على خير.

اختي علامة الجودة و منى شكرا الكو كتير
اخت كريستسلا ههههه لاتضحكي عاد

بس انا بحب اعرف كل شي قبل وقتو
عموما عدك بتشوفي كيف هال6 شهور حتمر بسرعة
وببقا ازكرك
لما اولد واحط موضوع لتباركولي
حتباركي وتقولي
ياااه ياملك لسة هداك اليوم كنت تسالي عن القرفة
:d:d:d

انت شو اخبار حملك
الله يتمملك عخير انت وانا وكل الحوامل ياااااارب

عزيزتي ملك،،، القرفة بتشربيها اخر الاسابيع مثل ماقالت علامة الجودة...
كمان انا قريت كتير عن عشبة كف مريم ورحت سألت العطار قال هذه للطلق،، يعني لما الوحدة تحس بألم الطلق وانه خلااااااص ولادة تغليها وتشرب منها بتسهل الولادة...
اما التمر انا كل اليوم الصبح باكل تمر لانه مفيد،،، بس اكيد لو اكلتيه بكثرة بالتاسع كمان بسهل الولادة..
الله يقومنا كلنا بالسلامة...

لا انصح باستعمال القرفة اثناء الطلق لأنها تؤدي الى اختناق الجنين لا قدر الله ودللك بتسريع انقباضات الرحم ..يمكن شربها بعد الولادة لانها تساعد في عودة الرحم الى حجمه الطبيعي..

انا عندي معلومه انه اذا بدا الطلق تشربي منقوع القرفه مع قليل من الكمون مع سكر زياده

والله اعلم

والتمر مفيد في جميع اشهر الحمل وغيرها

شكرا كتير حبيبات قلبي

لكن اول مرة اسمع انو ممكن تخنق الطفل

مدام هيك خلص بشربها بعد الولادة

عزيزتي ملك الله يسهل حملك وولادتك ويرزقك بمولود حسن الخلق والخلقة وبرا بوالدية
الله يقومنا جميها بالسلامه انا كمان حامل بالرابع ادعيلي

انا سمعت نفس الكلام فانتي تجنبي انك تشربي القرفة او اي شي فيه قرفة من الكل
وانتي بتغلي عودان القرفة مع الماي
والله يسهل ولادتك ويثبت حملك

اختي لمع السراب الله يخليكي شكرا انا كمان 4ايم بدخل الرابع شكلنا بنولد مع بعض إن شاء الله
والله يسمع دعاكي يارب ويحقق نفس الدعاء الك انت كمان يارب

اختي حبيبي دوما شكرا الك

استعملت القرفة في نهاية الشهر التاسع في احدى حالات حملي وولدت ليلتها ( غليت القرفة مع الماء لمدة ربع ساعة وحطيت معاه سكر ... تركته يبرد وشربت حوالي كوبين )

قلت خلاص في حملي الثاني حعمل كده وجلست اسبوعين على القرفة ولا جابت فايدة ...فاعتقد انها تختلف النتائج من شخص لشخص ومن حمل الى حمل لنفس الشخص.