هل اثقل واطنش ؟
 

السلام عليكم ورحمة الله وبركاته
اخواني اخواتي اريد انا استشيركم في مشكلة حصلت لي طبعا اعرف بنفسي انا مملك من اربعة شهور والحمد لله طبعا انا رمنسي لأبعد الحدود واحب الرمنسية ومغرق خطيبتي بهذي الرومنسية مع العلم ان خطيبتي تقول احب الرومنسية لكن انا ما شفت هذي الرومنسية واحس كمان انها ما تعطي لي بال وانا الي دايم اتصل وارسل واذا حصل مني شي اعتذر ولو كان هذا الي حصل حاجه متحتاج الأعتذار لكن اعتذر اليوم اتصلت طبعا اسألها عن الحال المهم قلت وين الناس لرسايل ولا اتصال وش السالفه عسى ماشر طبعا قالت كل غايب وعذره معه قلت انا ما يخالف بس عطيني خبر طمنيني المهم حسيت بصوتها كأنها متنرفزه وعندها شغل قلت انا اسف ممكن اني دقيت في وقت غير مناسب قالت ايه انا مشغول قلت انا انتظر منك اتصال قالت انت الي تتصل مو انا قلت انا اذا فضيتي دقي قالت ماراح اتصل قلت انا طيب بكيفك سمعينا صوتك وانتهت المكالمه طبعا انا متنرفز يعني بعد الغيبه هذي اجي انا واتصل وابين شوقي لها ولما اطلب انها تدق علي ترفض

وش رايكم هل اطنش واثقل عليها لاني ما جربت اني اثقل عليها ؟
او
عطوني راي يفيدني ويريحني

توتر قبل الزواج خذها مني هذي تخلي الوحده جافه شوي

أكيد في حاجة زعلاها أو أهلها ضاغطين عليها و مضايقينها في مسائل التجهيز و الزواج
اتصل عليها بليل لما يكون أهلها ناموا و تكون رايقة

عليك بالثقل وشف وش بتسوي وترا زين ان الواحد يمسك العصا من النص يعني دلعها احيانا واحيانا اثقل عليها عشان ما تمل منك يمكن انها ملت منك والله يوفقك اخوي

اخوك تعبت اعطي

مشكورين على المرور والله اخوي تعبت اعطي شكلي بسويها وشوف بصراحة انا الي تعبت اعطي
شكراً اختي ترفه لكن باقي موعد الزواج باقي
شكراً اختي نوران ما اظن انو فيه زعل بيني وبينها الله لا يجيبه ممكن اهلها ضاغطين عليها ومضايقينها لكن في غير مسائل التجهيزات مسألت اني اتصل عليها لما ينامو اهلها غير ممكن لأنو عندها دراسه وانا ما اكلمها الى في وقت ما يكون وقت نوم او مذاكره
انا اقول ما راح اتصل اليومين هذي واشوف
اش رايكم ؟

اخوي عابر سبيل الدنيا يبيلها صبر

وتوها ما خذت عليك لاحق على الاتصالات والرسايل

ترى البنية تنحرج منك وانا اتوقع لو جت عليها ودها تتصل عليك اربع وعشرين ساعه

بس ما بعد اخذت عليك ومنحرجة منك زي ما قالو الاخوان

الله يوفقك اخوي ان شاء الله

على فكرة ممكن لما ما تتصلش عليها أمها أو اخواتها بقولوا شايفة مش مديكي وش , هو مش بيتصل ليه ؟
حيملوا ( حيترسوا ) دماغها كلام فاضي عنك , جرب اقتراحي يوم العطلة و قبل كده خليك عادي

تراني مثلك يا اخووووووووووووووووووووووووووي


تبي الصراحه ما في احلى من التتطنيش ولا ترد على اي مسج ....

وانا مثل حالك بالضبط


الله يوفق يا غالي

طنش واثقل

اختي نواره لفتي انتباهي في الكلام الي كتبتيه انو اهلها يملو راسها كلام فاضي علي وهذا خوفي ويقولو لها اثقلي ولا تتصلي عليه وانا هينا استشيركم واغلب الردود تقول اثقل اخاف انو كلنا نثقل ولا حد يتصل على الثاني وتصير حساسيه بيني وبينها
ملاحظة : جتني رساله :-
من خطيبتي
/
/
/
تقول فيها ان نمت احلم بك وان سرحت افكر فيك وان زعلت حنيت ابيك بصراحه اموت فيك
وش رايكم اثقل كمان ولا ؟

الله يعينك ذكرتني بالايام السوده

الله يعينك

بصراحه ريحتيني انا ارسلت رسالة وردت لي بثلاث رسايل كلها شوق وحنين
لكن بما أنها ما أتصلت راح اخليها بكرة اتصل عليها اوكي لانو بكرة عطله شكراً أختي احاسيس المحبه
الله يسامحك انا قاسي لا والله بعدين تقول انو انتو في بيت واحد وبتثقلو الله يعين اجل :)
وش قصدك يعني انها مو مأدبه انا ما اسمح لك تقولي الكلام هذا لا أنتي ولا غيرك ..........

شوف هي بترسل رسائل لكن مش بتتصل و ده ممكن يكون لأكثر من سبب
1- منحرجة و خجلانة
2- بتتكسف تكلمك قدام حد
3- أهلها بيدايقوها أو يسخفوا عليها لما تتكلم معاك
4- أهلها بيضغطوا عليها أو مانعينها من الكلام معاك و بيطالبوها بالثقل

طالما أرسلت مسجات حلوة فده دليل حبها ليك و الحمد لله

اخي الكريم . . .

بصراحة من رأيي إنك تتركها ع راحتها وأثقل ولا تتصل . . .

يعني كثير من البنات يحبوا يتغلوا بس مولهذه الدرجة عاد . .

لأن البنت من طبعها الرومنسية بس بحالتك صاير العكس . .

ولاتنسى تعذرها بكافة الأحوا لأن ماتدري عن ضروفها . .

يمكن تواجه ظغوطات نفسية وتقلب مزاج انت ماتدري عنه . .

والله يتمم لك ع خير ويوفقك . .

وشكراً .

الموضوع مايستاهل
اتصل عليها وسولف ووسع صدرك
يااخي لاتحرم نفسك من احلى ايام عمرك
موفق يارب

اولا : اسف اختي العروووس ممكن اني كنت في حالة حمية لها بسبب رسايله وفهمتك غلط
ثانيا : شكراً للجميع واظن ان الأخت نوارن اصابت في رده الأخير وريحتني
شكرا الله يوفق الجميع

اخي انصحك لا تثقل ولا تزعل من اسلوبها اكيد مضغوطه والي فهمتو انه ماهي عوايدها هذي المرة بس الي ردت بهذا الاسلوب
ودليل انها حست بغلطها وصلحته براسيل حلوة لا تطنشها واتصل وخلي الامر عادي ولو حبيت تعاتبها بمزح والله يصلح شانكم كله

هذي ماخذه على خاطرها منك اكيييييييييييييييييييييد ..
يمكن تبغى تجيب لها جوال وخط تلفون جديد .. وخاصه لما قالت انت تتصل تلمح لك انها تبغى رقم جديد منك ...ترى كل المملكين يسوون كذا ..

الرقم جديد ماله اسبوع معها لا وفواتير بعد وكمان الجوال جديد خلاص لكن ممكن ماتعودت علي باقي بس اربعة شهور كذا وباقي ما خذت علي مع اني لما اتصل بعض الأحيان وطولنا في المكالمة احس انها تخذ راحتها بالكلم شكراً أخوي أو أختي يارب لا تحرمني
وش الفايده من فترة الملكة ما هوب يقولن انها احلا فتره وراح نتذكر بعض المواقف الي حصلت لنا في هذي الفترة ونضحك على بعض منها
تتحديني يعني :)
شكراً Aim