|
شاب يتصل علي ويهددني .... كيف اتخلص منه..
السلام عليكم ورحمة الله وبركاته...
كيف حالكم اخواني واخواتي.. بكتب لكم القصة برموز الاسماء.. قبل فترة جاني اتصال على جوالي .. بالليل.. رديت.. لقيت على الطرف الثاني شاب.. سلم علي.. رديت عليه بكلمة وعليكم.. رجع يقولي ردي السلام عدل.. سكت وقلت له نعم.. قالتي انتي فلانه..!!؟؟؟ انا انفجعت على الاخر.. مين هذا اللي يعرف اسمي.. على طول انكرت.. انه انا.. قلت لا مين فلانه.. رد اسف وسكر... ثاني يوم ظل يتصل ويتصل وانا ما ارد.. وبعدين صار يرسل لي انا اعرفك انتي فلانه.. وفي نفس الفترة صارت تجي مكالمات على تلفون البيت من ارقام غريبة.. يعني 333 او 222 كذا ارقام.. ويتصل ويسكت.. انا ما اعرف ليش هذا الشاب يتصل فيني.. القصة.. لها بداية.. بدايتها انه انا في مركز.. ومعي بنات.. وفيهم متزوجات.. وفيه ثنتين كبارات بالعمر مو متزوجات((مريم - نورة)).. وحده منهم انخطبت(مريم).. فيه ووحده ثالثه.. اسمها فاتن..متزوجة ومعانا.. مريم من حسن نية وكعادة الصديقات.. راحت تخبر.. نورة انه انخطبت و مواصفات العريس.. مع انها مسكينة مريم... كبيرة بالعمر تقريبا 42 سنة.. نورة وفاتن يجلسون مع بعض.. تفاجأت مريم انه فيه شاب يتصل فيها ويهددها انك ما تتزوجين فلان.. وانه وانه وانه.. وانا من قبيلتك وبتزوجك.. ومن هذا الكلام.. ويكلمها ويقولها كلام وصخ.. وانه راح انشر رقمك بين الشباب.. وصارت هي تشك بخطيبها.. وصارت لها مشاكل.. انا لين الحين مالي دخل ولا اعرف اصلا مين اللي خطبها والقصة وغيره.. ولا انا انخطبت.. المشكلة.. انه هذا الشاب صار يتصل فيني.. ويهددني انا الثانية.. ويقولي تكلمي معي والا ما راح اخليك.. ويرسل لي رسائل كثيرة.. انا الحين صرت اشك خايفه يكون ماخذ ه اللي عطته رقمي صورة لي.. وانا بنت منقبة.. ومن عائلة كبيرة.. ويرسل لي ويقولي انه مريم هي من ارسلت رقمك علي.. ومريم بنت شريفة مستحيل ترسل له رقمي.. وبالعكس هي مره جاتني شبة منهاره تقولي انها انخطبت وصارت لها هذي المشاكل.. وهي اساسا ماعندها رقمي.. فاتن هي الوحيدة اللي عندها رقمي.. لما اتصلت اسألها انكرت تماما.. وقالت ايش هذا وايش هذي الاخلاق.. وانا مو كذا.. ومن هذا الكلام.. نورة.. ما اعرف اشك فيها.. واشك انها ماخذه رقمي من فاتن.. ولا اعرف.. مشكلة لما سألتهم انكروا اثنينتهم... الحين.. انا مدري ايش اسوي معه هذا الشاب.. لا احد يقولي عطي التلفون اخوك.. لانه اخوي شاب على اوله 19 سنة .. واخاف يتوعد معه ويصير في اخوي شئ.. ما ابي اخسر اخوي.. وبربكم انا وش ذبني انه رقمي يتوزع.. بين الشباب لانه زميلة لي بالمركز انخطبت.. عشان كذا يابنات لا تقولون ابد انكم مخطوبات.. لجل ما تتعرض وحده ثانية للاذية.. وهي مالها ذنب.. والله قصتي احسها خرافة.. انا مو مصدقة ايش دخلني فيها.. وما ادري هذا كيد النساء او ايش؟؟؟ او محاولة تشوية سمعتي.. والا ايش.. مع العلم اني اعامل الثنتين فاتن ونورة بكل احترام,.. وطبعي هادية واحترم غيري.. |
اعرف الحالات اللي زي هذي تحلها هيئة الامر بالمعروف والنهي عن المنكر
اتصلي عليهم واعطيهم رقم الشاب وهم يتفاهموا معاه وصدقيني بتنحل كل مشاكلك ان شاء الله ولاتخسري نفسك ولا اخوك والله معاك |
الله يعينك ويصبرك
بس نصيحة لوجه الله غيري رقمك وريحي راسك |
لا تعطينه وجه اما انك تغلقين الجوال او خليه مفتوح وما تردين عليه ولا حتى تسكرين الخط في وجهه اخرتها بيمل ويخليك
حسبي الله عليهم شباب اقسم بالله استكثر عليهم الهوا الي يتنفسونه استغفر الله العظيم الله يعينك اختي وان شاء الله كلها فترة وبتعدي اخوك تعبت اعطي |
انا اشوف انك تتصلين على جماعة الامر بالمعروف والنهى عن المنكر ..لانه هذه الاشكال تحتاج تربيه ...والا اتصلى بالشرطه من خلال ول امرك او سجلى مكالماته ...ووديها للشرطه والذى اصير يصير...صراحه شاب يحتاجون تاديب وضرب بعد حق يتادبون
|
نصيحه ....... اطلعي اهلك على الموضوع ........ دون تأخير
|
عليكم السلام ورحمة الله وبركاته
لو كنت مكانك على طووول لوالدي اقوله كل الحكاية وقبلها لأمي علشان توقف معي اخوانك الشباب صعبة لأنهم مندفعين ماتضمنين ردة فعلهم ، الأب أكثر حكمة طبعاً السالفة ماتستاهل تخافين كثير لأنه اللي يتخذ هذه الطرق جبـــان ماعنده غير الحكي ! بعد ذلك اطلبي اهلك يغيرون رقمك ولاتعطينه كل صاحباتك وأهم أهم شي دعوتك بإذن الله لن ترد ، ادعـــي على كل من يأذيك إنه ربي يهديه ولا يشغله في نفسه وراح تشوفين بوقت قصير كيف راح يتغير الحال لأنك مظلومة وفقك الله .. |
|
اول شئئئئ
لا تردين على اتصالاته ابددااا ثاني شئ لازم تحطيييييييين اهلك بالصوررررررررررره مهما كانت العواقب ثالثا تتصلين بالهيئه وتعطينهم رقمه وهم يتصرفون ولا تنسيييييييين الدعاء الدعاء ان الله يصده عنك اختك بالله جينز |
اسفهيه وغيري رقم جوالك
وانتهينا ولاتعطين رقمك...لأي وحده ماتعرفينها أو مو من أهلك |
السلا م عليكم ورحمة الله وبركاته
قولي حسبي الله ونعم الوكيل وأهم شئ لا تردين عليه إشكيه على الشركة شركة الإتصالات إتصلي عليهم وهم يقولون لك الطريقه وأهلك ضروري تقولين لهم لأن تصرفاته غريبه وما تدرين وش يعرف بعد عنك علميهم قبل ما تتورطين هذا يعرف إسمك عندي مأخذ على كلمة منحوسه ما في شئ إسمه نحس كلها أقدار بمشية الله |
مشكووووورين اخواني واخواتي على الردود...
بس انا مو طفلة ينقال لها ما تعطين رقمك احد... انا اقدم على وظائف وموظفة بس الحين باجارة.. وعندي اشياء كثيرة ومعاملات بنك.. ومستشفيات.. ومراكز كلها اشياء مسجلة باسمي... يعني صعب اغير رقم جوالي.. وصعب اذا اقدم على وظيفة واذا موظفات ومعاملات.. اقولهم لا ما اعطيك رقمي.. واللي قالي خبري اهلك.. انا اهلي واثقين فيني ... بس انا ابوي مريض.. والله لو اقوله اخاف يجيه شئ... واخواني اكبره 19 والباقين بالمتوسط.. يعني مو مجال عمر ينعطى له.. أمي تعرف بالسالفة من اولها.. وامي نفسها متحيره معي.. اللي قالي الهيئة طيب الهيئة هل تطلب مني بياناتي؟؟؟ اسمي ورقمي.. واشياء زي كذا.. لانه مستحيل بياناتي اعطيها لاي جهه مثل كذا.. ما يندرى بكرا لف الزمن.. وتصير شهادة ضدي... والبنت سمعه لو تتطلخ سمعتي والله صعبة... ايش دخل اسمها بالهيئة؟؟؟ اللي قالي سكري جوالك.. انا ما ارد عليه ابدا,.. عشان كذا هو يلجأ للارسال.. ولا ارد عليه.. زميلتي خلت اخوها يكلمه.. وهو قليل ادب.. تلفظ على اخوها وعلى خطيبها.. يعني مو بعينه التافه الناس.. بس يا ناس انا ايش ذنبي..؟؟؟ ايش سويت عشان كذا يصير مو انا الللي مخطوبة..؟؟؟ وليش تتوقعوون البنت عطته رقمي.. مع انه انا مالي دخل.. وبنت الكل يعرفني ملتزمة..؟؟؟ وحتى لو تخلصت من هذا الشاب.. اللي عطته رقمي واسمي مع بالمركز.. يعني ممكن بكرا تعطي شاب ثاني.. وممكن بكرا صورة واسم ورقم.. خصوصا المكان فيه جوالات كاميرا.. والله صرت موسوسة.. صرتا فتح النت كل شوي واكتب اسمي.... اخاف ينشر صورتي واسمي.. و اللي انا شاكه فيهم بالله قولوا كيف اتعامل معهم.. وكيف اخليهم يعترفون..؟؟؟؟ انا الان مخليه علاقتي ما تتعدى كلمات.. ولا اجلس يمهم.. بس واضح فيني الوسواس كل شوي اراقبهم لا وحده تطلع جوالها وتوديه صوبي.. انا الان ادعي على الشاب ليل ونهار.. وادعي على البنت.. اللي عطته.. |
اجمل صدفه.. صحيح منحوسة خطأ كتبت الاسم.. وما كنت اقصد شئ..
الاتصالات قالوا لي عطينا رقمك ورقمه.. وصورة من بطاقتك.. وارسليها على الاتصالات.. على شكل فاكس.. وحنا نوقف ازعاجه.. قلت لهم طيب فيكم تطلعون لي منو هذا.. قال لا ما نعلمك باسمه..بس نوقف ازعاجه.. قلت مو حل.. بيرسل لي من جوال ثاني... واساس انا ماعندي فاكس.. |
لاتزعلي ولا تخافي
قولي لأهلك وخليهم في الصوره وو لاتردي عليه وغيري رقمك بكل بساطه انا اتعرضت لنفس موقفك والله وكانو شلة شباب حسبي الله عليهم واكتشفت ان وحده من زميلاتي في الجامعه اعطتهم رقمي بس علشان تشوه سمعتي قدام ولد عمها اللي اهلو كانو يبغو يخطبوني له وغيرت رقمي وارتحت منهم بس قلت لأهلي كمان وانا دحين عندي رقمين رقم للعمل بدون اسم ورقم لأهلي وصديقاتي والناس اللي أثق فيهم الله يبعد عنك اولاد وبنات السوء |
نا قد صارلي كذا وقعد يراسلني ويتصل علي
وانا اطنشه وما ارد على اي رقم غريب لمده سنه ما كل ولا مل بس في النهايه طفش وبطل وانا انصحك انك ما تردي على اي رقم غريب وقولي لاهلك المشكله لانه ممكن يتصل على البيت ويقول انا اعرف فلانه وشكلها كذا ولابسه اليوم كذا وتصير لك مشكله لكن اذا علمتي اهلك مراح يصدقوا000000 |
مرة شلة استلموني كل شوية واحد يتصل فأنا قفلت الموبايل شهرين , لما فتحته رجعوا اتصلت بالشرطة و اديتهم الأرقام و كل شيء اتوقف , الشرطة ممكن يعرفوه من شركة الإتصالات و ياخدوه يأدبوه و يخلوه يحترم نفسه
و الهيئة مش لازم ياخدوا بيانتك , أنا سمعت انهم بيحلوا مشاكل كتير , حاولي معاهم |
طيب ما تقدرين تطلعين رديف لجوالك يكون بسهوله
بالنسبه لظروفك أسهل حل انك تغيرين الرقم والأماكن اللي عطيتهم رقمك عطيهم الرقم الجديد هذا الرجل يخوف يعرف معلومات وما تدرين وش ناوي عليه إقطعي العرق وسيحي دمه وفبه عندي فكره لو كان عندك ظروف قويه لعدم تبديل الرقم حطي خدمة موجود تخلي الكل يحسب ان الجوال مقفل وانتي بس تطلعين على الأرقام ثم تتصلين لوكانت مكالمات مهمة مستشفى او غيره مشكلة زي كذا تحتاج التضحيه |
اخيتي أحسن حل غيري رقم جوالك لأن الشباب دائما يزعجون من شرايح تكون بدون اسم
تعبنا مع هاالفئه من الشبا ب صارت الوحده منا تغير جوالها اكثر من مره بسبب هؤلاء الشباب الله يهدي الجميع |
غيري رقمك .. واطلبي من مديرتكم بالقسم تمنع الجوال اللي بكميرا في الدوام ..
الله يستر عليك دنيا واخره ... |
أختى دلوعه
أولاً قصتك هذه شبيه بقصه قد قرأتها من قبل ، واعتقد أنها فى السعوديه أطهر بقاع الارض كانت القصه عن بنت جميله جداً ماتت فى حادثه على الطريق والتى كتبت قصتها هى صديقه مقربه لها كى تكون عبرة لجميع الفتيات قالت صديقتها لقد كانت صديقتى آيه فى الجمال والطهر والعفاف والأخلاق النادرة واصبح يتصل بها رقم غريب ويقول لها أنت فلانه بأسمها وكأنه يعرفها ، ويهددها ويتوعد لها أنها إذا لم ترد عليه بالهاتف ليفعل كذا وكذا وكذا وإذا أغلقت الخط لأفعل كذا وكذا وكذا وفعلا المسكينه قفلت الخط ، كان رد فعله أنه بعث لها رساله إلى البيت ورن الجرس البيت وفتحت الباب وجدت رساله فى هذه الرساله كان يهددها أنها مهما فعلت سيصل إليها والأفضل أن لا تتصرف أى تصرف بل تكلمه وتحادثه عبر الهاتف وإن قالت أنها فتاه شريفه ولا تكلم الشباب ظل يتوعد لها وإن طلبت إلا يكلمها يتوعد أكثر إلى أن أتصل بها ذات مره وأخبرها أنه لن يتصل بها ثانيتاً المسكينه فرحت جدا إلا أنه اشترط عليه شرط وهو أن يقابلها فى شقه فى حى معين وعندما رفضت ظل يردد عليها المكر والدهاء وأننا سنكون أخوات ولا افعل شئ المهم مش هطول فقدت المسكينه اعز ما تملك وما هى إلا أيام عاشتها وأخبرت صديقتها قبل موتها بقصتها وقالتلها ادعيلى كتير وماتت أردت أن اكتب هذه القصه لنتدارس أوجه القصور فيها كى لا تفعليها أختى أولاً إبلاغ الاهل وتحرير محضر فى الشرطه حيث هذا الشاب من الظاهر أنه من أفراد عصابه وعليك بعدم الرد على هذا المعتوه وارجوك خذى بالك من نفسك |
حسبي الله ونعم الوكيل بهالاشكال. ما بيقولوا انه الهم خوات او الهم ولايا.
ما بيخافوا من ربنا. الله ينتقم من كل شخص يسبب الاذية بهذا الشكل. ما الك الا الدعاء بكل صلاه وبكل سجدة. الله يكون معك وبعونك. |
اختي شوفي اول حاجه بلغي عن رقمه بيادبوه ثاني شي غيري رقمك وافصلي هذاك الرقم واتصلي على الهاتف وبلغيهم الي يسير واطلبي مراقبة للخط ترى ممكن هذا يكون اخو صديقتك او وحده من صديقاتك تنتقم لازم تبلغي اهلك لانك لو تسكتي ممكن بعدين يعرفوا وساعتها ماراح يصدقونك قولي لامك او ابوك او اي احد ممكن تعرفي تتفاهمي معه انت منك غلطانة ليش تخافي الله يوفقك ويبعده عنك ويلهيه بمصيبة ما يطلع منها
|
حسبي الله ونعم الوكيل
كل ما يرسل قولي (اللهم اكفنيه بما شئت وكيف شئت) |
إلى الأن فيه شباب في قمته الوساخه واسف على هذا التعبير
اختي فيه حلين ونصيحه من اخوك 1/ اما تغيري رقم جولك 2/ حاولي انك تتصلي على احد رجال الهيئه وتخبريه السالفه وانك تبين تنحل هذه المشكله بعدون حتى اهلك مايدرون و ان شاء الله راح تنحل مشكلتك واذا كنتي ما تقدرين عندك خدمه موجود حطيها وريحي بالك ونصيحه انتبهي ترسلي له رساله او ترفعي الخط خليه لين يمل |
لا فااااتن ولا مريم ولا وحده متهمه
الموضوع سهل لو انتى سعوددددددددددية او من سكااان المملكة العربية السعودية اتصلي على اي وحده من صديقاااتك .. او من قرايبك .... خليه يعطيك رقم واحد من رجال هيئة الامر بالمعروف والنهي عن المنكر اتصلي على الرجال حق الهيئة .. واشرحي له الموضوع ... وقولي له انا مالي اي علاقه بأحد وخلال اسبوع واحد راح تلاقي الولد مسجوون زي الكلب وشرفك راح يحفظ .... ولو لم تجدي رقم اي واحد من حقون الهيئة من عند صديقاتك ادخلي موقعهم وخذي ارقااامهم واتصلي ولا تخاااااافي انتى ما راح يكون لك اي شغل نهائياً بالموضوع .... ولا تحتاجي لحضور تحقيق او مسألة هم يتفاهمو معه عن طريق الاتصالات |
ملاحظه
الهئية ما تحتاااج ولا شي منك ... لا اسمك ولا قبيلتك ولا شي ... ولو طلب منك رجل الهيئة هالمعلومات ... قولي له انا امتنع ... لاني محتاجه الستر ... لو بتساعدوني جزاكم الله خير وانا متأكد انه ما احد بيطلب منك اي معلومة |
الاخوان ما قصر الله يعطيهم العافية
الحقران يقطع المصران احقرية الين يمل يتصل قفلي بوجهه عشان يرتفع ضغطة واذا ارسل على طول دليت اسفيهه بقوة ورجال الهيئه ما لنا غنى عنهم والله يطلعونه من تحت الارض وبيعرف ان الله حق وبيندم على اليوم الى ازعجك فيه |
يارب يفرج همك ويبعد عنك كيد الكائدين
|
لو أنا لو أنامكانك
أول شي ضرررررررررررررورررررررررررررري ولازم أعلم أهلي لازززززززززززززززززززززززززززززززم (((((((((((((هاذي فيها قبايل )))))))) ثانيا _أخلي أحد يتصل على الهيئه |
بما انك مش عامله شي ليش خايفه
وكل امرك لله وبما انك ما تردي عليه خلاص وطنشي رسائله شهر شهرين ان طارت وبمل وبحل عنك من حاله ما تخافي ابدااااااااااااا ووكل امرك للذي خلقك وخلقه وفقك الله لكل خير في رعايه الله |
اقتباس:
|
حسبي الله على اللي مايخاف الله
اللهم اقذف الروع في قلوبهم من هتك اعراض خلقك وردهم اليك ردا جميلا بلغي الهيئة يااختي وارتاحي |
طالما إنك ما عملتي شئ غلط لا تخافين ولا تردين عليه أبداااااااااا .. انتبهي لا مكالمات ولا رسائل
المفروض ما نرد على أي رقم غريب ( هذا مبدئي ) |
السلام عليكم
لا تحسسيه إنك خايفة ابدا... قوليله إذا ما اتحرم نفسه..لتخلي اهلك يوروه قيمته.. قوله له اخلي ابوي..أخوي يخفيك يوديك ورا الشمس... استعيني بأحد من أخوانك أو علمي أبوك..وخليه يرد عليه ...صدقيني ..من يوم ما يسمع صوت رجل..راح يخاف ومعد يتصل...أو خلي أبوك أو أخوك يرد على كل الأرقام الغريبة... |
يا أختي الكريمة
معلوماتك عن هيئة الأمر بالمعروف والنهي عن المنكر مغلوطة جدا الهيئة ما راح تطلب حتى أسمك، والهيئة أحرص الناس على الستر عليكي. إذا كنت من الرياض فأتصلي على رقم الآمر المناوب في منطقة الرياض (014112450) (24 ساعة). أخبريهم القصة كاملة وأعطيهم رقم هذا الكائن الحقير وسيتصرفون معه بطريقة تجعله ينسى إستخدام جهاز الجوال. أيضا بإمكانك حجب رقمه تماما عن طريق إرسال صورة الهوية الوطنية مكتوب فيها رقم الهاتف المزعج إلى الفاكس رقم (8003030902) وهو خاص بشركة الاتصالات السعودية. |
للأستزادة
اكتبي بقوقل الهيئة تنقذ فتاة من شاب وشووفي قصص الرجال الابطال .. كيف سحبووا العيال اللي يتطفلوا على البنات ... حتى لو كانت البنت غلطانه نهائياً مالها شغل .. ولا راح تتعرض للمسائلة ... ولا راح يذكر حتى وين ساااكنه وحتى لو كاااااااااااااااااااااانت البنت غلطانه .. ومعطيه الشاب صور او هو مصوررهاا هم ما يهتمون بالشي هذا ... بقد ما يهتمون انك تعيشي مستورة .. وعفيفه واتمنى والله اتمنى من كل قلبي .. تتصلي على الهيئة وتعطينا نتائجك .. لاني واثق ان الحل الوحيد لك ... عشان تنتقمي من الكلب اللي يتصل عليك .. ويكون عبرة لكل معتبر ... وتعطينا النتائج ... ونشووف شو صار معك .... |
شوفي حبيبتي .. طالما انك مو مسوية غلط ولا مسوية شي
يا حبيبتي الا هذه السوالف .. قولي لامك ولا تخبي شي عنها ممكن بكرة تكبر السالفة وبعدين يقولون لك ليه ما قلتي لنا وتصيرين انتي الغلطانة حبيبتي قولي لامك وابوك بعد بس لا تقولي لاخوك للاسباب اللي ذكرتيها وبعدين يعتبر ليلحين في فترة طيش ممكن يتهور ويسوي شي غلط اقول لا تردين على المكالمات نهائيا واغلقي جهازك على فكرة بيمل ويعرف انك انسانة صالحة وهو مو في مصلحته انه يسوي كل هذا وش بيستفيد يحط نفسه في فضايح ومشاكل يمكن توديه في داهية مثل ما قلت لك استغفري ربك وادعي الله يرد كيدهم في نحورهم والله بينصرك |
غاليتي
كان الله في عونك واسال الله ان يفرج همك يارب وعارفه شعور الخوف الي عندك وانك انسانه شريفه وطاهره وخوفك يدل على شخصيتك المحافظه والاراء الي قريتها جدا سليمه وتوكلي على الله ابد لاتحرقي بنفسك وصدقيني الله معاك وجربي تستغفري طول الوقت واسفلييييييييييييييييييييييييييييييييه وبقوه وكويس ان امك عندها الله يفرج همك يارب ولاتردي ابدا عليه صدقيني بيمل واسال مجرب ولاتسال طبيب |
بسيطه علمي أبوكي بالموضوع
وإذا غير ممكن غيري رقمك وريحي راسك الله يحفظك |
لاتردين على مكالماته و خبري ابوج بالسالفه اذا كان من النوع المتفهم و اذا كنت خايفه خبري الشرطه
|
| الساعة الآن 01:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©