|
اليوم حفل تخرج أختي ومارحت ماعزمتني:(
السلام عليكم
من فترة حدث بيني وبين اختي خلاف واحنا دايم نزعل من بعض وبعد عشر دقايق نرضى الا هالمرة وكل ماجيت بيت اهلي وحاولت اسولف معاها ماترد علي وتطنشني حتى امي ماتكلمها( لموضوع بينها وبين امي) اي انثى في البيت ماتكلمه الا ابوي واخواني ولقيتها مرة عالماسنجر قلت لها شفيك انت علي؟ مريضة؟ ومن بعدها حظرتني!! المهم السالفة لها شهر اذا جيت تسلم علي بس اليوم حفل تخرجها من الجامعة ومرة انا فرحانة لها ونفسي اشاركها فرحتها وماقالت لي!! امي امس دقت علي وقالت تروحين معنا << امي تبغى تجبرني قلت انا لاماني راحية ماقالت لي اختي شي جا اليوم انا عند اهلي وامي تحاول فيني قررت اروح بس اسمع اختي تقول بنت عمي فلانة تبغى تجي وماتكفي البطاقات يوه شسوي وكل شوي تعيدها قلت لامي ماني رايحة خليها تعطي بنت عمي المهم فتحت النت القاها عالماسنجر يعني ماتكلمني وانا في نفس البيت تقول هاه بتجين الحفل ولالا؟ تخيلوووووووو قلت ماحد قالي ولاعزمني ؟ قالت الا امي قلت انت الي بتتخرجين امي مالها علاقة قولي لي بشريني قولي عندي حفل تخرج قالت اخلصي تروحين ولااصرف البطاقة!!! قلت صرفيها والحين راحو اهلي كلهم وانا لحالي في البيت وربي اتمنى اشاركها الفرحة مرة متضايقة وحزينة لاتقولون كان رحتي اروح لايش؟ لوحدة ماتبغاني اروح؟ لوحدة حتى ماعطتني خبر؟ لوحدة ماتكلمني؟ والخلاف اللي بيني وبينها خلاف عادي جدااا وهي كانت الغلطانة المفروض انا اللي ازعل علما بان كانت عندنا حفلة من فترة وكلمتني لأنها تبغى اغراض مني وانبسطت واعطيتها وفي الحفلة تسولف وتضحك معي بس رجعنا البيت انقلبت0 بس حبيت افضفض متضايقة |
اختي ..
لابد انك اكبر منها سناً واعقل بتصرفاتك دعيها تفعل ماتشاء واذهبيي الى اهلك اليوم وفاجأيها بهدية صدقيني راح تنحرج وتخجل من نفسها على زعلها اللي ماله داعي . . والله يألف بين قلوبكم . . وشكراً . |
انا عند اهلي الان وشايفتها قدامي وهي تلبس وتكشخ وماهتمت فيني ابدااا
والهدية مووقتها لانها لسى ماتخرجت نهاية الترم ان شاءالله |
شوبارد قبل فوات الأوان
قومي البسي وروحي للحفلة وصدقيني الثلج رح يذوب بينكم في هاللحظات معقول تنتظري عزيمة من أختك على حفلة تخرجها ياأختي أنتي اللي تعزمي على حفلتها مو تنعزمي مارح أطول بالكلام عشان تلحقي تروحي ولا تنسي الهدية حتى لو كانت وردة دمتي بحفظ الرحمن تحياتي |
يا شوبارد
المشكله مع احترامي باهلك والدك ووالدتك ،،،، يعني شايفين وساكتين اعتقد نوع العلاقه الي بينكم كاخوه فيها خلل الله المستعان |
ماقدر اروح مامعي بطاقة
فعلا اختي مزاجية جدا وقلبها قاسي قلبها قلب رجل بصراحة والله هذي اللي بترتاح بحياتها مومثلي اشيل هم الحين مبسوطة على الاخر وانا اتحسر هنا! ودي اطنش بس ماقدر يوم شفتها تطلع هي واهلي وبنت عمي مرة تضايقت وهي زعلانة حتى على امي بس قلب الام مايطاوعها وراحت معاها |
الله يصلح الحال
لازم امك تضع حد لهذه المشكله لانها راح تتطور وراح تكبرون وتكبر هالمشاكل صدقيني اعرف وحده تعاني من هذا مع اخوانها المهم قالت لي امي واخالتي حريم كبار الا عجايز ويكونون في المجلس ولا يكلمون بعض تصوري في هالعمر الدنيا ما تسوى حاولي تصلحين الوصع ولكن نصيحه بعد ما تعود المياة لمجاريها اجلسي جلسه صراحه ونقاش لحل الوضع وان الاخوه ليست مبنيه على مصالح مجرده للاسف ما هو سهل القطيعه بين الاخوه ولاتنسين ان الوالدين لهم اثر كبير ابدي بالسلام ولك الجر من الله |
وبعدين هي جرحتني جرح كبير وماحاسبيتها عليه
تقدم لها واحد واهلي متحمسين يبغونها توافق وهي رافضة تبغى تكمل دراسة تقول شوبارد مادرست الا جامعة وجلست عانس ثم تزوجت هالعمر اللي جلسته شوبارد انا بكمل فيه دراستي وبتزوج انتو متضايقين ان بنتكم عجزت عندكم وتبغون تصححون الغلطة علي تخيلو اختي تقول عني هذا الكلام لو ماحبها كان دعيت عليها وقلت الله يذوقك ماذقته ايام العنوسة |
يامااااااااا شفت من اخواتي وقت مراهقتهم
وش اقول وش اخلي لو بكتب ياله يكفي مجلد مع اني تزوجت صغيره لكن ماسلمت والحين الحمدلله كلهم تزوجو واستقروا وارتحنا شوي ونفس الشي سبحان الله كان حصل لي في حفله تخرج اختي من الثنوي كانت ماتبغاني اجي لكني رحت ولاندمت ابدااا اهم شي اني وسعت صدري وقهرت بليس |
الله يصلحها
كم عمرها؟ |
الله يصلح الحال ابدي بالسلام ولك الاجر
|
صدقيني اختي
قابلي اسائتها دائما بالإحسان والحنان بيجي اليوم الي تنتبه فيه لنفسها وتفوق وبتجيك تترجا رضاك عليها بس لا تزعلين منها وصارحيها باسلوب فيه محبه وأخوه وعتاب خفيف مع كثرة المواقف الي بتشوف فيها احسانك لها وهي غافله والله بتندم على كل لحظه زعلتك فيها الله يصلحها ويهديها |
لا حول ولا قوة إلا بالله
أختي الفاضلة شوبارد لا تأخذي الأمور بحساسية كبيرة وصدقيني أن أصحاب الحساسية الزائدة هم الذين يدفعون الثمن باهضاً وذلك يأتي على حساب صحتهم أنا أقول هذا لأني واحد منهم وأعرف جيداً ما تشعرين به أعانك الله |
تعرفى أختك شخصيتها قريبه منى
انا ساعات أختى المجوزه تكون عندنا اهزر واضحك واكلم معاها وساعات ماقربش منها وكأنى معرفهاش وبكون على طول فى غرفتى اكيد اختك مزااااااجيه عارفه لو فضلتى حطاها فى دماغك هاتتعبى لان الانسان المزاجى ده طبعه متعرفيش هو اصلا فرحان ولازعلان بيحب بيكره شخصيته بتكوووووون غامضه فنصيحه منى اياكى تزعلى منها كبرى راسك عنها انا اخواتى كانوا فى بدايت مااجوزوا كانوا بيزعلون منى لكن دلوقتى فهموا انى انسانه غررررريبه كل يوم بشخصيه المهم انتى كنتى تخطفيلك بطاااااااااقه ههههههههههههههه انتى اللى غلطانه بصراحه انا شخصيا يوم تخرجى مش هادعى اختى |
ليه يامصرية انا غلطانة؟ ومن وين اجيب لي بطاقة البطاقات معاها؟ وزعتها هي؟
انا يوم حفل تخرجي من الجامعة جيت عندها وقلت لها عن الحفل من شهر! وجهزت لها ملابسها وخليتها تشاركني كل شي وبعدين ليه ماتعزمين اختك لحفل تخرجك؟ يله الحمدالله على كل حال المهم اهلي لما رجعو البيت طبعا كنت طفشانة ودقيت على زوجي ورجعت بيتي دقيت عليها وباركت لها وكانت مرة مبسوطة ماجابت خبري وانا من جواتي اغلي قلت لها مبروك قالت الله يبارك فيك ( وهي تضحك يعني مومستحية مني ) قلت الله يوفقك والله فرحت لك قالت تسلمين! قلت مع السلامة وسكرت وانتهى الموضوع انا ليه احرق اعصابي ؟ والله غبية انا بكيفها عمري ماشفتها متخرجة وفرحانة بسلامتها ليه اتضايق وهي مبسوطة بروق واوسع صدري وبس ومشكورين على الردود الله يجزاكم خير ماقصرتو اخواني اخواتي |
والله خليها تولي و انتي طلعي واستانسي خليها تغار من حركاتج شووي
ههههه و بتجي تتمصلح ما دامها مصلحجيه امسكيها من هاليد و بعدهاااا طلعي حرتج بالكلام واللي في خاطرج قوليه لكن مب بحساسيه و زعل لان من كلامج ان هالاسلوب ما ينفع معاها سوي نفسج مااا زعلتي من الاساس و عاااادي ما كنتي مهتمه .. وبتلقين ظروفكم بألف خير << لاني مريت في هالحركات فأخذي الكلام مني هههههه والله الحقران يذبح و يـــــأدب |
والله اعلم مشكلتك
تتلخص في انك تريدين استعادة الدين تريدين استعادة أو رؤية نتائج اعمالك الطيبة التي فعلتيها مع اخوانك اللي أصغر منكِ وطبعاً هذا شبه مستحيل وأقول هذا الكلام عن تجربة مشابهة أنا تحملت كثير من المهام من والداي (أغراض ومشاوير وإصلاحات وزيارات ) على أساس إن كبرت سوف يشيل الحمل عني اخواني الصغار (أصبح الآن في سنة 3 جامعة ) ومازلت انا ألام على عدم انجاز الأمور وهو (أخي ) يكافئ على تقصيره بأن يزيدوه راحة نفسية وبدنية . قد ترين أن قصتي تختلف عن قصتك ، ولكن صدقيني هي نفسها واعملي بالتالي (أنا مقتنع فيه بس ماقدرت اطبقه بالشكل المناسب) : حددي في داخلك في معاملتك لأختك هل تريدين أن تعامليها بشكل طيب لكي تعاملك هي بالمثل !(عمل دنيوي) أم هل تريدين معاملتها بشكل طيب لكي تدخلي الفرحة على قلب والدتك!(عمل آخروي) في الحالة الأولى ستتعبين دنيا وآخرة لأنك لن تتطولي ماتريدين ولن تستفيدي آخروياً لأن النية لم تكن للآخرة (والله اعلم) أما الحالة الثانية فستستفيدين في الدنيا والآخرة (بمشيئة الله تعالى) . وبعدين على فكرة هي تعامل الناس بنظام وانتي تعاملين الناس بنظام مختلف هي الآن في مرحلة تهور وسرعة وعدم استقرار وحماس زايد وانتي في مرحلة استقرار وخبرة ورحمة أكثر وبالتالي ماينفع تحاسبيها على عقليتك ولا هي ينفع تحاسبك على عقليتها فلا بد من التنازل من الطرفين وأنتي تتنازلي اولاً لأنك الكبيرة وهي ضريبة يجب أن تدفعيها (وهي انك الأكبر والأكبر دائماً ياكل على راسه) والله الموفق |
شوبارد
لو فكرتي شوي انو الدنيا فانيه وماراح ناخذ منها شي بيزول كل هم وحزن صابك قابلي اسائتها باحسان والله يعينكم |
ايه خلاص انا بطنشها ولاحتى راح احاسبها عن الحركة
اصلا دايم تصير مثل هالمواقف وبالاخير انا اللي اسكت بس من داخلي ودي اذبحها قاهرتني مررررره بس بكيفها واذا رحت بيت اهلي بسلم عليها عادي واذا كلمتني بكلمها انا اعرف تفكيرها زين ماتهمها مثل هذي الامور ابدااا ليه اجل انا اهتم فيها! والحمدالله اني مارحت كان الحين ندمانة الحمدالله اني مارحت حتى تفشلت قدام صديقاتها كل اهاليهم جو وانا اكبر خواتها ماجيت . انا خايفة من شي واحد اذا تزوجت وخلفت وبعد سنين يجي يوم ونتقاطع والله خايفة من جد البنت مرة قوية ومحد يهمها ابدااااا ومرة لمحت لها قلت شكل بيجي يوم ونتقاطع قالت يمكن دام ماوراك مصلحة ولاشي !! <<< شكلها تبغى تقهرني ماظنتي من قلبها شكرا الله يجزاكم خير |
أنا لو منك كنت قعدت في بيتي عند جوزي و لا عبرتها و لا بصيت في وشها
لكن حصل اللي حصل , خليكِ عادية معاها في ناس مخها تاعبها اعملي من أجل رب العباد مش للعباد |
سبحان الله نفس المشكله والمشكله مودااريه فيني
والطامه امها اكبر مني ؟؟ ويااااااااخوفي نتقاطع بدوون سبب ... تبين النصيحه احقــــــــــــــــــــريها ...هالصنف من الناس .. ماينفع لهم لا اهتمام ولا كلام عاادي خليك مثلها ..نفس اسلوبها .. وارتااحي الله يعينا .. |
أختي شوبارد
يمكن أمك تفضلك عليها ؟ و هي حاسة بالغيرة ؟ يمكن يوم تزوري أهلك أمك تشغلها .. قومي جيبي عصير ، قومي و تعالي و روحي :d |
يعني اختج كلمتج على الماسنجر اشلون ما تكلمج !!
اول شيء اختي ما عندج سالفه اول مره اشوف وحده تنطر عزيمه من اختها !! و الحين الي ياتلج تقولين لها صرفيها !! خلاص يبه شان طيحتي الحطب !! انزين دقي على الموبايل يمكن ما بدو و لحقي !! الله يهداكم انتو خوات اختج بني |
اختي خلاص طاح الحطب لا تكبرون الموضوع .. اهيا مستانسه ما راح تبجي يوم تخرجها و انتي شكلكج الكبيره ف طوفي و خلاص كوني معاها عاديه و انتهينا
اختج بني |
اختي شوبارد
كل تعاطفي معاك .. و صراحة اختك يجب ان تقف عند حدها ,, لانها تجاوزت اساسيات الاخلاق مع الاسف .. أليس المسلم من يحترم الكبير و يعطف على الصغير !! أين احترامها للكبير؟ و لماذا يجب ان نتعامل مع من هم على شاكلتها بهذه الطريقة و بأن ننسى او بالأحرى نتناسى مثل هذه الاخطاء الكبيرة جدا .. كلنا نعلم اهمية التسامح في ديننا الحنيف و خاصة بين الاقرباء من دم واحد .. و لكن ايضا يجب ان لا نتعامل معهم بشكل يجعلهم يتمادون .. اما تعليقها عليك بأنه نعم قد تتقاطعون .. فبصراحة كان المفروض تقولين لها عيب و الله عيب عليك هذا الكلام ! وين الاخلاق وين الدين !! ام أننا مسلمون فقط بالجنسية .. عن جد تضايقت من قصتك جدا .. من جد عيب تعاملك و تعامل والدتك بهذه الطريقة .. هي متمردة على القيم الاسلامية المتعارف عليها و تحتاج من يوفقها عند حدها .. و الله يهدينا و يهديها .. |
اقتباس:
بس كلمتني عالماسن وانا بنفس الغرفة معاها تصوري؟ عشان كانت تبغى البطاقة بس! وبعدين شفيك معصبة؟ ايه ماقالت لي فيه حفلة؟ وماخلتني اشاركها فرحتها راحت السوق وتقضت ولبست وماقالت لي شي كني غريبة بينما انا وقت تخرجي من شهر وانا قلت لها وخليتها تروح معاي السوق وتتقضى ومتحمسة وجبت لها بطاقة ! وبعدين ماعطتني بطاقة امي الي قالت لها ترى شوبارد بتروح وهي ماتبغاني فطول الوقت تقول بتن عمي تبغى تروح ومافيه بطاقة وسألتني قلت مابغاها على طول اخذتها وعطتها بنت عمي؟ فهمتي؟ |
اقتباس:
بس شسوي؟ عموما رحت اليوم اللي بعده مباشرة ونفسيتها تمام التمام ماشاءالله وتسولف وتضحك ولااهتمت فيني ابد طبعا انا سويت مثلها صرت اكلمها واضحك واسولف عاااااااااااادي ليه احرق نفسي؟ ومن جد الحمدالله انا الحين بأفضل حال التطنيش حلو شكرا للجميع واعذروني مارديت عليكم واحد واحد جزاكم الله خير |
شوبارد .. لا تثريب عليك فاالتزمي باالهدوء ولا تدعي الشيطان ينغص حياتكم .. اعلم ان قلبك انجرح بتصرف اختك ..
وظلم ذوي القربي اشد مضاضة ،،،،على النفس من وقع الحسام المهند . ضعي عقلك براسك وانظري للمصلحة العامة ... وكوني انتي السباقة في فعل الخير " وخيرهما الذي يبدأ بالسلام" .. ويبدو ان اختك تمر بمرحلة مراهقة واعجاب بالنفس فلا تقسي على اختك .. اصلح الله شأنكم وحببكم الى بعض وابعد عنكم وساوس الشيطان .. |
الاشراف: انتهت المشكلة بباتخاذ صاحبة المشكلة قرارها
اقتباس:
يغلق |
| الساعة الآن 07:51 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©