|
رشحولي مابين جدة ويستن او شيراتوناو انتر؟؟؟
السلام عليكم ورحمته الله وبركاته
اخواني الاعزاء حابه اعمل سهرة لزوجي بفندق راقي رومانسي ولها لمساتها وبدي اعملها مفاجئة لزوجي وانا مابعرف اي حاجه عن هالفنادق فياليت اللي عنده اي تجربة او خبره مع الفنادق يقولنا عليها من الاسعار الى الخدمات كل شي يعني ومشكوره على تجاوبكم اختكم همسات المحتااره |
ما جربت ولا واحد فيهم ..
لكن زوجي جدا كان منبهر بويستن جدة .. اعذريني لا علم لي بالأسعاااار ... افدتك باللي اعرفه .. وعموما الهاتف اسهل طريقة للمعرفة |
يسلمو حبيبتي على ردك
ادري باسعارهم بس بدي اعرف تجارب الاعضاء خبراتهم وقدي ايه اعمل ميزانيه لليله واحد بس مع الغرفه مع الوجبات كيف الخدمات تسلميلي على ردك ومروك ربي يسعدك ياعسل |
,والله حبيبتي انا عملت في وستن مرتين طبعا مررره حلو وراقي مره اخدنا غرفه مطله على البحر ومره اخدنا سويت وتعشينا في نفس الفندق في البوفيه تقريبا تكلف 1000 ريال لان الفرفه ب600 او 700 على حسب اش ماخدة انت واذا عندك خصم تكون اقل والعشاء النفر ب 110 واذا حبيتي تطلعوا صاله الغروب تسهروا وتاخدولكم شاهي او كافي هناك يعني توصل الالف او تقل شويه او تزيد حبه مو كثير
هذا الي احنا نعمله واذا تبغي تفاصيل الاسعار انا حاضره الله يهنيكم |
انا بصراحه جربت فندق الهولدي ان مرررررررررررررره راقي وحلو وسعر الغرفه ب800 ريال في الليله ويعطكي الفطور مجانا وتهبل بصراحه الغرف هناك وخدماتهم روعه وتتطل على البحران شاء الله اكون وصلت لك المعلومه زين
|
انا جربت جده ويستن وشيراتون وانتر كونتينال كلهم احسن من بعض لكن الشيراتون افخم
|
اقتباس:
ياليت توضحي التفاصيل اكتر من حيث الديكورات الغرفه الحمامات الله يكرمك عل عندهم جاكوزي ولا لا؟؟ ايش الخدمات عندهم؟؟ تفاصيل الاسعار؟؟ بما انك مجربة ايش احسن المطاعم فيها خلينا نستفيد من تجاربك انا اتصلت عليهم وقالوليب 805 مع 15% ومع الفطور زيادة 60 مع 15% مادري قد ايه التكلفه وبعدين انا زوجي يشتغل بالادارة الرئيسيخ لبنده يعني تابع لصافولا هل بياخذوا التخفيض من البطاقه ولا كيف والله ماني فاهمه حكايه التخفيض دي <<< سامحيني اختك غشيمه معليه حبيبتي والله اني تقلت عليكي اقتباس:
اوصفيلنا الغرفة كيف ؟؟ وايش خدماتهم؟؟ وياليت تنزليلنا صور اذا عندك مشكوره ياعسل على ردك واقتراحك الجديد |
اقتباس:
هلا فيك ياليت تحكيلنا تجاربك فيك وتفاصيلها من كل النواحي وشكرا على ردك |
بصراحة جربتهم كلهم ويستن ماعجبني
والشيراتون برضو ماعجبني.. أحلى شي الأنتر مرررررة حلو بس السويت عندة شوي غالي ... تقدرين تاخذين غرفة غرفهم حجمها حلو.. والمريديان بعد حلو وسعره مررررررررررة روعة.. |
ماعندي فكرة
|
انا جربت في جده الهيلتون00 واسعاره غااااليه00 لكن جدا راااااقي00
جده ويستن00 كثير يمدحونه00 الجاكوزي00 دائما يكون بالسويتات غالبا لذلك السعر يكون مرتفع الله يحلي ايامكم0000 |
ماعندي فكرة
|
جربت جدة وستن رائع بصراحة والغرفة تقريبا ب700وشوي وعندهم مطعم البرتو الإيطالي حلو بوفيه مفتوح الشخص128ريال وصراحة إطلالته على البحر مرة حلوة كمان هليتون سكنته فخم جدا بس بصراحة أسعاره نار عشان كذا أشوف وستن مناسب جدا .....
|
ماعندي فكرة
|
اقتباس:
طيب ايش اللي ماعجبك فيه انتر من ضمن الاقتراحات والمريديان مافكر فيه لاني بدي فندق على البحر كتغيرر لخروج من اجواء البيت ان شاء الله فهمتي علي اقتباس:
اقتباس:
اقتباس:
اقتباس:
طيب عزيزتي اوصفيلنا اكتر عن الغرفه وايش الخدمات اللي فيها وبكم طلعتي من هالليله؟؟ اقتباس:
يسلمو على ردك |
اسفه على التاخير بس انشغلت شويه بالنسبه للديكور عادي ديكور فنادق حلو فخم اما عن الحمام ماكان فيه جاكوزي لا في السويت ولا في الغرفه
التخفيض اساليهم هل لكم تخفيض بالنسبه لعمل زوجك اعطوهم البطاقه تبع العمل لان المعلمين وبعض الدوائر الحكوميه لهم تخفيض 25 في الميه بالنسبه الاسعار الي اخدناها للسويت سعره 690 وسعر الفرفه كان 500 والبوفيه جدا لذيذ سعره 110 غير 15 في الخدمه الظاهر اسمه مطعم الحديقه عموما هو تحت قدامه مسبح وفوق فيه صاله الغروب طبعا بس شاهي وكافي طلعنا بعد العشاء سهرنا هناك اسعاره عااادي مو مررره غالي عموما هو حلو وتغير جو وجربي ربنا يوفقك |
اقتباس:
كنت ابرسلك رساله خاصه على بالي نسيتيني بس الرسائل مو مفعله معااااي اتصلت عليهم وقالولي عندهم جاكوزي بس مدام نبهتيني ارجع اتصل واأكد عليهم واسعارهم حلوه مقارنه مع الفنادق التانيه اللي على البحر اذا على كدا ومن واقع تجربتك طمنيتني وراح احجز عندهم تسلميلي سويتي ربي يسعدك دنيا واخر ويطمن قلبك دائما الف شكر لك مره تانيه على رجعتك واهتمامك دعواتي لك.. اختك همسات |
إذا قصدك عمل ليلة رومانسية
فلحظة الأن بإذن الله أنقل لك شيء راااائع ولا تقولي فندق ولاغيره انتظريني دقائق |
http://www.66n.com/forums/showthread...68#post1854568
فضلت ان أنزله في موضوع مستقل لتعم الفائدة للجميع ولاتنسي أن الهيلتون ووستن كلها بجانبك وانصحك تتعشي في الهيلتون في مطعم السفينة في الأسفل بوفيههم راااائع وكل يوم من أيام الأسبوع خاص لبوفيه معين يعني الإثنين أذكر إيطالي أكثره مكرونات وفاكرة يومه لإننا حطيناه في القائمة السوداء علشان مانروح يوم إثنين لإني ماأحب المكرونات كثير وبقية الأيام رائعة يوم لبناني ويوم عالمي ويوم مغربي ويوم سي فوود وغيره والحلى عنده إبدااااااااع بصراحة ولاتنسيني من دعواتك الحلوة إذا رحتي فيه |
اقتباس:
بس كنت ابغاها بالاجااازه 2000 مرررررا كتير حتى ويستنن مالحقت عليه قالولي فوللللللل حظي منيل:( طيب ياجماعه من جرب موفنبيك ولا فندق المنزل فنادق اللي على البحر كلهم طايرين بالاسعار في الاجازه :30: اسعفوني الله يخليكم |
| الساعة الآن 01:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©