|
ماهي العادة الجميلة التي عودتِّ زوجكِ عليها ؟
http://up.do7a.com/get-5-2008-do7a_com_wdvb1mwz.gif
اهلا بجميع زوجات منتدى عالم الاسرة والمجتمع ماهي العادة الجملية التي تفعلينها لزوجك و اعتاد عليها منك ويكره ان تحرميه منها في كل حال من الاحوال حتى ولو كنتوا على خلاف بسيط...؟! ابدأ بنفسي : 1- اعتاد زوجي ان اضع له بطاقات او رسايل في السيارة ... تحت واقي الشمس .. او داخل علبة الاشرطة .. او داخل علبة وضع البيبسي او اضعها على الكرسي قبل ركوبه فيها ...... فبعض المرات نكون متزاعلين او مشتطة منه فماخلي له اطنشه يجلس يدور بكل السيارة :23: وادا مالقى شي يرسل مسج يقول فيه فقدت رسايلج حرام عليج 2- اعتاد اني ارسل له مسجين او ثلاثة مسجات حب او اشوق او حتى نكتة في اليوم الواحد .. وكنت ادا مجنني بمزاحه الثقيل بعد احقره ماطرش له شي ... ويجلس متنرفز في العمل ينتظر وادا مارسلت يرسل لي مسج او يتصل حرام الي تسوينه ترى هالمسجات النفس الي يمشيني الين اجيك بلدك ... 3- اعتاد مني اني اضع له رسائل في حقيبته في الوقت الي ارتبها له ادا كان على سفر .. في السحاب او بين الثياب ... وكان وقعها جدا جميل على نفسيته في السفر :d وطبعا يبين الشي في الهدايا والتلفونات الي ماتوقف (هذي لاطشتها من النت ايام العزوبية وطبقتها بعد الزواج عليه ):22: 4- قراءة سورة الكهف مع بعض صباح يوم الجمعة ادا كان موجود عندي في بلدي .. والمرة الاخيرة حدث خلاف كبير بيني وبينه ورافضه منه اي شي فيوم الجمعة الصباح جاني حامل القرآن ويقول لي سورة الكهف اشتاقت لترتيلك فسورة الكهف الكريمة طيحت الحطب بيني وبين زوجي ورجعنا نقراها وغيرها الكثير والكثيير من العادات ..... وطبعا انا حرمت اترك عادة هو يحبها ويموت عليها مني فارجوا المشاركة من جميع اخواتي بالعادات الحسنة والجملية التي اعتادها زوجكِ منكِ:17: لكي نستفيد من خبراتكم .... وشكراً اختكم دمعات الروح http://up.do7a.com/get-5-2008-%3Cdiv...m_rp9hte2a.gif |
ما شاء الله
عادات جميلة جدا , لست متزوجة لكن سأحتفظ بها لعلها تفيدني يوما موضوع رائع |
ما شاء الله بارك الله
موضوعك جميل وتوجيه لطيف وغير مباشر والله يرزقك التوفيق والمودة بين زوجك. . . أشكرك على مـوضـوعـك الجميل أخوكم عزوبي:21: بس:d رجل:30: دمتم بحفظ الرحمن |
جميل..
رائع.. قلّما أقرأ تجارب شخصية مفيدة تثري الجانب الإنساني في التعامل اليومي بمثل هذا الوضوح والتبسيط. سوف يكون هذا الموضوع على قائمة مفضلتي. وفق الله الكاتبة الكريمة لكل خير، عبدالله،،، |
سلام من الله أختي الكريمة
فكرة رائعة من الأشياء التي عودت زوجي عليها أن ألعب في شعره قبل النوم فأصبح لا ينام الا و يدي في شعره ثم أني أيضا أحك ظهره و هو مستلقي يتفرج على التلفاز و امور كثيرة اخرى شكراااااا |
بسم الله ماشاء الله
ولاحول ولاقوة إلا بالله ربنا يحميكى ويديم بنكم الحب والسعاده والود ياااااااااارب دايما مواضيع تفتح النفس على الزواج هههههه أختى انا بقى مشااااااهد للموضوع لحد مااتزوج وهبقى ارد عليكى وانتم السابقون ونحن الاحقون انا والبنات هندخل ناخد كورسااااااات فى تدليع صاحب السمو (زوج المستقبل ).. من حضرتكم وان شاء الله الفااااااائده تعم ياأخوانى وأدعيلى ياأختى اجوز بقى وافرح بشباااااااااااااابى ههههههههههههه قبل مااموت |
أما أنا فعلمته الأذكار كلها فقد كان لا يقول دعاء دخول المنزل أو الخروج منه أو دعاء ركوب السيارة ودعاء السفر ودعاء دخول الخلاء ودعاء الخروج منه ودعاء ما قبل النوم واذكار ما بعد الصلاه فأصبحت أقولها امامه واذكره بها واليوم هو من يذكرنى بها اذا نسيت
|
تصحيح الخطأ المطبعي
ياليت هذا السؤال يتوجه لأزواجنا... بالنسبة لي ما أدري عن زوجي شنو يحب و شنو مايحب!!!! أحسه كل شي وااااااحد عنده |
ياهلا ومرحبا بسعادة الروح
ماشاء الله تبارك الرحمن يااارب يزيدكم ولاينقصكم ويسعدكم دنيا وأخرة ولايشقيكم أبدااااااا ألف شكر لموضوعج الرااااااااائع ومب غريبة منج |
غاليتي تشكرين على الموضوع
مثل ما قرأتم في موضوعاتي السابقه إني عودت زوجي كل لليله اسأله إذا راضي علي و لا ، و في بداية الأزمه نمت و ما سألته ليش إني مستأة منه و مالي خلق/ نفس اسأله، سبحان الله ليلتها ما نام لما صحيت الساعه ثلاثه قبل الفجر لقيته على حاله، و هو الي سألني: "راضية علي" ما دريت ويش ارد و احترت الي قدرت اقوله اللهم يخليك لعيالك، جوابني و الله يخليلني لش. و من يومها هو الي يسأل لأني ما قادره انافقه. العاده الثانيه، دوم اتطمن عليه على وقت الغدا و اأكد عليه يتغدى و لا ازعل، و إذا نسيت هو يتصل و يسأل إذا تغديت و لا لا. تحياتي |
موضوعك حلووووووووووووا يادمعات الروح
الله يديم الحب والسعادة بينكم أنا معودة زوجي على قبلة على خدة اذا بيطلع من البيت مع دعاء الخرووج وأكون موصلته للباب واذا زعلت عليه يفتقد للعادة هاذي واذا بيطلع يرجع ويقول مانسيتي شىء |
الله يوفقكم مع ازواجمك ويسعدكم دنيا واخره ،،،
اسمحولي اني اضيف ردي مع ان الموضوع موجه للزوجة !!!! انا لي ست سنوات متزوج انا اصحي نفسي للعمل !!!! وزوجتي ماعودتني على اي شي بالعكس انا ارسلها رسايل حب من العمل انا اكتبها من صميم قلبي وووو الخ ،،،!!!!! اتمنى التوفيق للجميع ،،،، |
هلا حبيبتي تسلمين عالموضوع الحلو , والله يهنئكم ..
انا توني متزوجه , بس حسب علمي انه متعود علي على هالاشيا : أول شي, زوجي متعود على كلامي و سوالفي ,و دوم ماشاءالله يستانس, لأنه من النوع الهااادي ,وانا لاعيه و انكت و مرحه كثييير والحمدالله, فمعودته على صوتي =) لو اسكت اشوي , يسألني, شو في؟؟ زعلانه ؟ ! .. و بحكم اني جامعيه و دارسه كثير والحمدالله (الله يخلي اهلي ويطول في عمرهم امين) وموظفه في مكان مرموق والحمدالله, زوجي متعود انه دوم يستشيرني في شغله و تجارته و اموره الماليه .. معوده زوجي ما ينام الا و مسويتله مساج , والحين ندمانه , لأني حتى لو حيييييييل تعبانه , ماله خص, اسويله يعني اسويله !! .. يسلملي =) .. متعود اوصله و استقبله .. حتى لو معصبه عليه, بوصله, لاكن بدون اي ابتسامه, فيضحك علي و نتصالح =) و منكم نستفيد و نزيد ان شاءالله =) |
أخواتي الكريمات...
حسستوني بالذنب ... قاعدة أتذكر حياتي الزوجية من بدايتها إلى يومي ما لفت انتباهي عادة مميزة يتضايق اذا قطعتها!!!! لكن مع هذا أحاول قدر الأمكان إني ما أقصر في واجباتي كزوجة ... الله يسامحني على تقصيري .. يمكن في عادة واحدة فقط لكن أحب أحتفظ فيها بالرغم انها عادية ... المهم في العادة أن تكون نابعة من القلب وتكونين انتي مستمعة فيها وانتي تسويها مهما كانت بسيطة حتى تلاقي ثمرتها.. أنا حتى قومته للعمل مو دايم وأحيانا اذا كان يبغى فطور قومني أسويله<<<الله يسامحني ... يمكن لإننا ما ننام بدري حتى أستطيع أقوم قبله وولدي(سنتين) في نص الليل يجي ينام جنبي ويضايقني فما أنام مرتاحة وبطبيعة الحال ما راح أقدر أقوم علشان أصحيه وأسويله فطور ... أعذريني إن خرجت عن الموضوع .. لكن اللي يهمني أكثر أحساسي بالشيء اللي أسويله اياه حتى لو كان أحد الواجبات .. أسويه وأنا مستمتعة فيه أفضل بكثير من عادة أعوده عليها لاني أبغى أعوده عليها .. وشكرا على الموضوع ومنكم نستفيد ,,, والله يديم عليكم الحب والسعدة ويجعل أيامكم غامرة بالأفراح .. أختك .. أم حمزة |
موضوع في غاية الرووووعه..تسلم الايادي
بالنسبة لي ..زوجي متعود على اشياء واااااايده مثل: - قبلة قبل الذهاب الى العمل وعند العودة.. - الاتصال والاطمئنان عليه ..والمسجات الرومانسية - الليالي والافكار الرومانسية والمفاجآت بين فترة وأخرى.. - قصاصات الورق التي تحمل كلمات الحب والعشق والتي اضعها في سلة عند مدخل الباب فعندما اكون في العمل وهو في اجازة او كنت نائمة او غير موجوده يأخذ ورقة كلما اشتاق لي ويقرأها..واظطر الى ان املأ السلة كل يومين او ثلاثه لانه يأخذ من السلة حتى لو كنت في البيت.. - النقاش على طريقتنا الخاصة ..فقد وضعت صندوقين مفتاح صندوقي عنده ومفتاح صندوقه عندي..انا اضع ملاحظاتي المكتوبه على قصاصات ورق صغيره في صندوقي وهو يضع ملاحظاته في صندوقه ..وفي اخر كل اسبوع او في يوم اجازته يفتح كل منا صندوق الاخر ويبدأ بقراءة الملاحظات ..واحيانا مفاجأة بسفره او هديه او عتاب..ونتناقش وزوجي تعود على هالشي.. - زيارة زوجي في مقر عمله واحضار العشاء او الغداء او الفطور على حسب وقت دوامه ...فتعود على ذلك ولا يحاتي الوجبات هذه وان تأخرت او انشغلت يوما ..يحزن ويتصل ليتطمن ويسأل ان كنت مريضة او زعلانه من شي.. - اللعب من فترة واخرى ..مثل العراك بالبالونات المليئة بالماء...او العراك بالمخدات وغيرها فزوجي تعود على هذه الحركات والالعاب وان لم نلعب لفترة طويلة يحاتي ويسأل ويشتاق لتلك الالعاب فيبدأ هو.. - قبله قبل النوم ولا يغمض عينيه قبل ان يحصل عليها.. وقبله عند الاستيقاظ ولا يتحرك من فراشه بدونها.. وهنـــاك اشياء كثيرة في البيت وخارج البيت...وهو بعد معودني على اشياء وااااااااااااااايده.. الله يسعدكم ويحفظكم اختج ---- لمني بشوق |
ام حمزه حبيبتي, ترى هذي العادات مو هي اللي تخلي الزوج ما يستغني عن زوجته : يكون مجرد متعود لها .. وانت مو حاسه بس أكيد تعملي مليون شي بس مو عارفه ..
و كلامك مليون فالميه صح -" لكن اللي يهمني أكثر أحساسي بالشيء الليي أسويله اياه حتى لو كان أحد الواجبات .. أسويه وأنا مستمتعة فيه أفضل بكث من عادة أعوده عليها لاني أبغى أعوده عليها .." فليش تحسين بالذنب ؟ .. ابتهجي حبيبتي , انتي تأدين الواجب و أكثر , و انا متأكده انه زوجك يعشق اهتمامك فيه , وما يستغنى عنك =) |
للأسف أنا ما تعود شي مني كل ما أسويله شي و أقطعه ابا أشوف ردت فعله احسها عادي عنده و لا حتى يذكرها في أول زواجنا كانت اطرش له مسج أول ما يطلع من البيت رايح للدوام و بعدين قطعته أشوف بيذكر و الحبيب مطنش عادي عنده و مرات أقوله طمني يوم توصل الدوام و لا يطمني و ازعل منه بس ماشي فايده ما أدري شو الحل احس كل شي عادي عنده اهتميت و لا ما اهتميت النتيجه واحد ...و الله صرت بارده مثله و وايد أنسى كل ما أقول بسويله شي أنسى ..
ابي رايكم شو الحل مع مثل هذا النوع من الازواج..؟؟ |
الافكار مرررة حلوة..
انا العادة اللي عندي. ادخل له كل يوم عالماسنجر واكتب له كلام غزل وشوووق،وحركاات ناوية اعملها لما يرجع من العمل ويرجع وهو مشتاااق. |
اقتباس:
أهلين وسهلين باختي الغالية المبدعة نوران وهذا المطلون الافادة لاكبر قدر ممكن من المقبلين والمتزوجين الروعة روعة تواجدج حبيبتي شرفتي يالغلا ^_^ ولا تحرمينا هالطلة الحلوة اقتباس:
مرحبا اخوي عزوبي في الموضوع والله صدقت في كلامك ان شاء الله بس استفدت ونحتري زوجة العزوبي باتطبيقات الله يرزقك ان شاء الله الزوجة الصالحة عما قريب العفو اخوي شرفت اقتباس:
اهلا وسهلا اخوي عبدالله شكرا على الاطراء :) لحمدلله ان الموضوع نال استحسانكم جميعا ان شاء الله شرفت الموضوع اقتباس:
وعليكم السلام والرحمة والاكرام الاروع تواجدج غاليتي ماشاء الله اللهم صل على محمد وال محمد الله يديم عليكم السعادة يارب والعادات الحلوة ^_^ وهذا انتي نفعتينا بمشاركتج الله يسلمكم لبعض يارب شرفتي ياوردة الموضوع ماننحرم هالطلة يارب ^_^ اقتباس:
الله يخليج يااارب وتسلمييييييين يالوردة على هالدعا الطيب ياقمر اي والله زهقنا مشاكل نبي نبين الجانب الايجابي والحلو والمشرق في الزواج هههههههه ياحليلج يالمصرية عسل طيب شوفيه لحد ماتتزوجي وان شاء الله عما قريييييييييييب الله يرزقج الزوج الصالح التقي الي يخاف الله فيج الحليوة ^_^ القلب داعي لج يالغلا الله يزوج كل عازب وعازبة ان شاء الله ويستر على بنات المسلمين ولج طولة العمر ان شاء الله وتشوفين عيالج وعيال عيالج ولا تتفائلي كذا انتي راح تعمرييييييييييين :22: شرفتي يالغلا الموضوع وان شاء الله تعم الفائدة المرجوة منه ماننحرم هالطلة الحلوة ^_^ اقتباس:
ماشاء الله اللهم صل على سيدنا محمد وعلى ال سيدنا محمد وااااااايد عاداتج حلوة والله انها عسل الله يوفقكم يااارب ويبعد عنكم كل شر وضر الله يسخركم لبعض ومنكم نستفيد :22: شرفتي يالغلا ياضافتج الرائعة للمووضوع ماننحرم هالطلات الجملية ^_^ اقتباس:
اهلين وسهلين ياوردة هههه نقلبها عليهم الحين ياحليلج ماعليه تفائلي شوي عووديه المسألة مسألة وقت فقط لا غير جربي تستمري على العاداة المعينة شهووور علشان تحصلين النتيجة الله يسخره لج ويسعدكم ياااارب وتلاقين عادة حلوة يحبها منج كفاية اهتمامج فيه احسه شي اعتاد عليه شرفتي حبيبتي الموضوع وان شاء الله تستفيدي من بعض الحركات الي تخليه يطيح الحطب بينكم ان شاء الله ماننحرم طلتج ياغالية ^_^ اقتباس:
وياهلين وياسهلين ويامرحبتين كبيريتين هلا بعد جبدددددي يادانة المنتدى اسفرت وانورت :d يسلم لي هالثم الي يغرد دعوات تجنن علي وعلى زوجي لا يحرمني الله منها يحبني لك يا ام جمانة ماشااء الله عادة واااااااايد حلوة وكشخة ومنكم نستفيد :18: الحمدلله الله يرضيه عنج ولا تتركينها ماحلاها من عادة شرفتي الموضوع باضافتج الحلوة يابعدهم العفوا غنااااتي يمكن استحيت :23: الاروع تواجدج حبيبتي عندي مانحرم يارب من هالطلات الحلوة العسولة اقتباس:
العفو حبابة الله يخليج ياغلاهم حلووو يعني عادة خلتها يتعود على عادة منج صراااااااحة كفوا عليج والله يسعدم ويبقيكم لبعض ويسخر قلوبكم لبعض الله يسعدكم ولا تشوفون حزن ولا شقى ماشاء الله عليكم شفتي طلع جانبي ايجابي منه بسبب العادات الي نعودهم عليها ياختي الدنيا ماتسوى كلها يومين ولا تتركين عادة هو يحبها منج الله يسعد قلبج يالوردة وين ماتكوني ويهدي سرج مع زوجج ان شاء الله شرفتي يالغلا الموضوع باضافتج الرائعة لاتحرمينا هالطللة الحلوة ^_^ |
احس ما في شيئ معين ... احس كل شيئ تعود عليه ...تعود اني اكون عنده 24 ساعة ... تعود على ( القبل ...الدعاء ...الطبخ ... الترتيب ...الهداية ... المسجات ,,,الدلع ....الخ )
|
اقتباس:
الله يحلي ايامج دوم الدوم ياهمس الاصيل تسلمييييييييين على الدعا الطيب الله يخليج ياررب ماشاء الله ماشاء الله عليكم ياحلاتها عادة ^_^ ههههههههه شفتي يعني العادة تصير سبب صلح والله انكم طيبوين انتي وزوجك احس فيكم شفافين الله يخليكم لبعض ولا يحرمكم من بعض يااارب الحمدلله الله لا يجيب الزعل بينكم ابدا ولا تتركينها عادة والله يكثر من العادات الحسنة الحلوة والله يكثر من طلاتج على مواضيعي ياغالية :d لا حرمني الله هالطلة الحلوة شرفتي اقتباس:
مرحبا باخوي الفارس شكرا جزيلا على الدعاء الطيب ولك بالمثل ان شاء الله عادي اخوي حياك الله باي رد ماشاء الله طول العمر مع بعض ان شاء الله الله يهديها ان شاء الله هذا والله لانك طيب معاها الله يخليكم لبعض اكيد لو ماترسل تفقد رسايلك ماعليه خلك حنين معاها واطلب منها باسلوب لطيييف اهتمام شوي اكثر الله يحنن قلبها عليك بس اكي تحبك لانه تقوم بواجباتك وفي بيتها الله يسعدكم يارب ويسخر قلبها لك شرفت اخوي واضافتك دعوة للزوجات للاهتمام بازواجهم لانه يمكن هو شي بسيط بس يحسسه بسعادة غامرة اقتباس:
هلا بكل الغلا هلا بالوردة ام وقاص الله يسلمج ويسلم غاليج وينيهج حبيبتي ماشاء الله ماشاء الله اللهم صل على سيدنا محمد وعلى ال سيدنا محمد عادات جدا جملية وحلوة الله لا يخليه منج ولا يخليج منه الله يسخركم دوم الدوم لبعض ويبعد عنكم العين هههههههه كلهم جذيه في المساج مساكين معذورين يشتلغون طول النهار انا يجيني جنب الكمبيوتر وحامل الزيت يحطه لي قدام الشاشة يجنني لو ماسوي له هذا شي اساس في حياته حتى مرات اقول له الحساب اخر الشهر :d يقول لي والله لو انتي تسوين مساج مكان المساج التايلندي مايفرطون فييييييييييييج ابدا محترفة عاد هو يصبغ علشان اسوي له :d شرفتي يالغلا الموضوع والله يسعدج انتي وزوجج يارب ولا يحرمكم من بعض اقتباس:
اشدعوه يالغلا ولا تحسي بالذنب ولا شي والوقت مافات حبيبتي اعتبريها تذكيير وتنبيه والحياة قدامكم عيشيها مع زوجج طول بعرض ويكفي انج تقومين بكل واجباتك اليومية وتهتمين فيه وفي اكله وصحته وثيابه وبيتج وطفله ماشاءا لله عليح انا متاكده انج كاملة مكملة والكمال لله الله يسخركم دوم الدوم لبعض ويسعدكم الاشياء هذي مجرد لمسات تضيفينها يعني تتركين بصمة لج في حياته وعلى بساطتها الا انها تزيد التراحم والمودة والحب وليس لانك ماتعمليها انك قصرتي ابد والله واعتبريها الان توجيه لطيف مننا لك وان شاء الله تستفيدي من تجاريب الاخوات شرفتني ياغالية باضافتج لا خل ولا عدم منج يا ام حمزة اسعدني تواجدج وصراحتج واوعدينا بالافضل ونتمنى لج احنا كل الخير والافضل الله يسعدج حبيبتي لا تحرمني من طلتج الغالية ^_^ اقتباس:
اوافقج الراي غاليتي ام وقاص فقيامك بواجبك اتجاه خير دليل على انه راضي عليج ومثل ماقلت لج مجرد لمسات تضيفينها مثل عاملين في شركة وحده الاثنين يكلفون بنفس العمل وينجزون العمل واحد منهم يسوي الي عليه ويمشي والثاني يسوي الي عليه ولكن يحاول يضيف مقترحات واراء وافكار جديدة تخدم الشركة وبتقييم نهاية الشهر يطلع الثاني تقييمه اكثر مع انهم اثنينهم انجزوا العمل بنفس الكفاءة ولكن واحد منهم نشيط ويحب عمله ويضفي على شغله لمساته الخاصة فترك اثر ايجابي لمدرائه في العمل بالضبط نفس الشي في الحياة الزوجية اللمسات هذي تضفي جو من الحب والليونة بين الاثنين والقرب اسعدكم الله ياخواتي الغاليات اقتباس:
الاروع تواجدج يالغلا في الموضوع واضافتج الاكثر من رائعة ماشاء الله لا اله الله اللهم صل على سيدنا محمد وال سيدنا محمد عادات جملية جدا جدا جدا ماشاء الله عليكم عيني علىيكم باردة قمة في الرومنسية لا يحرمكم ويزيدكم من واسع فضله الله يسخر قلوبكم دوم الدوم لبعض ملاكين الابداعين في الحياة الزوجية انتي وزوجج ^_^ شرفتي ياغالية الموضوع واستفدنا وايد من اضافتج الغالية يابعدهم لا تحرميني هالطلة الغالية على قلبي حبيبتي لمني بشوق^_^ اقتباس:
اهلين احتي الغالية ام اغلى البشر له له لا تقولي جذيه المسالة مسألة تعود ووقت ويكفي انج تقومين بواجباتج على اكمل وجه معاه ماعليه خليج الاحسن وتواصلي وتقربي منه اكثر بعض عادات الرجل الشرقي صعبة المراس استمري فترة طويلة وبعدها اسكتي عنه يومين وبحس هو بنفسه بالفرق اتعمال معاه مثل الطفل الكبير وان شاؤ الله ربي يسعد قلوبكم مع بعض ويسخره لج ويحنن قلبه علج يااارب شرفتي ياوردة معانا وان شاء الله تستفيدي ومرة ثانية نبي بشارات :22: لا تحرمينا طلاتج حبيبتي ^_^ اقتباس:
ماشاء الله ماشاء الله الله الله شهالحركات الزينة الحلوة ياحلوة انتي وايد حلو واكيد تاثيرها راح يبان وقت وصوله الله يرده عليج سالم بكل الاوقات ولا يحرمج طلته عليكم تسلمين على الاضافة الاكثر من رائعه شرفتي ياغلاهم ولاهنتي لا تحرمينا احنا بعد من هالطلات الغالية ياغالية ^_^ |
اقتباس:
|
عندي اقتراح
اتمنى تضيفوا الموضوع لمفضلة عالم المتزوجين لأنه فعلا موضوع مفيد و مميز |
خيوط الحزن
نوران اهلين حبيباتي في الموضوع مرة ثانية اشكرك جزيل الشكر نوران على هذا الاطراء المميز تسلمي لي ياقمر على اقتراحك الحلو |
اقتباس:
|
اشكرك اختي دمعات الروح على ردك الجميل ،،، جزاك الله خير
واشكر الاخت خيوط الحزن على ردك ،، (الله يبعدك عنك الحزن ويجعلك سعيده دنيا واخره ويرزقك الزوج الصالح ) اتمنى للجميع السعاده ،،، |
موضوع قيم واكيد استفدت منه كتييييير
انا مو متزوجة بس ناوية ان شاء الله انى اطبق معظم تلك العادات علشان ما يستغنى عني ابدااا :) http://dl4.glitter-graphics.net/pub/...ygkpzfr3jr.gif |
انا زوجي متعود عليا اذا وافق في اي شي اطلبه منه على طول ارسل له رساله شكر ومحبه من القلب واذا ماارسلت يقول غريبه ماارسلتيلي شي
|
انا عودته ان اصحيه الصبح للدوام واسوي له كوب الشاي وانتظره لين يششرب ويخلص وودعه عند الباب الفجر مره كنا متزاعلين جهزت كل شي ودخلت انام جه من دوامه يقول اشفيج معصبه مع اني كنت عادي وصالحني خخخ كسر خاطري
* والشي اللي تعود عليه استقباله عند عودته من العمل وتجهيز اغراضه ومرة تاخر بالدوام وماسلمت عليه قال وين السلام اليوم ولا في كلمه الله يعطيك العافيه مع اني قلتها *وان اذا كنت بابات بيت هلي اترك رسايل ونوتات في كل مكان في الغرفه حتى عند اللمبات وطبعا قبلها عطري الله يسخر للجميع ازوجهم ان شاء الله ويهدي سركم وبالكم يارب |
الله يديم الحب والمودة والرضا بين كل زوجين ويبعد عنهم كل عين ومكروه
بالنسبة لي عودت زوجي انه مايطلع الصباح للدوام الا ببوسة وادعيله حتى لو كنت تعبانه ونايمه يبوسني قبل مايطلع لانه تعود واذا رجع من العمل كذلك عودته ايضا اني اذا سافرت لاهلي اضع له رساله على السرير دائما حافظ مكانها ويكون معها شي من اغراضي الشخصية واعطرها بالعطر اللي يحبه وكل مرة يتوقع وجود شي طبعا طوال مدة سفري يتعذب يوصلني للمطار ويرجع للبيت يدور الرسالة اعتاد انه ماينام الا ويدي بشعره العب بشعره الين ينام وطبعا العادة هذه اتعبته اذا كنت مسافرة يصير معه ارق نوم لكنها من صالحي بحيث انه بكل ويك اند يجي مايستغني تحيـاااااااااااتي............... |
مشكووووووووووورة حبيبتي دمعات الروح
على ردك الجميل وكلماتك الطيبة اسعدني ردك واستفدت من موضوعك المطروح ومن ردود الزوجات الحنونات في هالمنتدى في عاداتهم الحسنة لأني ناويه اجمع مجموووووووووووووعة كبيرة من العادات واسوي بروفات عليها لحد ماتصير عادةمع شريك حياتي& |
up
موضووووع رائع بالنسبة لي....يمكن العبارات الحلوة ومناداته باسم الدلع بدل اسمه الاصلي تعطير وتبخير ملابسه وتنسيقها في الدولاب بحركات وشرائط من فترة للثانية عشان يتفاجأ كل مرة يفتح الدولاب استقباله بعصير منعش اذا رجع من برا في ايام الحر عمل مساج كامل من وقت لآخر...تقريبا مرة كل ويكند عودته ايضا على احترامي في كل مكان..بعض الرجال برا البيت ينادي زوجته هيه!!! بدل مايناديها باسمها او ام فلان. ارجو ان تكون مشاركتي مفيدة لكم |
اقتباس:
اهلين عيون فتانة خيوتو ماراح تلاقين اجابة لانه الرجال بطبعهم يحتاجون الحنان وان تكون وحده جنبهم تخدمهم وتباريهم واعتبريه طفلج طفلج مهما عطيته ماتنتظرين منه مقابل الله يهديهم شرفتي غلاتي اقتباس:
العفو اخي الفارس هلا ومرحبا بك في الموضوع مرة ثانية شرفت اقتباس:
ياهلا ومرحبا بالوردة تشكرات ياقلبي على الاطراء الحلو :) الله يرزقج ان شاء الله ولا يحرمج الرجل الصالح الي يحطج بعيونه الثنتين اي عفيه غناتي نبي التطبيقات والبشارات الله يسخر لج ولد الحلال عاجلا غير اجلا و يزوج كل عازب وعازبة شرفتي ياعمري ولا تحرمينا طلاتج :22: اقتباس:
ماشاء الله ماشاء الله الحمدلله الله يديم الرضا والحب والمودة بينكم دوم الدوم يالغلا ههههههه خلاص على طول ارسلي له والمرات الجاية ارسلي رسالة شكر على نمط ثاني مثل ابيات شعر او خواطر علشان يطير فوق السحاب وكل مرة مايرد لج طلب الله يخليكم ويسخركم لبعض ياااااارب شرفتي عيوني ماي سوسو لاتحرمينا هالطلة العسل :22: اقتباس:
ماشاء الله ماشاء الله لا حول ولا قوة الا بالله يحميكم الله من العين شحلاتها عادات يتصبح بويهج كل يوم ههههه اي من تعودينه على شي ويفقده تصيري كانج ماسويتي ولا شي ماشاء الله حلوة رومانسياتج شرفتي غلاتي لا تحرمينا هالطلة الحلوة يالغلا :22: الله يخليكم لبعض ولا يحرمكم من بعض ياااااارب :) امييييييييين يارب الله يسمع لدعاج |
اقتباس:
العفوا حبابة يابعد جبددددددددي ياهموسة :) تستاهلي كل الخير ياعمري الحدلله اهم شي الفائدة المرجوة من الموضوع وماشاء الله عليهم زوجات المنتدى فيهم الخير والله الله يخليهم لازواجهم ولا يستغنون عنهم ابدا :22: الله يسخر لج ريلج ان شاء الله ويعل السعادة فالكم دوم الدوم اي انا بعد بديت اجمع من العادات الحلوة واشوف شنو يناسب ابو لشباب ههههههههه مساكين مسوينهم تحت التجارب الله يعينهم علينا شرفتي مرة ثانية ومرحبا بج بكل وقت يالغلا ^_^ اقتباس:
الروعة روعة تواجدج حبابة الله لا يخليني منكم يالحبايب ماشاء الله ماشاء الله شهالزين شهالحلاة وااااااايد حلوة حركاتج ببوق منها كم وحده :d الحمدلله الله يرضى عليج ويضى عنج زوجج دائما وابدا الله يخليكم لبعض اشكر لج اضافتج الجملية الي استفدنا منها شرفتي غلاتي الموضوع لاتحرميني هالطلة العسولة يالغلا ^_^ الله يحفظكم ان شاء الله جميعا ازواج وزوجات ويدوم بينكم الحب والمودة والرحمة حركات بسيطة بس تكسبين يالزوجة فيها اجر عظيم لبسمة زوجج الله يرضى عليكم يالزوجات جميعا :) |
موضووع راااااااااااااائع تقريبا ثالث اهم ثلاثه مواضيع استفيد منه من الموقع...
جزيتي خير... |
اقتباس:
مشكووورة حبيبتي على المرور الاروع الحمدلله استفتدي من الموضوع وحقق الفائدة شرفتي ياعمري وان شاء الله دايما تستفيدي من المواضيع المطروحة وشكرا على الاطراء ياغالية تسلم لي الطلة الحلوة ياغلاتي ماننحرم ^_^ |
موضوع رائع
ان شاء الله بعمل كل هالحركات لخطيبي لما نتزوج عشان ما يستغنى عني ابدا بس انتو دعولي بس ربنا يسهلها علينا و الله كثيييييييييير متضايقه من الظروف!!!! تسلمين حبيبتي |
اقتباس:
|
اقتباس:
الاروع طلتج على الموضوع ياوردة ^.^ ان شاء الله تعمليها الله يبلغج هاليوم ولا يحرمج القلب داعي لج يالغلا الله يجمعكم على خير ان شاء الله ويتمم لكم سهالة ان شاء الله ماعليه حبيبتي توكلي على الله ولابد تفرج الله كريم خيوتو الله يسلمج ويسلم غاليج حبابة شرفتيني حبيبتي لاتحرمينا هالطلة الحلوة موفقة باذن واحد احد |
اقتباس:
موفقين جميعا |
| الساعة الآن 11:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©