|
يقولي خذي ملابسك وماابغى اشوفك؟
السلام عليكم ورحمة الله وبركاته
صبـــــــاح الخير ابغى ادخل بالموضوع عالطول انا متزوجه من خمس سنوات والى الان ماانجبت اطفال.ومو هذي المشكله ؟؟!! المشكله انا وزوجي دائما في خصام ومشاكل وزعل بيننا ...وكنت دائما في البدايه اروح عند بيت اهلي ولما يمر علينا ثلاثه او اربعه ايام يرجع ويكلمني وخلاص ينتهى كل شئ ومره حصلت لنا مشكله وطلقني وجلست عند اهلي مايقارب شهر وفي هذي الفتره كان دائما يكلمني ويقولي انا متندم ماادري كيف نطقت فيها ومن هذ الكلام ..وبعدين رجعني وخلاص انتهت المشكله ........المهم ياجماعه كل ماتخاصمنا والا نزعل من بعض يقولي شيلي اغراضك وملابسك وروحي بيت اهلك انا مابغاكي !!:( شكلو الاخ اتعود؟؟ وعلى هذا الحال .. وانا نفسيتي مررررره تعبت من هذا الاسلوب هو عصبي شويه لا لا قصدي كثير:19: بس والله ماانكر هو يحبني ويموت عليا :o ....المهم حصلت مشكله عنده وكان مررررره زعلان وانا يومها كنت عند اهلي واتصلت عليه علشان ابغى اجي البيت مارد عليا واتصلت بعدها مارد ..المهم قلت اكيد مشغول وجلست شويه واتصلت ويعطيني مشغول كل شويه اتصل وهو يعطيني مشغول :( وانا عارفه انو هو في البيت بس مايبغى يرد عليا:18:المهم انا وراء وراء :16:وقلت اشوف اخير شئ المهم ولا 30 اتصال وانا اتصل اخر شئ رحت رسلت له رساله حبيبي وحشتني:o؟؟؟ تتوقعو ايش رد عليا برساله؟؟:confused: يقول تعالى خذي ملابسك واغراضك وانا مابغى اشوفك ولاتتصلي عليا ... انا خلاص انصدمت بالرساله هذي وجلست بس افكر وبس قلت لامي لهذ الموضوع وقالتلي ماترجعي له لازم تكلمي ابوك انا قلتلها لا مو لازم يعرف ابويه بالموضوع لاني عارفه ابويه واسلوبه... مايرضى عليا وبعدين يأخذ فكره عنه ..وانا ماابغى اوصل لهذه المرحله المهم جلست عند اهلي 10 ايام ..وقلت ماراح اتصل عليه ولاراح اكلمه وهو مو متعود على اسلوبي هذا ؟؟؟ وامس اتصل عليا وانا مارديت وماراح ارد عليه مابغى اهين كرامتي اكثر من كذا :22: واخيرا ابغى ارائكم في موضوعي كيف اتصرف وايش اسوي هل صح الوالده على صواب ..بس المشكله الوالد اسلوبه بالتفاهم وزي مانتو عارفين مايرضى عليا بس انا قلت اقول لاخويه لانو اسلوبه حلو بالكلام ويعرف يتفاهم معاه..المهم ماراح ارجع كدا لازم اقول لاحد علشان يعرف مقداري ويعمل لي الف حساب لاني طفشت من اسلوبه..:11: معليش على الاطاله استنى ارائكم لانو يهمني .. |
والله أختي ما أعرف شو أقولج بس زوجج شكله تعود يهينج و انتي ساكته و خليتيه يتحكم فيج من البدايه لو وقفتيه عند حده ما كان كل يوم و الثاني يغلط عليج استخيري ربج اختي و حكمي عقلج اذا انتي تبين تكملين حياتج معاه وضحيله وجهة نظرج فالي يسويه و ربي يهدي سركم و يسعدكم
|
أنا أشوف ان أمك عندها حق
|
للأسف عزيزتي انتي عودتيه على اي زعله او خلاف تروحين بيت اهلج ..وزوجج تعود على هالتصرف..
برأيي انج لازم اتردين على اتصاله..وتسمعينه يمكن تتفاهمون...انتي قلتي انه يحبج ما دام انج متأكده لازم تتفاهمون بهدوء وبدون تدخل اي احد...روحي معاه لأي مكان مطعم مثلا واجلسوا بهدوء وتفاهموا..وان شاء الله تتصلح الامور..والله يهديكم ويجمعكم على المحبة والمودة.. اختج ---- لمني بشوق |
السلام عليكم ...
عادة الانسان في حالة البعد ولهدوء يكون اكثر اتزانا .. ولكنه وقد سنحت له الفرصة وهذا رده عليك ... فلابد من تدخل الوالد ... وخليه يشوف اسلوب والدك الشديد ليعرف ان وراك رجال .. والله يقدم لك اللي فيه الخير والصالح .. |
اختي اطلالة الالوان...
انا مع الاخوات لقد عودت زوجك على خروجك من المنزل.. واذا تعود الرجل على ذلك في كل مشكلة او سوء تفاهم :روحي بيت اهلك. اؤيد اللجوء الى الوالد ليضع حد لذلك. والله يسهل امورك |
انا لا اؤيد اللجوء للوالد وخصوصا اذا كان شديد شوي
اعتقد انك اذا لجات لاخوك افضل وخصوصا انهم متقاربين في السن واخوك كما تقولين كلامه كويس لكن ابوك عمرو مابينسى له انه زعلك انتي بنته مهما كان بس انتي ايضا لازم تاخذي موقف وتعرفيه اني مش تحت امرك طنشيه فترة الى ان يتعلم ان الحياة الزوجية مش لعبة |
انا اشوف انه احد يكلمه بالبداية عن هالأسلوب وهل يرضاه لأخته ان يفعل بها زوجها ما يفعله معك
بعضهم لما يفكر في اهله ما يرضى يسوي ببنات الناس شئ والرجال عاادة لما يكون زعلان من شئ او متضايق يتحاشى التواجد مع اهله او زوجته لانه يكون متضايق انا لما اتزاعل مع زوجتي اطلع واريح شوي ساعه وارجع للبيت اكون هديت وهي هدت ونتفاهم بهدوء واذا مانفع التذكير انه عنده خوات وانه ما يرضاها لاخواته مالك الا الوالد يتفاهم معاه ويشد عليه حبتين بس لا يشد بقوة وتقلب النتيجه عكسية خليه يشد عليه مثل ما يشد على احد ابنائة والله يوفقكم ان شاء الله |
اختي ايش اللي وصل زوجك الي هذه الحاله ؟؟ اللي وصل زوجك لهذه الحاله هو ان ما لقى احد يوقفه عند حده .. ايش فرعنك يا فرعون .. قال ما لقيت احد يردني .. خلي ابوكي يوقف له عشان يعرف بنت مين انتي و يعمل لك الف حساب قبل ما يقول لك شيلي اغراضك وروحي بيت اهلك .. خلي زوجك يعرف انه وراك رجال .. وان بنت الناس مو لعبه عنده .. قوي قلبك اختي و قولي لابوك يشوف شغله مع زوجك عشان يحترمك مره ثانيه .. وربي يسعدك .. |
أنا رأيي تخلي أخوكِ يوصلك بيتك
و ادخلي سلمي عليه و بوسة على خده و بعدين جهزي العشا و ناديه إذا لم يأتي قومي روحي نامي و خلي الأكل على حاله على الطاولة و قوليله طالما مش حتاكل مش حاكل أنا كمان ممكن يخلي البيت و يطلع , طنشي و ادخلي نامي و كل ما يصد عنك خليكِ أحسن منه و أثبتيله إنك فيكِ الخير فالأخر حينحرج من كرم أخلاقك و إياكِ تطولي القعدة لأن الراجل في عدم وجود إمرأة يفكر في الزواج و لا يحتمل الحياة بدون زوجة ربنا يوفقك |
سلاماً من الله عليكم غاليتي لربما أخذ زوجكِ انطباعٌ عنكِ وهو عندما تتخاصمان تأخذين حاجياتك وتنتقلين بها إلي بيت أهلكِ، فلربما كان في هذا اليوم متضايق وأنت اتصلتي به بكثرة استفزازية أو في وقت غير ملائم دون اعطائه الوقت لهدوء الأعصاب ، فقال لكِ ما قال... غاليتي أمهليه فترة يوم صبحي بمسج ، مسي بمسج ، قبل النوم اتصلي اتصال إذا لم يرد ارسلي مسج توحين به اشتياقكِ له ولا تستطيعين النوم بدونه... عزيزيتي ، عندما ذكرت موضوع الانجاب فذلك يعني بأنه لأمر مهم بينكما فلم لا تتعالجان قبل فوات الأوان ، وإذا كنتِ تحبينه فعلاً حاولي أن تحتفظي بهِ بكل الطرق ،فقد يأخذ أمر الانجاب حجة لهذه المشاكل بينكما ومن ثم الافتراق لا سمح الله... ربي يوفقكِ وينولكِ مناك والله ولي التوفيق تحياتي لكِ ضيآء القرآن |
الله يعينك يا رب
|
لو كلمك تانى فى التليفون ردى عليه واسأليه ليه عمل كده واتفاهموا واتصافوا فى التليفون قبل ما تروحى له وخليه يعدى عليكى فى بيت الوالد حفظه الله ويأخذك ولا تخلى أمك تبين له انها عرفت اى حاجه وعيشى حياتك وبلاش مشاكل حتى لو هو وحش خليكى انتى الكويسه وقولى يارب انا بأعمل كده علشان رضاك وطالما انك بترضى ربك يبقى اكيد ربنا هيرضيكى عارف هيرضيكى بأيه؟؟؟؟؟؟؟؟؟ظ هتحملى وفى اقرب وقت باذن الله.
تحياتى وتمنياتى بالسعادة والرضى |
اقتباس:
|
انه من رايي انك ما تدخلي اهلك في الموضوع يمكن المشكله تكبر اكثر من ماهي كبيره واذا اتصل ردي عليه يمكن يبي يصالحك واذا صالحك قولي له انك بتردي معاه بس بشرط ان يغير اسلوبه معاك وهم انتي تغيرين اسلوبك معاه الى الاحسن وتفتحو صفحه جديده ومو كل مشكله حلها (لمي اغراضك وروحي بيت اهلك)
|
اختي بدايه الله يهديكم..و يسخركم لبعض..
لكن اولا انت عودتيه عند حدوث اي مشكله بينكم ..ان تذهبي الى بيت اهلك.. نصحيه..لا تجعليها عادة..حتى لا يعتاد على عدم وجودك..و من ثم يبحث عن الاخرى.. مهما حدث بينكم من مشاكل الزمي بيتك.. لانها حتى لو كانت المشكلة كبيرة ..اذا جلست في بيتك ستنحل باذن الله.. حاولي انك تحليها بنفسك.. اذا استصعب عليك الامر..خلي اخوك او ابوك يحلها..و يكلمه.. لكن اخاف يأخذها عادة و ..او ما تصير لاباك هيبه عنده..خصوصا اذا تكرر الوضع.. لان اهم شئ بالزواج الاحترام..و اذا انعدم الاحترام تداعي سقف الحياة الزوجية.. و الله يهديكم.. |
السلام عليكم ورحمة الله وبركاته
اسئل الله ان يهدء سركم ويفرج كربكم ويصلح احوالكم واحوال جميع المسلمين اخيتي ... بارك الله فيك انا مررت بنفس التجربه لكن لم اذهب لاهلي لاني في مدينه غير مدينتهم وكان كل ما تخاصمنا قلتله وديني ع اهلي وهو يقول جهزي نفسك وصارت عاده ع لسانه وكل مره اعمل نفسي مطنشه واخر مره جهزت نفسي ( كان عندي نونو وتركته ورحت )لكن تدخل اهله وانحل الخلاف اشعر باحساسك لكن ليس الامر بالشي السهل وبعد مده اشتكيت للوالده وهي تكلمت معاه لانها تمون عليه...... وبعدها ماعاد يعيدها فحاولي انك توصليها بطريقه ماتزعل ( يعني انتي فيكي تقولي لابوكي انا ابغاك تتكلم مع زوجي بخصوص هذا الموضوع ابغاه يحس بأنو انا عندي ارجال ) وبدون ما تقولي انك زعلانه وبعدين انا معاك خلي اخوك اول يكلمه.... ولا اتصل عليك ثاني لا تردين ارجعي رديله المسج الي ارسله ولو دق بعدها كلميه ولو ما دق اصبري ساعه ورني عليه انتي وكلميه وبعدها اتفاهمي معاه وقوليله انه الوضع صار غير محتمل ولازم يكلم اخوكي لان جلستك طالت عندهم وهم يبغوا يعرفوا السبب وثاني شي مهما صار بينك وبين زوجك لا تتركين بيتك هو يبغا يطلع يطلع هذا بيتك انتي ومتا ما حب حياه الله ولا تروحين عند اهلك الا في اوقات معينه يعني مو كل ما قلك روحي رحتي حتا لو انتو راضين انتبهي اختي وطمنينا عليكي يالغاليه |
واضح انه يحبك في قرارة نفسه ومرتاح معك وانتي تحبينه
لكنه دلوع وعصبي ومزاجه متقلب ومتسرع ولا يدرس الامور كويس وايضا انتي عودتيه على الطلعه لاهلك .. انا اعرف وحده من صديقاتي نفس مشكلتك تحبه ويحبها موت وهو دايم يعصب عليها ويقول لها اطلعي بس ماتطلع لدرجة انه اذا وداها لاهلها ولا جابها تجي هي بنفسها للبيت لانها تعرف انه يحبها بس عصبي وهمجي ... افرضي نفسك عليه غصب ومادامه دلوع دلعيه ولا تجفينه وماعليك من الي يقول لك واجهيه ووقفيه عند حده بالعكس هذا متسرع ممكن ينهيها في لحظه .. لكن مثل ماقلت لك لا تعودينه على البعد راح تاكله الافكار ويحس بجفا ويطلع فيه عفريت ... انا اقول لك الكلام هذا لانك تحبيه وهو يحبك .. لكن لو انكم مش متفاهمين كان الكلام اختلف |
اقتباس:
وهو من ناحية اتعود صحيح كلامك اتعود مره وماحد يهمه |
اقتباس:
|
اقتباس:
بس من ناحية اني ارد على اتصاله ماودي ارد الين احد يكلمه حتى لو امي وفكرتك حلوه ان شاء الله لما ارجع اتفاهم معاه في اي مكان |
اقتباس:
|
اقتباس:
انا صح من البدايه كنت غلطانه لان اي مشكله حتى لو كانت صغيره اقوله وديني عند اهلي والان اتندمت كثير بس الله يعين |
اقتباس:
وانا ايضا اقول اخويه احسن اني اقوله ومن ناحيه مطنشه فأنا مررررره مطنشه بس المشكله هو كل شويه يتصل عليا انا ودي اخليه فتره بعدين اكلمه وعلى قولك الحياة الزوجيه ماهي لعبه |
اقتباس:
على قولك انا خايفه انه يشد عليه كثير وتنقلب فوق رأسي |
اقتباس:
وعلى قولك الي وصلو انه مالقلى احد يرد ...متى ماحب يرجعني رجعني ومتى ماحب يخليني خلاني وانا ساكته مااقول لاحد علشان كدا انا مو عاجني هذا الوضع |
اقتباس:
بس حكايه اني اروح البيت صعبه لانو هو الغلطان واني اطول القعده صح صادقه انا ماودي اخليه لوحده بس الله يعين |
انتى اللى عودتية على ترك البيت من البداية ربنا يهديلك حالك
|
اقتباس:
انا حاسه ايضا انو هو اتعود اي مشكله حتى لو كانت صغيره اروح بيت اهلي .....ومن ناحية انه كان متضايق هو فعلا كان متضايق !! بس برضو ماتوصل لدرجه انه يقولي خذي ملابسك وماابغى اشوفك؟؟ وموضوع الانجاب فعلا انا اتعالج بس سبحان الله ربي لسع مااراد وهو ان يأخذ الانجاب حجه مااعتقد لانو عادي ماهمه الخلفه |
اقتباس:
|
اقتباس:
بس الله يعين واشكرك اختي على دعوتك بالحمل يارب يمكن سبحان الله تخف المشاكل |
اقتباس:
|
اقتباس:
ومشكوررره على رأيك |
اقتباس:
مشكوررررررره حبيبتي على رأيك وفعلا ردك اسعدني ومن ناحية اني ارد برسالته هذي بصراحه فكره حلوه علشان يحس شويه ويحرق في نفسه وجزاك الله الف خير |
اقتباس:
ومشكورررررررررره على رأيك |
خلي الزعل المره هذي اقوى من أول خليه يحس بمرارة الي سواه عشان ما يكررها
اخوك تعبت اعطي |
اقتباس:
وفعلا هذي المره بزياده وهو مستغرب مني |
على فكرة قبل ما اقول شىء انتى اللى غلطانة فى الاول لأنك عودتيه على كده وغير كده كنتى ساكتة وما بتردي وهو اتعود كمان انك اي زعل بينكم تروحى بيت اهلك ويتصل بيكى اي وقت يبغاه وترجعيله على طول علشان كده لازم يكون فيه وقفة علشان ما يهينك تانى ولا يطردك من بيتك
كلام امك عين العقل لازم والدك يتدخل علشان يعمل لك ألف حساب بعد كده الله يوفقك |
شكل زوجك لسا مراهق....؟؟؟؟؟
الله يوفقك ويسعدك ويهدينا واياكي وزوجك |
السلام عليكم جميعا
كيفكم جميعاان شاء الله بخير حبيت اطمنكم عليا انا الحمدلله رجعت لزوجي وبيتي وماانكر اني اخذت بعض من ارئكم والفضل من الله عز وجل ثم يعود لكم ولكم جـــــــــزيل الشكر محبتكم: اطلالة الالوان |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©