أخبركم بما حدث معي أخيرا ...أدعولي
 

/[السلام عليكم ورحمة الله وبركاته

أخواني وأخواتي الأعزاء
مادري ليش كل مايصير معاي أي شي يديد أشوف نفسي على طول أبي أكتب بالمنتدى أحس أرتاح وايد لأني دايما ألقى اللي يواسيني ويشجعني ويعطيني الحلول وجزاكم الله خير

حبيت أفضفض لكم وأقولكم اللي صار معاي والقرار الصعب اللي إتخذته وأتمنى كل من يقرأ موضوعي يدعيلي ويعطيني دافع للتفاؤل

خلاص تم كل شي قبل أمس ورحت المحكمه وسلمت طليقي ولدي وآنه حطيتلي محاميه عشان ماأدخل الجلسه ولا أشوفه بس صارت شغله بالغلط وسبحان الله كأن الله أراد إني أدخل الجلسه عشان يسألوني وأجاوب عليه بالجلسه سأل طليقي إن لو راح وعالج الولد ورجعه حقي عادي ورد سألني القاضي عن رايي رديت وقلتله إن أهو مورافع علي قضيه ضم حضانه يعني معناته مافيها مؤقته ولا غير مؤقته قلتله آنه على أساس اللي مكتوب بالدعوىوبعدها قاله القاضي خلاص إهي بتعطيك إياه على طول ماتبيه وبعد ماإنتهت الجلسه خلاص سلمته المحاميه الولد آنه في هذيك اللحظه سبحان الله مادري شلون تكلمت وقلت جذي أحس سبحان الله الله يسر أموري إن يصير كل هذا والله محد يتصور إشكثر ضغطت على نفسي عشان أقول جذي بس لأن خلاص تعبت من المشاكل معاه قام يأذيني وايد وايد أهو من الأول يبي يعالجه يمكن يبي يسفره بره وقاعد يوديه إهنيه جلسات علاج طبيعي وبنفس الوقت كاتب عني في القضيه إني غير أمينه على الولد وقايل مره حق خالتي إن اللي قاعدين يسوونه لا أهو منه ولا فضل وآنه قاعد أسوي حق الولد أشياء اكثر منهم الله ينتقم منه ليش جذي والله الدنيا غريبه آنه للحين ماني مصدقه إنه فيه بشر جذي حسبي الله ونعم الوكيل آنه عشان كل هالأمور ضغطت على نفسي وقلت يمكن أحاول أتحمل وأشغل نفسي بس عشان يعرف مادام خذا حضانته شنو الدور اللي كنت أقوم فيه حق ولدي لما كان عندي أبيه يشوف بعينه كل اللي كان يحتاجه الولد بالبيت وكنت أسويه خاصة إن الولد معاق والله العالم بس شلون لازم الرعايه تكون معاه بالبيت أهو مفكر إن لما يوديه علاج طبيعي ويدور فيه حق مستشفيات الديره حق أي شي ثاني غير العلاج الطبيعي إن هذا أهو التعب بس والدور العظيم اللي يقوم فيه وإن آنه اللي أسويه بالبيت ولا شي .

آنه بس أبيه يجرب ويشوف أهو وأهله شاللي راح يصير فيهم وذيك الساعه راح يقولون إيه والله إهي وايد تتعب
لا وتصدقون عقب اشقال لما خذاه وطلع من المحكمه تخيلو دق على وحده من خالاتي وقال لها شفتي الظلام اللي مايخافون ربهم الله ينتقم منهم إحذفوا علي الولد بالمره
بالله ماتقولون لي هالظالم شسوي فيه عقب مارفع علي قضيه ودخلني المحاكم وقايل بالقضيه إنه يبي الولد بحضانته ويبي يعالجه وعقب ماعطيته إياه قال عنا جذي إنتو شايفين هالإنسان طبيعي والله بستخف منه صبر جميل والله المستعان

وآنه بس بغيت من كتابتي هالموضوع إني أعرف هل اللي سويته صح وآنه صليت إستخاره قبل لا أسوي هالخطوه وبغيت أذكر شغله يمكن ماكانت واضحه في موضوعي اللي فات إن أهو من النوع اللي يعرف حق الولد مثلي بالضبط وحيل مهتم يبي يعالجه بأي طريقه بداخل وخارج الديره ويمكن هذا شوي أهون علي من لما يكون مايعرف له أو يحطه عند خدم أو مو مهتم حق علاجه

وأخيرا حبيت أعرف موقفي صح على الرغم من إني بموت لما خذوه مني وقلبي كل يوم يتقطع وكل ماأشوف أغراضه وهدومه بموت من القهر وكل ماأطلع أحس شي ضايع مني وأحس كل مكان بالبيت فاقده وفقدت حتى صراخه بالليل مع إن ألحين صارلي بس 3 أيام مو شايفته مع إن قال بالمحكمه أي وقت تبي تشوفه بس عقب مادق وقال اللي قاله عنا قلت خل أنطر جم يوم أتحمل وعقب أقول باخذه عشان أشوفه وإذا عاند بقول حق المحاميه تقول له

والله يخليكم أدعولي الله يشفيه ويعافيه وهو القادر أنه يبدل حاله من حال إلى حال و يرده لي ردا جميلا وإنه مايقدر يتحمله وايد ويرجعه حقي عاجلا غير آجل ويارب ترده لي كما رددت موسى إلي حضن أمه وأدعولي الله يربط على قلبي وأتحمل بعده على العلم إني أول مره أفارقه بحياتي والله إشتقت له وايد حسبي الله ونعم الوكيل

والسلام عليكم ورحمة الله وبركاته
أختكم أم عمر

ومن حقك الزواج وانجاب الاطفال
عيشى حياتك
وفهمت من كلامك السابق انه حنون عليه وبيراعيه
والناس كلامها كثير ومتوقع يقول ممثاختى عارفه بيظل ابنك لكن فوى قلبك ولك حق الرؤيه رغما عن طليقك
لانه ان هو عندك بتظلى بمشاكل ل هذا الكلام
خاصه ان الطفل محتاج رعايه خاصه ويحتاج والده للعلاج

ام عمر بالنسبه لطليقك الله يمهل ولايهمل وبالنسبه لابنك الله يشافيه إن شاءالله ..

الله يفرج همك و ييسر دربك و يعافي ابنك ويقر عينك بصلاحه..

الله يشفيكلك ابنك عاجلا يا رب
قصتك مؤلمه لكن يجب عليكي ان تكوني قويه في هذه المواقف وربنا قادر على كل شي فطلبي منه ان يرده ردا جميلا يارب
وفقك الله حبيبتي
في رعايه الله

الله يشفيه ويعافيه

ويرده لك كما رد موسى إلي حضن أمه والله يربط على قلبك وتتحملين بعده

ويسعدك ويهنيك دنيا وآخره

كان الله بعونك ....

وحسبي الله على الظالم ...

أنا مدري شلون أشباه الرجال يفكرون !!

هذا يبي ينتقم منك بضناه والا أيش ؟؟

الطفل وهو يصغير محتاج أمه ... فما بالك ان كان من ذوي الأحتياجات الخاصه !!

الله بمهل لكن مايهمل ..

بإذن اللي ماتنام عينه راح يرجع لك ولدك ...

بس اصبري ... والله يعين قلبك ويربط عليه ...

الله يعجل برجعة ضناك لحضنك ويرده لك قريبا ً انه سميع مجيب ..

كفاك الله ما أهمك ويسر لك الخير حيث كان

عزيزتي ام عمر ان الله مع الصابرين صدقيني ربنا بيرد لك ولدك
ذكرتيني بامي كان ابويا يحرمنا نشوفها ودارت السنين وعشنا عندها وكتب لنا القاضي نعيش عندها
ماتدري الدنيا اش يصير فيها
الله ينصرك نصر عزيز مقتدر ويوفقك ويشفي ولدك
وصدقيني ماندم من استخار وبكرة بيعرف قيمتك

السلام عليكم ..


انتي كذا صح ... زين ما سويتي



زبالنسبة لشوفة الولد .. حاولي مرة ومرتين بس .... لأنه بعدين بيضغط عليك بشوفته ..فطنشي كأنه موب هامك الموضوع ..



والله يصبرك يارب .. ويربط على قلبك ويثبتك ويقويك .... ويرد لك ولدك طيب معافى وصحة وعافية من غير حول منك ولا قوة ..


آمين يا رب العالمين ...إنه ولي ذلك والقادر عليه

الله يرد لك ابنك ويشفيه قادرا على كل شيئ
الزمي الاستغفار اختي وأسالي الله الفرج

الأخت mona777 الكريمه

أهو من ناحية الرعايه والعلاج فآنه مطمنه وفعلا لما يكون عندي كل يوم يدق ويسوي مشكله
وجزاك الله خير وأسعدني مرورك كثيرا

أختي-أخي ركاد

جزاك الله خير وأسعدني مرورك كثيرا

اسفه أم عمر أنا والده طفل من ذي الأحتياجات الخاصه شبه منفصله عن زوجي لم أفكر مجرد تفكير ولن أفعل مافعلتي وأسلم ابني لوالده مهما كان الثمن..
لقد اقترفتي أكبر غلطه بعمرك.. قد أكون من النساء الجبارات لكن ليس على حساب ابني..أنا ضد مافعلتي وان غضبتي مني لكن تبقى الأم أحرص وأشد حنانا وأكثر اهتماما ورعايه على الطفل من الأب..
تسرعتي وفقدت صبرك وتحملك وحلمك.. اسفه ولكنها الحقيقه التي يجب ان تقرأيها..
عذرا لأني لم أجاملك فأنا ناشطه لحقوق الطفل وتعلمت انه لامكان للمجاملات والتنازلات في الحق المشروع لي ولكل النساء والأطفال في الحياه لأن التنازل ماهو الا بدايه السلم في السقوط نحو الهاويه..
دمتي في رعايه الله

الأخت الكريمه المصريه
فعلا أختي كل اللي صار لي خيره من رب العالمين
ولكن بالنسبه أنه يحن قلبه مستحيل لأنه الله ينتقم منه كل مره أسمع متكلم علي كلام عند أحد وإذا على الرجعه هذاك أول كنت أبي يرجعني ألحين لو شيصير عندي أموت ولا أجع له لأني عرفت معدنه للأسف على كل اللي سويته معاه طلعني ولا شي
وجزاك الله خير أختي وأسعدني مرورك كثيرا

الأخت الكريمه cutie pie

جزاك الله خير أختي وأسعدني مرورك كثيرا

الأخت الكريمه فوفو
جزاك الله خير
وفعلا آنه قاعده أحاول أكون قويه لأني قاعده أقول إن رب العالمين معاي وبينصرني إنشاء الله على كل ظالم
وأسعدني مرورك كثيرا

الأخت الكريمه وأنا أموت فيه
جزاك الله خير وأسعدني مرورك كثيرا

والله وجعتى قلبى الله يسهلها لك ومدام مع ابيه لا تخافى عليه

الأخت الكريمه أم الطاحوس
جزاك الله خير على دعواتك الطيبه وفعلا أهو يبي ينتقم مني ومن أمي بس مو عارف شلون والله إنه مو طبيعي
وآمين يارب يرده لي آمين وأسعدني مرورك كثيرا

الأخت الكريمه منتظره الفرج
جزاك الله خير وأسعدني مرورك كثيرا

أختي الكريمه sara1111
جزاك الله خير أختي على دعواتك الطيبه وفعلا هالدنيا الواحد مايدري شيصير فيها بين يوم وليله
وأسعدني مرورك كثيرا

الأخت الكريمه رسيل
فعلا يا أختي ذكرت كلامج لي المره اللي فاتت وتم في بالي أذكر يوم قلتيلي إنه أهو متأكد إنج ماراح تتنازلين عن الولد فإنتي احرقي له هذي الورقه وفاجئيه بأنك تخلين له الولد وشوفي شراح يصير وقلتيلي إنه راح يتفاجأ بس مفاجأه مو حلوه فعلا ماتصدقين الله ربط على قلبي وضغطت على نفسي فوق ماتتصورين ولما قال بالجلسه بعالجه ورجعه سألني القاضي قلتله بمعنى كلامي إنه أهو يبيه على طول خلاص عقبها ماتعرفين إشصار فيه ركض ورا المحاميه عشان بس يتكلم معاها وبعدين بس طلع من المحكمه دق على وحده من خالاتي وقال لها شفتي الظلام اللي مايخافون ربهم إحذفوه علي بالمره الله ينتقم منهم إهنيه على طول ذكرت اللي قلتيه
وأخيرا أختي جزاك الله خير وعلى دعواتك الطيبه ونصايحج وأسعدني مرورك كثيرا

أختي الكريمه طاغية الملامح
جزاك الله خير وأسعدني مرورك كثيرا

الله يفرج همك يالغاليه


الله يرد اولادنا الينا ردا جميلا ويجعلهم من خيره عباده الصالحين

الله يصبرقلوبنا

وحسبنا الله على كل( اب وجد وجده )ظالمين

حسبنا الله ونعم الوكيل

الأخت saapna81 الكريمه

صدقيني ياأختي عمري مافكرت مجرد تفكير من إنفصالي إني أعطيه ولدي أصلا ماعمرها الفكره إخطرت في بالي كان عندي إني أموت أهون علي من إنه ياخذونه مني وصحيح إنه مثل ماذكرتي إن الأم تبقى مهما حصل أشد إهتمام وحنان ورعايه للطفل من الأب لكن بالنسبه لوضعي ممكن يختلف آنه من كنت مع طليقي وأهو إهتمامه فيه زايدمن عرف إنه من الولاده مريض وحاله خاصه على طول رحنا فيه للخارج للعلاج ومعرفة المرض وبعدها يروح فيه من مستشفى إلى مستشفى بالديره ويبحث عن كل شي بالإنترنت غير إنه يراسل الدكاتره بالخارج اللي عارفين حالته عشان لو فيه علاج طبيعي بالخارج له يبي يوديه لأنه أهو شايف إنه الولد الوحيد له مايبي يخسره وقاعد يسوي كل هالمشاكل عشان هالشي لأنه شايف نفسه صعب زواجه لأنه يمكن ماييب أطفال طبيعيين عشان جذي حتى المشاكل اللي سواها لي ودخلني المحكمه كله عشان يبيني أعطيه إياه يبي يسفره بره للعلاج آنه كل اللي أقصده من هالكلام إنه اللي شوي مطمني إنه يعرف له وحريص عليه وعلى علاجه يبيه يتحسن بسرعه ويعرف بحالته أكثر مني

والنقطه الثانيه إنه آنه البني آدم اللي عندي أول مره أشوف نفسه بالعالم على تصرفاته الجنونيه اللي قاعد يسويها لنا كل شهر والثاني والله إني أحس من مشاكله والكلام اللي يطلعه علي وعلى أهلي بموت أوبيصير فيني شي وبنحذف بالمستشفى والله اللي عندي إنسان غير طبيعي بتصرفاته حسبي الله ونعم الوكيل يمكن إختي إنتي وضعج غير عني مو لدرجة يخليج تتخلين عن الولد وصدقيني الموقف اللي سويته يعز علي وصدقيني ماني مرتاحه وايد ألحين بس صارلي 4 أيام مو شايفته كل يوم أحس قاعده أتقطع مليون مره أحس صارلي مده مو شايفته بس خلاص وصلت مع هالإنسان لي مرحله بستخف أو بين أهو كل هالمشاكل مسويها عشان هالموضوع قلت خل أعطيه إياه يمكن يفج عني شوي وشوفي لحد آخر يوم وسلمته إياه بناء على طلبه رايح قايل إن آنه ماأبيه بس ماأقول إلا حسبي الله ونعم الوكيل
وسامحيني إختي على الإطاله وجزاك الله خير

أختي الكريمه أم السوسه

والله يفرج همج يارب وآمين الله يسمع منج ويرد أولادنا إلينا ردا جميلا
وفعلا حسبي الله ونعم الوكيل على كل ظالم
والله كنت أنتظر مشاركتج وقراءتك لموضوعي جزاك الله خير وأسعدني مرورك

أختي الكريمه sa33

جزاك الله خير وأسعدني مرورك كثيرا