|
خائفة من تصرفات الخادمة
السلام عليكم ورحمة الله وبركاته
ياجماعة انا جداً خاااااايفة من خادمتي اش اسوي ؟؟؟؟ اذكر لكم القصة من اولها ::: اهلي استقدمولي خادمة بعد ولادتي عشان تجلس مع بنتي وقت دراستي وايام الاجازات اجيبها عند اهلي عشان آخذ راحتي بالبيت مع زوجي ... وانا جالسة هالاسبوع عند اهلي بعد ماغلقت اختباراتي وتدرون البيت مافي احد مع بداية اختبارات المدارس وصحيت بدري واطالع من الشباك القى الخادمة خارجة الشارع ولمن شافتني صارت تجري:18: انفجعت احسبها بتشرد وبعدين راحت البقالة ثواني وخرجت منها ورجعت البيت وهي تجري:18: هذا كله وانا مفجوعة مررررررررررة !!! ولمن دخلت نزلت عبايتها {الشغالات عندنا لازم نلبسهم عباية } برة وجات مربوشة تقولي كنت بالسطوح وقامت تلخبط بالكلام وسألتها ليش روحتي البقالة ؟؟ تقول انها تبغى مسكن للألم {ادوية } وقلتلها انو موجود بالبيت ادوية :18:!!!! قامت قالت انها كانت تبغى دواء ثاني للمعدة !!! وبعدين قالت انها تبغى تسافر ماهي عارفة اش تقول!! قلت لها :: اذا بتسافري قولي وبابا يسفرك مو تروحي البقالة عشان تسافري ؟؟ المهم تصرفاته جداًً مريبة بصراحة كرهتها وماصرت استأمنها على بنتي الصغيرة :15:!! اش تسوي كل يوم اجل لارحنا الدوام انا وزوجي؟؟؟؟؟ والله ياجماعة الموضوع مرة موترني ودقيت على زوجي اقوله {هو مرة مو مرتاح لها } قام يسب فيها لانوا دايم يقولي احس هذه الشغالة ماهي مضبوطة وانها دايم لارجعنا من الدوام تكون مربووووشة!!!! احس اني ماني طايقتها بس حاولت اتصرف معاها بطبيعتي لاني {خايفة }بس لين يجوا اهلي من الدوام !! اش رايكم بالله فيها ؟؟؟:30: |
والله يااختي الافضل انك تسفريها لانها باين عليها انها عندها شي والله واعلم بس اتني الحين راقبها من بعيد لبعيد واذا شفتي منها شي سفرها افضل لكم ولها واستخيري بنيه انك تسفريها والله يستر عليكم ان شاء الله
|
اختي ذا انت مو مرتاحة لها سفريها..و مادام عندها جرأة انها تستغفلك و تطلع..فانتبهي..
|
اذا كنت مو واثقه من الخادمه خلي بنتك في حضانه أأمن لها و انت تكوني متطمنه عليها .. |
عزيزتي من الأفضل إنك تسفريها ما دام مو مرتاحة منها
وبما إنها كذبت عليكِ بشأن ذهابها للبقالة فممكن تكذب عليكِ في المرات الجاية |
السلام عليكم ...
لو مكانك كنت سفرتها على طووول .... واستفراد بالعيال خلاص ....لا ... وانتي طالعة اقفلي الباب لحد ما يجي وقت سفرها ... قبل ما تجيبلكم مصيبة .. الله يحفظكم ويكفيكم شرها ,,, |
ا نتبهي لا تستفرد بأبنتك وخاصة انها فيها ريبة الاطفال امانة وراقيبها مرة في تصرفاتها واذا رأيت ما يريبك سفريها واشتري راحتك النفسية
|
من اليوم وطالع لاتخليها مع بنتك ابدا حتى لوانتي موجوده خللي بنتك تحت نظرك ...ياعزيزتي هذي مرة جريئه وتخوف والخوف اكثر لوكانت من راعيات السحور ... لازم تحسنين معاملتك معها لين تسفرينها وانتبهي وفتحي عيونك ...
للمعلوميه انا ضد ترك الاطفال مع الخادمه نهائيا لان ماتعرفين وش تسوي وانتي موموجوده عندهم ياما في خادمات سحاقيات او جنسيات بزياده او قلوب قاسيه يخلون الطفل ومايدرون عنه ... ونصيحتي لو جبتي مرة ثانيه خدامه وديها هي والطفله عند امك لاتخلينهم لحالهم .. |
سفريها
و لحد ما تلاقو غيرها ركبي كاميرا مراقبة خاصة بالخدم , كل معارفي مركبينها تصدقي مرة مدرس الفيزيا الخاص بي حط كاميرا و شاف الخدامة تعذب ابنه بالحليب الساخن و مسكين ابنه وصل عشر سنوات و كثير من الحروف لا يستطيع نطقها الأطفال أمانة انتبهوا عليها |
وين هالكاميرا تنباع ...
|
حتى انا ما ارتاح للخادمه من كثر مااسمع
عن بلاويهم _ وناويه احط كاميرا عشان ولدي_ الكاميرات تلقينها في محلات الاجهزه الالكترونيه وباحجام صغيره جدا وتسجل لمده طويله الله يحفظنا من مشاكل الخدم ويرد كيدهم في نحرهم_ _ آمين |
اخواتي تسلمون على ردودكم
لكن المشلكة ان زوجي كرهها بمعنى الكلمة ويقول مانبيها مررررررررررررررة .. وانا باقي لي سنتين على التخرج والله مدري ..... شيء يفجع أحس الخادمات كلهم كذا ... |
والزوجة راعية في بيت زوجها ومسئولة عن رعيتها
|
إذا كنتوا خايفين حدكم من الخادمات و من بلاويهم فترك الدراسة أفضل وسيلة للحفاظ على فلذات أكبادنا لأنه لو حصل شيء فالأهل ما يسامحون نفسهم طول عمرهم ..
|
الشغالات كلهن على هذا المنوال
|
مشكورين على تفاعلكم ومساعدتكم
|
المشكلة انهم شر لابد منة
وانتي حايسة مع الاختبارات والسفر ابد موا الحل وان شاء الله لي رجعة |
لاحبيبتي موكلهم كذا.... لازم تعرفين ان فيه الشين والزين... لكن انا ضد انك تخليها مع طفلتك لحالهم وديها هي والخادمه عند الوالده اوعند خالتك ام زوجك .... عند اي احد يكون رقيب عليهم وكذا اامن لك واريح لبالك .. والله اختي انا اي مشوار ااخذ عيالي والخدامه واديهم لاهلي حتى لو ابوي بس اللي في البيت .... صدقيني اكون كذا مرتاحه ... مع ان خدامتي طيبه وحبوبه وتخاف على عيالي بس ولو الحذر واجب.
|
اقتباس:
المشكله تدري وين اني انا بمنطقة واهلي وجميع اقاربي في منطقة اخرى مشكورة على ردك ومساعدتك |
والله الشغالات مشاكلهم معاد تخلص...
من اول كانوا يجون محتاجين فلوس ويشتغلون بامانه... والحين ياساتر شبعوا فلوس وجاييين يتمشوا وزيادة فلوس بتكون حلوه وتعيشهم طول اعمارهم في رفاهيه هي واهلها وقبيلتها بعد.... انتبهي حبيبتي منها موغريبه تكون تدخل احد بيتكم وقت الصباح وقت ماتكوني انتي وزوجك مداومين وياخوفي على بنتك الصغيره ... شوفي لك حل اما توديها الصباح هي وبنتك عند وحده من اقاربك تكون غير موظفه اوتوديها عند احدى جاراتك من اللي تثقي فيهم او توديها عند اهلك هي وبنتك وتصيري تاخذي بنتك في نهاية الاسبوع ... وفي وحده من صاحباتي معلمه تاخذ بنتها وشغالتها معها المدرسه بالحضانه ويرجعوا البيت سوا .... اذا فيه حضانه في مقر دراستك خذيها ... واذا مره مره ماقدرتي شوفي وش الاولويه عندك بنتك وزوجك او دراستك ؟؟؟ وخليها ومن ترك شيئا لله عوضه الله خير منه تقدري تاجلي دراستك لين ماربك يفرجها.... وطالما زوجك كارهها من البدايه خليها ........ لا يصير منها شي ويقلب زوجك عليك ويحملك المسؤليه .... اسفه عالاطاله <<<< بدري تو الناس :d بس والله الموضوع خطير وخايفه على بنتك الله يحفظها من كل مكروه ويخليها لكم تحياتي لك الرجاء التكرم باختيار العبارات المناسبة التي تستدعي احترام الآخرين . شكراً |
لا تستأمنيها على فلذة كبدك
|
اختي فالله .....
اعانك الله على ماانتي فيه ... بالنسبه للبقاله ... لا اعمم .... اكثر العماله في البقالات عاملين علاقات غراميه مع شغالات المنازل .. احد القنوات السعوديه عرضت برنامج عن جرائم العماله ... والله انها امور تقشعر لها الابدان .. اطلبي من زوجك ان ياخذ الشغاله للبقاله ويواجهها بالعامل ,,, والله ان وجهها يصفر ويحمر ... وبالنسبه لبنتك ... كما اقترحوا الاخوان والاخوات ضعي كاميرا مراقبه صغيره تنباع في محلات الاجهزه الكهربائيه .. ورخيصه بعد ...واذا ثبت لكي شي ...."قوليلها بالسلامه" |
حبيبتي
اول شي زوجك يسير للبقاله ويواجه العامل اذا كان وضعه مريب بطل العجب اكيد بينهم شي ودخلوا الهيئة بالموضوع وبالنسبه للخادمه باي حق تطلع من البيت بدون اذن؟؟؟؟؟؟؟؟ اللهم اكفنا شرهم كان الله في عونك |
| الساعة الآن 06:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©