سئمت!!مليت!! إحترت!! من رسائل مالها داعي
 

اخواني أخواني

لقد تم الله علي بنعمة الزوج والحمدلله

ولكن أنا كتبت كتابي شهر 12 هجري وزواجي بشهر 10 بعد العيد

بس المشكله

إن زوجي كثير الإتصال بي والرسائل يعني وربي رسائلنا زادت على 10000 رساله

ومن كثرها أحس إنها تجي مشاكل من لا شيء

هوه أحس إنه متفهم بس صار يزعل إذا رحت شغلي وما قلتله ولازم قبل أنام أعطيه خبر وقبل الله يكرمكم أدخل الحمام لازم أقوله مليت خلاص
وصار كل كلامنا وش أفطرتي وش تغديتي ووين رايحه

قلولي وش الحل
وتصدقون إني ندمت مره إني ملكت هاذي الفتره كلها

أرجوكم وربي إني أحس بالملل قلولي وش الحل
وكيف أقنعه يخفف المكالمات والهبالات حقته

تحياتي


الاشراف تم تعديل العنوان , بالتوفيق

ياناس 10 قراء لموضوعي ولا أحد أعطاني إهتمامه

جزيتم خيراً

حبيبتي الايام تمر بسرعة..هذي خطوبة عيشيها وافرحي بيها..
تدرين انا قعدت مخطوبة 3سنين!!لظروف الدراسة,,
تخيلي ان كلامنا خلال هالسنين خلص ..ومليت ..
لكن لما اذكر ذيك الايام الحين احس انها احلى ايام..لا مسئولية ولا تعب ,,
عيشي حلاوة الخطوبة..ولا تقولي مليت ..كلها ايام وبتنشغلين بالتجهيز والاسواق ووو..وبتتكلموا فيه..
الله يوفقك حبيبتي ويبارك لك ..

سحر أنثى

جزاك الله كل الخير

تصدقين إني فكرت حتى أطفي جوالي عشان أرتاح شوي
مشكوره على مرورك وأنا أعتز به

تحياتي

يا حبيبتي عادي جدا
قوليله و ريحيه
هو في الآخر اللي حيمل و يبطل يسئل
و كتر الرسائل و المكالمات خير و دليل إنه يحبك و متلهف عليكِ
ما شاء الله عليكم
ما تحطيش المواضيع دي في بالك , لأنها وساوس
الشيطان عايز يخرب عليكِ فرحتك بالزواج
خليه يرتاح و يعرف
كتير من الرجالة يحبوا يفرضوا سيطرتهم في وقت الملكة لأن الموضوع جديد عليهم
ربنا يوفقك
و مبروك

أختي نوران

الله يعطيك العافيه
على مرورك وكلامك الجميل

تحياتي لكي
وراح آخذ كلامك بعين الإعتبار

دمتم لنا

لا ياحبيبتي وشوله مضيه صدرك ماتستاهل والله
انبسطي وعيشي يومك

كم مره بتتزوجين كلها مره وحده تدلعي وتغنجي بالعكس المفروض تنبسطين لان فيه احد
يحبك ويخاف عليك وانتي حاولي تخترعين لك مواضيع جديده تكسر الملل اللي داخلك
وانشالله ربي يسهل امرك ونفرح فيك انشالله..

دمتي بخير

سبحان الله ناس تتمني انه يسال


وناس زهقت من كثر السؤال



فعلا خير الامور الوسط


انتي دوري على وناستك وراحتك


وقوليله انا ما اقدر كل ما اسوي شي اعطيك خبر

وطنشي شوي بعض الامور واذا زعل لاتجلسي تتعذري

خذيها بطريقه حلوه وعادي مشي

اذا بتزعلوا من بعض على امور بسيطه راح تتعبوا بعدين


انا ايام ملكتي جلست سنه وعليها

وماكان عندي جوال

تقريبا قبل 8 او 9 سنوات وكنت بثالث ثانوي وتعرفين يبغالك اهتمام

زعل مره علشان كان يبغى يجي وعندي اختبار رياضيات وقلت اجلها الاسبوع الي بعده

الله لايوريك هذا وتوني ملكه ما كملت 3 شهور وازعل مني شهر وعليها

بس اني غبيه دقيت عليه والا حسافه ليتني سفلته لان بعضهم مايبغاله الا السفل علشان يصحى من دلعه

عموما
الولد طلع شايل وقبلها بكم يوم اتصل ابوه على ابوي ويساله انتو تطلعوا مع مين وخرجاتكم كثيره والولد متضايق

شفي قوه العين

والحمد لله على كل حال


نصيحه مني لك استمري على الوسط

والله يوفقكم وترى هذي من اجمل ايام عمركم عيشوها بكل سعاده وفرح وحب لانها ماراح تتكرر

الله يهنيكم ويخليكم لبعض ويبعد عنكم كل شر يارب العالمين

انتي جاهله انك في نعمه من الله

احمديه عليها

ولا تقولين هبالات

احمديه لانه يرسل لك ولا يرسل لغيرك

انتي بيدك تخلين علاقتكم في هذي الفتره كلها حيويه

لما تتزوجون راح تخف هالاتصالات والمسجات اولريدي
وراح تحنين لها _ تذكري كلامي

لما تتزوجون راح تخف هالاتصالات والمسجات اولريدي
وراح تحنين لها _ تذكري كلامي

تصدقين .................كسر خاطري

عااااااااااااااادي
بالعكس دليل على حبه وانك شاغله تفكيره بكل وقت

بسطي
ماشاء الله تبارك الله

ومبروك مقدمااااااااا

حبيبتي اتفقي معاه انه يكلمك باليوم مرة وحدة على الاكثر مثلا بالليل وتخبريه عن يومك وعادي اذا قلتيله لا تراسلني بكثرة ... وعيشي هذه الايام الحلوة بدون تذمر ... لكن هل الرسائل اللي يرسلها من اجل الاطمئنان عليك وحبا فيك أم لانه فضول منه ان يعرف كل تحركاتك؟؟؟ لان في فرق كبير بين الاثنين...اذا يحبك ومشتاق لك هذا شي زين ... وعادي... اما اذا كان فضولي ويريد يترصد تحركاتك فالله اللي يستر منه معناه بكرة يخليك حبيسة بالبيت ...