|
اريد المساعدة في بعض الوصفات
السلام عليكم ورحمة الله وبركاته ..
امممممممممممممم أنا صفر بالطبخ ومو بس صفر بالسالب و مااقدر أطبخ وأتوهق لأني سااكنة ببيت فيه حرمة كبيرة وعائلة ثانية .. وزوجي داايم يطلب مني أطبخ وماأعرف وأبيكم تساعدوني بطبخاات سهلة جداً مثل حلى قهوة ويكون سهل ومايحتاج فرن لاني أذا دخلته الفرن يحترق أو ماينضج من داخل وأبي سهل مثل حلى الاوريو الله يجزاها خير إلي كتبته مااتذكر اسمها .. وأبي شيء اصلحه واحطه بالفريزر مثل السمبوسة لان زوجي أحياناً اذا طلع من الدوام يروح الجامعه وإذا جاء العصر أتوهق مااعرف اصلح شيء .. وللمعلومية عندي كتتتتب طبخ كثيرة بس مااعرف اسوي والطبخه اذا قريتها ماافهمها داايم أحوس .. بليييييز سااعدوني .. ولكم دعوة بظهر الغيب .. الاشراف / تم تعديل العنوان ليتناسب مع المضمون مستكة_مستكة |
وعليكم السلام ورحمة الله ..
اهلين هناوي .. هذه طريقة حلا ما يحتاج الفرن .. وكلها خياااال ولذيذة.. http://www.66n.com/forums/showthread.php?t=148450 http://www.66n.com/forums/showthread.php?t=131294 وبدور لك كمان.. |
يجب عليك ان تتعلمي اصول الطبخ انتي الان زوجة ومن حق زوجك ان يأكل من يد زوجته ادخلي المطبخ وتعلمي وانصحك بكتاب الطبخ لصحابته امل فهو ممتاز وناجح طبخاته وفيه جميع الاشكال التي يجعلك ربة بيت رائعة
والمنتدى فيه موسوعة رائع:30::30:ة ماشاء الله الله يعينك |
شكلك توك عروس ؟؟
كلنا كنا كذا في بداية الزواج لكن والله تعلمنا من كتب الطبخ ومره تزبط ومره تخرب لكن مع التمرس بتصيرين طباخه مشهوره وبالتوفيق ان شاء الله يوجد في المنتدى الكثير من الطبخات المميزه والرائعه راح تلقي اللي تحبي.. وفي مفضلة عالم التغذيه والطبخ http://www.66n.com/forums/showthread.php?t=148799 تحياتي لك |
اقتباس:
جزاااك الله كل خير ياارب .. حلى الفناجين يجنن والثاني سهل وأن شاء الله بسويهم بس لازم أسويهم بالليل اذا ناموا عشان إذا خربوا مااحد يكفشني .. الله يوفقك دنيا وآخرة .. |
اقتباس:
ياليت أتعلم وحااولت لكني فشلت بس ربك يعين يااشيخة .. عندي الكتاب بس مااعرف اصلح شيء .. وعندي كتب ثاانية كل يوم يهديني زوجي كتاب طبخ بس مااعرف .. جزااك الله كل خير يارب .. |
اقتباس:
امممممم لي سبع شهور متزوجة يعني تقدرين تقولين شبه عروس ............ عجزت أبي طبخة وحدة تضبط معي مااينفع شيء بس إلي ضبط معي الاندومي ويقول زوجي كرهته من كثر مااكله ويش الحل ؟؟ ربي يوفقك دنيا وآخرة .. |
|
اقتباس:
الله يبارك فيك ,, زوجي طفش من اللحين وحتى الاندومي الي روحه مل منه .. وهذا احلى شيء بالمنتدى انه مصور خطوة بخطوة الله يوفقكم ياارب .. ................ان شاء الله خلال شهر اضبط لو طبخة وحده بس .. الله يوفقك دنيا وآخرة .. |
ضحكتيني ياهناوي
............. الله يخليكم لبعض ويوفقكم يارب وكلها فتره وباذن الله وانتي طباخه ماااااااااااااااااااااااااااهره |
اقتباس:
والله لأنجن وأفقد عقلي لو بيتزوج .. آآآآآمين ياارب .. يااليت أكون طبخة مو طبخه اطبخ طبخه وحدة بس .. ربي يوفقك .. |
خلاص لاتقعدي ترددي أنا ماأعرف أنا رفلة....هذا كلام عاجزات يبغون سبب علشان مايتعلموا
شوفي المنتدى عندنا وحدة كتبت انها تزوجت ماتعرف تطبخ إلا البيض والحمد لله بعد فضل الله بسبب المنتدى صارت طباخة ولو كنت فاضية الحين كنت دورت لك ردها بس بروح اكمل تدريس ولدي من بكرة بإذن الله منتظرين منك تطبيق يومياً لكل طبخة وأي شيء نحن بنساعدك ونفهمك حتى تصيرين طباخة اهم شيء نلاقي عزم منك ونحن كلنا معاكِ والحقي قبل لايفكر يتزوج عليكِ:23: |
اقتباس:
................... حتى البيض انا مااعرف اتخلص من قشورها ارمي نص البيضة ماتنفك من قشورها بس ااعرف اندومي .. الله يوفق ولدك ياارب ويفرحك فيه .. ان شاء الله بنزل بكرة الغدى << الله يستر ماايكون اندومي ................... أموت لو يتزوج علي اجل لو يبي جريش بصلح له ................... يسلمو يااقلبي الله يوفقك .. |
..........................
تذكريني في حالتي مع الحلو ماضبطه ماعرف اسويه بس تدرين اجرب واجرب يضبط مرة وعشرين مرة لاء وام جمانة وراي وراي وكل يوم اطلع طبخة حلا اتعلمها يعني ماتخييلين شلون قرادة حظي مع الحلو ومازلت اجرب واسوي واخرب واعفس الدنيا بعد بس ام جمانة تحفزني دائما والباقيات حتى مرة ماستحيت صورت الحلو الي سويته وكان يخرع ..........................حتى سميته ياهرامات الجيزة بس للحين مايأست يا انا يا هالحلو مو علشاني علشان زوجي الغالي لاني بالموالح 10 على 10 بس الحلو عندي معاه مشكلة بس الا اقدر عليه يا انا ياهو وام جمانة وراي يعني اكيد يننتصر عليه لا تيتأسين حطي لج جدول بشهر الا تتعلمي تحدي نفسك والله يسعدك ياقلبي ^_^ وتعرفين تطبخين ولا يتزوج عليك زوجك |
اقتباس:
..................... مااني مصدقة في أحد مثلللي .. انا لا حلو لا ماالح يضبط معي على الدنيا السلام كل شيء ع الصفر .. وانا والله ودي اتعلم عشان عنون الغالي زوجي .. بس ان شاء الله بعزم .. وبكرة بصور غداااي الله يستر ..................... ربي يوفقك يالغلا .. |
حقولك وصفة فراخ سهلة جدا و متاخدش فى عمايلها ربع ساعة
تجيبى صدور الفراخ العدد اللى تحبيه و تغليسهم كويس و تحطى فى طاسة او صينية على البوتاجاز من فوق و تحطى فيها معلقة زبدة و تحطى الفراخ فيها و تقلبيهم كل شوية (بس كل صدر يكون مفرود فى الصينية مش فوق بعضهم) لحد ما يصفر لونهم يكون ذهبى و تحطى عليهم علبة كريمة الحجم 250 ملل و تحطى الملح و الفلفل على حسب الرغبة كدة عندك فراخ بالصوص الابيض ممكن تضيفى كل مرة طعم جديد للصنف ده بعد ما تحطى الكريمة على الفراخ طبعا بمعنى مرة تحطى عصير ليمونة فيكون عندك فراخ ليمون صوص و مرة تحطة مستردة فيكون عندك فراخ مسترد صوص و مرة تحطى جبنة براميزان فيكون عندك فراخ تشيز صوص و مرة تحطى زعتر و مرة تحطى روز مارى و مرة فلفل اسود مطحون فريش و مرة و مرة كله على حسب ذوقك و جنب الصنف دا ممكن تعملى طبق رز ابيض بالهنا و الشفا و يا رب يكون عجبك و اى سؤال انا فى الخدمة |
اقتباس:
يممممم يمممممممم طبخة مصرية .. بس في بعض الاشياء مااعرفت وشي مثل علبة الكريمة وشي بالضبط و جبنة برميزان تكون بالسوبرماركت ومستردة << مافهمتها << معليش تحمليها جديدة بالمطبخ .. ربي يوفقك دنيا و آخرة .. |
اممممممممممممم
اليوم غدانا شابورة وحليب بوني فقلت ماله دااعي أصلا مااطبخت .. |
اقتباس:
:22: طيب حقولك كل اللى طلبتيه من عويناتى الكريمة اللى هى كريمة الخفق اللى بتكون شبه الحليب بس قومها سميك شوية و اذا خفقتيها بمضرب البيض بتعمل كريم شانتى موجودة فى التلاجة فى السوبر ماركت انا بجيبها من كارفور بتكون فى نفس المكان اللى بيحطو فيه الزبدة و فى منها نوع المراعى كمان و فى بريزدانت برضو جبنة البراميزان يا ست البنات هى بتكون جبنة لونها مصفرة و بتكون قاسية شوية و بتلاقيها برضو فى التلاجة جنب الجبن بتكون علبة كرتون اسطوانية الشكل المستردة بقى اللى هى الخردل اللى بيكون مثل الكاتشب و حتلاقيه جنبه فى السوبر ماركت و جنب المايونيز و بيكون لونها اصفر عموما انا ححاول اجيبلك صور الحاجات دى عشان تعرفيها كويس و انا تحت امرك فى اى طلب |
دى صورة كريمة الخفق
http://www.alqosman.net/vb/uploaded/48_1177975213.jpg و دى صورة المستردة http://www.qmraa.net/up/uploads/14a7d7aa40.jpg و الجبنة معرفتش اجيبلك صورة ليها بس انا افتركت حاجة انتى ممكن تسألى عند الجبن و ممكن تتباع برضو بالكيلو بس لما تستخدميها حتضرى تبشريها |
والله ياأختي اني ماكنت اعرف اسوي ولا شي بس الحين الحمد لله صرت طباخه ماهره بس لازم تتعلمين
|
ترى يااختي انا كنت نفسك وكنت مااطيق المطبخ بس الحمدلله الحين صرت طباخه ماهره واتابع برامج الطبخ بس لازم تتشجعين وتدخلين المطبخ وترى مافيه شي صعب
|
اقتباس:
تسلم لي عيونك .. عرفتهم وان شاء الله بروح السوبر مااركت وبدورهم .. ومشكورة يااقلبي تعبتك معي .. الله يوفقك دنياا وآخرة .. |
اقتباس:
مشكورة يااقلبي مااتقصرين عااد تدرين الخردل هذا استخدمه مع الهمبرجر .. الله يوفقك دنياا وآخرة ياارب .. |
اقتباس:
إذا طبخت تخرب وحااولت كثير مااعرفت .. بالتوفييق .. |
أقولك حاجة
أنا مش متجوزة لكن أعيش لوحدي للدراسة كنت الأول مطاعم و اندومي , لكن مليت مليت مليت قررت أطبخ مرة حريقة و مرة الأكل عجين و مرة الأكل طعمه طين يعني الأكل اللي خرب كتيــــــــــــــــــــــــــــــــــــــــــر و حتى الآن كتير من الأكلات تخرب مني لكن ما يأستش , خلال شهرين و نص اتعلمتلي كام أكلة حلوين جدا و بإتقان , و الحمد لله معتمدة على نفسي إنت المهم تجربي و تجربي ابدئي بالمكرونات و أنواعها حتلاقيها سهلة إن شاء الله و على فكرة كتر الإندومي مش كويس أبدا و أنا تعبت منها و مرضت و لو قرأتي وصفة فيها أشياء أول مرة تسمعي عنها روحي السوبر ماركت و اسئلي أهم شيء ما تيأسيش أنا صورت أكلاتي و نفسي أنزلهم لكن جاري البحث عن برنامج الفوتوشوب انتظريني , بنزل أكلات سهلة إن شاء الله |
اقتباس:
امممممم بصراحه زوجي كره الاندومي من كثر مااسويه له .. وان شاء الله بكرر وبستمر .. ربك يعين ان شاء الله .. بالتوفيييق .. |
هنااااوي افا معيشه الرجال على اندومي وشابوره وحليب بوني .............
صدقيني الطبخ سههههل ولا اسهل منه بس يبيلك عزم يعني مو من اول مره تخرب الطبخه تتطنقرين همن تقولين ماعاد ابي اطبخ : ) انا يوم اعرس ماكنت ادري وش الطبخ ومن ثاني شهر غديت اخوه ومرته لانه توهم عرسان : ) وتصدقين الى الان زوجي يتذكر ومو مصدق اني قدرت اغديهم ............. كل يوم تعلمي شئ بسيط يعني مثلا سلطات ثقيله الي تكون طبقات او الي يكون من مكوناتها مكرونه وعلى شوي شوي ادخلي في الثقيل جريش ومرقوق والذي منه :d الله يوفقك يالغلا |
هلا حبيبتي انا مثلك في بداية زواجنا الى ان اكملت 17سنة مؤبد مع اهل زوجي واعتقد ام زوجي تشبة جدتك في تصرفاتها كانت الله يطول بعمرها تعد انفاسنا علينا وكانت طباخة وتحسب الناس كلهم مثلها وأنا يوم تزوجت ماكنت اسوي شيء عند امي قبل الزواج ويوم جيت عند ام زوجي فكرتني الطباخ تبع بابا المهم يوم تقول الأكل مالح ويوم تقول الأكل مافي ملح الى ان اخذت السالفة تحدي صحيح كنت ازعل من تعليقاتها وانقهر لان سابع جار يدري ان فلانة خربت الأكل وأنا الآن أجيد الطبخ والحمدلله بعد انتقلت في بيت مع عائلتي الصغيرة صار طبخي افضل
اشتري كتاب ( نخبة الأطباق) هذا كتاب أكثر من رائع تصدقين عليه اقبال كثير وصل الطبعة18 ووصفاتة سهلة جدا وأن شاء الله فدتك بالرد وتكونين طباخ ماهرة مثل العضوات الفنانات في منتدانا الرائع |
اقتباس:
.................. الاندومي كرهه واللحين بالشابورة الله يستر اذا كرها ببلش ويش اسوي له.................. عجزت كل مرة افشل وحااولت مليون مرة داايم يكون ماضبط .. ماابي جريش ومرقوق ابي بس رز مسلوق داايم اذا جاء من الدوام تافل العافية اوكله اندومي وانومه .................. ربي يوفقك يالغلاااا .. |
اقتباس:
ماكنت اتوقع في احد مثل جدتي الله يهديها ياارب .. انا مااطبخ لأهل البيت بس لزوجي اذا تأخر من الدوام او اهل البيت مااصلحوا عشى ولا حااله حال اهل البيت يااكل معهم .. والله كني اشوف نفسي جاية من الجامعة واطبخ لزوجة وهي مكبرة وساادتها !! الكتاب عندي والله ماانفع معي !! ان شاء الله يارب .. ماقصرتي ياقلبي الله يوفقك دنيا وآخرة .. |
| الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©