|
ابي حل ضروري لأني خلاص فقدت اعصابي
السلام عليكم
انا متزوج من ثلاث شهور وزوجتي حامل من شهرين من شهر ونص تقريباً صار تغيير مفاجأ لها كرهتني صارت ماتحب شي فيني ريحتي كلي واتوقع حتى شوفتي مع العلم اني متزوج عن حب اكثر من عشر سنوات حاولت افهم حاولت اساعد مافيه مجال ابد ورجال متزوج من ثلاث شهور الحين ما يقدر ياخذ حقوقه الزوجيه ( مصيبه ) حاولت وحاولت ياليت تعطوني حل انا شخص عصبي والحين كرهتها وكرهت تصرفاتها مدري شو العمل صرت ماحب حتى تجلس عندي اطردها وكنها تبيها من الله تطلع وتنام بغرفه ثانيه من شهر يارب اغفرلي ان اخذت ذنب البوح في اسراري العائليه ولاكني احترت وما اقدر اشتكي لأحد يابشر شوفولي حل لاني خلاص ناوي على ابغض الحلال عند الله ( تهديد ) والسلام |
عزيزي
زوجتك في فترة وحام وغالبا الحوامل في هذه الفتره يقرفون من ازواجهم معظمنا كنا هيك بالوحام هاد طبيعي جداااااااااااااا ولكن بعد الولاده ينتهي كل شي وتعود زوجتك كما كانت صدقني كلنا كنا هكذا لا تقسى عليها واصبر عليها لانه مش بايدها ولا تنسى انه من في احشائها يكون ابنك ولحمك ودمك فقدر تعبها ولا تلومها ابدا بالسلامه ان شاء الله |
يا أخي طول بالك، الحالة الي تمر فيها زوجتك نوع من الوحم!! يعني هذه مشاعر غصب عنها تجيها بسبب الحمل! صدقني هذي حالة تمر فيها بعض الحوامل من كره للزوج والبيت وكل شي! يعني انت غلطت غلط كبير لما قابلت هالشي بكره وعصبيه هذا بدل ما توقف معاها وتتفهم وضعها الحالي وتساعدها على اجتيازه تكرها وتطردها:29: والله صعبت علي مسكينه هذا غصب عنها!!
|
لاحول ولا قوة الا بالله
أخي الكريم اولا مبروك الزواج وعقبال مية سنة ومبروك حمل زوجتك وعقبال مايشرف ولي العهد وتربوه تربية صالحة يارب أخي الكريم قلت انك متزوج عن حب دام لمدة عشر سنوات فياترى ماهو تعريف الحب عندك؟ هل الحب (أخذ) دون عطاء؟ وهل إن قل هذا (الأخذ) أو انعدم يذهب الحب؟ إن كنت حقاً تحب زوجتك كما تقول .. فهنا يظهر الحب الحقيقي زوجتك يا أخي الفاضل ببساطة تمر بمرحلة (الوحم) ولو كتبت وكتبت وكتبت عن الوحم هذا ماراح يكفيني الكلام زوجتك توحمت عليك .. لانها تحبك وكل الاعراض اللي انت ذكرتها طبيعية جدا ومن المؤسف حقاً انك تتعامل مع امرأة حامل وتتوحم على انها امرأة عادية ومن المؤسف اكثر انك تحاسبها على تصرفاتها (الطبيعية جدا) تحاسبها وكانها في حالتها الطبيعية وكانها تقصد هذه المعاملة أخي الفاضل اذا كنت تحب زوجتك فالواجب عليك تتحملها في هذه المرحلة الخاصة والحرجة والمتعبة لا ان تنفر منها وتكرهها وتهددها بابغض الحلال اذا حبيبها زوجها اقرب الناس لها ما تحمل وحمها .. اسالك بالله مين راح يتحملها؟ اذا زوجها حبيبها ماوقف معها .. مين يوقف معها؟ يا أخي هناك كائن غريب دخل الى جسد زوجتك ، والجسد معروف انه اذا استقبل كائنات جديدة فانه يصبح في حالة دفاعية حتى يتخلص من هذا الوافد الغريب ، ولاجل هذا تحدث فترة الوحم ، وبعد ان تنتهي فترة الوحم يكون الجسم قد اعتاد على وجود هذا الكائن الغريب .. هل فهمت معاناة زوجتك ؟ اتمنى ذلك أخي اقترح عليك ان تذهب بها لبيت اهلها لترتاح وحتى تطلب هي منك العودة ولكن لاتخبرها انك غاضب بل اخبرها انك تود لها الراحة في بيت اهلها حيث ان هناك من يهتم بها ويرعاها حتى ترتاح نفسيتها وتنتهي فترة الوحم ، وحتى تتجنبا الصدام سوياً وتحفر هذه المواقف في الذاكرة اوصيك اخي بالصبر والتصبر ، فكل النساء كزوجتك ولكن .. ليس كل الرجال مثلك وفقكما الله |
طيب يا اخوات ليه يصير كل هالشي والمبالغه؟
انا من ناحيتي والله يعلم اني حنون معها وطيب بس بعض المرات اعصب وارجع اضحك معها بسرعه بس ليه هي ماتقدر موقفي كرجل متزوج من ثلاث شهور فقط؟؟؟ وانا ساعدتها وحاولت معها بس هي ولا شي جا منها تخيلوا لاجيتها تحط منديل على انفها وفمها من القرف؟؟ وربي بديت اشك اني وصخ فعلا يعني تقحم مشاعري واقابلها بخوف على مشاعرها؟ كم تجلس فتره الوحام الله يصبرنا ؟؟ |
السلام عليكم ...
عااااادي ... كل النساء الحوامل بهذا الشكل او معظمهن .... زوجي كان يجلس بطرف من الغرفة وانا بطرف ثاني ...يبتعد عني لأني لا احب رائحته ... تحمل جزاه الله خيرا كل ذلك لمعرفته باعراض الوحام .... تحمل حتى في حقوقه الزوجيه .. لمعرفته ما يسببه من عذاب اضافي للحامل ... يعني حال نفسه يقول ..( انا والوحام عليها ) ؟؟ الراحمون يرحمهم الرحمن ... وفي حملي الثاني ...شد من غرفة النوم نهائي وراح لغرفة ثانية علشان ما اكرهه .. ويبطل يحط عطور ... وتراي شايلة له هالجميل طول عمري .. جميله هو .. تفهمه ...تحمله ...صبره ... لو تحس بدقيقة واحدة من اللي تحسها زوجتك كان استحيت من مطالبتك لها بالتفهم لحقوقك الزوجيه .. حق الوالدة ما جاء مضاعف ثلاث مرات عن الوالد ببلاش الله يهديك .. لدرجة اني اقول دااائما ...اولد ان شاء الله مئة مرة .... ولا تخلوني اتوحم مرة .... اكره الحمل من الوحام ... ولكن ليس لنا الا الصبر على هذا الوحام وعليكم يا من لا تتفهمون واعذرني اخي ...اعلم ان عدم تفهمك هو عن جهل منك وليس قلة احساس ... ولكن وقد وضحنا لك ....احتسب اجرك عند الله ... وزوجتك عمرها ما تنسى وقفتك وصبرك معاها ... كان الله في عونها وعونك ,,, |
لانه انت رجل في حالتك الطبيعية ، يعني بامكانك تقدر موقفها لانه مشاعرك بيدك ومافي شي يأثر عليها
لكن هي ليست في حالتها الطبيعية ومشاعرها وتصرفاتها مو بيدها ومن الظلم انك تقارن شخص عادي بشخص يمر بظروف صعبة لو كان بيدها كان شالتك من الارض شيل وتحملت هفواتك وعصبيتك و .. الخ لكن مووو بيدها .. بينما انت بيدك كل شي يعني المرحلة هذه الواجب فيها انك انت تتحمل وتصبر مو هي المرحلة هذه انت تعطي مو هي المرحلة هذه مقياس حبكم أخي مهما كتبنا عن الوحم والمبالغة على حد قولك فمارح تقدر تتخيلها لانك ببساطة رجل مو امرأة ماراح تقدر تتخيل مدى الالم والمعاناة اللي نمر فيها في فترة حملنا وولادتنا بابنائكم بدل ما تحفظ جميلها ، تبدأ تعاتبها ؟ هي ماتبغى حنانك ولا عطفك ، تبغاك بس تقدر مشاعرها ، يعني متقرفة منك ابعد عنها ، بس لاااااااايجي في بالك انها متقرفة منها لانها ماتحبك او لانها تبغى تمنعك من حقوقك الشرعية وانما تبغاك تبد عنها لانها متوحمة وتعبانة وقرفانة من الدنيا كلها اذكر في وحمي ظهرت امامي كللللللللل عيوب زدوجي اللي تغاضيت عنها وعن طيب خاطر وانا عروس لما توحمت ظهرت كل عيوبه ، وكرهههتتتتته ماني طايقة منه كلمة ولا لمسة ولا همسة اذا قرب مني اعطيه ظهري اذا حاول يخفف عني اقابله بعصبية واقول انت تستخف دمك كنت مووو طايقته لابعد حد زوجي الله يحفظه حساس جداااا تأثر طبعا بمعاملتي لكنه كان مقدر ومتفاهم وكان ينفذ اللي انا ابغاه لين عدت الفترة وجيته بنفسي من غير مايطلب مني ورجعنا مثل اول واحسن مع فارق التعب الجسدي بسبب الحمل تحمل زوجتك واللي يعافيك ولاتحملها فوق طاقتها ترى كله مو بيدها خارج عن ارداتها ، وكله عشانك وعشان ولدك |
اعجبني جدا ردودك اخت تاالينا
جزاك الله كل خير اخي الكريم قد يكون الوحام ثلاث شهور او 9 شهور كامله |
عادي أخي الكريم أنا عملت نفس الشئ في زوجي في طفلي البكر
علين الشهرالتاسع وأنا جننته وكان صابرلأنها فترة وحاااااام وبعدين كل شئ رجع طبيعي أصبرعليها الله يوفقك ...وصدقني كل شئ بيرجع |
هلا فيك اختي فلسطينية وجزاك ربي الجنة ووفقك وأسعدك في دنياك وآخرتك يارب
|
اقتباس:
|
والله ردودكم اثلج صدري وخلتني احبها بزياده
من كثر ماهي كاسره خاطري ودي اضمها واحسسها اني خلاص بحس فيها وبعقل ( مقدر اضمها كارهه ريحتي المشكله ) الله يعطيكم العافيه اخواتي ويستر عليكم وعلى اهلكم ويرزقكم الذريه الصالحه يارب ويثلج صدوركم زي ما اثلجتوا صدري |
يااخوي هذي فترة وحم راعها شوي وقدر مشااعرها وانت اهتم فيها وفي بعض النساء تنتهي وحامهم من الشهر الثالث او الرابع ومااقدر ازيد عن كيذا لانهم كفوا ووفوا ..
|
مشكورين كلكم والله
والله يسعدكم في حياتكم |
أخي الكريم ..
أنا لما حملت توحمت بزوجي صرت حتى لما يكلمني في التلفون استفرغ .. من مجرد سماع صوته .. يرجع من الدوام .. أقول له ووووووع ريحتك كريهة .. يدخل بسرعة الحمام يغتسل .. ولما يطلع لي بالفوطة أقول له للحين الريحة فيك .. لما ننام أعطيه ظهري طول الليل ما ألتفت صوبه .. هذا إذا نمت جنبه غالبا أخليه ينام في الغرفة الثانية .. كل يوم يزداد الشعور هذا .. حتى ما أستحملت ورحت بيت أهلي شهر تقريبا .. وهو المسكين مستحملني ولا كره تصرفي مع إنه مثلك عصبي ويحب يشوف مني اهتمام فيه على طول .. لكنه قدّر شعوري وعندنا يقولون ماتتوحم المرة إلا من اللي تحبه .. لا تتوقع إن زوجتك ألحين فرحانة ومرتاحة بالوضع .. هي ترى يأنبها ضميرها ويضايقها اللي تسويه بس غصبا عنها .. إن شاء الله تدخل الرابع أو الخامس ويخف الوحم عندها .. موفقين والله يتمم حملها ويرزقكم الولد الصالح .. |
الف مبروك الحمل وعقبال قومتها بسلامه نبارك لك ..
بعدين تعال الحين مالك الا 3 شهور حسب كلامك ..طوالي تهددها بطلاق .. وين عقلك انت ..الله يهديك بس .. كل الي في زوجتك شيء طبيعي ... وفترة الوحام ماله وقت معين وتنتهي حسب طبيعة الحرمه ... ناس شهرين ثلاث شهور وتروح وناس طول فترة الحمل .. وناس حتى با الاربعين .. شيء طبيعي وغصبن عنهاااا.. تعوذ من ابليس وكبر عقلك .. وترى فترة الحمل احلى فتره تعيشها الا مبرغم قسوتها على صحتها وظروف الوحام .. حسسها بتغيراتها ودخلها بجو الامومه حن عليها ارفق عليهااا .. مو هشكل تهددها .. بعدين ضغطك عليها يضغط على اعصابها ويأثر في نفسيتها وعلى البيبي .. معليش تحملهااا ... واذا لها غلاة بقلبك ماترخص فيها وتبيعها طوالي بطلقك هو الزواج لعبه خلك قد المسأوليه من تزوج وفتح بيت مسكه عدل وتحمله.. وياما بتجيك ظروف اصعب وعيال ما ينامون وعيال مريضين بعز نومك تقوم المشتشفيات هذا يرجع هذا حرارته مرتفعه.. شبتسوي تذبحهااا هههههههههههههههه يلا الحين شوف قدر والدينك امك وابوك شقد صبروا عليك وتحملوك .. وجزاك عند رب العالمين .. والله يهدي سركم .. ولا تتهور هذي حبيبتك الغاليه ام عيالك رفيقة دربك .. هي الي بتحن عليك وتبيك تعيش معاها طول دربها ... الله يستر عليكم .. طولتها معليش بس اتمنى تتفهم وضعها الصحي .. تحياتي .. |
الحمد لله انا بحملي مااتوحمت على زوجي ... ولكن المضحك اني توحمت على ولد جيرانا الصغير 3 سنوات عمره ...
تخيل مااطيقه من اشوفه اهاوشه واسفل فيه اكرهههههههههه .... وماامسك اعصابي حتى قدام امه اصارخ عليه ولااحترم وجودها والله غصب عني واللحين عادي... بس والله اعرف ناس كثير مثل حالتكم انت وزوجتك والاكثر ترى يروحون بيت اهلهم يعني زين منها قاعده عندك.... |
انا الحين حامل وجننت زوجي كرهت بيتي ورحت لاهلي شهر وكرهت اهلي واخذت شقه اسبوعين ونصف برغم من ضيق الحاله الماديه عنده ولا مره طبخت الاكل من برا لي الان شهرين واسبوع اطلب منه اشياء غاليه ومكلفه ماديا ولما يجيبها لي اقول وعع مااحبها وارميها بالقمام واهو يشوف اشياء يتمنها وانت تعرف اطلع روحه السابعه مالبيتها له
وكل هذا والله غصب عني وارحمه من كثر مااسوي فيه مع كل هذا مااتخلى عني او عصب علي او مره جرحني ماراح انسى معروفه طول عمري الله يحنن قلبك على زوجتك و ان شاء الله لمى تولد زوجتك يرجع شهر عسل جديد |
ربنا ييسر أموركم
حظك إن زوجتك اتوحمت عليك اعذرها هي بتتعذب أكتر منك و مجرد ا تشم ريحتك تتأزم و تتعب |
اخى والله انا كنت كدة فى حملى واستغربت كرهت ريحة زوجى وانه حتى يقربلى بس سمعت دكتورة بتقول
ان دة طبيعى فى فترة الوحم اصبر شوية الحمل كله فترة وبتعدى خليك طيب وحنون هى مش ناقصة عصبيتك الى فيها مكفيها ربنا يقومهالك بالسلامةوتفرح بولى العهد |
اقتباس:
هلا اخوي أعتقد خلاص عرفت السالفه .. يالله سيب عنك الطلاق وخليك جنب الحرمه قصدي استأجر بيت بجنب بيتكم ..:17: الله يتمم على خير يارب.. |
طوووووووووول بالك يا رجال .. فتره و تعدي .. انا لما احمل مو بس اكره زوجي .. اكره كل الرجال .. حتى الرجال اللي تطلع في التلفزيون ما اطيق اناظرهم اكره نفسي ما احب اناظر نفسي في المرايا .. اظل بالايام ما استحم و لا اغير ملابسي ولا امشط شعري اكره حتى ملابسي .. اكره السرير اللي انام عليه .. نفسي احرقه .. وزوجي مسكين صابر و متحمل لان يعرف ان هذا شي غصب عني .. لكن لما ادخل الشهر الخامس كل شي يرجع طبيعي .. عندي صديقتي كانت نفس الشي تشتكي لما تحمل تجيني تبكي تقول اتخيل زوجي زي الضفدع و ريحته زي ريحة الضفادع ... اقول لها وش معنى الضفادع .. تقول لاني كنت عايشه في الطائف و كنا لما نروح المزرعه اصيد الضفادع و اشم ريحتهم و علقت ريحة الضفدع في عقلي و صرت اشمها في زوجي و استفرغ لما يقرب عندي .. طووول بالك خيوووو .. |
هذي فترة وحام لازم تحمل انا توحمت بغرفتي اذا دخلتها اشم ريحه مقرفه
|
| الساعة الآن 05:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©