|
كم يصرف الزوجين في الشهر ..؟
السلام عليكم
موضوعي اخص فيه المتزوجين ابي اعرف ماهو مصروف المتزوج اهو وزوجته في الشهر ولا يمنع اعرف برضوه من من عنده طفل طبعاً بدون ذكر إجار السكن او قسط السياره يعني كم في الشهر يصرف مقاضي بيت كهرباء جوال له و المدام ملبس مطعم بنزين كماليات عزومه -- حتى لو ماعزم الشهر يعني كم يوفر من الراتب للبند هذا السفر -- كم يوفر للبند هذا واذا كان في اشياء ثانيه ياليت تذكرونها طبعاً مصارف شخص عايش في الرياض هل كل هذي توصل 2500ريال 3000ريال ياليت تفيدوني لو سمحتو الإشراف/ عفواً تم تعديل العنوان ليتضح المضمون |
لا اتوقع إن كل شخص سيدخل ليفصل و يكتب تفاصيل حياته المادية هنا
لكن ردا على سؤالك فأظن 3000 يمكن أن تكفي بدون أجار و قسط سيارة و الراتب تقسمه لأمور ثابتة و أمور متغيرة الثابت يكون الفواتير الشهرية و المتغير هو المصاريف التي قد تزيد أو تقل و يجب أن توفر مبلغ للطوارئ في حالة شيء بالمنزل عطل أو في السيارة أو أحد مرض و احتاج زيارة الطبيب |
مد لحافك على قد رجليك ,
الأفضل ان تترك هذه الأمور لامكاناتك , لان كل واحد بيتكلم على حسب امكاناته فقد يكلفك البعض فوق طاقتك و قد يضيق عليك البعض و انت الله موسع عليك ... الخ في شيء مهم (لم تذكره) يجب ان تضعه في الحسبان و هو مصروف الزوجة الشهري |
يعطيك العافيه نوران
وانا اقصد الاجمالي مو التفصيل شاكر لك |
يعطيك العافيه اخوي صقر الشرقيه
طبعاً انا عارف ان كل واحد على امكانياته بس انا لسى ما دخلت على الحياة الزوجه وابي بس اعرف واكيد مصورف الزوجه سقط سهواً مني واكيد الي يناظر الي فوقه يتعب شاكر لك مره اخرى |
أهم شي عمل ميزانيه شهريه بمشاركه الزوجه عشان تعرف الي بيفوت على البيت والي بيطلع وبتصير لوحدها ما تثقل عليك بالطلبات لأن الحياه صارت غاليه مش متل أول وفي بدايه الحياه الزوجيه أدعو الى الاقتصاد يعني عكس المتعارف عليه
الطفل يبغى له مصروف اذا كان حديث الولاده لوحده مش أقل من500 ريال حليب وبامبرز من غير الملابس يعني ميزانيته لوحده أما المصروف العادي من أكل وشرب وبنزين وكهرباء وخصوصا في الصيف ومكالمات بدها شي3000ريال تقريبا |
كل شي تغير ووسط الغلا اللي عايشينه يبي لنا ميزانية متغيرة..
قبل لما كان 400ريال مقاضي سوبر ماركت الحين توصل 700الى800 ريال وهي نفس الأغراض.. انت بس اللي تقدر تحدد كم يبي لك وتقسمها على التزاماتك.. ماراح نقدر نعطيك مبلغ معين لأن على حسب راتبك راح تحدد مصروف الزوجة ومصروف الجوال والمطاعم والسفر ووو.. تقدر تكتب الاولويات في ورقة والكمايات في ورقة وتحط المبلغ اللازم قدام كل وحدة منهم.. على كلامك اعتقد ان 3000 ريال راح تكفي ان شاء الله بس ضروري انك تحدد كل شي قبل ماتصرف .. والله يوفقك.. |
كل شهر له ميزانيته وله التزاماته لايمكن تكون مصاريف الشهر هذا مثل الشهر الماضي يعني اكيد راح يكون فيه مفاجات الله لايقدر مرض اوضيوف اوعل في شي مهم في البيت وبا التالي لايمكن وضع ميزانيه محدده وهذا من واقع خبره
|
على هذا يكون 3000 ريال كافيه طبعاً غير الي يكون موجود للطوارئ لا سمح الله
شاكر لكم جميعاً |
يالله الصراحه كل شي صااار نار .... مقاضي البيت كل اسبوعين ممكن توصل 700 ياليتها كل شهر .... وفي البيت مافي الا انا وزوجي وبنتي والخدامه وبيبي صغير...
اما البيبي حليب وحفايض يمكن من 600 لاكثر هذا طبعا غير البسكوت ممكن والسيريلاك .... التليفون والكهربا والجوال يوصل من الفين ل3000 ... طيب لوطلعنا بمعدل كل اسبوع مرة اقل طلعه تكلف 200 ريال بس نلعب الاطفال ونتعشى ... وتكاليف السيارة حاله ثانيه .... ولو عزمنا ناس مرة وحده باشهر اومرتين حط لك بعد 500 ريال ... كل شي زاد الا الراتب ينقص مايزيد... والله ان زوجي صار يكسر خاطري استحي اطلب منه حتى حليب الطفل وترى هالصرفيه كلها بدون مانشتري ملابس ولاخرابيط ولاهدايا ولامجاملات ... |
,
, على حسب الزوج والزوجة .. هل هم قنوعين أو يحبون المظاهر والأصل عدم حب المظاهر فا انا أعتقد كما هو حالي انه 3000 ريال كافيه من غير قسط ولا أجار الشقه .. ومبلغ 1300 ريال توفير كل شهر من أجل السفر أو هدايا أو حمل أو ولادة , , |
مع الغلاء لايوجد توفير أبدا
ولاحتى كماليات إلا ماااااااااااااااااااندر.... |
اتفق مع رأي الاخت ابل غرين 100%
تحياتي واحترامي |
اخي الطيب 3000 ريال تكفي وتزيد
انا زوجي راتبه 1800 ريال يسدد بيه الديون الف بيسدد بيه ديونه ومقاضي البيت 300 ريال والله يفرج هم المسلمين وما ادري اذا الله رزقنا بعيال من وين نصرف عليهم |
اخوي تبي الصراحه !!
انا بإذن الله زواجي قريب ووين؟؟ بالرياض !! يعني الغلاء بعينه! يالغالي انا راتبي كله مع خارج الدوام والبدلات 5000 ريال وانا اخوك وحاسب حساب الشقه اذا كانت ب20 الف ريال راح يكون القسط الشهري 1600 ريال كم يبقى من الراتب الان ؟ راح يبقى 3400 ريال هذي 400 ريال قسط بنك التسليف يبقى صافي 3000 ريال وش رايك؟؟ هل تكفي او ماتكفي ؟؟ انا اقولك يالغالي بدون شوشره ووجع راس !! يقولون النيه مطيه ,, ومن نيته خير الله يوفقه انت اذا تزوجت يجيك الرزق وانت ماتدري ويقولون البنت تجي ومعها رزقها يعني لاتشيل هم ابد وانا والله ان وقفت على الراتب ماتزوجت وبالرياض واجار وغلا معيشه لكن املي بالله سبحانه ,, الرسول صلى الله عليه وسلم يقول فيما معنى الحديث " ثلاثه حق على الله ان يعينهم- وذكر منهم - الناكح يريد العفاف" انت وكل الله ولاتشيل هم العيشه ابد شوف الاخت منووره تقول راتب زوجها 1800 والله ساتر عليهم وموفقهم (: اذا الزواج على الراتب اجل ماحد متزوج نهائيا !!! اسال الله العظيم رب العرش العظيم ان يفرج عني وعنك وعن المسلمين انه القادر على ذلك تحياتي الروقي |
يختلف من عائلة لإخرى فيه عوائل تهتم بالكماليات وفيه عوائل لا تهتم بها لكن أضبط وضعك وعليك بالجملة ففيها توفير للكثير من المال والجهد
|
والله تدرون انا رتب زوجي بشهر 1000 ريال لا تستغربون الحمدالله الشقه ملك بس والله متكفي صار لنا شهرين مايجي اخر الشهر الى مامعنا شي ومين الى يعطيه امه بس والله ماتكفي وعندنا بنوته وكلمته بالموضوع يقول انا معندي شي لا هذا كله مع سيارته ومع الجوال حتى الملابس بس يعيد الفطر الماضي حتى صار عندنا مناسبه في شهر 1 ومن الرتب وزجي مايشتغل ولا شي وفتحله تموينات بس يقول انا خسران ولا يروح لها وان متعودت على الشي هذاا وعرفه اني طولت
|
بصراحه اللي عنده ديون مايقدر يوفر ولا ريال والله يعين بس
قسط في السياره وقسط للبنك وقسط مصاريف ابوه وأمه شهريها وووو وفي اخر الشهر ولا فلس |
والله عطيتوني امل
"الحب يصنع المعجزات" لولا وجود الحب لما صبرتم علي هذه الحياة القاسيه.. الله يخليكم لبعض |
ما فيه حد الذي مرتبه 15000 سيصرفها والذي مرتبه 20000سيصرفها والذي مرتبه 5000 سيصرفها
وكل انسان يعيش على حسب دخله ولا يتورط فالسفر مو ضروري اذا كانت حالته الماديه لا تسمح |
انتم بالسعودية عدكم ارتفاع بالاسعار الفنادق والمطاعم وحتى لو الواحد يطبخ بالبيت يكلف غالي
رمضان قبل الماضي طلعنا عمرة انا واهلي وبيت اهل زوجي, الاسعار غالية وتختلف عن الاسعار عدنا بالعراق الله يعينكم وخصوصا اسعار بدلات الافراح هاي تكسر الظهر الله يعين المقبلين عالزواج احنا اغلى فستان ب 200دولار اعتقد تساوي 700ريال عاد انتو احسبوها باختصار ما قدر افيدك لاني من غير دولة |
يعطيكم العافيه جميعاً
وبارك الله فيكم اخوي وليد الروقي يعني انت حولي 3000 الصافي |
اقتباس:
كل مولود ياتى برزقة اختى.توكلى على الله وما من دابة فى الارض الا على الله رزقها ويعلم مستقرها ومستودعها ان نفسا لن تموت حتى تستكمل اجلها...فاتقو الله واجملو فى الطلب |
شوف اخوي
اللي دخلة الشهري 2000 ريال عايش واللي دخلة 25000 برضوا عايش لكن المهم مين منهم يعرف كيف يصرف ...؟ |
تمنيت ان اكون ياباني
عشان هالموضوع لى سنين وانا ما قدرت احدد كما اصرف في الشهر السموحه والعذر فعل قدر اهل العزم .........ز |
| الساعة الآن 01:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©