|
زوجي يتركني عند اهلي
السلام عليكم اتمنى تعطوني افكار وحلول زوجي يزعل ويكبر المشاكل زوجي تركني عند اهلي مدة اربع شهور لايسال ولا يعطيني مصروف وبعد 4 شهور جاء وطلب من الرجوع لاكن بدون اسلوب ويتشرط مع العلم عندي ولد منه عمره سنه ولاكن مو اول مره يخليني عند اهلي ساكنه مع اهل زوجي:18::
تم تعديل العنوان ليتضح المضمون ... |
اهلين اختي حبيبتي الأمل المجروح الله يصلح مابينكم والله يكتب اللي فيه الخير
كثري من الأستغفار وقرات سورة البقره والدعاء بنص الليل وربي يفرجها عليك |
ما أثار استغرابي إزاي تركك و ابنه من غير مصروف مدة أربع شهور ؟ منتظر أهلك يصرفوا على ابنه!!
لكن شوفي يا حبيبتي هي مش حرب عشان تقولي بيتشرط و من غير أسلوب و معرفش ايه أصلا تركك لبيتك لأربع شهور كاملة ( يعني ربع عام كامل ) أمر خاطئ و خطير و يعلمك أن لا تفعليها و تتركي بيت الزوجية ثانية أبدا أبدا و أنا لا أفهم كيف زوجان يتركان بعضهما لأربع شهور كاملة و بينكم طفل أرى الخطأ مشترك و الحوار بينكم أنعدم , كان يجب أن تحاوريه من أول أسبوع تركك فيه ما حصل قد حصل , لذا عليكما تصحيح أخطائكما و الإهتمام بطفلكما |
السلام عليكم،
غاليتي منذ البدايه تعود زوجك كل ما صارت مشكله تركك عند اهلك، و الظاهر إنه ما عندك اعتراض و هذا خطاء، عليكما مواجهة مشاكلكم لكي لا تكبر الفجوة بينكما، الهروب لا يعالج شيء بل يزيد الطين بله. من تجربتي: عشت عند اهل زوجي سنين، و لم اتذمر على العكس تأقلمت و كنت فرحانه بنفسي، لما نقلت لبيتي حنيت لجوا الاسره جد جده إخوات زوجي و الكل. كانت تصير بيني و زوجي مواقف صعبه بس كنت امسك نفسي و لا اروح عند اهلي هذا ما حل، لما يعصب زوجي يطلع من البيت و انتطره يرجع عشان ننهي المشكله ما اتهرب ابدا، و لا احسس اهل زوجي انه في مشكله بينا على العكس اضحك اتسولف، كل المشاكل و الخلافات يتم مناقشتها في داري بيننا و بهدوء، و بعيد عن نظر ابنك و لو كان صغير هذا الشيء راح يأثر على نفسيته، اللهم يحفظه لكما. و عليكي ايضا اتباع نصيحة الأخت دولي و العمل بها. تحياتي القلبيه. |
اقتباس:
|
مشكوره يااختي نوران والام الحزينه زوجي ياخذ ابنه كل اسبوع وغالبا يخليه عنده يومين او يوم يحضر متطلبات ابنه فقط
|
ياليت تعطوني حلول انا محتاره والله يعطيكم العافيه
|
ليش برايك يسوي كذا ؟؟
|
أين الحوار يا أختي؟؟؟
هل على كل مشكلة يسوي كذا؟ ليش ما تحاورينه وتحلين مشاكلك معاه بأسلوب جميل بعيدا عن الصراخ والزعل |
حببيتي واضح من كلامك انك مستسلمة ومغلقة باب الحوار وطول الوقت جالسة تنظرين المبادرة من طرف زوجك اوبمعنى اصح تبغيه يتأدب ماأقولك اني ناجحة بحياتي الزوجية لكن من تجربتي البسيطه الرجال مايجون بالعناد بالعكس تكبر روسهم زيادة حاولي معاه بالسياسه والكلام الطيب والله يسخره لك مانقول الاربي يعين على هالدنيا مافيها مرتاح
|
الراحة في الجنة
والدنيا لا بد فيها من تعب |
يعني هو اللي حطني عند اهلي وجرحني يعني صبر على فراقي 4شهور اكيد انه مايبيني وشلون تبوني انا اللي احل المشكله حتى بعد يوم جاء يرجعني يتكلم بدون اسلوب ومن كلامه الغير لائق يقول انا جيت ارجعها علشان ابني بس هذا طبع زوجي كم مره يخليني من فتره خلاني شهرين وجاء يرجعني نفس الطريقه بدون اسلوب الله يجزاكم خير وتشوفون السعاده دوم وتحقق امنياتكم
|
مشكور المتهندم ياختي ابي حل
|
يا أختي هذا كلامك
اقتباس:
اقتباس:
أبشري هذه حلول: 1- الدعاء : ادعي الله إنه يقرب بينكم وأكثري من الاستغفار والتوبة والعمل الصالح 2-حاوريه وقوليله: ليش يا حبيبي إنت تسوي معاي كذا؟أنا قصرت معاك بشي؟ هل في شي ضايقك مني لا بد يا أختي يكون فيه حوار هادئ بدون عصبية بين الزوجين والا كيف تبين تحل المشكلة 3- اشتري له هدية، اضحكي في وجهه، ادلعي عليه، حاولي تتقربي منه شوفي الشي اللي يحبه (غير الحرام) وسويه له اياه هذه بعض حلولي وان شاء الله الاخوان يساعدونك صدقيني يا أختي إنت لو تقعدين وتفكرين وشلون تتقربين من زوجك بتحصلين حلول كثيرة بإذن الله |
لابد من وضع النقاط على الحروف ...والوصول الى اساس المشكلة وحلها ..
والا سوف تدخلين انتي وزوجك في حلقة مفرغة من الزعل والهجران والعودة و...وهكذا الله يصلح شانكم ويلم شملكم على خير |
في ذمتك ما غلطتي عليه وخليتيه يزعل منك هذا الزعل
يا أختي اهله كيف يبدلهم اكيد سبب المشكلة كثرة زنك عليه حتى الحجر لو كل يوم نقطر عليه مويه انحفر الرجال ما قصر يجي لولده ما رماه وشكله رافض الحوار معاك لان النتيجة معروفة مسبقاً ولو ما يحبك في قرارة نفسه ما رجعك البنات على قفا من يشيل ويربون ولده ويسعدونه سعادة ما حسها معاك صديقي زوجته حنانه شكا منها واجد قالوا له ناس تعال نزوجك قال عندي اربع عيال قالوا اختنا قابلة بس نشري رجال تزوجها وربت عياله كان يحسبها جيكره بس يقول سبحان الله اللي عوضني بها وعياله وش صحة ونظافة احرصي على عشك قبل ما يسكنه غيرك وعضي لسانك واصبري زوجك جنتك ونارك الله يسعدكم و يوفقكم |
البنات على قفا من يشيل ويربون ولده ويسعدونه سعادة ما حسها معاك
صديقي زوجته حنانه شكا منها واجد قالوا له ناس تعال نزوجك قال عندي اربع عيال قالوا اختنا قابلة بس نشري رجال تزوجها وربت عياله كان يحسبها جيكره بس يقول سبحان الله اللي عوضني بها وعياله وش صحة ونظافة احرصي على عشك قبل ما يسكنه غيرك((( وعضي لسانك واصبري زوجك جنتك ونارك))) الله يسعدكم و يوفقكم اولا: تعقيب على كلام الأخ اعلاه اخوي كلامك كانك تقول اسكتي واحمدي ربك ان الملك فلتة زمانه صابر وقابل وماتزوج عليك انتي مو مفروض تعترضين او تحسين لا انت كائن غير حي ؟؟؟!!! والدليل عضي لسانك يعني لاتستخدمينه!!!!!!!!!!!1 وجنتك ونارك^^^^^الجنه والنار بيد الرحمن وليست ملكا لاحد نهاية اخي زمن الاستعباااااااااااااااااااد ولى الى غير رجعه:29: الاخت طالبه حلول :11: |
حبيبتي لازم تكوني حازمة شوي 00 وتقوي العلاقة مع زوجك 00 واذا الامر يحتاج تنازلات وتضحيات فلا مانع فهي تثبت لزوجك حبك له 00 ومدى محافظتك عل بيتك 00 أدعو اله لك بالهنـــــــــــــــــــــــــــــــــــــــــــــ ـــــــــــــــاء
|
مشكوره ياهمس السنين وام داليا
كلامكم صحيح بس كيف تبون انا اللي اروح اكلمه وهو جاء يرجعني تكلم مع اهلي ولا ما تكلم معي للمعلوميه هو يسمع كلام اهله ويصدق اي كلام |
طيب ليه ماسالتي
واجهيه واساليه |
غاليتي اين والدك واختك بالموضوع
هل انتي كيس اغراض يركنه ويأخذه متى اراد؟ |
اقتباس:
اختي المسألة مو استعباد (حاشا لله )بس هذا عيب بنات اليوم لا تعرف حقوق زوج ولا شئ ما نبغاها تعرف حقوقه على الاقل تقدر ظروفه ( وتعض لسانها )لان هذا اللسان هو الي راح يخرب حياتها ابداً مو قصدي انها تكون امعة بس اكيد جرحته بلسانها والا كيف غلطت عليه برأيك ؟؟؟!! وأكيد انها تكرر نفس الشئ كل مرة ومو معقول نصدق انها ما غلطت عليه و جرحته و راح يتهجم عليها والا امه قالت له ارميها وقال تم والا ليش رجعها عسى امة غيرت رأيها ؟؟؟!!هو \زعلان وانا ضربت امثلة لعلها تحرص على زوجها وبيتها الله يوفقكم وانتبهوا بوجود الولد لازم توفرون له حياة مستقرة |
حبيبتي الرجال اذا هذا اوله خاليك مصلحجيه اصبري لين تجبين عيال ولو فيه وظيفه توظفي وبعدين اذا كبرو عيالك شوي نفصي عليه عيونك ولاتسكتين عن حقك جعله الحق اذا كان ظالمك
|
اقتباس:
صح لسانك اخوي ولا تنسي قول الرسول-صلى الله عليه وسلم -لو كنت امراً أحد ان يسجد لأحد لأمرت الزوجة ان تسجد لزوجها ) هذا غير حديث من باتت وزوجها ......الخ الله يصلح حالكم دمتم |
الله يعطيك العافيه الهروب وش فيك اشوفك حاط اللوم علي اصلا الرجال كلهم مايعرفون قيمة الزوجه انا ابي منكم حل وشلون اتصرف او اذا كنتم تشوفون ان المفروض اكلم زوجي بس ابي منكم طريقة الكلام ابي اسلوب يحسسه ان هو غلطان يعرف غلطته لان تركني اربع شهور
|
حبيبتي كلم أهلك خلاص اسكتي وارجعي بس بيني له انك انصدمت من اسلوبه تغلي شوي قربي منه لين يحسب انك راضية وواجباتك على أكمل وجه يجي عاد فرحان بعدين اقلبي الموجه كتمي ابكي وبيني انه صار غريب عنك وانتي مصدومة يعني ما شاء الله عليك انت اعرف بزوجك ان شاء الله ترجعون لبعض الله يسعدكم
|
لا مايصير تعض على لسانها ليش هي ماهي انسانه بعد لها حقوق ومتطلبات
انا استغرب لين الحين ان فيه ناس كذا خليه يهاوش ويخليك عند اهلك ومع ذالك عضي على لسانك؟؟؟؟؟؟؟؟؟؟ زمن اول غير ليش دايم مطلوب من الحرمه تسكت وتسكت ليش هي جماد ماتحس وهي انسان ملاك وماعنده اخطاء حتى لو كانت غلطانه اكيد فيه سبب خلها تغلط وقوي بعد وكل واحد له طاقه يعني يتركها 4 شهور وتبغاها تعض على لسانها ويجي بالعنف و بعد وتروح له بكل سهوله لاتعم على بنات اليوم مايعرفون حقوق الزوج شوف عيال اليوم بعد مستهتر وماعنده اعتبار للمسؤليه يعني هذا زوج الأخت لو يعرف مصلحة بيته وولده كان مب كل فتره يتركها بيت اهلها ويرجعها كل ماحكم كيفه لو سمحت بدون تحيز لاي طرف الأخت تبي حل من انسان معنده اي اعتبار للمسؤليه وشكرا |
مشكوره حياتي يااخت دولي كلامك حلو وجميل واضح
وانتي صادقه بكلامك ان شباب اليوم مب قد المسؤليه مستهترين طايحين بعد بالخيانات |
يا أختي لا تعممين
مو كل الشباب خاينين احنا إذا ما عرفنا نتصرف ألقينا باللوم على الطرف الآخر حتى نلقي عنا المسؤولية انت يا أختي أيضا مسؤولة لو إنت صادقة في دعواك تقعدين معاه وتعرفين ايش السبب وتبيننه لنا حتى نساعدك أما يوديك عند أهلك 4 شهور من غير سبب هذه ما تدخل المخ خليك صادقة مع نفسك ومعاه والناس هنا ما راح تساعدك إذا ما عرفت ايش السبب |
حتى لو صارت مشكلة و أنتي الغلطااااانة
يخليك شهـــــــــ 4 ـــــــــور من دون سؤال و لا مصروف ************** وين حنا فيه ؟؟؟؟؟؟؟؟؟ |
شوف يا اخي المتهندم انا صادقه مع نفسي لو كنت انا الغلطانه كان ما ارسلت لكم مشكلتي ادور حل عالعموم مشكور للمعلوميه واذا جاء الحق كل الرجال مايعرفون حقوق المراه ماتشوف كثر الشكاوي النساء من ازواجهم
|
لو اني عارفه ان الرد بيكون كذا كان ماارسلت
|
يا اختي طيب ايش هذه الهوشه الكبيره الي اكيد عليك وعليه فيها جزء من الخطا وبعدها رحت لاهلك وصارت هذه المشكله وتركك يا اختي المفروض ابوك يمسك زوجك ويكلمه ويفهم منه ايش مشكلته وليش يتصرف بها الاسلوب ومنها بعد يفهم زوجك ان وراك احد يدور عليك وما يرضى عليك ومنها تفهمي ايش سبب زعله لان احيان الزوج يقول للاهل شي ما يقوله للزوجه .. بالتوفيق يا اختي رتي يحنن قلب زوجك عليك ويسخره لك ويسخرك له.. |
مشكوره يام ولدها ابوي ماقصر ساله وقال وش عندك تسوي كذا بنتي مو لعبه وابوي تفاهم معه بس زوجي الى الحين ماقال شي مقنع
|
ماشوف احد يعطيني حلول وينكم
|
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©