|
سفر زوجي الاسبوعي يعكر حياتي
السلام عليكم ورحمة الله وبركا
أنا عندي مشكله قديمه ومتجدده وحاولت بكل الطرق و لم اوفق وبدأت تؤثر على حياتي الزوجيه وهي 0000 لي اربع سنوات متزوجه وعندي ولد وبنت واسكن في منطقه بعيده عن اهلي وايضا اهل زوجي يسكنون في منطقه اخرى ويريد زوجي في عطلة كا اسبوع يذهب لأهله ليس حبا في أهله ولكن لأصحابه في بداية زواجي كنت اذهب معه مع أني اتضايق من ذلك ولكن قلت لعله بعد الأطفال يحس بالمسؤليه ويستقر ولكن للاسف تعلق فيهم أكثر بأصحابه ويبغى يروح كل أسبوع وطبعا أنا رفضت وحصل خلاف بينا لدرجه صار يروح وانا اقعد بشقتي مع عيالي بلحالنا لأضغط عليه لكن مافيه فايده وصار يرفض بشده إني اقعد ويقول روحي لأخوك وإلا تعالي معي 00 طبعا صعبه إني اروح لاخوي كل أسبوع 00 وصار نهاية كل اسبوع مشكله بينا وقلت له اسبوع لأهلك او بلأصح لربعه واسبوع لي يقعد معنا وقلت له بأني محتاجه لك وأني ابغى اقعد معك 000ومع ذلك رفض ومصمم اروح معه كل اسبوع وانا رفضت وبشده وقلت له تبغى تروح كل اسبوع رح لكن أنا لا وبقعد في البيت طبعا بعد هذا الخلاف 00صار نقعد اسبوع ويروح لربعه اسبوع ولكن مع ذلك مارتحت يقعد وهو متضايق وربعه يكلمونه وينك وراك ما جيت 0000ويضيق صدره وتطلع نفسه شينه وكأنه جالس بالغصبه ويكرر علي لو إني رايح احسن 0000 في أخر نقاش بيني وبينه قلت له 00ياليتك ماتزوجتني 00كان اخذت وحده ساكنه عند اهلك 00علشان تسافر معك كل اسبوع 00هذا انااقعد معك بالأشهر ماقلت لك ودني لاهلي كل اسبوع اوسبوعين ومثل مااهلك يشتاقون لك ولعيالك بعد انا اهلي يشتاقون لي ولعيالي بس ازواج إستقرار 00 والرجال يتزوج علشان يستقر مش علشان يتردد على اهله كل اسبوع كأنه اعزوبي وترى اهلي متضايقين منك بسبب هالتردد وانا مابغى اقضي عمري معك روحه وجيه كل اسبوع أنا ابغى إستقرار0000000000000000 بصراحه انا ماقلت هذا الكلام إلا من القهر طبعا زوجي تضايق من هذا الكلام وزعل ونفسه شينه علي وهالاسبوع قعد لكن نفسيته زفت وقال أنه ما توقع إني اقول هذا الكلام والمشكله انه ما اقتنع بكلامي ويبغى يروح 00وكمان مش حاله انه يقعد معي وكأنه مغصوب ولان تعامله معي تغير وصاير عصبي ويقول اني مافهمه ولا اهتم فيه ولا ابادله نفس الحب وإني متغيره عليه وحاولت اتقرب منه مافيه فايده واحس إنه شايل علي وقالي إنك جرحتيني وجرحك هذا مستحيل انساه وقال لو كل يوم انا وياك بمشكله لا تفكرين بالأنفصال لأن بجد صرت افكر فيه وكأنه حس بذلك يعني يبغاني امشي على هواه بصراااحه انا تعبت ومليت ابغى حل الله يرضى عليكم ............................... تم تعديل العنوان للتوضيح الاشراف |
السلام عليكم . . . شوف اختي الكريمة لما زوجك يوع يوم بالأسبوع عند أهله أو ربعه معناها قاعد معك ست أيام شو بدك أحسن من هيييييييييييييك أنا رأيي تحمدي ربك ... غيرك أزواجم كل يوم يطلع ويطش مع صحابه دون مراعاه لزوجة وأولاد وبيت ولو مره بالشهر أو أكثر أخذك في زيارة عند أهلك مش غلط . . . أنا رأيي إنه السالفة بسيطة ولا تكبريها الرجال محتاج ليوم اجازة مش أكثر . . . كبريها بتكبر ... صغريها بتصغر . . . أسأل الله العفو والعافية والله المستعان |
اشكرك ياخ فلسطيني على ردك
لكن تخيل معي كل يوم اربعاء سفر يعني شنطه وحوسه والجمعه راجعين إسبوعيا بالله مش تعب يعني مالنا حق يقعد معنا خميس وجمعه ونغير جو ونطلع ونتمشى مثل الغير بعدين انا اقعد عند اهله 00وهو يوسع صدره مع ربعه وش هالعيشه00 |
طيب يا أختي ليش ما تخلينه يحب يجلس معاك
يعني بالكلام الحلو والتزين والدلع والاهتمام فيه وصدقيني كثير من الرجال يعاند إذا نصيحتيه مباشرة إذا جيتي تنصيحينه خليه يعتقد إنه الفكرة فكرته الرجل يحب يعرف إنه له قيمة عند المرأة وريه إنه هو مهم عندك لا تقولين هو يعرف لأ قوليله ووريه إنه هو مهم وغالي عندك وكرري هذا الشي أكثر من مرة وبإذن الله يسمع اللي تقولينه بس حسسيه بقيمته قوليله يا بو فلان طلتك علينا تسوى الدنيا احنا نحبك ونحب قربك يمنا وبدونك ما نسوى شي الله يصلح زوجك |
وإن شاء الله حياتك مع زوجك ما هي بخطر
بالعكس انتو سعيدين ان شاء الله بس خليك متفائلة وادعي ربك والأمور تتيسر |
عزيزتي ...
تقولين (( طبعا بعد هذا الخلاف 00صار نقعد اسبوع ويروح لربعه اسبوع ولكن مع ذلك مارتحت يقعد وهو متضايق وربعه يكلمونه وينك وراك ما جيت 0000ويضيق صدره وتطلع نفسه شينه وكأنه جالس بالغصبه ويكرر علي لو إني رايح احسن )) يعني زوجك جدا جدا متعاون بما أنه قدم رغبتك على رغبته (وهوبإمكانه لا ينفذ ما تريدين) !! وبالنسبة إنه متضايق :: القضية بييلها وقت ليس إلا (وإنت ربما إستعجلت الثمرة) !! لكنكك خربتي على نفسك حبتين بالكلام إلي قالك عنه ( إنك جرحتيه فيه )... ( ياليتك ماتزوجتني 00كان اخذت وحده ساكنه عند اهلك)>>>> مرة قوية !! ( انااقعد معك بالأشهر ماقلت لك ودني لاهلي كل اسبوع اوسبوعين )>>>>حجة نافعة (هذا إذا مدينة أهلك بعد مدينة أهله). ( وترى اهلي متضايقين منك بسبب هالتردد)>>>>وش دخل أهلك بالموضوع؟؟ ,,وما راح تنفعك هذه في إقناعه .. أنا أعرف إن طريقته( كل إسبوع عند أصدقائه) صعبه مررررة وتقهر ...لكني أشوف إنه لا زم (ترقعين ) ما جرحتيه به ... بطريقتك الخاصة وكلامك الحلو :) &ولا تنسين غاليتي أن الزوج يحتاج أن يقضي وقته بما يحب وينفس عنه بطريقه االخاصة حتى يستطيع أن يعطي ...& أخيرا ..سخر الله لك زوجك وسخرك له ... |
شوفي ياعزيزتي انا صريحه جدا انا راح اقولك اولا في بنات متزوجات وازواجهم نفس الحاله ويسافر شغل شهرين ماتشوفه
عادي قدري وبعدين انتي لاتضغطين عليه الرجال مايحب الحكره يعني لا مافي روحه فهمتي والي فهمته من كلامك ان زوجك يعاتبك ويدور اي شي عشان يزعل تعرفين ليه لانه مل من الحكره يعني لاتقفلين عليه خليه على راحته والرجال مايحب الزوجه الي تحكم رأيها ويحس انه فاقد حريته عشان المسؤليه والاطفال وهكذا تبين نصيحتي اتركيه على راحته وحاولي شغل وقتك في الدعاء والاستغفار والصلاة والمحافظه على تربية اولادك والى فأن زوجك بهذه الطريقه سوف يمل وممكن تضعف نفسه ويخونك او يبتعد عنك ولسبب واحد يريد الشعور بحريته مثل قبل الزواج يعني لما كان عزوبي |
اقتباس:
بصراحه حاولت معه 00لكن المشكله في ربعه إذا قعد دقوا عليه 000يعني حتى وهو بعيد واصلني شرهم على العموم بحاول والله يهديه |
اقتباس:
. |
اقتباس:
لكن انا اشوف إن قعدته عندي حق لي وإلا هو ليش متزوج حرمه علشان تطبخ له وتغسل له ويقضي وطره منها ونهاية كل اسبوع يرميها عند اهله ويوسع صدره مع ربعه ما يكفي إني بعيده عن أهلي اصلا ايام الأسبوع ما أطلع من شقتي ولا روحه ولا جيه مش من حقي يعوضني خميس وجمعه أغير جو وايام الاسبوع روتين قاتل وعنده ربع يطلع يتعشى معهم يوم ويجتمع معهم مرتين المغرب وانا ساكته خليه يغير جو وبالأأخير000 إذا جت نهاية الأسبوع سافر بي لأهله وسع صدره مع ربعه إلي هناك طيب وأنا 0000000000000ما لي حق اغير جو |
والله عجبتيني بصراحه (دامك ماعصيتيه وحاولتي تجذبينه لبيته بطرق سليمه وحلوه وعقلانيه)
انتي خليك على موقفك وادعي الله ان يسخره لكم وليش مايطفي جواله اذا جلس علشان ماينحرق انتي تعاملي بهدوء وموفقك استمري عليه الا اذا حسيتي انها بتوصل لطريق مسدود فا انا اقلك هنا انظري للموضوع بطريقه ثانيه الله يسخره لكم ويبعد عنكم كل سوء ويخلي كل اصحابه يجلسون في بيوتهم ويفكونك منهم و |
اشغليه بأولاده
لما يطلع اتصلي قوليله الولد ( أو البنت ) يريد أن يكلمك و أعطي السماعة لأحد الأولاد يكلمونه شوية حتى لو الأولاد صغار و كلامهم مضحك خلي يسمعهم لو ولد فقط ارتفعت حرارته عشر درجة اتصلي على طول خليه ياخذه على المستشفى خلي أولاده يمسكونه من ملابسه و يركضون ناحيته و هو خارج و خلي أحد الأولاد يصر أن يخرج معه و يبكي على الباب اتصلي قوليله فلان بيقولي خلي باباب يشتريلي كذا ( حلوى - عسير - أي شيء ) اتصلي قوليله أحد الأطفال يبكي يريدك اشغلي باله بأطفاله بأكبر قدر ممكن و خلي قلبه متعلق بهم ربنا يوفقك |
المنطقة التي ساكنين بها لماذا لاتفكرين ان تكونين صدقات بها وتشغلين نفسك خلال غيابه بالسفر ...
|
الافكار اللي قدموهها الاخوات والاخوان جميله ومباركه
اضف لفكرة الاخت نوران ان اصحابه معطين لنفسهم حق ماهو حقهم فانت الاولى بالحق منهم وفري له الهدوء وجهزي حقيبتهوانت مبتسمه امامه وبيني له انك راضيه عن سفرته وادعيله وقت خروجه ووصيه انه يطمنك اذا وصل ومن هنا ابدئي لعب الاعصاب فيه كل شوي دقي قولي قلقانه ومره قولي خايفه ومره قولي طمني عليك يالغالي ومره قولي لاتشيل هم ياحبيبي انبسط انت واستانس وارجعي اقلبي الموجه دقي وقولي الاولاد ولهانين عليك ومره قولي ياليتني جيت معك بس السفر هدني وتعب علي وكل مافكرت بالتعب هونت المهم لاتحسسينه انك بتنكدين عليه خليه يحس بالذنب وحل آخر انك اذا سافرتي معه حاولي تستثمرين هالسفره كيف ؟ يوم يروح لاصحابه واليوم الثاني يمشيكم انت والعيال حتى لو نص اليوم مع اني مو عارفه كم يوم يجلس مع اصحابه ياليت توضحين لنا بعدين اختي الاسبوع اللي ينوي الجلوس معك خليه قبله بيوم يخبر اصحابه انه لن يحضر لهم وحاولي تخلين لها ليله ماحصلت وخليه يشوفك اجتهادك وكل شوي قوليله ياحبيبي ماراح اخليك تندم انك قعدت معانا ياحبيبي ماتتخيل سعادتنا ياحبيبي وهكذا اشبعيه سمعيا وبصريا وكل الحواس اشبعيها واشعريه بامتنانك له وشكرك له بهديه مكتوب بها عبارات شكر خليه يشعر بضعفك واحتياجك وحبك ورغبتك فيه واهمسي له اسفه ياقلبي حرمتك من اصحابك بس الاسبوع القادم بنزل معك علشانك مو اختي هو معصب وانت تتفرجين عليه ومكهربه منه لا يا اختي خليك ذكيه ومرحه وفرفشيه وتدللي عليه حتى لو شفتي نيوبه بارزه ثواني ويلين لك |
اقتباس:
تقولين عجبتك بس والله تعبت معه تعب مش طبيعي خاصه إنه عنيد وراسه يابس وانا غلطت جاريته اول الزواج يقالك زوجه مطيعه ظنيت بينفع معه بعدين00 وقلت توه ماتعود على المسؤليه إلا الرجال نشب فيهم زود00 .وحتى وانا حامل قسما بالله ما رحمني 00يقول بغير جو 00وكنت وقتها مالي خلق عاى الهواش معه بس من بعدها قلت لازم احسسه بالمسؤليه اسأل الله ان يهديه ويبغضه بربعه إلي واقفين عضم بلعومي |
اقتباس:
وكلامك على العين والراس وأن شاء الله ابطبقه مع أن اولدي متعلق فيه بشكل غير طبيعي بس شكلي بخليه لزقه بظهر ابوه |
اقتباس:
شكراغ حبيبتي على ردك ياحبيبتي حتى لو كونت صداقات مع الغير ابلصق فيهم كل خميس وجمعه والله حاله اخوي انحرج اروحله كل خميس وجمعه احس بيكون لهم خصوصيه يبغوا ينبسطوا مع بعض اجي اقط معهم والله احرااااااااااااااااج |
اقتباس:
وكلامك على عيني وراسي والله إني احاول اسعده واتزين له00 بس يكون متنرفز يعني على اعصابه 00 ادنى غلط من الصغار يعصب وبعدين تشين نفسه ويالله عاد تعالي كلميه يكلمك من غير نفس ولا يطلعنا الا بقول 00يعني مستحيل من نفسه احس كانه يبغى يكرهني بجلوسه فتكون هالخميس والجمعه نكد00 حرق اعصاب 00وماسكه نفسي اشوي وانفجر احس إني تعبت فعلا واول مابديت ارفض اروح معه كنت اروح لأخوي بعدين خلاص إستحيت منهم00 وبعدين اصريت اقعد بشقتي00 ورفض00 وقلت له تبغانا اقعد معنا00 وركب راسه وركبت راسي00 تخيلي سافر وهو معصب لدرجه خفت يجيه شي في الطريق00 وقعدت انا وعيالي بلحالنا بشقه ننام ليلتين ماعندنا احد 00وكررها كم مره ليضغط علي علشان اروح 00 وإذا جاء من سفره يجي وانا زعلانه شوي وانفجر من القهر فتكون نفسياتنا زفت مع بعض يوم يروح لاصحابه واليوم الثاني يمشيكم انت والعيال حتى لو نص اليوم باحبيبتي انا اكون عند اهله لو بيطلعني بتطلع العائله كلها مره اصريت عليه يطلعنا اطلعت العائله كلها حتى مرت اخوه معنا ونفسه شينه تهاوش مع امه ومع اخته يعني طلعت نكد وهواش ومشاكل الله لا يعيدها من طلعه مع اني مو عارفه كم يوم يجلس مع اصحابه ياليت توضحين لنا ياحبيبتي ربعه وهله مع بعض في نفس المنطقه يعني ياخذني معه ونروح لاهله ثم ما اشوفه مع ربعه حتى احيانا بعض المشاوير يوديني اخوه00 وبعدين صرت ارفض والزمه إلزاما يوديني هو الله يجزاك خيرا على لنصائح الحلوه وجاري التنفيذ إن شاء الله |
أختي الكريمة مشكلتك مرة هينة قدام كثير من المشاكل اللي نسمعها ونقرأها لكن صدقيني الحل الأول والأخير بيدك أنت.. في البداية يمكن الرد يكون طويل بس راح أحتسب الأجر وبإذن الله تقتنعي بالكلام اللي راح أقوله وتعملي بيه.. في البداية لازم تقتنعي أن هذا زوجك حبيبك وأبو عيالك ورفيق دربك وعشتوا أيام كثير حلوة وأيام مرة وعلى سلبياته فيه عنده إيجابيات وتذكري لحظات السعادة اللي عشتوها مع بعض ولحظات التضحيات.. الآن أنسي كل المواقف والزعل والإحتقان الحاصل بسبب سفره الأسبوعي وأبدأي صفحة جديدة علشان تحلي هذه المشكلة وتسعدي في حياتك.. الأسبوع هذا قولي له سافر حبيبي أنا تعبانة وما أقدر أسافر سافر أنت وأنبسط وسلم على أهلك وجهزي له شنطته وضبطيها وحطي رسائل حلوة في ملايسه من كلام البنات المعروف راح توحشني وأحبك ومن ذا الكلام وكثري وإذا قدرتي تحطي له هديه حليلة في الشنطة المهم نفسيته راح ترتاح مرة وراح يفكر فيك حتى وهو عند أصحابه وممكن يشعر بالندم أنه سابك لحالك المهم إنت كلميه و قولي له أنبسط حبيبي وخذ راحتك على الأخير أهم شئ ترجع لي ولعيالك سالم غانم ونفسيتك مرتاحة.. بعد كذا يوم الجمعة قبل ما يوصل تكوني نيمتي العيال بدري وتعملي له جو في البيت ما حصل يعني شغلات حريم شموع وإضاءات خافته والعشاء اللي يحبه وعصير وجو رومانسي وتكوني متكشخة على الأخير المهم تعملي له ليله خيالية وتقدري تأخذي الأفكار من المنتدى بس أهم شئ ما تناقشي معاه أي موضوع يعكر مزاجه وتتكلموا عاد في أي موضوع وتنبسطوا وتعيشوا ذيك الليلة بسعادة وإذا كان زوجك بيجتمع مع أصحابه يلعبوا ورقة ولا أي لعبة قولي له ها حبيبي فزت ولا أنهزمت وقولي له شكلك هزمتهم المهم من ذا الكلام خلاص وتكملوا ليلتكم بسعادة لا تنسي مرة ما تفتحي موضوع أصحابه والسفر ومن ذا الكلام.. بعد كذا يوم الإثنين أو الثلاثاء تقولي له أنا عازمتك على الغداء أو العشاء شوفي الوقت اللي يناسبكم على حسابي (يعني على حسابك أنت خخخ المهم دبري نفسك) يعني الأسبوع ذا إذا تقدر لا تسافر والأسبوع الجاي عوضها حبيبي هذا إذا قدرت يعني لأني مرتبة لك عزومة على كيف كيفك المهم إن شاء الله بيوافق المهم يوم الخميس روحوا مطعم وروحوا مشوا العيال وحاولي تسعديه بأي طريقة شيلية على كفوف الراحة .... تعبت من الكتابة بأخذ بريك وبرجع أكمل الرد.. |
| الساعة الآن 12:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©