منتدى عالم الأسرة والمجتمع - شنطة شهر العسل شو احط فيها ؟

منتدى عالم الأسرة والمجتمع (http://www.66n.com/forums/index.php)

- أرشيف مملكة المرأة (http://www.66n.com/forums/forumdisplay.php?f=67)

- - شنطة شهر العسل شو احط فيها ؟ (http://www.66n.com/forums/showthread.php?t=166889)

روح السلام

29-06-2008 02:07 PM

شنطة شهر العسل شو احط فيها ؟

السلام عليكم ورحمة الله وبركاته
كيف الحال ..؟ ان شاء الله كلكم بخير ..
اخواني وخواتي .. جيتكم طالبة مساعدتكم .. وانا ادري انكم ما راح تردوني .. وبتعطوني الدعم النفسي اللي محتاجته كثير خاصة هالفترة .. جوازي قريب جدا ..
ليلة العمر .. شنطتي اللي بخذها معاي للفندق .. شو أهم الأشياء اللي لازم آخذها معاي؟
مرتبكة لا أدري كيف اجهز لسفري .. وهو بعد الجواز بيوم ..
كيف ارتب شنطة سفري ..؟ مااللذي أضعه فيها .. ؟
أريد من شهر عسلي أن يكون من أجمل أيام العمر .. أريد أسعده في كل لحظة .. لكن لا أدري كيف أقوم بذلك ؟

ساعدوني .. والله يوفقكم ويوفق كل عروس مقبلة على الزواج .. وكل زوجة صالحة لزوجها .. يارب

الاشراف : تم تعديل العنوان

ام الجود

29-06-2008 02:28 PM

و عليكم السلام ...

اولا مبروووك وبالتوفيق ان شاء الله

ثانيا اذا كنتي بتقضين ليله واحده بس خذي الاشياء المهمه فقط

مثل :بدلة او تايور علشان تلبسينه ثاني يوم وانتي طالعه المطار مع الحذاء المناسب له واكسسوارته والمكياج الي نفس اللون فقط يعني مو لازم تاخذين معك كل المكياج

طبعا اكيد طقم النوم الي بتلبسينه في ذيك الليله

عدد 2 او 3 طقم داخلي للتغيير

كريمات للجسم واليد وعطرك الخاص ....يعني ادواتك الخاصة

وجهزي شنطة السفر تكون مستقلة وجاهزة

خاطب2007

29-06-2008 02:43 PM

حطي فيها كللللللللللل شي..

لاتبقين ولا شي مرررررة...

ضيآء القرآن

29-06-2008 04:34 PM

سلاماً من الله عليكم

تفضلي غاليتي ما حضر في ذهني حالياً..

الملابس

- ملابس متجددة للطلعات: " الملابس الخارجية + الشيلة أو الحجاب + الإكسسوارات المناسبة " ، أما إذا كنتِ لا تلبسين ملابس مجرد كتافه " 3 كتافه : واحدة للسهرة الفخمة ، واثنتان للخروج العملي والزيارات ".
- الملابس الداخلية : 7 أطقم " لأسبوع ".
- ملابس النوم : " روبات نوم _ القصيرة والطويلة _ على عدد الأيام أو مثلاً 7 روبات نوم عند الحساب بالأسبوع ".
- بيجامات : " طويلة كالبنطال وقصيرة كالبرمودا أو الشورت".

الأحذية

- حذاء رياضية
- حذاء عملي .

حقيبة اليد

- حقيبة واحدة عملية ، بالكثير حقيبتان عمليتان .
- المحفظة " بها بطاقاتكِ الخاصة ".

الحاجات الضرورية

- الفوط الصحية.
- المطهرات " كالديتول أو السافلون ".
- علبة خياطة صغيرة.
- ملصق الجروح الطبي.
- بندول + بروفين.
- باكيت كلينكس.
- كاميرا .

للدين

- سجادة الصلاة.
- مصحف + كتاب أدعية.

التجميل

- حقيبة راقية متكونة من مكياج ناعم وبسيط (بودرة – كحل – قلوز).
- نوعين من العطور للتجديد.
- إكسسوارات ناعمة للشعر + إكسسوارات متناسقة للملابس " لا تأخذي ذهب أو ألماس فقط الدبلة ".
- استشوار+ فراشي الاستشوار.
- كريمات للجسم + كريمات للشعر.
- تثبيت الشعر.
- شاميو + بسلم + صابونه للجسم + صابونه للوجه + معطر للجسم + بودر+ مفركة للجسم.
- فراشي للشعر ومشط للشعر.
- طقم فوط لكِ ولزوجكِ.
- الفرشاة والمعجون.
- طلاء الأظافر.
- مزيل المكياج + مزيل طلاء الأظافر.
- مقص ومبرد أظافر + ملقط.
- ماكينة براون لإزالة الشعر .
- مناديل معطرة للحقيبة.

تحياتي

ضيآء القرآن

almahaaa

29-06-2008 04:54 PM

أختي ضياء القرآن تسلمين والله

ترتيب حلو

وكمان صاحبة الموضوع حتجلس يومين بعد الزواج

يعني خذي من كل شيء حاجتين

تحياتي لكم أخواتي

-نوران-

29-06-2008 05:51 PM

جميل جدا ما ذكرته ضياء القرآن

مبرووووووووووك

روح السلام

29-06-2008 07:39 PM

أم الجــود .. مشكورة غاليتي سأتكد أن أضع جميع ما ورد في حقيبتي ..

دمت بعافية غاليتي

روح السلام

29-06-2008 07:40 PM

خـاطب .. مشكور على التواجد أخي الكريم ..

روح السلام

29-06-2008 07:43 PM

ضياء الدين .. والله ما ادري شو أقولج .. مشكوووورة جدا جدا جدا ... وجزاك الله على كل حرف خير .. ويعطيج اللي في خاطرج يا رب ..

أختي أنا راح أقضي فترة لا تقل عن اسبوعين ويمكن تستمر لثلاث أسابيع ..
اللي وردتيه يكفي لأسبوع .. واخاف اذا كثرت .. راح ازيد في عدد الشنط .. واخاف انه زوجي يتضايق من كثرة الشنط ..

شو اسوي؟؟؟

السموحة الغالية ومشكوووورة على النصيحة

روح السلام

29-06-2008 07:45 PM

المهــا .. نوران

مشكورين غالياتي على التواجد والدعم .. وبارك الله فيكن وفي اختنا ضياء

والله كلكم ما قصرتوا ..

انصحوني والله محتاجة لنصايحكم ..

ناآاني

29-06-2008 08:34 PM

اختي لاتسوين زحمه على نفسج
اخذي الاشيا الضروريه بس
واذا رايحه عسل دوله اوربيه خذي كل شي سبور_ وانتي منتي رايحه صحراء ولا بر _ اللي ينقص عليج اكيد بتلاقينه
لاتتوترين على شي مايسوى
بالتوفيق

-نوران-

29-06-2008 09:40 PM

اقتباس:

المشاركة الأصلية كتبت بواسطة روح السلام (المشاركة 1883373)

مش حيتدايق من كثرة الشنط , حيتدايق من قلتلها لما ما تلاقيش حاجة تلبسيها

شوفي خدي شنطة هاند باج فيها كل الإكسسوارات و المكياج و الأشياء التي ذكرتها ضياء

و شنطة سفر متوسطة الحجم من النوع الزحاف تكفي تقريبا 30 كيلو

حطي فيها ملابس البيت و الأرواب و الداخلي و الفوط و غيره . إذا كفت حطي ملابس الخروج

إذا لم تكفي خذي شنطة زحاف أخرى 20 كيلو

أهم شيء ترتيبي الأشياء بدقة حتى لا تأخذ مساحات كبيرة في الحقيبة

وفقك الله

روح السلام

29-06-2008 09:59 PM

مشكووورة ناني ..

تسلمين على النصيحة

toti_froti

29-06-2008 10:05 PM

مبروك خيتو والله يتمم لك على خير
عشان تعرفي احتياجاتك لانك ادرى بها منا
يبغالك جلسة مع ورقة وقلم وتخيلي نفسك من اول ماتدخلي الفندق وانتي بشهر العسل يوم بيوم
واستعدادك للطلعه وانتي بالغرفة وانتي بالحمام وبالطائرة بكل مكان ووقت ايش يلزمك
وسجليه اول باول وكل ماتذكرتي شي ارجعي لورقتك وسجليه
وان شاء الله ماتنسي شي :)

!!حنيين!!

30-06-2008 01:09 AM

ينقل لمكانه الانسب بأذن الله ((ركن العروس ))

سماااره

30-06-2008 01:45 AM

سبحان الله افضل شي ممكن اقدمه لك الاذكار من جد راح تسعدك في شهر العسل لانها بتحفظك من العين والشر

الله يتمم زواجك بسعاده ولاتنسيني بدعائك

اختك سماره تقدم تحياتها لك والف مبروك

ضيآء القرآن

30-06-2008 01:46 AM

سلاماً من الله عليكم

غاليتي

روح السلام

لا شكر على واجب عزيزتي...وهنيئاً لكم أخيتي

http://www3.0zz0.com/2008/06/29/22/523136426.jpg

الحقيبة الكبيرة

1- تضعين السجادة + المشمر في الأسفل.
2- ثم تصفين بها البدلات بطريقة مرتبة حوالي 5 بدلات فقط" يجب أن تكون البدلات ناعمة وبسيطة مثلاً _ خمس أقمصة مختلفة + 3 بناطيل عملية أي مناسبة للـ5 أقمصة_ ).
3- فوقهم تصفين 7 ملابس النوم" فهي كفيلة للتشكيل اليومي أسبوعياً ".

الحقيبة المتوسطة

1- تصفين في الأسفل الفوطة الكبيرة + فوطة صغيرة للشعر + مفركة الجسم.
2- وفوقهم تصفين الملابس الداخلية المتنوعة " سبعة أطقم أيضاً ".
3- وفوقهم البيجاما عدد ( 4) ، لأن أغلب الوقت ستكونين بالخارج ، ولن تعودي إلى الفندق إلا في وقت النوم ، فستستخدمين الأرواب أكثر الوقت.
4- وعلى جانب الحقيبة ضعي الحذاء الرياضي وبداخله نوعان من الجوارب.
5- أما بالنسبة للحذاء العملي ، فأنت تلبسينه خلال الرحلة.
6- كذلك لربما تتواجد في كلتا الحقيبتان بعض السحابات ، بإمكانكِ وضع الفوط الصحية بتنظيم + محفظة الخياطة الصغيرة.

الحقيبة الصغيرة

1- استشوار + الفراشي.
2- مثبت الشعر.
3- تستخدمين محفظة صغيرة " بها عدد من الأكسسوارات االمتواضعة للشعر + وللتجمل + تخبأين بها صابونة الجسم وصابونة الوجه ".
4- يمكنكِ اقتناء من الصيدليات أو السوبر ماركت بعض العلب الحافظة للكريمات والدهون العملية صغيرة الحجم " بها تسكبين كمية بسيطة من الكريم المرطب للوجه + مزيل المكياج + مزيل طلاء الاظافر+ البودرة + الشامبو +البلسم +الشور جل + الديتول كلاً على حدا".
5- الفرشاة والمعجون.
6- ماكينة لإزالة الشعر.

حقيبة يدك " حاولي أن تكون كبيرة الحجم نوعاً ما "

1- محقظة متوسطة الحجم بها " البلشر نوعان + الجلوز نوعان + الكحل نوعان + كلينكس معطر لليد وآخر مطهر لليد + أعواد الأذن + نوعان طلاء الأظافر + مبرد + ملقط +مقص للأظافر + ملصق للجروح الطفيفة ".
2- نوعين من العطور .
3- محفظتكِ الخاصة + الجواز + قرآن صغير + أدعية + بندول وبروفين.

أما بالنسبة للكاميرا فيمكنكِ وضعها في حقيبة يدك أو عند زوجك، وضعي أنتِ وزوجكِ دفتر للدلائل على الأماكن التي ستزورونها + الأمور المهمة الأخرى.

والله ولي التوفيق

تحياتي

ضيآء القرآن

روح السلام

30-06-2008 05:06 PM

توتي فروتي .. حنين .. سمارة

بارك الله فيكم .. ورزقكم من خيره الوفير .. يارب
شكرا على الدعم .. غالياتي .. والله اني ادعي .. وبإذن الله سأظل أدعي لكن وللأخوات ..

روح السلام

30-06-2008 05:08 PM

ضياء القرآن ...

والله ما ادري شو أقولج .. والله سعيدة بشرحك المفصل .. راح اطبع الكلام اللي كتبتيه وأرجع أشيك كل شي .. وحدة وحدة .. واذا كفت الشنط وزادت راح أزيد من الملابس ..

الله يسهل عليج وعلى أخواتي يارب ويعطيكم كل اللي في خاطركم يارب ..

آمين

المفارقة

30-06-2008 09:56 PM

أنا أشوف ياأختي إن ترتبين الملابس والأشايء ترتييب دقيق وتطوينها طوية صغيرة عشان تكفيك الشنطة

روح السلام

01-07-2008 06:23 PM

هلا المفارقة ..

أكيد راح أسوي هالشي .. وجهزت كل شي أبي احطه فالشنط .. وراح اطويها بحيث اني استغل كل مساحة فالشنطة..

الخليج العربي2

02-07-2008 02:05 AM

الف الف مبرووووكـ الزواج..

الله يوفقكـ حبيبتي وييسرلك أمورك..

الحلوة الدلوعة

02-07-2008 05:43 AM

الله يوفقج وان شاء الله تقضين اجمل الاوقات مع زوجك

الاشراف : عذراً لفظ المشيئة يكتب على هذا النحو : إن شاء الله

روح السلام

02-07-2008 10:05 AM

تسلمين لي يارب .. ويسهل عليج ولادتج يارب .. وتقومين انتي وفاطمة بخير وعافية يارب

روح السلام

02-07-2008 10:06 AM

تسلمين لي الخليج العربي ... ويوفقج يارب

noura86

02-07-2008 10:15 AM

عزيزتي ماشالله البنات كفوا ووفوا،، بس اذا كنت ناوية تعملي شويه شوبنغ خلي مكان بالشنطة للاغراض اللي ممكن تشتريها من هناك,,

مبروك الزواج والله يهنيك مع زوجك

روح السلام

02-07-2008 10:27 AM

هلا نورا ..

والله مخططة اني اسوي هالشي .. وشنطت ريلي ما تقصر بعبيها ^_*

-نوران-

03-07-2008 05:44 AM

ربنا يوفقك

الشنط اللي وضعتها ضياء هي اللي قصدتها
ما شاء الله عليها شرحهها وافي

ربنا ييسرلك أمورك

ابوتذكار

03-07-2008 06:20 PM

في شي مهم نسيتوه العمره

روح السلام

04-07-2008 09:55 PM

نوران .. تسلمين فديتج .. الله ييسر امور المسلمين كلهم يارب

ابو تذكار .. بإذن الله .. نحن مخططين ان العمرة تكون في شهر رمضان .. يتضاعف الأجر ,,

والله يوفقنا اليميع

$رهف$

22-07-2008 01:56 AM

حبيبتي حبيت افيدك زياده على ماقالوا الاخوات
موس حلاقه او مكينه
عطر لحمام غالبا يكون بخاخ عشان ماتتوهقين باالريحه هههههه
لاتاخذين ملابس فخمه كثيره خليك سبورات وكم حبه كاجول
اهم شي جزمه رياضه ومكياج بسيط مو كل الاجهاز ، جل لشعر لانه مو دايم بتستشورين
كوايه صغيره ،نظاره شمسيه،واقي شمس،خلي لك عطر ثابت بشهر العسل عشان يكون له نكهه خاصه جدا
علك او حللاو مطهر للفم ،غسول اليد الجل خليه دايم بشنطتك،الساعه لاتكون غاليه عشان ماتسرق ؟والله يهنيك

الساعة الآن 09:05 PM.