|
أريد أن أستشيركم في قريبتي التي دخلت متاهة المسنجر
السلام عليكيم
ابدخل بالموضع علطول اليوم كان عندي ضيوف ومن الضيوف بنت قريبه خال بنتي وها النسانه اعز مثل اختي تفاجت انها تكلم شاب على المسنجر حقها مره تثارت مكنت اتوقع منها ابي ابي ردكم |
دام هالانسانة عزيزة عليكي تقربي منها اكثر وحاولي تنصحيها وتفهمي منها السبب اللي دفعها لهذا الشيء
وتتفهمي المشكلة اكثر والله يبعدها عن الحرام ويحفظها لاهلها |
لازم تحميها وتبعديها عن هذا الطريق ( المظلم ) البنت مسكينة شكلها تكلم ( ذئب ) من الذئاب المنتشرة في هذا الزمن الغدار . . !! انتبهي عليها وساعديها لأنه راح تدعي لك . . وراح تاخذي الثواب من الله هي بنت ماتعرف مصلحتها الحقي عليها قبل لا تتحول المسألة إلى ماهو أكثر من المسنجر !! ( نسأل الله العافية والسلامة ) إحنا في زمن فيه ( رفقاء السوء ) منتشرين لا تقولي (( والله هي صداقة عادية ، ليش التقفيل ، ليش التشدد )) وربي في بنات ضاعت حياتهم بسبب الصداقات هذه اول شيء منتدى بعدين مسنجر بعدين كلام بالمايك بعدين يشوفوا بعض بالصور بعدين جوال بعدين شوفة من بعيد بعدين شوفة من قريب بعدين .......... بعدين ........ - - - - أي مشكلة تحصل للبنت هذه مع هذا الشاب فهي على رقبتك اختي ، تصرفي التصرف الجيّد وربنا يوفقك وربنا يكتب لك السعادة في الدنيا والآخرة ويرزقك الجنة ويرزق كل من يعز عليكي وكل المسلمين |
يا ناس هي قالت ابقولك شي بس لا تنصحين ولاتعلمين احد وانا قالت له سرك بيارا ياناس انا تعبت من التفكير والله انا بعيده عن اهلي وهذي الله انه مثل اختي والا كانت اتوقع انها تصير كذاء ابي عطوني افكار وش اسوي لا تجهلون موضوعي الله يعافيكم ساعدوني
|
اقتباس:
افهم من كلامك إنك ( مو عارفة تتصرفي ) ؟!!!!! أيضًا حالتك النفسية المتدهورة ، أثرت على أسلوبك في الكلام بس مو معقول توصل بك الأمور ، إنك ما تقدر تفكري . .!! يا بنت الحلال قريبتك هذه دخلت ( نفق ) مظلم وإذا ما لقت أحد ( ينوّر ) لها الطريق .. فهي في خطر . . !! لا تقفي مكتوفة الأيدي كلمي أمها ، كلمي اختها ، لاتسمعي كلامها هي قالت لك : لاتنصحين ( مو على كيفها ، إنصحيها ) هي قالت لك : لاتعلمين أحد ( مو على كيفها ، علمي أمها وأخوها وأبوها كمان ) - - - - - بالنسبة للأفكار التي طلبتيها ، فأنا أعتذر عن تقديم أفكار لك اقتباس:
والله ( عصرت مخي ) إلين تعبت ومالقيت افكار !! يا أختي لاتعمدي على الناس اعتمدي على الله ثم على نفسك انا شايفك تاركة مشكلة البنت لنا احنا |
كلميها بتودد ..
قولي لها : صح انتي طلبتي ما انصحك .. بس والله ماقدر .. لو كانت اختي مكانك ماقدر اسكت على غلط (كبير) زي ذا .. انتي (جوهره غاليه ) لاترخصي نفسك ( للي يسوى واللي مايسوى ) ... زي ماكلمك يكلم غيرك ( كثير ) .. ومن الكلام ذا /// عسى ربنا ينفعها به .. ويصلح حالها .. ويهديها .. ويجزاكي خير .. .... |
حتى لو كانت البنت هذه (( غير متقبلة )) لنصيحتك وكلامك ؟؟ وجالسة تقول لك (( إنها تبغى الولد ومن هذه الخرابيط )) . .!!؟؟ فهذا شيء (( لا يهم )) المهم هو ( ( مصلحتــــــــــــــــــــها ) ) مو لازم تكون راضية . . . قومي بتهديدها وقولي لها : (( والله إذا ما قطعتي علاقتك بهذا الشاب ، فسوف أخبر والديك وأسرتك ) ) هذا مجرد مثال |
شكرا لكل من رد على الموضوع بس البنت قريبه لنا من جهة زوجي تكون بنت خالوها والمشكله امه مثل امي والله احبه من كل قلبي يااعضاء ارجواء مساعدتكم للمعلوميه انا عندي المسنجر الخاص حق البنت 00000
والبنت تكلم الشاب من شهر ابي حل عطوني نصائح |
اختي انصحك
ابدا ان لاتبلغي احد من اهلها ان فعلت ذلك بل يزيدها اصرارا وعنادا اختي حاولي التحدث معها سواء في الماسنجر او قولي لها اتحداك اذا مايعرف غيرك واما بحجة الزواج اللي يبغى يتزوج ممكن يروح لبيت البنت الزواج له أصول لاتهدم حياتها والله المراه ضعيفه في دا الشيء |
شكرا قلب سلطان على الرد
|
اخواني اخواتي الا عضاء ساعدوني البنت تقول انه بحبها وانا قالت لها انها يكذب
|
اخواني اخواتي الاعضاء للمعلوميه المسنجر حقه مسجل عندي اقدر ابعد هذا عنه
|
اقتباس:
الحقي عليها قبل لا تضيع يمكن تكون خيره من ربي لأنها علمتك وبإذن الله راح تكونين السبب في نجاتها من بعد الله سبحانه وتعالى ّ! امسكيها واجلسي معها جلسه جاااده وبعدم وجود احد خلي الجو هاادي عشان تسمع زييين الي تسويه هذا غلــــط واكبر غلط ابدا مو من مصلحتها قولي لها اتركيييه ما يصير الي تسويه ما يجوز قولي لها كذا فهميها ممكن هي عارفه هالشي ومتعلمته بس خوفيها من الي ممكن يصير !!! اذا قالت لك ( قلت لك لا تنصحيني ) قولي الا بنصحك !! قولي لها انك خايفه عليها ابدي اهتمامك فيها .. ولو تصيحين يكون احسن ويحرك فيها شي كلميها دائما على التلفون .. اعزميها تمشي معها ابعدي الفراغ عنها اكيد انها ملانه وتحس بفراغ والا ما كان سوت كذا اذا ما نفع النصح .. مثل ما قلت لك كلميها بالتلفون واعزيمها اطلعي معها يالله يااااااااااااااااااارب تهديها وتتوب وتعرف مدى حجم غلطتها وتبعدها عن هالأشياء يااااارب |
اقتباس:
لا لا لا خليه بحاله لا تجينه والله خايفه عليك .. والي بتسوينه هذا غلط ابعدي عنه ولا تفكرين فيه صبي اهتمامك بس على صديقتك وهي اذا تركته هو موب قادر يكلمها اهم شي الان كيف تساعدين صديقتك !! |
الله يجزيك خير جيان قبل ساعه كانت اكلم البنت واقلت له اتركيه تروه ذئب هي تقول انه يحبه ومجنون فيه ونصحته قالت له انها يكذب تقول لا ميكذب قالته الى يكلمك يكلم غيرك تقول لا هو حالف علي انه مايكلم احد غيره وهي تحبه والله مدري وش اسوي الله يعافيكم
|
والله ياختي : قولي لها كلمة ورد غطاها
اذا كان يحبك فعلا : خلي يجي يخطبك من اهلك .. وقتها تعرفيه .. .... المهم : انها تختبرهـ .. بطريقة او باخرى .. لتتأكد انه يلعب .. .. مثلا : تخبره ان هناك من تقدم لخطبتها :: ثم ترى ماذا يقول !! .. او تطلب منه ان يعرفها باهله .. * على سبيل الاختبار .. اخته مثلا .. والطرق كثيرهـ لتبيني لها : أنه (((( يلعب بها .. .. اتمنى اكون افدتك .. اخوكم |
صحيح كلام ( انا والهنا )
اذا ما نفع معها النصح لازم تثبتين لها انك يلعب عليها تقوله خيجي يخطبها .. لازم تكونين معها وجنبها واي رد بيرده ممكن يخليها تنجذب له اكثر باللحظه هذي انتي علقي تعليقات وخلي الكلام الي يقوله ضده مو له حتى يكسبها فهمتي علي ؟؟؟؟ يعني اذا صار ودخلت المسنجر مع الولد هذا انتي لازم تكونين جنبها ومعها ويااارب يهديها |
ياأختي الأمر سهل إذا كنتي تعرفين ايميلها كلميها بالمسنجر على انج ولد وتحبين تتعرفين وقولي لها انج رجل ملتزم وحبيتي اسلوبها من المسنجر _وطبعا عقلية بنات هالوقت تصدق هالكلام وتصدق كلمة أحبج من أي رجال في الشارع _ وحاولي تكلمينها بإميل ثاني سوي لج ايميل جديد طبعا هو ببلاش وسوي لج كذا ايميل وقولي لها مرة ان الشاب اللي هي تكلمه عفج عليها وطبعا بكل الحالات ان انتي تمثلين دور الولد والحبيب العاشق المتيم وخليها تصدقج وهدديها مرة إذا ماطلعت معاج ان تنشرين صوتها بالنت وتعلمين أخوها أو ابوها وبكذا راح تخاف وحتى لو تعرف بعدين ان انتي كذبتي عليها على الأقل تكون مارة بالموقف ولاتفكر تعيدها بسبب الخوف اللي اعتراها منن الفضيحة اللي أوشكت على الوقوع
يارب يارب تكوني فهمتيني |
هلا والله يا اخوان
حنا مجتمعنا محافظ والبنت مو تسوى كذا لانها صايعه ضايعه ... لا البنت متحجبه حتى عبات الكتف ما تلبسها مع ان اهلها عندهم بعض التقصير وعندهم دش لكن... متساهلين وتاركين عيالهم على راحتهم لكن لو يعرف الاب عن الموضوع كان يمنع النت عنهم طول حياتهم والبنت صغيره توها مخلصه من الثنوى ومقبله على الجامعه وما احد تقدم لها وتعرفت على هذا الشاب عن طريق احد المنتديات واخذ ايميلها بطريقه ما ومر على معرفتها به اشهر وقام بارسال صورته لها وطلب ان يسمع صوتها عن طريق المسنجر اكثر من مره وهى ترفض وتتعذر بانها لا تملك مايك او ان والدتها قريبه منها ... وهذا كامل ما حدث معها حسب ما اخبرتنى هى بنفسها ....لذلك اريد نصائح فى الطريقه المثلى في العامل مع الموقف من استشاريين في علم الاجتماع او من لديه تجارب سابقه مماثله ان يتحفنا بافكار جديده ولا تكون تكرار لما قاله الاخوان سابقا |
هناك طريقة اخرى ..
ارجو ان تفيد .. .. بما انها مازالت صغيرهـ .. اخبريها : ان قلب الانثى " كالجوهره " .. الغاليهـ .. ولا يجب ان تكون الا لمن يستحقها .. فهل هذا هو !! فلا ترخصي نفسك .. .. اسأل الله ان يحمي بنات المسلمين .. .. |
اوول شي عزيزتـي تطمني داام المسألهـ ما رااح عليها الا شهر ان شااء الله بتنحل...
خليها تقوولكـ عنهـ اكثر..يعني لا تنفرينها منكـ داامها للحين ما تطوور شي غير المسن خليها معكـ ...وبإسلووب حلوو بعييد عن التحذيير قولي لها قصص تشويقيه عن بنات انلعب عليهم..هالطريقه استحاالهـ تخليها تبعد عنهـ لكن على الاقل بتكوون واعيهـ شووي لنفسها ...وبتكوون فااهمهـ لما بيتطوور شي رااح تفكر بالموووضوووع...(( وبين فترهـ وفترهـ ذكريها بأبوها ولو عرف ايش ممكن رااح يصيير)) حااولي تشغلينها بشي ثااني..حببيها بأي شي ..اعرفي ميوولها...وقربيهـ لها... طبعا اهلها ولا تحااولين تجيبين سيرهـ المووضوع لهم...لكن....خووفي امهاا (واذا كاانت عندها اخت كبيرهـ موجودهـ بالبيت) خووفيهم بقصص البناات اللي انلعب عليهم وكثيير منهم من العواائل المعرووفهـ ... وخووفيهم اكثر بسووء استخداامهـ مو شرط تعاارف مع شبااب لكن فيهـ استخداامات ثاانيهـ موو كويسهـ لهم...انتبهوو لهم.. ووقوولي لهم..حااولوو ترااقبوو أولاادكم من بعييد ..اكييد ما رااح يسوون شي من ورااكم ..لكن خلوهم يحسوون بوجوودكم معهم في استخدامهم للنت لأي غررض...بمرااقبهـ اهلها رااح يقلل شووفتها لهـ .. ما رااح تتركهـ الا بإراادتها هي ومساندهـ احد معهااا... انتي لا تقوولين لها يلعب عليكـ...لكن كرهيييهاا فيهـ ...قووليلها صفاات حلووهـ مووفيهـ ..خليها تحس انهـ ما فيهـ شي جديد... خليها تشتركـ بمنتدى انتي مشتركه فيهـ ومعكـ مجمووعه تعرفينهم خليهم يشغلوونها شووي ... هي مسأله كم يووم واذا هي وااعيهـ رااح تتركهـ بنفسهااا... الله يييسر لكـ الموووضوووع.. |
عليك بنصيحتها بشكل لطيف ..
حتى ماتنفر منك .. وذكريها بالله .. |
اخيتي ام جمون اشكر حرصك علي انقاد هذا فتاه من هذا الذئب لكن عندي طريقه ربما تنفع وهي ارسال فلاشات او قصص عن علاقات محرمه كل يوم ارسلي لها شي يوقظ قلبها يمكن يوم من الايام تستجيب ووتتاثر الله يبعدها عن كل مكروه
|
شكرا على كل من رد وتفاعل معي وجعله في موازين حسناتكم
|
بسم الله و الحمد لله و الصلاة و السلام على رسول الله ،
اولا احب ان اشكر و اثمن مبادرتك هذه لطرح مشكلة قريبتك مما يدل على حب الخير لها و المحافظة عليها ، وان شاء الله تؤجرين على ذلك ، ثانياُ : اذا اردت مساعدتها فيجب ان تكون عندها نية بترك المسنجر لأنه اذا مافي نية بتركه فالأمر سيصبح صعباً !!! و يجب ان تنتهي منه في أقرب وقت ، لانه بيجر .... مثل الذي يغوص في الوحل !!!!!! اذا قررت ان تنتهي منه فأفضل وسيلة لذلك هو ان يصاحب تركه تغير البيئة المحيطة و نظام الحياة و ملئ الفراغ ـ وان يكون هناك هدف ورسالة في الحياة لتنسى ذلك الموضوع و تستفيد من وقتها و لا تضيعه هباءاً منثوراً و ترضي ربها لأنها بمحدثتها اياه تغضبه !!! ، والطريقة مجربة و ناجحة و فعالة ـ اسال الله ان يهديها وايانا و اياكم الى الصراط المستقيم و الى الدين القويم، وتفضلي بقبول فائق احترااامي .... اخوك : Admini |
اقتباس:
اختي اشتركي بالمنتدى اللي تعرفو الاثنين فيه على بعض طبعا بايميل جديد وبدون ماتعرف البنت انك سجلتي معاهم وحاولي تتعرفين على هالشاب ( رسالة عالخاص انك معجبه بأسلوبه وتبغين تتواصلين معه عالماسنجر ) واحفظي محادثاتك معه ووريها البنت وشوفي كيف بتنصدم وترجع لعقلها ان شاء الله طبعا هالفكرة تعتمد على عدة امور منها معرفة زوجك بالقصة بدون ذكر اسماء ( اسم البنت يعني ) وقدرتك على التنفيذ ورحم الله امرؤ عرف قدر نفسه وتذكري ان الشيطان يجري من بن ادم مجرى الدم اختي تأكدي من قدرتك على تنفيذ الفكرة - اذا رأيتي انها مناسبة - قبل ان تبدأي ولا تنسي الاستخارة والدعاء الله يستر عليك وعلى نساء المسلمين |
شكر ا كل من رد وجعله في موزين اعملكم
|
ادعي لها بظهر الغيب بالهدياه
ارسلي لها ايملات عن خطوره المسانجرواكاذيب الشباب ابحثي لها عن زوج صالح وادعي لها بالزوج الصالح اخبريها بقصص الماسنجر وخدع الشباب ذكريها بالله وبالموت |
إيه آخر أخبار البنت ؟؟
احكي لزوجك و خليه يحلف ما يقولش لأي شخص ممكن زوجك يساعدك |
معليش مرديت حصلت ظرف المهم شكرا اختي نوران والله البنت معاد تحكيلي وانقطعنا عن بعض وزوجي يقر موضيعي بالمنتدى وانا كنت مخبرته بس هو عرف بس الحين المشكله الكبرا ان زوجي منعني من زيرتهم او المحدثه معها وصار يتكلم بالبنت ويسبها وانا اقول هذي قريبه لك يقول اعوذ بالله منه ومن اهله وانا والله لا ادري ماذا افعل ان انصح زوجي انها ميتكلم بالبنت او انصح البنت المهم انا البنت قبل يومين حصل في منزلهم اجتمع العائله وزوجي منعني وذهب للنوم بحجت اني نام مافيه ذهاب وانا والله كان قلبي معه وهي ايظن تتصل علي وينك ليه متجين قالت زوجي نام ورفض وارجو ان تدعون لي وشكرا واعرف ان كلامي كثير
|
قولي لها تسوي لها ايميل ثاني وتضيف اللي تكلمه ومعجبه فيه وانا متاكد انه راح يقبل اضافتها ويبدا يتعرف عليها ... الخ
وبكذا تكتشف انه مو صادق في كلامه وقصده بس يتعرف على بنات وبس |
انصحيها
و أخبريها أن الموضوع ليس سهلا و أن هناك شباب محترفين في اختراق الأجهزة فعليها ألا تثق بأمثال هؤلاء و أن تتقي الله وحده أولاً |
| الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©