|
ارجوكم((حامل بالثامن وأعاني من لوعة وكحة))
اول شي انا عضوة يديدة هني وحامل بالشهر الثامن بالتلفزيون طلع لي بنت وانا امس واليوم كله ترجيع
حتى ماقدر اجلس في الصالة كله بالحمام ارجع وفليل اذا ابي انام الكحة تذبحني وتجيب لي الوعة وارد ارجع من يد ويديد هل هاي طبيعي ويوم رحت للطبيب يقول مانقدر نسوي لج شي لانج قريبة من الولادة وهاي اول حملة لي وانا لي هذا اليوم ترجيع وكحة وانتفاخ شديد جدا بالبطن هل هذا غريب ام ماذا |
هلا اختي الله يقومك باسلامه اختي انا والله مااعرف لكن اذا عندك كحه خوذي البان(العلكه)
|
اقتباس:
|
هلا حبيتي اللي تمرين فية طبيعي أنا توني والدة شهر فبراير بمولودتي البكر والحمد للة , مريت بتجربتك في الشهر السابع دائما كحة لدرجة أنني لا أنام في الليل واذا نمت أصحو من شدة الكحة وبطني تورم وأصبح جسمي كلة يؤلمني والمشكلة مايصير أستخدم أدوية فأستخدمت العسل الطبيعي وفادني وايد أستخدمية في الصباح وعند النوم والله ايعينج أختي والله حاسه فيج عن جد مؤلم :(. |
اقتباس:
فديتج حبيبتي مؤلم وخصوصا الترجيع اكره شي بالحمل حتى زوجي ماقدر اقعد معاه طول الوقت كحة وترجيع مادري شسوي بس امي تعطيني عسل كل يوم وان شاء الله مايصير الا الي الله كاتبه وتسلمين على مرورج الطيب |
واايد تعبت حتى نفسيتي تعبت امس اطلع من الحمام ادخل مرة ثانية وبمجرد ماوصل عند الباب ارجع مرة ثانية وتميت حول الساعتين على هالحال ويوم قعدت اتعشى توني باكل الروب لانه خفيف خايفه اكل شي ثقيل جاتني كحة قوية ورجعت الي كلته كله ويوم رحت على السرير ابي ارتاح بطني يعورني وايد وزايدة على بطن الحمل صار لي انتفاخ استحي اواجه الناس رحت للدكتور قال الجنين بخير بس انتي عندج الحمل شوي متعب ومانقر نعطيج شي بس ارتاحي والجنين تمام
رجعت البيت طول الليل كحة ويوم قمت الصبح ترجيع سد نفسي على الريوق |
بما انك حامل ماتقدرين تاخذين شي لازم تتحملين حتى الولاده الله يشفيك
و يقومك بالسلامه ويجعلها ولاده سهله |
اقتباس:
|
مالك ا لا الصبر ..
بس اذا ولدتي بالسلامة ان شاء الله احرصي على شرب الحلبة لتتخلصي من الكحة بسرعة .. لان قوة الكحة بعد الولادة قد تؤدي الى تفكك الخياطة .. الله يقومك بالسلامة ان شاء الله ... |
على فكرة أختي الحلوة الدلوعة نسيت أقول لج أني مثلج كنت أعاني من اللوعة والترجيع أستخدمت حبوب عن اللوعة حسب وصفة الدكتورة أخذ حبة فقط قبل النوم صدقيني تحسنت حالتي وما قمت أرجع ولا تلوع جبدي شريتة من الصيدلية أحسن من الموجود بالمستشفى وما يضر حبيبتي .
الله ايعينج ويقومج بالسلامة |
اقتباس:
|
غرب ساعدوني اليوم شي يديد خطر يمكن دشوا بسرعة
وانا قاعدة مع الاب توب هنيه بالمنتدى اطالع مشاركتي نزل علي ماي توه الحين مال شنو هاذا ساعدوني بليز حدي خايفه اتصل بزوجي موبايله مغلق شنو هاذا :( ساعدوني تكفون وباكون شاكرة لكم
|
أنت لازم تتصلين بالاسعاف او المستشفى يمكن حالة ولادة لأنه حصل معاي نفس الشي وأنا قربت الشهر السابع
من غير خوف ان شاء الله خير |
اختي شكلها ولاده حاولي تتصلين بالسعاف او احد من اهلك لان مويه والم علامات الوولاده
|
اختي هل تشعرين بالالام..لانها ممكن تكون ولادة..
روحي المستشفى عشان تتطمنين.. اتصلى على اسعاف او اهلك... لا تنتظرين..اخاف يزيد عليك |
جبيبتي لا تخافين وايد لاني توني قارية موضوعج اللي تقولين انه معاج كحة ، فاحتمال كبير هذا منها من كثر الضغط اثناء الكحة بس لازم تروحين الدكتورة وتتأكد ان الماي مو اللي حوالين الجنين ، والله يطمنج و يقومج بالسلامة وتطمنينا عليج
|
روحي المستشفى على طولللل
شوفي اهلك اذا زوجك جواله مسكر ضروري تروحين الله ييسر لك اختي طمنينا عليك اختك بالله جينز |
اذا معاج عوار بالبطن ، احتمال ولادة ، كلمي اي احد مثل ما قالوا الاخوان ويا رب بالسهالة والسلامة للوالد والمولود
|
كل ساعة يصير اقوى قاعد يقوى زوجي يقول انه بالطريج بيي ماتحمل وايد يعورني وايد وايد
|
عند وصول زوجك لازم يأديك الى المستشفى فورا
|
حاولي تنامين على ظهرك وتاخذي نفس عميق وانتبهي لاتمشين اخاف تكون ولاده ويطيح الجنين ترى عملية الشهيق والزفير تخفف من الالم
|
انا ماظن انها ولادة بس عوار وبعدين انا ليحين اكح حت شهيق مافدر اخذ ولااقدر امبطح على ظهري هو جاي وبنشوف
|
الله يسهل عليج يا رب ولا تخافين كل هذا طبيعي ان شاء الله
اللهم يا مسهل سهل عليها وعلى جنينها والبس الجميع الصحة والعافية اختي حبيتي الدلوعة لا تنسين وانتي في اشد حالة التعب اللذيذ وخروج راس الجنين انج تدعي لي ان الله يحقق لي اللي في بالي ويرزق كل اللي ما عنده ، ترى الدعوة مسنجابة ها الحزة ويا الله نستناج تبشرينا وقلوبنا معاج وندعي لج |
اذا كانت ولادة اوعدكم اول ماطلع من المستشفى على بدش لكم المنتدى
|
لله يسهللك وتولدي بالسلامه وتشوفي البنوته ااااااااااامين يارب
|
سلامتك الله يسهل عليك
|
سلامتك أختي
طمنينا عليك |
مابي اروح المستشفى قيرت رايي لان الالم خف وايد بس عندي استفسرت عند الدكتورة تقول هذا من قوة الكحة
|
اقتباس:
|
سؤال ارجو الرد باقصى سرعة
هل كثرة الخوف تاثر على الحمل؟
و هل كثرة الكحة تسهل الولادة؟ ارجوكم ساعدوني |
يا اختي استخدمي حبوب الغثيان كلنا استخدمناها في بداية الحمل تعرفي البداية تكون غثيان وترجيع مع الوحم ارجعي استخدميها ثاني معروف انه الشهر الثامن ترجع بعض أعراض الوحم وانتي رجع لك منها القئ
خذي الحبوب باذن الله مامنها ضرر بالعكس يخف عليكي التعب والاجهاد معروف انه الترجيع متعب وكمان يستنزف طاقتك ومجهودك ويروح اللي اكلتيه كله ربي يقومك بالسلامة |
اقتباس:
|
اكيد اختي الخوف ياثر على الحمل عن تجربه
الله يسهل عليكي |
مشكورة يالغاليةاسلمين كنت خايفة اليوم
|
تم دمج جميع المواضيع
الأخت الكريمة يرجى طرح جميع الإستفسارات في موضوع واحد وعدم طرح أكثر من موضوع بأكثر من قسم وعدم رفع الموضوع أكثر من مرة حالما تتواجد الطبيبة ستجيب على استفساراتك |
امس فليل مارحت المستشفى لان خف علي العوار يوم رديت متصل لي زوجي كانت الساعة 11 على ماظن كانو الخدامات نايمين بعدين خبركم البيت طابقين رحت المطبخ جهزت العشا وماباقي الا اطلعه اذا جا زوجي رحت فوق انطره
عقب امبطحت على السرير جاتني كحة مع انه عندي دوا واسرب عسل واداوم على الدوا تمت فترة طويلة بعدين البيبي قعد يتحرك طول مانا اكح تميت مسترخيه منسدحة عقب جا زوجي وتعشينا ويقول انه بيي بعد بكره بيروح مع ربعه البحر نزلت اجيب ماي حق فليل اذا قمت وانا جايه طحت لكن ماصار شي تميت شوي ورقدت والحمدلله |
الف الف مبرررررررررررررررروك الله يخليها لك ويصلحها
|
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©