|
كيف اقنع ابي بخروجي مع زوجي
السلام عليكم
بعد عقد القرآن أريد ن اعرف كيف اقنع ابي بخروجي مع خطيبي في فترة ملكتنا ودي اني اطلع واعيش معاه هذي الفتره لأني اعرف انها ما رح تتعوض أهو حتى ما يبي نتفرد لحالنا بغرفه وحده وما نقدر حتى نتكلم مع بعض بحريه والله صعبه:( ودي استانس واتكلم مع زوجي ونقضي اوقات حلوه مع بعض بس بابا راسه حجر أيش اسوي كيف اقنعه :21: أريد حلاً |
أقول أبوك نظرته بعيده وكلها فتره وتكوني في بيت زوجك وساعتها اطلعي على كيفك معه..موفقه
|
والله من جد الله يعينك
لانو مشكلة اذا الاب مايبغى حتى انو يخليكم حدكم كلمي امك والله ..... وخليها تضغط عليه .....او الزوج يكلمه ويقعنه ايش السبب يمكن ابوكي يخاف عليكي من الاشياء اللي سمعانو ممكن ايام الملكة يغلط الزوج وتصيري حامل مع انو زوجك بس تعرفي العقول لمن تتحجر وكلمي معاه تلفون بس انتبهي انك تسوي افلام هندية وتهربي ........... وترى الايام الاولى من الزواج لا تعوض الامر التاني سددي وقاربي تراه برضه ابوكي والاحترام واجب ......... ودمتي |
اقتباس:
انك يا شاب يارجل بثلاثين بس والله لو تزوجت حتكون اول واحد يقول ليش ياعمي؟؟ على العموم نطلع بشهر العسل غير عن الطلعه وقت الملكه في فرق شكراً على المرور |
اقتباس:
ايه تقولي لي:29: عااد ويش اسوي له انا ابيه يقتنع والرجال مايقدر يعجل بالزواج وابوي يبيه يعجل طيب ننحرم حتى نتكلم قصاد بعض عشان ذا الشئ والله قهر ابي اقنعه اعطوني أفكار |
يا أختي
أبوكي معاه حق وخوفه في محله لنفترض أنك خرجتي مع خطيبك وستاتستو كما تقولين وقدر الله ودخل عليكي <<<<وهذا يحصل كثير وقال في نفسه أدور غيرها أنا لسع ما تجوزتها أو طنشكي وخلاكي في تفكير دائم هل ترضين هذا العمل <<<<أتوقع الإجابه بــ لا وقد تقولين هذا خطيبي مستحيل يسويها فأقول لكي الشيطان حريص على أصغر الأشياء لكن عليكي بالإتصال معاه عن طريق المبايل أو أن يزورك في بيتك لفترات بسيطه فهذا يجعلكي ترتاحين معاه وتستانسون مع بعض والله أعلم |
اقتباس:
والله فكرت بكلامك لقيته يخوف يمكن بقتنع بالوضع بعد كذا بس مو لدرجة مانقدر نتكلم مع بعض لوحدنا والل صعبه كيف نتكلم وابوي واخواني حولنا حتى بنخاف نناظر لبعض في جو التوتر ذا |
اقتباس:
أحد أصدقائي كان يبي يتكلم مع خطيبته والمجتمع الذين هم فيه يرفض هذي الأشياء تماماً طبعاً الرجل دبر الرقم عن طريق أخواته وبدأ يتراسلون ((رسائل فقط)) كانت أول رساله (( تعريف بنفسه وكم كلمه حلوه )) وأخذو على هذا الحال قرابه الشهرين دون معرفه أهله ولا أهلها وحبه حبه بدأو يتكلمون مع بعض والحمد لله على كل حال جربيها ولا حتندمين تحياتي |
انا والله ماعرف حاجة عن عاداتكوا وتقاليدكوا دى
بس عندنا هنا عاااااااااااادى جدا |
اقتباس:
|
اقتباس:
لماذا تصعبوا الامور يعني عشان البنت تخرج من زوجــــــــــــــــــــــــــــها ساعه ولا اثنين تتمشى خلاص شرفها راح واي شيطان اللي تتحدث عنه الاخت تقول بينهم عقد شرعي بالعكس الطلعات والعزومات احلى مافي هذه الفترة ومستحيل تتعوض بعد الزواج لكل فترة متعتها انا مملكة والحمدلله اهلى متفهمين المهم يا اختي اشرحي لأبوكي ان الطلعات حتبسطك جدا وهاتيله امثلة من ناس كانوا مملكين وبيطلعوا مع بعض او خلي زوجك يطلب منه |
لالالالا
ليش تطلعي معه لوحدك...؟؟ لآ تخليه يضحك عليك...و يقول لك خلينا نعيش فترة الملكة...أحذري من لعب الشباب...ترا الرجل مكار...لا تأمني له مهما كان طيب ...خصوصا إنه فترة الملكة راح تطول... ممكن تكلميه تلفون...ماسنجر...يزورك بوجود أهلك ...تخرجي معه ومعاكم أمك أو أبوك أو أحد من أخوانك... يعني ما راح تحلى فترة الملكة إلا لو كنت لوحدك معه؟؟ |
والله معاكم حق
بس انا كل اللي طلبته نطلع حتى لو مع امي او اختي بس رفضوا الله يصبرنا ما أدرني اذا الملكه بتطول ولا لا T_t |
اصبري الى الزواج يابنت الحلال
عاداتنا حتى مانشوف ولانكلم ولاشي الافي يوم الزواج الله يسعدك ويهنيك |
اقتباس:
أرجو منكي يا ختي التفكير جيداً اقتباس:
أقصد من هذا الكلام أنه لو دخل عليها قبل موعد الزواج:( ماذا سيفعل هو وهي ؟؟؟؟؟ وما هي موقفها وموقفه إذا حملة لسمح الله قبل زواجها ؟؟؟؟؟؟ وش خلو لبعد الزواج ؟؟؟؟؟ فكري جيداً في أسئلتي :21: تحياتي ........ |
أبوك معه حق
وبتقولي بعد الزواج الحمد الله أن أبوي أصر على رايه |
نعم الأب ابوك أختي يعني لو ما طلعتي معاه خلاص خربت الدنيا
الباب اللي يجي منه الريح سده وأستريح شوفي ح تقولي زوجي شرعا أقولك نعم الزواج اشهار واللي ان شهر انك مملكه عليه فقط يعني لسه ما دخل عليك لو والعياذ بالله صار بينكم شي من كثر الخلوة اش يكون موقفك ولا موقف أهلك فكري في الموضوع بجديه أكثر |
سمعت قصتين عن فتاتين خرجتا مع أزواجهم بعد عقد النكاح...وقبل الزفاف..وحصل ما حصل...وفجأة يحصل حادث للشاب و يتوفى...الأولى ربنا ستر و الشاب خبر أمه لمن حصل الموضوع...و أعترف اهل الشاب بالطفل و عاش حياة طبيعية..و الثانية أهل الشاب أتهموا البنت في شرفها و صارت فضيحة و ما أعترفوا بالولد إلا بالقوة و بعد محاكم و كشف نسب ...طيب ليش دا كله...ليش ما تسلك الوحدة درب السلامة؟؟؟
ما اشكك في قوتك يا حبيبتي..و قدرتك على المحافظة على نفسك...بس كل إسان مهما بلغت قوته تجيه حالات ضعف..خصوصا إنه زوجك و حلالك...لكن العرف و العادات و الناس و كلامهم ما يرحم....الله يكفيك شرهم... |
اقتباس:
كيف يعني حيدخل عليها في الشارع؟؟؟؟؟؟؟؟؟؟؟؟ البنت طلبت انها تتمشى وتتفسح في اماكن عامه انا بقيلي سنه مملكه وكل اسبوع تقريبا بخرج مع زوجي والحمدلله عندنا عقل ونحب نعيش كل فترة بجمالها عمتا كل دوله ولها تقاليدها المتوارثة احنا عندنا عادي جداااااااااااااا بالعكس امر طبيعي مانحتاج اقناع لاي شخص احنا من اول يوم في الملكة بنسهر بره في مطعم عمرنا في وسط اهلي ما حصل اللي بتقولوا عليه اسفه يا اخي لمداخلتي |
لا تطلعين..
وعلى ..فكرة لا تصيرين تقولين لزوجك أنا حاولت فيهم بس مافي ه فايدة!!! وش أسوي !!! لا..لا..لا خليك ثقيلة ...قولي والله يا حبيبي الطلعة معك ماتنعاف بس رضا الوالد أولى ...ولا حقين إنشاء الله والحب الي جاي أقوى لا يحس إنك مخفة بتموتين على الطلعة ((أنا مجربة ملكت 4 شهور وطلعت ...)) وتجربتي تقول لا تطلعين أحسن لك .. |
اقتباس:
للأسف ومع إحترامي الشديد... هذا دليل أنك ماتعرفي شي والله يعطيكي على در نيتكي ولا أحتاج أن أشرحلك وأطول في الكلام .. لأن المقصد من ردي معروف وواضح وضوح الشمس وكل الردود في هذا الموضوع تعزز وتأيد ردي وكلامي تحياتي |
أنا يوم كنت متملكة ما فكرت أطلع
لأني كنت أستحي أصلا من الجلسة وش لون الطلعة عاد ؟؟؟؟؟؟؟؟؟؟ أنصحك تخليها بعد الزواج علشان طعمها لا يرووووح و تصيـــر أحلـــــــــــــــــــــى و أحلـــــــــــــــــــــــى ................. |
هدوا الوضع يا جماعة
أختي زوجة أحمد الأخ العريس يقصد إنه ممكن الرجل يصر عليها يروحو لشقة مثلا حتى ياخذو راحتهم بالكلام وبعض الحريم ما يحبون يرفضون لأزواجهم طلب خصوصا في هذه الفترة وهذا الشي بالتالي ممكن يتطور إلى الجماع وهم توهم في فترة ملكة لأنه لا يوجد أحد حولهم هي طبعا زوجته وحلاله لأنه عاقد العقد عليها فهي تحاول مع أبوها إنهم على الأقل يجلسو لحالهم وياخذو راحتهم في الكلام والأحاديث العاطفية من دون مبالغة وليس شرطا يا أختي أن الشيء إذا لم يحصل معك فإنه لن يحصل مع غيرك |
عزيزيتي الرومانسيه انا من العنوان عرفت لازم ادخل انصحك
انا كنت في مثل وضعك ملكتي طولت وطلبني للخروج في مقهى اهلي ترددوا كثير وانا كنت ابغى اخرج بس ربي ما كتب لانهم اصروا على رايهم امي وابوي واختي الاكبر مني والحمد لله اني ماطلعت تدرين ليه لانه انفصلت عنه ولا كتب لي معاه حياه لاسباب تطول شرحها والقاضي وقتها قال ليس علي عده الا لو طلعت معه تخيلي عده المتزوجه زيها زي اللي خارجه معه لانهم مو واثقين اذا صار شي او لا يعني لو طلعت معه مع اننا واثقين في انفسنا كان انا اعتديت !!!!!!!! وبعدين يكفي انا الفكره جت في بالك يعني بالمستقبل بتقولي كنت حاطلع معاه بس ربي ما كتب يعني النيه مثل الفعل وصدقيني خليها لشهر العسل يعني جربي حركات حلوه في الملكه عشيه اكل من برا او جوا من طبخ ايديك اعملي له حلى حطي شموع اجلسي معاه في غرفه الضيوف بس احرصي ان الباب مفتوح وخلي احد الاطفال يجي كل شوي او الوالد ترا حلاة الشي شفاقه :) بعدين لاحظت في ردودك ان مو جالسه تقنعين الوالد جالسه تقنعينا كمان لازم تسمعين النصايح وكلام الوالدين دايما افهم واكثر تجربه الله يسعدك ويوفقك والف مبروووووووووووووووووووووك |
اقتباس:
اسفة جدا واكن يظهر ان مجتمعكم غيرنا تماما عمري ما سمعت ابدا في وسطي ووسط اهلى ان وحدة تروح مع خطيبها(زوجها) شقة او ما شبه احنا عندنا الطلعات يعني نتمشى على البحر او ناكل في مطعم او نروح احد الحدائق وكلها اماكن قريبة من البيت واحيانا يجي معانا اهلنا على سبيل الترفيه عن انفسهم مش مراقبه لينا لاننا والحمد لله اهلنا واثقين فينا وازواجنا بيخافوا علينا اكتر من نفسهم المشكلة اختلاف تقاليد وعادات ردي لن يفيد اسفففففففففففة |
اقتباس:
|
اقتباس:
صحيح ان الزواج اشهار ونا اعرف ذا الشي كويس بس بودي اني استشعر ذيك اللحظات كل واحد من اخواني ملك وطلعوا مع زوجاتهم عااادي ولا احد تكلم ام بالنسبه لي يجي الكلام لأني بنت مو عدل:29: طيب نقول الأولى غلط طيب كيف اقنعه بسالفة اننا نجلس نتكلم مع بعض بالبيت هو يحاصرنا من كل جهه:( |
اقتباس:
الله يبارك فيك و الله عوضك ويكتبلك اللي احسن منه ويا اختي انا موسالفة ابي اقنعكم أنا من جد ودي اعيش ذي اللحظات اللي قاهرني انهم سمحوا لأخواني كلهم وكل اقاربنا عاادي الا انا ليش ؟؟؟ مافي سبب؟؟ مع انهم يثقون فيا مره بس الحين اشك بذي الثقه العمياء بالمناسبه الكلام المقتبس بالأحمر مافهمته ممكن توضحين |
اقتباس:
وذا وحده من الأشياء اللي تخوف على العموم ممكن استغني عن الطلعات بس ما يخلوني حتى اتكلم معاه براحتي والله صعبه؟؟ |
اقتباس:
ممكن تحدثيني عن الموضوع اكثر انا غيرت راي بموضوع الطلعه بس معقوله ما اقدر حتى اتكلم معاه |
اقتباس:
ويستر علنا ولا يورينا ايام مثل ذي |
أختي زوجة أحمد الأخ العريس والله بغيت اهرب من الموضوع لما شفت الحرب حامية الوطيس يا خوتي نحن نتناقش والخلاف لا يفسد في الود قضيه صلوا على النبي |
حلاة الشي شفاقه
يعني الحلاوه في الاشياء او الاشخاص اللي حولك قلة شوفتك لها يعني انتي شوفتك له قليله هذي يحليه ويزيد الشوق اكثر وبالنسبه للدعاء امين يارب العالمين وياك و يارب يتمم عليكي ويسعدك انتي وياه ويرزقكم الذريه الصالحة امين ارب العالمين |
إيش إلي يخليك ما تتكلمين معاه على راحتك !!!
يعني مافي مكالمات هاتفيه !!! أرجو التوضيح ! |
| الساعة الآن 12:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©