|
اكتشفت أن زوجي يخونني(حلت المشكله)
السلام عليكم
بدخل منغير مقدمات اليوم كتشفت ان زوجي المصون يكلم ايه يكلم هذا الي ماني مصدقته ما عرفت احط رابط مشكلتي الاولى ممكن الي يعرف يحطه طبعن قبل كذا نزلت موضوع ان زوجي يخبي عني ايميل ثاني وفعلن شكي صحيح بصدفه نساه فاتحه وشفت الي فيه كله 3ايميلات بنات واجهته وحلف انه موله واجهته بدليل وقالي انه يخدمهم كلهم يبون يروحون لازوجهم ........ وامس سافر في مهمت عمل ورجع مع المغرب وعشيته وطلبته جواله ابي رسل لاختي رساله من طبعي لزم امسح الرسايل المرسله ولقيت رقم غريب مكتوب با الاسماء من دولة ثانية با المرسله من نفس البلد الي حنا فيها .......... وانا جاني حساس انها وحده تصلت طلعت فعلن حرمه ياااااااااا يصدمه بعد ها العشره يكلم كلمتها وسألته وش علقتك فيه بكل ادب وحترام وصراحه هي على طول قالت مابيني وبينه شي بس انا عندي معامله ابيه يخلصها لي ........طيب ليش تكلميه وترسلي له قالت؟؟؟؟؟؟؟؟؟؟؟؟؟؟ صدمتني واقسم با لله اني كتب وانا قلبي يرجف من كثر الحزن هوالي يتصل عليه ويسولف معي ويكلمني عنك يقول احب زوجتي ما ودي اجرحها وتقول انه يحل المشاكل الي بينه وبين زوجها ........ تقول ينصحني ويراسلني دايم ما بيننا غير اخوا وصداقه وقالت زوجك يحب يسولف مع الحريم وعينه طويله لو عطيه وجه يطلع معي وتقول بعد انه يقول ان فيه بنات يغزلونه وهو ما يعطيهم وجه وتقول انه يسولف معها سولف زوجها ما عمره سولف لها هي قلت ليش تسمعي له قالت وش اسوي عشان خلص شغلي ......................طبعن زوجي وصل وانا زعلنه وابكي وسألني قلت ما فيني شي وصر عليه وانا من النوع ما قدر اخبي وعلمته وسكت مره بس يناظر فيه بعدين بدا ينكر بعض السولف وانا ابين له اني عرف كل شي وقالي انا غلطان وعتذرا وسلم على راسي وانا ظابطه عصابي ا تدود له وعاتبه ما بيه يزعل لانه لو زعل قلب كل شي عليه وقال سولف عاديه يعني كل ما طلع من البيت يكلمها ويقول عادي ليش تزعلي يا الله خفف كربي والله اني اكتب وانا منهاره لان زوجي مستقيم كل صلواته با المسجد وما يطلع من البيت وانا قلت لها انه ما يطلع قالت لو اي فرصه ممكن يسوي اي شي وقالت حاولي انكم ترجعوا بلدكم لان زوجك ينضحك عليه بسهوله لو بغيت انا ضحك عليه وحنا ما نقدر نرجع غير بعد سنتين وقلت انها اذ جاء زوجها تصير مثل ضله تخاف عليه من بنات بلدها شوروا عليه وش اسوي والله حترت ادري طولت بس ودي افضفض عفواً .. نظام المنتدى لا يسمح بذكر البلدان . شكراً تم توضيح العنوان الاشراف |
الله يعينك أختي ويبعد عنه بنات الحرام
|
http://www.66n.com/pics/hosted/rceo8...wsdlwui05g.gif
السلام عليكم ورحمة الله وبركاته علومج اختي شمالية ؟ عسااج بخير يا رب ان شاء الله بالبداية تعوذي من ابليس و اذكري الله وصلى على النبي عليه الصلاة والسلام يمكن مستغربة من حالي شلون رديت بس مدري داخلي شي قال لي اكتب اساعدج ان شاء الله ردي يفيدج على الاقل دعواتي لج بظهر الغيب تسهل أمورج ان شاء الله الهدوء والتفاهم بالوضع الي انتي فيه مهم جدا خصوصا انه زوجك اعتذر يعني هذا بذاته شيء طيب ويعني فيه بذرة خير داخل زوجك استغليها عدل زوجك كما ذكرتي انه يصلي ويخاف الله و ان شاء الله يرجع لطريق الصواب انتي واجهتيه وعرفتي جوهر المشكلة و السبب لازم ينعرف لانه بداية حل أي مشكلة الغالية انتي اجلسي جلسة مصارحة مع زوجك ولازم تختارين الوقت المناسب لا يكون متضايق او تعبان و تكلمي معه بكل صراحة عن الي ضايقك بالموضوع ما اقول لج اسكتي عن السالفة و خلاص لا بالعكس ابحثي عن حل مقنع لكم صارحية بالي شعرتي فيه و مع كلامج الحلو و انج تغارين عليه وتبينه لج وتحبينه وقولي له تراني ازعل حتى لو كلمت هالنساء عشان تساعدهم تراني زوجتك اولى فيك قولي له هذا مو مبرر انك تكلم نساء محرمين عليك حرام الي تسويه و الله ما يرضى وقولي له انت انسان تخاف الله لا تخلي في ذمتك ذنوب يمكن ترمي بك للتهلكة و الي كلمتها اعترفت لي انت تحبني بس ابيك تثبت لي حبك وتقطع كل اتصالاتك فيهم حاولي تشغلي كل وقته لما يكون معاج لا تخلين له فرصة يفكر فيهم ابداااا يالغالية احتوي زوجك بكل ما تحمله الكلمة من معنى زودي حركات الدلع و حطيه بعيونج وسكريهم الي اقدر اقوله لج دامه اعترف لج واعتذر اغفري له اذا الله يسامح عباده شنو نحن البشر !! المسامح كريم بس قبل كل هذا لازم تقطعين جذور المشكلة عشان ترتاحين وشيء مهم بيتك مملكتك لا تحوليها بالشك الغير مبرر الى جحيم لا يطاق انسي ترى نعمة النسيان حلوة سبحان الله كل شي بحياتنا لسبب معين ابتدي صفحة جديدة و ابتدي معه ميثاق وعهد ما يكرر الغلطة هذي كوني شديدة معاه بالالتزام بالعهد و بالنفس الوقت تفهمي الوضع بيدج انتي بس تقدرين تحلين مشكلتج معاه و اقترحي عليه اذا فيه مجال يغير شريحة الجوال و ينسى الايميل الثاني و لا تراقبينه لانه بيحس بقيود وقتها يمكن يزيد الوضع سامحيه عشان هو بنفسه يخجل من الي سواه وما يكرره اتمنى لج كل التوفيق وسامحيني اختي اذا غلطت بالرد واتمنى تنحل مشكلتج المهم الصبر الصبر ماكو شي ينحل بين يوم وليلة و الثقة رجعيها بزوجك من جديد اعطيه فرصة جديدة دام الاحترام والحب موجود كل شي ممكن :) الله يسهل دربج و يبعد عنكم كل شر ان شاء الله امنياتي لج بحياة زوجية سعيدة منج السموحة على القصور أختج بحرانيه كول :) |
المشكلة
زوجك يظن أن الكلام طالما سوالف عادية مثلما تقولين فلا بأس به رأيي إن يجب تثقيف زوجك دينيا في هذه النقطة و إن شاء الله يرجع أحسن من الأول احضري له بعض الفتاوي المتعلقة بالموضوع من مصادر موثوقة و اجعلي شيخا يتحدث معه و ربنا ييسرلك أمورك |
الموضوع القديم .. بناءً على طلب الأخت صاحبة الموضوع ( للاطلاع )
في الغربه واغار واشك بزوجي احترامي ؛؛؛ |
أنا مع بحرينيه كفت ووفت بالرد
الله يهدي الجميع ويبعد عنا اولاد الحرام...الله يوقف معك |
حقيقة أغلب ما كنت أود قوله ... الأخت الفاضلة " بحرانية " ذكرته مشكورة ومأجورة إن شاء الله ...
خذي بنصيحتها أختي الكريمة ... ولا تنسي نقطة هامة جداً ... وهي ( الدعاء ) أكثري من الدعاء لزوجك بالهداية .. وأن يصرف الله عن قلبه الحرام ... مع التوضيح بأنه من الضروري أن تكون نيتكِ في دعائك خوفكِ عليه من عقاب الله إذا اتجه إلى الحرام ... ولا بأس أن يرافق هذه النية بل ويأتي بعدها نية أن يبقى لكِ وحدكِ ... وليس بالنية الثانية دون الأولى ... فخوفكِ على زوجك من عقاب الله عز وجل وحسابه إذا اتجه إلى الحرام ... أهم وهو الأصل ... وفقكِ الله وكان معكِ .. |
مشكورا اختي جداويه على دعائك
|
أختي الحبيبه الله يفرج همك ويهدي زوجك
خليه يغير رقم تلفونه،ويغير الايميل هذا اذا كان يبغى يتغير وادعي الله ان يصلح حاله ويهديه |
اقتباس:
الله يسر امورك اختي والله اني جلست معه جلست مصارحه من غير عصبيه وبهدواء هو عتذر وقال الحمد لله انك عرفتي يمكن خيرا من الله ليه وحلف انه ما عاد يكلم وحده وانه غلطان بس المشكله فيه انا ما صرت اصدقه من كثر ما يكذب عليه مشكورااااااااااا على الرد وان شاء الله احول انساء معنه صعب جزاك الله خير |
جزك الله خير اختي نوران وهو الله ما يخفا عليه كل الي قلتي
مدام الاء جزاك الله خير على دعوتك الله يصلح الجميع آآآآآآآآآآمين |
اقتباس:
جزاك الله خير على الرد وانا ان شاء الله من نحيت دعاء ما قصر الله يصبرني دعواتك |
هلا وغلا أختي شمالية
الله يكون بعونك يا رب و يصبرك على ما ابتلاك أختي الثقة مطلب أساسي في الحياة الزوجية عشان تستمر صعب بس مو مستحيل تنسين الي صااار كله وتخلينه وراء ظهرك عارفة وحاسة لج ان الجرح مو هين و يألم كثير بس مثل ما قلت لج نعمة النسيان من الله تعالى انسي ولا تكتمي بقلبج لانج راح تتعبين توكلي على الله و ابتدي صفحة جديدة كلها أمل و أشراق و تفائل لا تتطلعين للماضي لانه راح ومستحيل يرجع الزمن للوراء وكلمة لو وياليت ما تفيد الي يفيد الحين مستقبلج انتي و معاج زوجك بالصورة لازم تكافحين عشانه هذا بيتك انتي ومملكتك لوحدك لازم تدافعين عنها بكل قوة وعزيمة اعزمي على التغيير للأحسن بكل شي بحياتكم يخصج ويخصه حاولي ترجعي الثقة بينكم و عطيه فرصة عشان يثبت لج حسن نيته معليه الانسان صعب يترك شيء مرة وحدة لازم من أخذ وقت وهذا يحتاج صبر انتي تعوذي من ابليس وصدقيه بحسن نيه أفترضي الحسن ولا تحطين السيء في بالج لانه راح يتعبك بتخسرين راحة بالج و بيزيد توترك و راح يغلط لسانك يمكن وتصير مشكلة لا سمح الله يعني حاولي تنسين وتفتحين صفحة بيظاء نقية بلا هموم ولا مشاكل حطي في بالج الي صار انتهى وما راح يرجع لحياتنا من جديد حاربي عشان حياتك الزوجية وأستقرارها يحتاج منك جهد وصبر الدعاء سلاح المؤمن لا تغفلي عنه اذكري الله كثيراا و الله ما ينسى عباده حاولي تغيير نظرتك للأمور انتي عشان تتقبلين الوضع وتستمرين اختي ترى الحياة ما توقف عند مشكلة أو موقف الذكي من يستفيد من أغلاطه بالموقف و يستمر و عجلة الحياة تحتاج للدوران دومااا للأمام تنازلي شوي و هو تنازل بأعترافه بغلطه ووعده لك انه ما راح يعيدها أخذي هالعهد منه وصدقيه عشان ترتاحين نفسيااا و تفكرين صح انتي لا تيأسين من رحمة الله و أكثري من حمدلله على حالك غيرك بمصائب عظيمة ابتسمي للحياة و تطلعي للمستقبل و اتركي بقايا الماضي خلفك مدفونه للأبد حياتك تتحول الى جنة اذا نسيتي الماضي و ابتدأتي حياة جديدة معه بالثقة لا تتعبين حالج كثير بالتفكير الحين شنو راح يصير و ما راح أثق فيه ولا اصدقه !!! ليش تحسي بكل هذا الضغط النفسي حرام لنفسج عليج حق تراج محاسبة زوجك اعتذر اقبلي اعتذاره وحاولي معاه من جديد ان شاء الله ما راح يتكرر الي صار تفائلي و طالعي الحياة بأمل و أزرعي بنفسج (( تراني قدها وقدود أقدر أتغلب على مشكلتي )) صدقيني راح تنجحين و تنسين هالمشكلة و تستمرين مع زوجك الي يحبك وتحبينه اهدأي وتعوذي من ابليس من يطرأ الموضوع في بالج و حاولي ترجعين بالزمن الى قبل هالمشكلة وابتدي من جديد من هالنقطة بدون هالماضي الأليم غيري الي بقلبج أول و تفكيرج عشان تتغلبين على المشكلة وتبتدين من جديد الحياة حلوة لا تضيعيها عليج وعليه بالنكد و الهم وضيقة الخلق افرحي معاه و انسي كل شيء وصدقيني بيزيد حبج بقلبه وبيندم على غلطته الله يهونها عليج و يسعدج و يريح بالج ان شاء الله أختج بحرانيه كول :) |
اقتباس:
جزاك االله خير آآآآآآآآآآآمين الله يفرج همي كل مكروب ان شاء الله اقترح عليه انه يغير رقمه وايميله |
جزاك الله خير اختي بحرينيه على ها الكلم الرائع الي احسه عطاني امل
الله يوفقك ويصلح حالك دعي ليه اني تغلب على حزني |
هلا ومرحباا أختي شمالية
الحمدلله هذا بداية الخير وجود الأمل الله يوفقج ويصلح أمرج و يبعد كل هم وغم عن حياتج ان شاء الله تكمل فرحتج بنسيان هالمشكلة للأبد وتبدد أحزانج الله يبدل حزنج بفرح وسرور ويدخل السكينه لقلبج في القريب العاجل الله يكون بعونج ان شاء الله في كل خطواتج وربي يخفف حزنج يا ربي الصبر .. الصبر .. الصبر .. الله اذا أحب العبد ابتلاه وهذا ابتلاء من الله لج اصبري ان الله مع الصابرين .. ان شاء الله خاتمة صبرج خير وسعاده لج اسمحي لي على القصور وربي يسعدج ويوفقج ان شاء الله لكل خير الله يهدي زوجك و يشوفك انتي وبس و تفرحوا مع بعض و تستقر حياتكم على خير تسلمين على دعوتج الطيبة لي ما قصرتين من طيب أصلج أختي موفقة عيني من الله خير وحطي الرحمن بصدرج وربي بيسهل دربج أختج بحرانيه كول :) |
واين القصور الله يكتب اجرك والله انك خذتي اجر فيه بغربه
ومافي احد اشكي له غير الله ثم انتم الله يعطيك كل ما تتمنين آآآمين .........مشكورااااااااعلى دعائك ولك بمثله ان شاء الله |
الي اختي بحرينيه وكل من رد عليه او دعاء الي بظهر الغيب
جلست انا وهو جلسه مصارح وانا تقطع من الحزن وعتذر لي وحلف انه ما عاد يعيدها وانا الي قاهرني انها بعمر بناتي عمرها 18 سنه بديت ابين له اني نسيت سالفه وانا داخلي يقول غير كذا لاكن لزام اسوي كذا عشان ما خسر زوجي وبيتي الله يصبرني وكل مكروب |
هلا ومرحبا مليااار اختي الغالية شمالية
يعطيج الله العافية وعسااج عالقوة يا رب فرحني ردج جلستكم راح تحط النقط على الحروف ان شاء الله الحمدلله أول الغيث قطرة لا تيأسي اعترف واعتذر وبأذن الله يتعلم من غلطته ابتسمي للحياة وانسي يالغالية راح ترتاحين الله يكون بعونج يا ربي ويسهل أمورج و يفرج همك الصبر لازم يكون سلاحك ضد هالهموم و لا تنسين دعائك له بالهداية ان شاء الله ما أسمع عنج الا كل خبر حلو و ربي يسعدج بدنيتج موفقة لكل خير يا ربي والله يمسح عن قلبج كل الأحزان أختج بحرانية كول |
الله يكون في عونك با شمالية
ويهدي زوجك ويعمي عيونه عن كل الحريم ومايشوف قدامه الا انت ان شاء الله . |
اقتباس:
هلا اختي بحرينه الله الله يحفظك ويسعدك على ها الدعوات الي تشرح الصدر والكي با المثل يا الغاليه الحمد الله اليوم احس نفسيتي احسن لان عتذر وتسامح مني مره ثانيه الله يهديه ويحفظه من كل شر |
اقتباس:
|
اقتباس:
ويجعلك قرة عينه ويجعله قرة عينك بناء على رد الاخت الكريمه تم حل المشكله وتنقل نسخه لعالم المشاكل المحلوله |
| الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©