|
زوجي لايعاملني بما استحق (حُلت المشكله)
:(
السلام عليكم ورحمة الله وبركاته بصراحه لااعرف ماذا اقول او من اين ابتدىء زوجي مقتدر مالي والحمدلله المهم اني تزوجت ومااعرف اطبخ يعني بحكم انه عند اهلي كنت مدلله طبعا بعد الزواج تعلمت كنت اطبخ وانظف واغسل واكوي وادرس وحامل في نفس الوقت بتقولون عادي كل وحده متزوجه تسوي كذا؟؟؟ ممكن بس انا متعودت يعني متعوده على الدلع بس قمت بالمهام بدون شكوى كنت عند اهلي امدحه واقول مايخليني اشتغل تخيلو في رمضان يجون امه واخته زياره ارجع من الجامعه وعلى المطبخ المهم صار يضرب بي المثل بالطبخ عند مجتمع الرجال:14: المفروض يجيب لي شغاله صح ولا لا مدامه مقتدر ؟؟ قال احنا في بداية زواجنا ومانبي احد معان بالبيت قلت طيب على امرك ولدة والحمدلله وصار عندي ولد بعد الولاده صار عندي مشكله بظهري قالت الدكتوره لازم ترتاحين وتسوين علاج طبيعي المهم قال زوجي انتظري كم شهر لماننقل لبيتنا الجديد واكيد بجيبلك شغاله عشان ترتاحين المهم نقلنا لبيتنا بدال ماارتاح صار عندتا عزومات واستقبالات وانا الي واقفه على رجولي بعدها جت ام زوجي واخوه ونفس الحكاية المهم قال زوجي ماعندي سيوله انتظري :11: لما يجي الراتب انتظرت جاء الراتب وراحه وجاء الراتب الي بعده وراحه صراحه ظهري بدا يزيد اوجاعه لاني ماسويت علاج طبيعي ولا ارتحت المهم قلت لزوجي قال اسالي عن مستشفى وسألت ولما قلت لزوجي عصب استغربت وسالته قالي ماتلاحظين انك كل ماتجين من اهلك تشكين وتفتحين هالموضوع سكتت والى الان وان مسكته على الموضوع المهم سالفة الشغاله قالي الحين ماراح اجيب شغالة؟؟ سالت ليه قال فيه اشياء ابدا ماجادلته سكتت المهم اسناني كانت تعورني ورحت للمستوصف مع اخوي لانه قالي روحي مع سواق اهلك المهم واعطاني فلوس وذاك اليوم اوجعني ظهري ومانمت صحا وقال وشفيك مانمتي قلتله ظهري يعورني قالي تصورو كلمة اذبحتني ماامداني خلصنا من اسنانك الحين ظهرك الله يعين بصراحه اهو متغير صارله شهرين سالته مره قلتله مقصره معك فشي قالي لا ماادري ليه صاير يعاملني كذا المشكاه ان امه ماتبيه يجيب شغاله وقدامي تقول العكس والي ذابحني انه ذاك اليوم يمدحني عند امه واخته ويقول لاخته تعلمي كيف تعاملين زوجك شوفي زوجتي ما شاءالله عليه هل تصرفي اني امشي امور ولا ازعل هو السبب؟؟؟ ولا ايش احيانا اقول بقول لابوي يعاجني وارجع اقول مو حلوه بحقه مصروفي الي يعطيني اياه اجمعه احيانا عشان افاجاه بهديه معتبره وامس رايح يشتري لاخته من ابوه هديه ويغلفه تعبان حيل عليها عشانها نجحت يمكن اكون انانيه بس غصبن عني تمنيتها لي؟؟؟ طبعا مابينت له شي بالعكس ان اخترت له التغليفه وساعدته في تنقيته سؤالي هل استحق كل هذا منه ليه مايحس فيني احيان اقول يمكن لواموت يعرف قدري تم توضيح العنوان الاشراف |
أنا بصراحة لم أرى مشكلة فيما قرأت
أختي العزيزة لا تزعلي من كلامي لكن الموضوع عادي و معاملة زوجك من سطورك أراها طيبة و جيدة و طبيعي أنه عند انتقالك من بيت لبيت فإن هناك مصاريف و أمور تتعب الرجل و يمكن كون عليه ديون يسددها دون أن تعرفي لأن معظم الرجال يخجلون من ذكر ديونهم أمام زوجاتهم و عادي جدا مسئلة الطبخ و الغسيل , أي زوجة ستفعل ذلك مهما كانت مدللة لا تظني إني أقول لذلك لأني متزوجة و أعمل في بيتي و أتعب فأستكثر عليكِ كلامك لكني بنت و أعرف إني لما سأتزوج بإذن الله سيكون علي حمل من المسؤوليات التي يجب أن أتقبلها دون أن أفكر للحظة أنها مساعدة مني أو إني أعملها مجاملة , بل هي واجب و سآخذ عليها أجر من عند الله تعالى إن أحسنت النية ثم الخدم شر و شر يصعب شرحه طول حياتي كان عندي خدم في بيت أهلي لكن بلاويهم تفوق الحد سرقة كذب نقل أخبار و أحاديث سحر شعوذة خيانة أو على الأقل لعب على رجال البيت ايذاء للأطفال بالذات الرضع و الأطفال اللذين لا يستطيعون الشكوى بلاويهم أكثر من أن تحصى لكن إنتِ متعبة بسبب ظهرك إذا ربما تحاولين احضار خادمة مسلمة كبيرة في السن و تؤمني نفسك بكاميرات في المنزل و طرق لحماية الجميع لكن أقول لكِ انتظري على زوجك حتى تتأكدي أنها لا يعاني أزمة مالية أو دين يسدده دون أن تشعري و شيء آخر اهتمي الآن بجلسات العلاج الطبيعي و لا تهمليها قد تشفين و لا تحتاجي لأحد يساعدك فتصوني بيتك و ترتاحي من قرف الخدم أقول لكِ إن بإذن الله لن تدخل بيتي خادمة رغم اني اعتدت وجودهن حولي لكن مما رأيته من قرفهن كنت أمنع الخادمة حتى من دخول غرفتي أو حمامي , و أقوم بتنظيفهما بنفسي حتى ثيابي لا أسمح لها بلمسها , فيجب أن يخاف كل شخص على نفسه من حقدهن و شرورهن و هناك اقتراح يمكن الإستعانة بخادمة تأتي يوميا أو اثنان بالأسبوع و تعمل لعدة ساعات ثم تذهب أفضل لكِ من خادمة مقيمة تحسدك في زوجك و طفلك و بيتك و أسفة على الإطالة لكن أردت فقط أن أنبهكِ للتعاسة التي قد تجلبينها لنفسك بسبب خادمة |
يا اختي وين الزوج اللي يمدح زوجته امام اهله
قليل هم هؤلاء الاوفياء وهذا اكبر دليل يا اختي انه يقدرك بالنسبه للخادمه طالما وعدك فاصبري ولاتكوني ملحه فيمل منك ويرفض طلبك انت الان وازني الاشياء التي يمكن ان تعملينه في بيتك بدون جهد اعمليه وغيره دعيه ليشعر بحاجتك للخادمه بدون طلبك لكن ماتخلين الدنيا مقلوبه قدري عاد ممكن الاكل تطلبين يوم من المطعم ويوم تطبخين وايضا بامكانك استعمال الادوات الاستهلاكيه لتوفرين غسل الاطباق وخليك مثل ماانت مفخره لزوجك عند اهله ولاتخيبيني ظنك به وتخلينه شماته |
شكرا اخواتي على ردودكن
ان زعلانه لان زوجي مقتدر وماعنده اي ظروف يعنى لو انا ماني متاكده من هذا ماكنت لاطلب منه شي يكفي انه يصرف فلوسه يمين وشمال ماله له الحق بصرفه بس انا تعبانه من سنه وشوي وماكلف نفسه يوديني لمستشفى انا ماني زنانة يعني اطلب مره وحده وخلااااااااااااااص زوجي احبه وهو طيب بس انقهر لما يقصر علي عشان كماليات يعني المفروض الاهم فالاهم ياخت نوران ان محتاحه عشاني تعبانه وبعدين ان ساكنه بيت كبير وصعبه علي التنظيف والبيت اغلب الاوقات ضيوف مشكورين مره ثانيه الله يجزاكن خير |
عزيزتي ..أم مشموشة ..
في البداية أريد أن أبين لك أن أهم شيء في مشكلتك هي المشكلة الصحية بعد الولادة واحتياجك للعلاج الطبيعي .. انتبهي عزيزتي لنفسك ..واحذري أن تتهاوني في هذا الموضوع لانه قد يؤثر عليك فيما بعد ..ولابد أن تتفقي مع زوجك على طريقة مناسبة بحيث تنظمي في العلاج الطبيعي ..أما بالذهاب لبيت أهلك لفترة قصيرة ومتابعة العلاج وتكون فترة راحة لك..أو التخفيف من الاعمال المنزلية ومتابعة العلاج أيضا .. ويجب أن تفهمي زوجك أن راحتك وصحتك تنفعه هو قبل أن تنفعك فكيف تستطيعين القيام بأعمالك ومسؤولياتك الزوجية على أكمل وجه ؟؟ وأنت متعبة وتجدين آلاما في ظهرك .. لذا يجب أن تأخذي الموضوع بجدية وحرص وحزم حتى لاتندمي لاقدر الله فيما بعد ... وبالنسبة لموضوع العاملة المنزلية ..فاجلسي مع زوجك جلسة مصارحة واعرفي منه السبب الاساسي في عدم احضارها ..وان كان السبب يتعلق بعدم رغبته باحضارها فقط دون أن يكون هناك سبب مادي ..فبصراحة أرى أن الافضل لك أن تقتنعي برأيه ..وأعلمي أن قيامك بالاعمال المنزلية عبادة تؤجرين عليها بوجود النية الصادقة واحتساب الأجر في ذلك ولنا في الصحابيات الكريمات أسوة حسنة ..ولامانع من احضار عاملة منزلية يومان في الاسبوع لتقوم باعمال التنظيف وغيرها ..كما ذكرت الاخوات في الردود السابقة .. أما بالنسبة لموضوع احساسك بأن زوجك مقصر معك وأنه لايقدرك حق قدرك فأرى أن الزواج في الحقيقة يمر بفترات مد وجزر ..فأحيانا يكون الزوج قريبا جدا لزوجته ويغرقها بالحب والحنان ...وأحيانا أخرى يبتعد عنها ..وقد تحس الزوجة أن زوجها تغير عليها ..بينما الواقع أن هذا الأمر طبيعي ..وكل الأزواج بلا استثناء يمرون بهذه الفترة .. لذا فلا تخشي شيئا من هذه الناحية واستغلي فترات الابنتعاد هذه في الاهتمام بنفسك وبطفلك .. وأسأل الله لك دوام الصحة والتوفيق وأن يجعلك قرة عين لزوجك وأن يجعله قرة عين لك .. |
اختي الغاليه
طبيعي هذه حال الدنيا لاتسير على وتيره واحده كوني عون لزوجك وزعي وقتك ووزعي اعمالك المنزليه بطريقه تريحك ولاتتذمري كثيرا لكي لاتجلبي النكد لنفسك كوني مرحه ولمحي له دوما بانك قد وعدتني وحبيبي لايخلف وعده ابدا وحتى الهدايا لاتقطعيهذه العاده على العكس استمري ومع الوقت سيتعلم ان يبادلك عوديه على كل الامور التي تريدينه ان يعملها فمثلا بحلول مناسبه خاصه ارسلي له التقويم وقولي له انا انتظر منك هديه بهذا التاريخ وهكذا وانت استمري وزيدي العطف والحنان واحتضانه ولكن لاتسكتي على ملاحظاته بخصوص الامك كان تحسسيه بانك حزينه من تعليقه بدلال وهدوء اختي اتكلم من تجربه فانا متزوجه ولدي طفل واعلم ماتعنين موفقه اختي |
مشككوره اختي همس ومنتظره
اثلجتم صدري بردودكم انا من طبعي لااحب الشكوى لا لام ولا اخت لااريد ان يعرف احد مايحدث في بيتي فهذه اسرار لايحق لااحد ان يعرفها ولذلك لجأت اليكم شكرا مره اخرى على تلطفكن بالكتابه لي ودمتم يااخواتي ..... |
[quote=
وخليك مثل ماانت مفخره لزوجك عند اهله ولاتخيبيني ظنك به وتخلينه شماته[/quote] بصراحه ازعجتني كلماتك لماذا اجعله شماته ؟؟؟؟؟ اولا : انا لم اشكي الى في هذا المنتدى ولااعتقد اذا فضفضت لكم باني سوف اجعل زوجي شماته ان لم اشكي لامي او اختي لان اسرار بيتي لا تخرج ولست زنانة لاني لااطلب الشي اكثر من مره متاسفه ولكن كلمتك ازعجتني تقبل فائق احترامي وشكرا |
أجلسي أنتي و إياه
كلميـــــــــــــه بهدوء أقنعيـــــــــــــــه صدقيني راح يجيبها لك بإذن الله و ابشــــــــــري بكل خير إن الله على كل شيئ قدير |
اختي صحيح الرجال ما يحبون الزن
بس الزن اذا كان الطلب عدة مرات وبفترات متقاربه انا مثلك زوجي ما يحب الزن واطلب منه الشي مره وحده وبس وانتظر فترة شهور واذا ماجاب طاري افتحه مره ثانيه واذكره لانهم مع الاشغال الله يهديهم ينسون ومن تجربه ترا السكوووووووووووووت والكبت بيخليك زي القنبله الموقوته مثل يوم يقول تونا خالصين من اسنانك وبدينا بظهرك والله يعين المفروض انك ما سكتي ما أصد انه يكون فيه صراخ وهواش وزعل لا بس يكون باسلوب هادي وحلو منك وماشاءالله عليك احسك بهالأمور فاهمه الله يسخرلك زوجك ويسخرك له ويسعدكم ويهنيكم دنيا وآخره |
طيب تدرجي معاه في موضوع الشغالة
يعني خليها بداية علشان يقول ماعنده فلوس لها خليه يجيب لك الشغالة الي بالساعات تساعدك شوي على الاقل 3 ايام في الاسبوع شوي شوي كلميه انك ماتلحقين معاها في شغل البيت نحتاج شغاله يوميا بعد فترة تقولين لو كان عندنا شغالة دايمه كان اصرف لنا وهكذا يا اختي ومن له حيلة فليحتال تصرفي بذكاء في المسألة بحيث لا تسببين لك وجع راس ولا لزوجك وجع راس بحنكة اخذي الي تبينه الله يعطيج الصحة والعافية وسلامات الف سلامة عليج والله يحنن قلبه عليج يالغلا طمنينا عليج ياقلبي |
أنا رأيي إبدئي في علاج ظهرك
و أثناء العلاج حتكوني تعبانة و اتدلعي دلع الحريم برقة و نعومة و ليس طلبات بإلزام قوليله معلش تجيب خدامة أختك اليوم تنظف عندنا ؟ أنا تعبانة و الجلسة أتعبتني جدا مرة تانية حبيبي تقلنا على أختك ياريت تجيبلنا خدامة يومين في الأسبوع مرة تالتة ممكن هو من نفسه يحضرها ثابته بس أهم شيء ما تهمليش ظهرك لأن مضاعفات الموضوع ده خطيرة و كيد النسا غلب كل كيد فالشيء اللي ما نقدرش ناخذه بالقوة سناخذه بالدلع و الرقة ربنا يوفقك |
اقتباس:
بحفظ الله |
مشكورات يااخواتي على ردودكن التي افرحتني كثيرا
المشكله انه زوجي يرفض اني اجيب وحده بالساعات عشان يخاف انه مو على كفالته ولو لساعه واحده اختي ليتني اسلى اعذريني بس لو اني مااحسبك اختى ماكنت قلتلك انه متضايقه من كلماتك كان بامكان المرور وعدم الاكتراث بي انا متابعه لهذا المنتدى ودائما ماتعجبني ردودك اعذريني بس نفسية تعبانه وصايره حساسه رجاء لاتبخلي علي بنصائحك فانت والله بمقام الاخت |
ان مع العسر يسرا حاولي تتصفحي في مشكلات هذا المنتدى وراح تهون عليك مشكلتك
|
حبيبتي...
صحتك ثم صحتك ثم صحتك ثم زوجك و أولادك و بيتك... يعني..أهتمي بالعلاج الطبيعي...شغل البيت على قدر استطاعتك و لا ترهقي نفسك... طالما إنك بتسوى شغل البيت بأمانة..و تعطي بسخاء...الرجل و الأولاد...يعودوا على الأخذ..و يمتصوا شبابك و عافيتك...و لا يهمهم..أمرك...حتى لو متي...و متى ما قدروا استغنوا عنك... خففي على نفسك...يعني مثلا الطبخ دائما تعملي 3 أصناف أعملي صنف...أيام أطلبي من زوجك من المطاعم..لأنك متعبة... يعني سوي اشياء تظهر تعبك...بدون ما يشعر زوجك...و بيني له تعبك... ما ادري دي الفكرة تنفع و لأ...بس جربيها...و الله يعينك... حاولي تقنعيه إنه يجيب الشغالة الآن..لأنك تحتاجي لها ..لأن البيت كبير...ولدك متعبك... لو تقدري جيبي شغالة تنظف البيت و تمشى...أو تجيك ايام محددة من الأسبوع... الله يفرج همك..و يهديي لك زوجك و يسخره لك... |
السلام عليكم ورحمة الله
اختي العزيزة انا أقولك معاك حق في كل اللي قلتليه وهذا الشغلة فعلا تخلي الواحد متأزم ومو مرتاح نفسيا وجسديا خاصة اللي انتي مثل حكايتي كنتي دلوعة في بيت اهللك و الراجل ما يفهم معنى هالشي من رأيي و عن تجربة اولا لا تتهاوني في اي موضوع يخص صحتك يعني كلميه باسلوب و قوليله ترا الشغلة مو هينة ولا سمح الله اذا صرت حامل مرة تانية رح تكون مو سهلة عليا اما موضوع الشغالة فلا تلحي لن اغلب الرجال ما يحبون الالحاح في اي موضوع حتى ولو كنا احنا شايفينه موضوع مهم ومدام وعدك يبقا اصبري الاول وبعدين كلميه والله يعينك ويعينا على رياجيلنا و يعينهم علينا |
اختي اعانك الله وان يشفيك
والله وضعك الصحي محرج اتمنى ان لا تتاخري في ذهابك للمستشفى وشغالة مؤقتة |
مشكور بحريننا وقلب سلطان على المرور
الله يجزاكم خير |
اقتباس:
شكرا على مرورك وعلى النصائح وبحاول ان شاءالله الله يهديه الله يوفقك ويسعدك ويجزاك خير |
اقتباس:
مشكوره اختي جزاك الله كل خير الله يسخرلك زوجك ويوفقك |
هل الدلع في بيت الأهل يعتبر عذر لترك الاهتمام ببيت الزوج؟
احدى قريباتي تاركة كل شي للخدامة تطبخ وتغسل وتسوي الأكل وتجيبه للزوج كمان وقريبتي ما لها شغلة في البيت بتاتا إلا مشاهدة التلفزيون وشرب القهوة حتى اذا راحت شغلها وزوجها متقاعد يقعد احيانا ويسولف مع الخدامة لحالهم في غرفة واحدة ومن تجربة بعض الرجال يحب المرأة التي تخدمه والله يا أختي إنت في نعمة أخاف تفقدينها بعدين الله يسعدكم |
حياكي الله أختي أم مشموشه ...
بإختصار .. صدقيني زوجك يحبك يحبك يحبك ... بس فيه شيئ حبيت أقوله لك أختي وهو طريقة توصيل المعلومه للزوج .. مثلاً : كيف تحسسي زوجك بأنك تعبانه ومحتاجه فعلاً لمستشفى ؟؟.. كيف تحسسي الزوج إنك بحاجة خادمه ؟؟.. أعتقد والله أعلم وبدون حياء (إستغلي العلاقه الحميمية بينكم لمحاولة إستمالة الزوج في الطلبات بدون ضغط .. إستغلي ذلك في تعبك وعدم جاهزيتكي له بسبب اعمال البيت الكثيرة ) . * عفواً أنا ضد وجود الشغاله في حال عدم الحاجة الضرورية والماسّه لها . . |
اقتباس:
يااخي ليس الدلع هو حجتي والله اني سعيده اني ببيتي لوحدي انا وزوجي البس الي يريحني باي وقت لولا تعبي مافكرت جزاك الله خيرا على اعطاءك مشكلتي بعض من وقتك :d |
اقتباس:
يااخي والله اعلم بانه يحبني وان احبه مايحتاج اوصله اني تعبانه في تقارير واشعه تثبت ذلك والله والحق يقال ماعمره قصر معي بس ماادري وش فيه هالايام أعتقد والله أعلم وبدون حياء (إستغلي العلاقه الحميمية بينكم لمحاولة إستمالة الزوج في الطلبات بدون ضغط .. إستغلي ذلك في تعبك وعدم جاهزيتكي له بسبب اعمال البيت الكثيرة لااستطيع ان اقصر في حق من حقوقه لو كنت على فراش الموت شكرا اخي وجعله الله بموازيين حسناتك شكرا على وقتك |
بسم الله الرحمن الرحيم
بصراحة عجب عجاب قرأت كلامك ولم اجد اية مشكلة به بالعكس انا ارى هالرجل من خير الرجال اختاه قولي الحمد الله انك رزقتي مثل هذا الرجل فوالله لن تجدي افضل منه اقولها بصريح العبارة لقد اكرمك الرجل ومن كلامك علمت انه نقلك الى بيت افضل من سابقه ماذا تريدين اكثر من ذلك لاريد اقسو عليك بكلامي لكن اعتقد والله اعلم ان المشكله انك مدلـله زيادة عن اللزوم فأرجوك فكري في المشكله والموضوع واعلمي ليس هناك شخص كامل مئة بالمئة ولكن هناك من يسعى للكمال وادعي الله ان يوفقك ويجعلك مخلصة له وان يجعله مخلص لك ويجمع بينكما بالخير والحمد الله على كل حال |
مشكور اخوي على النصيحه
والحمدلله والشكر والله يجزاك خير |
اختي العزيزة والله والحمدلله مشكلتك تهون عن غيرها وهذا بحد ذاته عزاء لكي ...
بالنسبه لشغاله انا اقول ياناس ياعالم البيت المفتوح اللي يكون فيه عزايم وطبخ ونفخ لازم شغاله ... انا اعرف ناس كثير ماعندهم شغاله لكن مايجيهم احد وقليل لما يروحون لاحد .... يعني قايمين ببيتهم وعيالهم وهذي سهله محد يعجز عنها ... لكن اذا اهل الزوج يجونك كثير لازم تجاملينهم كنهم ضيوف وتعاملينهم احسن معامله وطبعا تتفننين بالمطبخ كل هذا الصراحه لازم خدامه تساعد ... يعني انتي ماغلطتي ابد في انك تطلبي خدامه مومعناها انك بترمي كل المسؤليه عليها لكن المساعده زينه .. والحمدلله دامه مورافض يعني بيجيبها بس انتي بيني له التعب وانتي تشتغلين بدون مايحس انك تبينه ينتبه...وبعدين وشدراكي انه امه رافضه؟ وبالنسبه لظهرك لازم تعالجين لاتسكتين ابد.. ولاتعتمدي على سواق اهلك كثير خاصة في المستشفيات... حاولي تبيني له انه وجوده معك يخللي نفسيتك احسن..يوفقك الله |
مشكورين لتفاعلكم معي
حبيت اقولكم ان الحمدلله والشكر له مشكلتي الصغيره جدا جدا قد حلت ولله الحمد واكيد الفضل كله يرجع لدعواتكم لي واكيد لزوجي... ان شاءالله بكره بروح اسوي اول جلسة علاج طبيعي وبجيب وحده تساعدني يومين بالاسبوع والله يكتب الي فيه الخير... ومشكورين مره ثانيه |
الحمدلله على فضله ونعمه
الله يكتب لك الشفاء العاجل اختي ولله الحمد ان يسر لك السبل نسخه لعالم المشاكل المحلوله |
الحمد لله على فرجه وفقك الله وشفاك
|
انا اشارك اختي نوران في راي
|
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©