|
بكاء الطفل بعد اخذ لقاح
السلام عليكم
راح أدخل بالموضوع على طول اليوم ولدي كمل شهرين ورحنا طعمناه وبعدها بساعتين بدأ يبكي بكاء متواصل من ألم الأبره وماني عارفه أيش أسوي معاه الله يخليكم سااااااااااااااااااااعدوني بشي يخفف الألم كل ماحرك رجوله يبكي زياده أحس قلبي بيتقطع عشانه تم تعديل العنوان بما يتناسب مع الموضوع |
اعطيه بندول للأطفال
اذهبي للصيدليه وخبريه يعطيكي مخفف للألم سلامة قلبو المفروض ياخذها قبل الطعم اسألي الصيدلي كل اربع ساعات تعطيه الكميه المكتوبه على العلبه |
Green222 مشكوره على الرد
أعطيته أدول بس مستمر بالبكاء ماأدري أيش أسوي أذكر الدكتوره قالتلي أسويله كمادات بارده وحاره كمان بس ماأدري أيهم قبل الثانيه وهو مستمر بالبكاء من كثر مايبكي أستفر غ ماأدري من البكاء ولا من الأبره ؟؟ |
تمبرا احسن شي ..
ادول ضعيف وادهني عليه طبقة خفييييفة جدا فكس |
سويلة الكمادات انا سويت الحار اول بعدين البارد
مو شرط الترتيب |
طمنيني عليه الحين
وشلون صار |
اوعي يا ام الاموره لا تحطين فكس على رجله يقولون اكبر غلط لانه يأثر على مفعول التطعيم
وخالتي قالت لي .. اذا طعمتي البيبي عطي الطفل ادول .. حتى لو مابكى ... لانه اسلم حل ... وطمنينا عنك ... |
انا بعد بكره راح اطعم ولدي ...
|
رسيل .مررروه مشكورين على أهتمامكم الله يحفظلكم أولادكم ويبعد الشر عنهم
نورا ,,,,,,,حلمي قريب مشكووورين حبايبي ألي تعودت على وجودكم معاي بكل شي يشغلني الله لايحرمني منكم ويحفظ أولادكم من التعب ومن الآلام الحمد لله صار كويس ماكأنه الي كان يبكي بالعصر ماشاء الله بسم الله عليه مع أني يوم رجعت على طول أعطيته أدول بس الصيدلي وصفلنا الجرعه ألي أعطيها الولد غير الجرعه الي مكتوبه بالورقه بتاعة العلاج وأحسها قليله مانفعت لكن لما كثرت الجرعه زي ماكنت أعطي بنتي الحمد لله أرتاح ونام يمكن لأني أعطيته جرعه مرررررره قليله عشان كذا مانفعت الجرعه الأولى من العلاج ماأذكر بنتي تعبتني بتطعيماتها الي أعطيناها ماشاء الله عليها لكن هذا جنني اليوم يبكي من الألم وأنا أبكي معاه وبالنسبه للفكس مستحيل أحط لأني سمعت الدكتوووووووووره تقووووووول يأثر في مفعول التطعيم وأن شاء الله ياحلمي ماتشوفين ألي انا شفته اليوم أذا طعمتي حمووده وأن شاء الله مايكون تعبك جبووري يانورا,,,,,,,,,,, |
حبيبتي خذيها قاعدة بعد كل تطعيمه لطفلك دلكي مكانها مباشرة لمدة عشر دقائق أنا بناتي دائما بعد التطعيم أعملهم كذا والحمد الله مايبكوا ولا يتألموا لأن لما تدلكي مكان التطعيمه على طول مايتجمع الدم ويسبب الألم
|
ندى_1406
مشكووووووووره حبيبتي على الرد في بنتي كنت دايم أدلك مكان الأبره والحمد لله عمرها ماتعبتني وبولدي كمان سويت نفس الطريقه بس مانفعت معاه ماادري ليش؟؟؟؟؟؟؟؟ الله يحفظلك بناتك من كل شر |
الحمد لله انه هدء بس نصيحة الدكتور الي طعمت ابني عنده كل التطعيمات
كان يقول لي اول ما تروحي اعملي له كمادات ماء دافي مكان التطعيم وفعلاً كنت اسويها وما مرة تالم ابداً ابداً صديقتي كانت تسوي عكس ما بارد وبنته تتالم زيادة بس الماء الدافئ وعن تجربة يشيل الالم بالمره والف سلامة عليه ان شاء الله |
سلامت قلبه مايشوف شر ان شاء اله بس انتبهي من الحراره عطيه ادول كل 6 ساعات او4 ساعات حتى لو مافيه حراره لمدة يومين وسلامته
|
حنين الله يسلمك حبيبتي ويحفظ أبنك من كل شر أنا جربت معاه كمادات بارده بس مااحسها نفعت مشكوره على المعلومه
غلا جلاجل الله يسلمك حبيبتي ويحفظلك الأموره من كل شر وبالنسبه لخافض الحراره أعطيه كل أربع ساعات والحمد لله أحسه تحسن ككثير عن أول الله يحفظلكم أولادكم ومشكورييييييييييييين جميعاً على ردودكم وأهتمامكم |
| الساعة الآن 11:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©