|
اريد افكاركم في اختيار هدية لزوجي
السلام عليكم
بدخل في الموضوع على طول انا ودي اهدي زوجي هديه تكون حلووووه وفخمه لانه انسان<<زوجي فاهم بهالامور يعني يحب الاشياء الراقيه والغاليه وبما اني من زمان مااهديته بسبب انشغالي في دراستي اريد منكم مساعدتي باختيار هديتي له.. علما بان هداياي له من قبل ساعه عطر قلم درع فيه صورته ......... مع اشياء رومنسيه للزوج تجاه زوجته:d وش الافكار الجديده بــأنتظـــــــــــــــاركم [info] الاشراف : تم تعديل العنوان ليتناسب مع المضمون [/info] |
اهدي له جوال
خاتم شماغ غترة سبحة عودة جزمة ممكن قماش للثوب بس يكون فخم لبس جنتل المشكلة ماعندهم شي الرجال يحتار الواحد لمن يهدي لهم شي سيارة لكزس وله جمس يوكون لوووووووووووووول جهاز حلاقة |
مشكور اخوي او اختي
بس مايلبس خاتم والجوالات انا قصت نبضه ولا يعجبه شي من الجوالات الجديده طيب وش افضل شي للشماغ والثوب وسياره لكزس<<<خخخخخخخ كان فلست ماعاد هي هديه الا تفليسه ارجو منك الرد |
شماغ البسام حلو ومزيون
ويطلع الواحد كشخة وغترة في انواع كثيرة يمكن غتر العطار وفي غتر انواع حلوة والله مادري ويش هيا بالضبط خذيله جوال سوني ايكسون راقي ووشكله حلو ومناسب لكبار الشخصيات يسوون في حلويات وشكولاتات هناء كيكة يحطو فيها صورة اي شخص سوي كيكة فيها صورته بالكامل مايكلف تقريبا 120 ريال مع صورته بالشكولاته كل الكيكة صورته تطلع روعة من جد مو شرط قيمة الهدية او شكلها ولكن من روعة المهدي ودمتي |
مشكوووووووووووووووووووووووووووووووور اخوي او اختي
فكرة الكيكه مره عجبتني وحركه جديده بتكون له الف شكر للمره الثانيه |
السلام عليكم
انا رايي و ان شاء الله يعجبك اذا عندكم عيال صرفيهم عند الوالده او حماتك وسوي ليله رومنسيه من عند الباب لين الغرفه وقوليله لاتجي الين اتصل عليك وضبطي حالك مع الاكل يعني اذا الاكل هندي البسي زي هندي وهكذا........... وليله سعيده [info] الاشراف : لفظ المشيئة يكتب على هذا النحو إن شاء الله [/info] |
مشكور اخوي مدموزيل فكره حلوه ورومنسيه
|
ماشاء الله تبارك الله
الله يخليكم لبعض ويهنيكم |
سلام عليكم انا انصحكي اذا كان يرتدي لباس كلاسيكي اشتري له كرافاته
او آلة حلاقة من النوع الرفيييييييييع |
قماش ثوب ماركه وسط كرتون هدايا حواليه ورد طبيعي مع بطاقه عليها كلام رومنسي واذا حبيتي عطر ضخم الله يزيدكم سعاده
|
اشكركم على الردود
ماقصرتوا |
دموع ناعمة بشريني سويتي الحركة حقت الكيكة ؟؟؟
اذا سويتها كيف طلعت ؟؟وهل عجبت زوجك ؟؟؟؟؟؟؟؟ |
أول شي .. كم ميزانيتك للهدية ؟
عندي أفكار بس تعتمد على المبلغ |
اقتباس:
سويت الكيكه وهديه بسيطه مغلفه مكونه من شماغ وسبحه وبصرااااااااااااااااااااااحه مره اعجب بفكلرة الكيكه مشكووووووووووووووووووووووووور اخوي _اختي |
اقتباس:
بصراحه انا سويت الهديه واشكرك على مرورك لكـــــــــــــــن؟؟؟ لايمنع انك تفيديني بالافكار للمناسبات الجايه والميزانيه حلوه لاتشيلين هم عاد الدفع واحب الاشياء الفخمه والغاليه(الغالي يرخص) عطيني الافكار ومشكوووووووووووووووووووووووووووووووووره تسلمييييييييييين |
أول شي أنا شاب .. وعذرا لو كان اسمي غير واضح
ثانيا .. فيه أفكار كثيرة .. لكن حاولي تجيبين الشي اللي ما يتوقعه .. وهو يحبه في نفس الوقت حاولي تكتشفي بطريقتك الماكرة .. ايش الشي اللي هو محتاجة ومب عنده جربي مثلا .. نظارة شمسية قبل السفر شماغ من نوع نادر وثمين سبحة أيضا من نوع نادر تشكيلة عطورات جسم مع كريمات محفظة سفر .. تحفظ أدوات الاستحمام بطريقة جميلة اصنعي له شيء غريب .. مثلا تصميم على الكمبيوتر .. سيدي للسيارة تنتقين فيه مقاطع حلوة ومتعوب عليها .. إذا كان بحاجة لبدلات أو جزمات .. فاجئيه بها قبل ما يشتريها .. بس حاولي تعرفي مقاسه وذوقه اللي يعجبه ممكن تسوين حركة حلوة مرة تجهزي له هدية يدخل في تكوينها القماش أو الجلد (بدلة .. كرسي .. فوطة .. بطانية .. محفظة .. شنطة .... إلخ ) وتروحي لمحل خياطة متخصص بالتطريز .. وتخلينه ينقش اسم زوجك عليها .. بحيث يطبع الاسم على ورقة بالخط اللي يعجبك .. وتعطينه الخياط .. وينقش الاسم تماما كما هو مطبوع .. الحركة هذي نادرة ورائعة جدا ممكن تهدينه بطاقة كونكت (اتصال بالانترنت عن طريق شريحة جوال) إذا كان بحاجتها ممكن تسوين له حركة حلوة بالسيارة .. تلبيس مراتب .. تغيير جنوط .. أو أي شي هو يهتم فيه إذا كان يحب الرياضة ويشجع فريق معين بجنون .. ممكن تكون الهدية متعلقة بهذا الأمر .. أهدي له طقم مكتب .. تقويم + أرضية طاولة + أدراج صغيرة + قلم مثبت على خشبة + وثبت أوراق + .. إلخ .. وهذا متوفر في مكتبة جرير مثلا الأفكار كثير بس تحتاج تصفية ذهن شوي وتفرغ للتفكير وفقك الله |
بصراحة ماعندي شيء جديد افيدك فيهبس حبيت اشكر اخوي(تبا للعزوبية)لان افكاره اعجبيني كثييييييير وافادتني
|
العفو يا أختي
وأنا في الخدمة |
اقتباس:
لكـــــــــن ماشاء الله عليك صرت احسن منا يالنساء بالافكار واعذرني وبصرااااااااااحه افكارك مره حلوووه واعجبنتي بقوووه ان شاء الله اسوي له مفاجأه في مناسبات اخرى ومشكووووووووووور يعطيك العافيه |
اقتباس:
|
اقتباس:
العفو .. ونحن في الخدمة |
إذا كان مهتم بالكمبيوتر اشتري له لاب توب
|
أنا كارجل أفضل الهدياء تكون حاجه اكترونية
فكري مثلا في لابتوب أو كيمرا فديو او رقمية |
النساء أعرف بما يحب الرجل من هدايا والعكس الله يهنيك بزوجك ويصلحه
|
اقتباس:
انت صاحب محل او هالافكار والهدايا اقتباس من خواتك لأن زوجي بعد يعرف هالحركات من خواته ومن كثر مايروح يغلف لهن قبل الزواج |
اقتباس:
|
اقتباس:
لكن فكرت بهالفكره ووجدت انه عنده مايحتاج مشكووووووور على مرورك |
اقتباس:
مشكووور على مرورك |
| الساعة الآن 04:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©