|
اكتشفت ان زوجي يكلم بنت في المسنجر
اكتشفت ان زوجي يكلم وحده في المسنجر وكان باين من المحادثه انهم يعرفون بعض من زمان انا توني متزوجه من كم شهر واللي قهرني ان زوجي محسسني انه يموت فيني ومايشوف غيري ولما واجته قال اكيد واحد من اصحابه هو راعي المحادثه وانا ماصدقت وزعلت وانقهرت انه انكر بدال مايحس بالذنب لان كل شي كان واضح وهذي مو اول مره من تزوجنا اكثر من مره القى في جواله مسجات وكله يتعذر ان اصدقائه هم اللي يستخدمون رقمه انا تعبت احاول اسعده وارضيه وبعدها انصدم فيه رغم انه سوا المستحيل عشان يتزوجني والحين اشوفه يكلم وحده على المسنجر واعترف لاهله انه يعرفها في الشغل وانها هي اللي تلاحقه وهو مايعطيها وجه كلامه متناقض وانا اللي شفته انه هو اللي يسولف معها ويقولها بكلمك من الدوام ولما حس اني مستحيل بصدقه حلف على المصحف انه عمره ماشافها وماكلمها غير مره وانه حاذفها من الايميل بس هي اللي ترسله رسايل بدون اتصال وهو يضطر يجاملها لانه قدمت له خدمه في الشغل وانا صراحه ماني قادره اصدقه وتعبانه نفسيتي حيل ساعدوني الله يجزيكم خير انا مقهوره ليش كلما امسك عليه شي مايعترف ليش كله يكذب علي وفوق هذا يزعل اني اشك فيه ومااصدقه وعلى فكره ه تأسف لي يس عشان يقفل الموضوع يعني هو ابد مو حاس بالذنب ويقول اني فاهمه الموضوع غلط يبي اصدقه واكذب عيوني والله لو اعترف من اول مره وحس بالذنب كان انا نسيت بس للاسف شااقول اه من القهر |
مساء الخير اولا ليس لدي خبرة بهذه المشاكل ومع ذلك سوف اشارك ويؤسفني ان اكون اول المشاركني لانني لن اقف معك ولن اقف ضدك.. المشاركة وهي عامه لكي ولكل من يمر من هنا..بما انكي تقولين من كم شهر متزوجه يعني زوجك من قبل ما يتزوجك وهو له علاقة معها وليس بالتأكيد وانما تقريباً وعلى مايبدو ان الفتاة هي التي تريده (متعلقه)فيه اختي واخواتي عندما يحدث قصة لك مشابهه وياكثر القصص من هالنوع لاتلومي زوجك وتضعيه انه هو المجرم والخائن والغشاش ..لأننا لو نظرنا الى هذه البنت صاحبت المسنجر هي في الواقع غير مزوجه وربما لديها اكثر من صديق لها علاقات نظيفة لاتنظر الى حالة اصدقائها هل فيهم المتزوج ولديه زوجة او بعضهم عزابي لايهمها احد.. وبعد فترة من الزمن سوف يأتي ذلك اليوم الذي تخطب فيه وتتزوج وتكتشف ان زوجها يتحدث ويكلم بنات تغضب وتسود الدنيا بعينيها لماذا ولماذا ولماذا هذا الخائن هذا الغدار.انتهى انا لا اتهم احد ولا المح الى شيء.وانما اريد ان اقول ان اساس المشكلة فتاة والمتظرر فتاة والقلب المحروق فتاة والشاب مجرد وسيط غير مسيطر قد عاش السعادة المشبوهه ولن يستطيع الخلاص الا بمشيئة الله عسى الله ان يهدي زوجك وكل زوج لا يقدر ولايحترم زوجته..ارجو فهم تعليقي مع كامل احترامي للموضوع وكاتبه والسلام عليكم |
الله يهديه
لي عوده... |
جزاك الله خير اخوي
|
من وحده ذاقت مرارة الي مريتي فيه مع انه يموووووت في التراب الي ادوس عليه
بس ابو طبيع مايجوز من طبعه لكن خليته يتندم على اليوم الي تطبع بهالطبع وليعذروني الرجال ولكن مايملي عيونهم غير التراب انا ماراح اقولك وشلون انهيت هالمشكلة لانه زوجك غير زوجي بس دعواتي لك صادقة الله يصبرج ويهدي سرج ويلهمج الحل الصحيح للمشكلة الله يمسح على قلبج اختي والله يهديه |
دمعات الروح ممكن ترسلي على الخاص يمكن اللي اتبعتيه مع زوجك ينفع مع زوجي رجاء خاص لك اختي
|
يابعد قلبي خيوتي اهنيه مافي رسايل على الخاص
وماتوقع الي عملته ينفع مع زوجك لاني بكل صراحة مابي اخرب لك بيتك البركة ان شاء الله في باقي الاعضاء يفيدونك بالنصيحة واانتي يا اختي قوي صلتج برب العالمين اكثر وادعيله بالهداية اولا ثم اثبتي على حل ودائما خلي يكون عندج دليل ادانة واثبات علشان مايقدر ينكر بنفسي الوقت لا تحسسينه بكل محادثة او نقاش انه متهم بهذه الادلة وانما خلج ذكيه في طرح الادلة واستخدامها |
حبيبتي انا الحين في بيت اهلى واللي قاهرني اانه مو حاس بالذنب بس شاطر يقول منى ترجعين انا مشتاق لك
|
والله محسسني اني انا الغلطانه مو هو حتى لما اكلمه برد على ببرود ويقول لما بكون بيني وبينها شي لك حق تسوي اللي تبيه قاهرني والله بعد هذا كله ويقول فاهمه غلط
|
السلام عليكم
اعتقد انك تقدري تنهي المشكله او جزء منها بانك تقفلي الجهاز ب رقم سري وتمنعيه انه يستعمله واكيد هو ما رح يكون له عين يعترض بعد ما كشفتي امره ثانيا بالرغم من كل شي لا تقسي عليه وحسسيه انك ما زلتي تحبيه وانك بحاجته بس مجروحه منه بالنهايه يفضل زوجك وهو اهون من غيره الله يهديه |
للاسف هذا جهازه هو مو جهازي انا بالصدفه اكتشفت هالشي بعني مااقدر اتحكم فيه
|
انا احبه وبنفس الوقت مقهوره منه كان اول مايتحمل اني ابعد عنه والحين فوق شينه قوات عينه لايتصل ولا يسال ومن جيت بيت ابوي وانا اللي اتصلت له عشان انهي الموضوع كاني انا الغلطانه وانا اللي ارسله المسجات وهو يكلمني ببرود حتى كلمه حلوة مايقولها يعني مو طبعه يبيني اشوفه يغلط واسكت مااتكلم
هو دايم حلف انه مابينه ووبينها شي وانها هي اللي تلاحقه بس هو لوكان يحبني كان وقفها عند حدها من البدايه اكفون ابيه يحس انه غلط واخليه يتحسف انه سوا هالشي لان هو قال هذي مو خيانه هي البنت ماتبي تفهم اني ماابي اكلمها ومااقدر اقولها بصريح العباره لاتكلميني لانها قدمت لي مساعده في الشغل يقول انا مااشوف غيرك ومااحب غيرك ويحلف بس مو قادره اصدقه مصدوومه |
رد الولهان كوم منطقي وصريح وعلى الاخت ان تجاري زوجها بهوايته اذاكان له هوايه معينه او تشغله بمواضيع يحبها المهم ان تشغله عن النت والتصرفات الغلط وتوضح له ان وضعه الان اختلف عن قبل الزواج
وانه الان شخص متزوج ورب اسره ويجب ان يكون على قدر المسؤليه واذا كانت تعرف البنت التي تراسله تنصحها بالابتعاد عن زوجها والله انشاءالله يهدي زوجها ..:25: |
وينكم انا ماعندي خبره كفايه في الحياه الزوجيه انا قاعده في بيت ابوي على اني اغير جو اهلي مايدرون ان فيه مشكله وامي بدت تشك قولوا لي الحل انا لجات لكم بعد الله سبحانه وتعالى مابي زواجي ينهار واللي يسويه زوجي مافي احد يسويه في بدايه حياته الزوجيه انا انتظرركم على احر من الجمر
|
| الساعة الآن 07:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©