|
خطيبي مستواه التعليمي والثقافي اقل مني بكثير..
السلآم عليكم ورحمة الله وبركاته ..
ببدا بالمشكله على طوول وياليت تعطوني حلولكم وآرئكم بليز .. انا تقدم لي شخص .. وانا سالت عنه امي بالبدايه وين يشتغل وش درس ومن هالكلام .. بما انه من نفس الي ساكنين فيه .. وتعرف امه .. قالت لي متخرج من الجامعه صار له سنتين و اتوقع اكبر منك بسنتين .. انا عمري 23 سنه .. يعني هوو 25 بعد كذا ابوي سال عنه وعن اخلاقه وطلع ماعليه كلام الكل يمدح فيه .. وانا كنت اعرف اخته بالمدرسه ماشاء الله عليها اخلاق .. المهم لما جابو لي صوره على شآآن اشوفه مبين عليه اكبر من 25 يعني حطيت له 28 -29 سنه .. قلت مايخالف مو مشكله العمر .. طبعا ماعندنااا الشوفه الشرعيه .. للملاحظه فقط .. المهم لما سالو عنه وكل شي وافقت عليه .. وكنت فرحانه حيل ومبسوطه واخيرا بتزوج وبستقر .. ولكن بيوم الملكه كانت الصآآعقه الي نزلت علي .. لما كلمته بالجوال سالته عن مؤهلاته الدراسيه .. قال لي انه ماخذ الابتدائيه فقط .. انا من قال لي كذا خلاص تسكرت الدنيا بوجهي وكرهت امي ونفسي .. وصرت مااشتهي اي شي .. وانسدت نفسيتي عن كل حاجه .. انا عارفه امي ماكان قصدها تكذب علي بس من فرحتها فيني صارت تبيني اوافق عشان تفرح فيني وحطت احتمآلات من عندهاا .. وهذا الشي غلط جدا .. هذا مصير اثنين مع بعض .. المفروض كل شي يكون واضح من البدايه .. وانا قلت مستحيل واحد بهالزمن مو مكمل دراسته .. تملكت قبل سته ايام .. وجلست معاه وحسيت المستوى الفكري جدااا مختلف .. انا كنت اطمح بانسان جامعي .. او على الاقل ثانوي مثلي مو مشكله .. وربي نعمه .. وربي متضايقه حييييييييييييييييل .. مدري كيف بكمل مشواري معاه احس اني بظل استصغره .. وماراح اعيش سعيده معاه .. اللهم تآديه وآجب الزوج وخلاص يعني ماراح يكون فيه توافق فكري بيناا في التعامل في طريقه الكلام .. وربي ليله حفلتي المفروض اكون اسعد مخلوقه .. قضيتهااا وانا ابكي من حسرتي على نفسي .. ولا زود على كذا اول لقاء لناا يسالني حبيبتي من قبل .. انا استغربت من الي بيسآل خطيبته .. من اول لقاء هالسؤال ؟؟ ليله الحفله جا طاري النت بالسوالف قال لي وش تدخلين بالنت قلت له والله اغلب شي منتديات قال لي اكيد تكلمين واحد اجل بالنت وتحبيه مثل طاش ماطاش .. انا هنا طالعته بنظرات وقلبي يغلي من جد نرفزني من بدايته هذا بدا يشك فيني الله يستر بعدين .. وعلى فكره هو مايعرف للنت ولايعرف وش فيه .. بس متآثر الظآهر بحلقه طاش ماطاش .. من عقبه وانا افكر افسخ خطوبتي بس الناس المقربه لي قالو لي اعطيه فرصه بس انا ماظن بقدر استمر مع انسان غير مثقف .. مابي اكرر تجربه امي وابووي .. مافيه توافق بينهم .. كان حلمي غير عن كذا ..كان حلمي فووق .. حتى بالمكالمات الحين احس اني بجلس اجامله خاصه اني ماحب اجرح احد .. وماحب اكسر قلب احد .. وهو طيب مره مره مره ومو مقصر علي بشي .. يعني مخجلني بعطاياه .. بس وربي لو بستمر معاه ماراح اكون مرتاحه .. لاني عارفه طريقه تعامل المتعلم والمثقف وطريقه تعامل الي مش متعلم او مش مكمل تعليمه .. قالوا لي اهم شي انه يحبك ويشتغل ويوفر لك كل شي .. انا مابي اي شي انا ابي انسان يفهمني وافهمه يكون فيه شي مشترك بيناا .. مابي فلوس وهدايا وش فايدة الفلوس واانا مش مرتاحه .. افيدوني من تجاربكم في الحياه وانصحوني.. الله يجزاكم الف خير .. واكون شاكره لكم .. تم تعديل العنوان /الاشراف |
http://www.66n.com/pics/hosted/rceo8...wsdlwui05g.gif
أولا بارك الله لكما وبارك عليكما وجمع بينكما بخير ثانيا عزيزتي .. هل استخرتِ قبل موافقتك على الارتباط به؟ إن كانت إجابتك بنعم فثقي أن هذا الرجل خير لك في دينك ودنياك وإن كانت نظرتنا القاصرة عن نظرة رب العالمين لاتوحي لك بذلك .. ثم .. لا يختلف اثنان على أهمية التعليم ودوره في صقل شخصية الانسان .. فهل فكرتِ في تطوير شخصية زوجك ومساعدته على إكمال دراسته عوض الهرب والانسحاب ؟ لمَ لا تتقبليه كرجل .. وزوج صادق طيب مخلص .. وتكوني خير من يُقال عنها .. وراء كل رجل عظيم امرأة؟ أسعدكما الله في الدارين |
اقتباس:
هلآ فيك ياغلآي .. الله يبارك فيك فديتك .. حبيبتي انا فكرت .. وقلت له ابيك تكمل دراستك .. قال لي انا ماحب الدراسه وماعرف شي ومافهم للحساب .. قلت له لازم تكمل دراستك عشان تنفع نفسك مايصير كذا .. قال اوك بعد الزواج .. يعني شكل السالفه مافي امل مدام قال بعد الزواج .. وكيف اطور منه واناا مش مرتاحه ومتضايقه ونفسيتي تعبانه حيل ..بس بحاول اسوي الي اقدر عليه .. وبشووف وش بتكون النهايه .. الله يجزاك خير يارب تسلمين على التواجد |
يا اختي العلم مو مقياس المهم الفهم والثقافة يعني متعلمين ومتخرجين وكل شي بس معاملتهم غير شكل
استخيري وفكري مزبوط وابعدي عن عقلك شغله العلم وشوفي حسناته التانية وربنا ييسر امرك |
[info]الاشراف: ينقل إلى مكانه المناسب (عالم المقبلين على الزواج) [/info]
|
استخيري الله وفكري جيدا وفي ناس عندهم الدكتورها ومطلعين عيون زوجاتهم التعليم مهم بس الكذب مو زين
|
الخطأ خطأ امك و ليس للرجل اي ذنب فيه ,,,
انتي تقولين انه طيب جداً و لا يقصر عليك بشيء و هذا يدل على ان فيه جوانب ايجابية كثيرة تغطي على قضية التعليم ,, التعليم ليس كل شيء فياما أشخاص يحملون اعلى الشهادات و لا يحملون من الثقافة و الاخلاق شيء ,, اهم شيء الاخلاق و معدن الرجل و سلوكه ,, |
التوافق الفكري ليس له علاقة بالتعليم فكم من جامعي وكأنه همجي وكم من أمي وهو قمة الأخلاق والثقافة وحسن التعامل والمنطق
|
اولا يا اختي المقياس هو في الدين وليس في الشهادات فالرسول عليه الصلاة والسلام قال اذا جاءكم من ترضون دينه وأمانته ولم يقل من ترضون مستوى علمه ثانيا مستوى الذكاء ليس له علاقة بمستوى التعليم فانا اختلط مع ناس كثير من حملة اعلى الشهادات والله لم ارى اغبى منهم رغم شهادتهم العالية ثم مسألة التوافق الفكري هاذه ما جتنا الا عبر المسلسلات الهابطه فلا يوجد عائق اسمه توافق فكري وانما تبنى البيوت على الموده والرحمة انصحك اذا كان الرجل صاحب دين فا استخيري الله ولا تترددي فا الله سبحانه هو وحده يعلم الصالح لعباده نسأل الله ان يجمع بينكم على خير |
اختي الفاضلة اذا انت مو مقنتعة...فكري بالموضوع ما دامك على البر... لأن الزواج ما فيه مجاملات..فيه نعم و لا....
و الكفاءة من كل النواحي بين الزوجين مطلوبة شرعا... و منها الكفاءة من الناحية الفكرية ... و اذا انت مقتنعه فيه..و كان الاشكال فقط هو الشهادة..و عنده وظيفة ثابته و قادر على تأسيس و فتح بيت.. فا استخيري... و للمعلومية هناك اشخاص تعليمهم محدود..و لكن ثقافتهم واسعة... فليس بالعلم وحده تؤخذ الثقافة... و اسأل الله لك التوفيق.. |
اقتباس:
بس انا من خلال كلامي معاه ماحسيت انه فيه هالشي .. اجل في واحد مايعرف وش معنى مراهقه : ( والي عرفته منه انه انطوائي ومايختلط بالناس عنده صديق او اثنين بس .. من الشغل للبيت ومن البيت للشغل .. يعطيك العافيه حبيبتي .. والف شكر لك |
اقتباس:
بالفعل فكرت بالاستخاره .. وان شاء الله خير الف شكر لك .. الله كريم |
أختي
اللي حصل معاك شبيه بخيبة الامل انتي ظننتي انه جامعي ومثقف وبمجرد ان عرفتي انه غير ذلك كما قلتي تسكرت الدنيا بوجهك يعني من هنا صار عندك عدم قبول فانتي حاليا غير مستعدة للاقتناع بماهو عليه ولا بالمحاولة في تطويره لان الواقع غير توقعتيه اولا / استخيري وكرري الاستخارة ثانيا / لا تضعي الشهادة العلمية و المستوى التعليمي نصب عينيك فكم من مثقف وليس لديه شهادة علمية لي شخص قريب لي تزوج من حاملة ليسانس وقد استمرت في دراستها الى ان اخذت الماجستير ..ومن تم الدكتوراة وشجعت زوجها على الدراسة بعد ان كان حامل للاعدادية هاهو الان يحمل الماجستير ومتوفق في حياتك ماشاء الله هذا كله من وراء عزيمة واصرار زوجته ...صبرت ونالت لا اشجعك على الانسحاب خاصة بعد ان ملكتي حاولي ...وان لم تنجحي انسحبي قبل الزواج ولكن انصحك ...حاولي ثم حاولي فاذا رضيتي خلقه و دينه الامر يستحق اتمنى لك التوفيق |
اقتباس:
اكيد الرجال ماله ذنب الذنب ذنب امي .. وانا عتبانه عليها كثير وحتى لسى ماكلمتهااا .. ولا فاتحتها بالموضوع .. لاني من اجي ابي اكلمها اتغبن واحس نفسي ببكي : ( خاصه انه دمعتي على طرف عيني .. وربي لو حسيت انه مثقف وواعي .. كان اوك ماتآزمت نفسيتي بس لاحظت عليه انه جاهل في امور كثيره وهذا الي مضايقني .. يعطيك العافيه اخوي |
انا اشوف تصاريحه بكل الي في قلبك قوليه له كذا وكذا وقولي له انا احبك انت وابيك انت ونفس الوقت ابا واحدمتعلم
اعطيه دافع قوي وقولي له انت دكتوري بروفسوري علميه شوي شو ي على النت اعطيه دافع انه يتعلم ويتطور لاتخسري رجل قلبه اببيض وتعامله حلو عشان شهادة اعرف ناس ازواجهم دكاترة وماجستير بس التعامل زفت وش الفايدة وانا اشوف لاتستعجلي بالزواج لين تقتعني به تماما لان هي فترة الملكة فرصتك اذا لا قدر الله مصرة على الانفصال فالنفصال الحين احسن من بعدين بس فكري وعطي الرجال فرصه مالكم الا6ايام خذي وقتك واستخيري قبل اي قرار الله يوفقك ويسعدك يارب |
السلام عليكم ...
ما عندي لك الا كلمتين .. 1- استخيري 2- انتي لساك على البر والراحة النفسية مطلوبة .. دمتي في حفظ الرحمن ,,, |
اقتباس:
واسال الله لك التوفيق |
اقتباس:
بالعكس اخووي .. التعليم يطور من تعامل الشخص مع الاخرين ويطور من ثقافه اللانسان .. لاتقارن انسان مثقف جامعي او حتى ماخذ الثانويه العامه بانسان مآخذ الابتدائيه .. اكيد راح يكون فيه اختلاف كبير .. خاصه بالاسلوب وطريقه التعامل .. وألآفكآآر .. وسبق مثل ماقلت .. لو حسيت انه مثقف ويقرا ومطلع على كل شي كان ماقلت شي ورضيت بنصيبي بس الي عرفته انه مايقرا كثير ويجهل امور كثيره .. لآهنت اخوي وعساك عالقوة |
السلام عليكم,
والله من وجهة نظري, ومن خبرات من حولي أن التوافق (التقارب) العلمي شيئ مهم, يعني لو كان معه ثانوية عامة, كان ممكن يكمل دراسته, بس طالما مافي نية للموضوع فبرأيي تستخيري أكثر من مرة , والله يجيبلك الخير, لأن اليوم نادر أن نجد مثقفا ومعه ابتدائية, لأن موضوع الدراسة صار شي ميسر مو متل زمان. كان جدي " رحمة الله عليه" يفوق كثيرا من الطلاب الجامعيين في كثير من المواد والثقافة رغم أن دراسته خامس ابتدائي!! وين تلاقي مثله اليوم. إضافة إلى أن كثيرا من الأزواج غير المثقفين قد يجتهد في تحقير زوجته ليداري عقدة النقص, إلا من رحم ربي. والله الموفق,,, |
اسمحيلي اختي ولاتزعلين انا اول ماقريت موضوعك حسبت شهادتك ماجستيير او دكتوراه ماتوقعت ثانوي ؟؟؟
ياعزيزتي انا جامعيه وزوجي شهادته متوسطه ولايعرف ولاشي بعالم النت والحمدلله حياتي احلى حياة ولو يرجع بي العمر ويتقدمللي دكتور ماراح اختار غير زوجي يسوى عندي كل الدكاتره.... عمر النت ماكان يحدد مستوى الثقافه وعمر الثقافه ماكانت بالتعليم ... اجدادنا اول ماحملوا شهادات وكانوا من احسن المتحدثين وللحين السوالف والقعده معهم تسوى الف متعلم .... بعدين لاتعفين امك من الغلط عشان تبررين موقفها وخوفها عليكي هم كانوا لازم يقولونلك وهذا من حقك عليهم عشان توافقين او ترفضين قبل لاتملكين.... تتخيلي جاكي واحد عنده دكتوراه او ماجستير واستحقر مدى ثقافتك عشان تعليمك ثانوي وش تتوقعين موقفك ؟؟؟؟ وله بترفضينه عشان مستوى ثقافته اعلى منك ؟؟؟؟ وبالنسبه للمزحه اللي قالها انك تعرفين واحد زي طاش ماطاش فهي ماتتعجى مزحه لانه لوكان جد ماكان صرح فيه قدامك بعد زواجكم ان شاء الله ممكن تدخلينه عالم النت وتحاولين انك تعلمينه وافق كان بها ماوافق ماانتهى العالم عشان زوجك مايعرف للنت ؟؟؟؟ اكرر لاتزعلين مني بس من جد حرام تضيعي واحد كل اهلك سالوا عنه ومدحوه عشان سبب تافه . |
بس التعليم مهم بالذات في هذا الزمن
لا ترفضينه بس بعد الزواج حاولي تتطلعين منه إنسان واعي متعلم مثقف و تذكــــــــــــــــري $ وراء كل رجل عظيم إمرأة $ و تكوني كسبتي الإنسان اللي مدحوه أهلك و الإنسان المتعلم الله معاك موفقة أختي |
اقتباس:
انا مااتكلمت عن مستوى الذكاء لانه كل انسان وقدراته .. تكلمت عن المستوى التعليمي فقط .. وماشاء الله عليه هو صاحب خلق ودين .. ولكن اخاف مايكون فيه شي مشترك بينااا بالمستوى الفكري .. يعني مثلا اتكلم في شي يقول لي شنو يعني : ( <~ من جد تحطيم .. بدل ماهو يفهمك انتي تفهمينه .. ولكن كل انسان ماياخذ الا نصيبه بهالدنيا .. يعطيك العافيه لآهنتي |
اقتباس:
مافيه فايده بعد ماطاح الفاس بالراس مثل مايقولون .. انا كنت مقتنعه فيه قبل على بالي جامعي ومثقف .. بس للاسف خابت امالي وتحطمت احلامي .. وتغيرت مخططاتي .. اكتشفت ان ثقافته جدا بسيطه .. يبي لي اتعب عليه عشان ابرمجه من جديد .. والله كريم .. |
حياكي الله أختي همسات ..
بإختصار .. أهم شي الدين الأخلاق .. الباقي أختي يجي مع الزمن .. وهذا دورك ... صحيح الواحد منا يحط في باله إن شريك حياته يحمل كل الصفات الجميله .. ثم يتفاجأ أن هذا كله في عالم الأحلام والخيالات .. بإمكانك مستقبلاً تصحيح وضع الزوج من جميع النواحي .. بس أخلصي النية .. وقبل هذا وذاك .. إستخيري الله . ربي يوفقك يارب. |
هلا حبوبه الله يبارك لج ان شاء الله ويكتب لج الخير يارب انا جامعيه وزوجي عنده ابتدائي والحمد لله الحمد لله الله يخليه لي والله يرزقه الخير من اوسع ابوابه اهم شي دينه واخلاقه ومعاملته..وماشاء الله وتبارك الله ماشفت شي عليه حتى في طريقة التفكير الله يسخر لج زوجج يارب ويسعدكم وعمره الواحد مايفكر ان انا بانظر له باقل مستوى مرات يجيج المتعلم وراعي الشهادات طريقة تعامله مونفس المو متعلم ومرات العكس سبحان الله شوفي الانسب لج والاخير والله يكتب لج الخير والله يسخر لنا ازواجنا ويكتب لنا الخير يارب
|
بسم الله الرحمن الرحيم
اختي رعاك الله ابارك لك الملكة واسال الله لكما التوفيق وان يتمم على خير لتعلمي اختي ان الشيطان يجري في الانسان مجرى الدم وانه من اخرج ابوينا من الجنه صوره داله على كيد الشيطان ولزواجكما خير فالشيطان ضد الخير ولان الله امر بذلك ورسولة فالشيطان ضده حاولى عكس المرأة الى واقعها الصحيح وابني فية لبنات تنفعك في حياتك الزوجية ولاترين مايقول فانتي تختلفين عنه كونك جديده علية فالتعليم في امور والتعامل لامور اخرى كم من دكتور في علن النفس والاجتماع تطلقوا والسبب لم يعرف دعكي من الثقافات وغيرها واسالي الله التوفيق . ربما رجل مثقف ولاكن عنيد ويحب مهزلة النساء ويحب اهنتهن وزوجك عكس ذلك ان شاء الله بالتوفيق يا اختي |
اختي بقولك اياها صريحة..
انا مثل ببالي دائما الانسان الجامعي هو التمام .. و الانسان يطلب ثقافه عليها.. وغيره ما تنفع معه الحياة.. وكنت ارفض اتزوج غير جامعي.. لكن الحياة وكثرة المعايشات علمتني انه نظرتي ماهي صحيحة دائما.. مثال انا صديقتي جامعيه وابوها بروفسور .. واخواتها والزواجهم جامعيين.. وهي زوجها معه شهادة ثاني متوسط... تخيلي الفرق الكبير.. وهي من عائلة ثرية.. وهو عائلة فقيرة.. هي من عائلة جملة ماجستير ودكتوراه ومهندسين واطباء وهو من عائلة بسيطه وظائفهم..بس الحمدلله تزوجوا.. والكل كان رافض والحين هم جدا مرتاحين ويحبون بعض... وعندهم عيال.. وجدا متفاهمين.. وفي المقابل قريبتي متزوج جامعي من امريكا جايب شهادته.. والله العظيم ما اكذب عليك انه حارمها العافية.. ولا يجلس معها بالبيت.. وحارمها من كل شئ.. حتى التلفزيون والراديو... ولا تطلع من البيت ولا تتعرف على الجيران.. حتى التلفون ولا الجوال ولا شئ... تخيلي هذا الجامعي.. واضيفي انه مستحيل يوديها لاهلها.. الا اذا عنده كورس قريب من اهلها.. واول شهر العسل سافر لحاله تخيلي مسافر وحده وهي راميها ببيت اهلها... والسوق ما يوديها .. ابدا.. والله لو اقولك قصص جامعيين مع زوجاتهم يشيب راسك.. لدرجة كثير بنات اعرفهم ابوهم جامعيين.. هم يقولون نبي ازواج متوسط وابتدائي.. تعبانا من فلسفه ابوانا.. وفعلا يرفضون جامعيين رفض مطلق يبون شخص بسيط غير متكلف يعيش معهم حياتهم مرتاحين.. انتي استخيري الله مره واثنين وثلاث.. واعرف كيف الاستخارة بتحديد الهدف اللي هو اتمام الزواج اذا تحسنت الامور خير واذا تعسرت خلاص فكي.. وانتي اذا تأزم الوضع اتصلي بمركز استشارات اسرية واساليهم .. |
اولا
:14::14::14: الف الف الف مبرووووووووووووووووووووووووووووووووووووووووك:14::1 4::14: يا عروسه والله يتمم لك الي فيه خير لك يارب ثانيا لاتهتمي لمساله الشهاده ابدا فوالله يالشهاده لوكانت فادت ماكان شفتي البلاوي المصايب الي نقراها وتنكتب ونسمع عنها حبيبتي اني اخطاتي خطاء كبير لانك ما استخرتي الله قرات الردود ولاحظت انك تقولي با استخير يعني احتمال ماتكوني استخرتي استخيري الله رب العالمين مره واثنين وثلاثه وادعيه با اخر الليل والجي صح له لانك باقي على البر وبعدها شوفي نفسك كيف معاه انتي توك ليش تحكمين عليه لكم ست او سبع ايام اصبري شوفي طريقه تفكيره تعامله حبيبتي بعضهم ماعنده ولاشهاده وتعامله قمه في الرقي والبعض عكس ذالك لاتاخذك الدنيا وتهممك الشهادات ارجع واقول(((( استخيري)))) واهم شي (((الراحه النفسيه مع هالانسان ))) والشهاده لو كملتي معاه اصري والله اني اعرف وحده جامعيه وتزوجت واحد معاه ابتدائي وهالحين خلص الثانويه وقدم على الجامعه واولاده بالثانوي ولكنها انسانه ماشا الله عليها رائعه وصبوره وحكيمه عرفت كيف يكون بيتها جنه لها الله يوفقها ويسعدها ويوفقك ويسعدك ويسر لك الي فيه خير يارب |
اقتباس:
شيخه الحور يعطيك العافيه حبيبتي بالفعل كل الكلام الي تفضلتي فيه صحيح .. اصبت بخيبه امل .. عشان كذا مو متقبله الان الوضع الي انا فيه .. وخايفه حيل من المستقبل : ( بخصوص قريبك ..وزوجته .. الله يوفقهم يارب .. هذي امراه صابره وطموحه .. واعطيتني شووي امل في اني استمر والله كريم يعطيك العافيه يالغاليه |
اقتباس:
واحس الكلام هذا شوي بدري عليه .. بس فكرت اني اعطيه كتب يقراهااا.. يطور من حاله .. عشان اقدر اتكلم واتناقش معاه : ( والله كريم ومسآله الزواج مؤجله حاليا لين ترتاح نفسيتي بعدين يصير خير ويعطيك العافيه .. حبيبتي |
اقتباس:
يعطيك العافيه حبيبتي الف شكر لك .. |
اقتباس:
يعطيك العافيه اخووي لآهنت |
اقتباس:
وانا عمري ماتوقعت اخذ انسان مستواه التعليمي ابتدائي .. كنت اقول دايما ابي جامعي جامعي حتى حسيت ان هالشي عقاب لي مدري ليه : ( وبالفعل نادرا اليوم مانجد شخص معه ابتدائيه حتى ماتصورت هالشي .. ولكن انصدمت وصار الي صار .. والله كريم ان شاء الله يعطيك العافيه اخوووي |
اقتباس:
قبل كل شي انتي عطيتني دافع قوي مدري ليه .. وبنفس الوقت ضحكيتيني يوم قلتي على بالي عندك شهاده ماجستير والا دكتوراه هههه .. لا معي الثانويه ولكن الحمدلله فاهمه وواعيه .. مافيه مقارنه بين الثانويه والابتدائيه .. اكيد الفرق كبير .. بعدين انا ماعترضت عليه لانه مايدخل عالم النت ولاهمني هالشي .. ولا اثر فيني انا كل الي اثر فيني اني اكتشفت انه تعليمه وثقافته محدوده .. اما سالفة لما سالني اذا تكلمين واحد وتحبينه المفروض مايسالني هالسؤال بليله حفلتي .. من جد ماعنده سالفه .. يعني من قلة السوالف .. بعدين التوافق الفكري ماهو شي تافه .. تعرفين احس اني بعيش معاه بدون تفاهم ,, اسوي الي علي كزوجه بس. اماا سوالف وضحك وهالحركات احس مافيه .. وانا هالحياه ابد ماتمنيتها .. : ( بس اسمع لغيري سواه انتو ا او احد من قرايبي ارتاح شوي مجرد مااجلس لوحدي يجيني اكتئاب : ( .. وابد مازعلت ولا شي .. يعطيك العافيه حبيبتي |
اقتباس:
يعطيك العافيه حبيبتي مشكوره على النصيحه .. لآهنتي يالغلا |
السلام عليكم ورحمة الله وبركاته
ما اقول إلا الله يستر عليكي ويسعدك ........... |
أختــــــــــي
بقولك شي حالتك مثل حالتي .. تقريبا انتي تشابهيني كثير حتى في العمر بس الفرق اني على وشك كتابة العقد إذا ربي كتب الخير .. يعني لسى كنت مثلك .. أحلم بشخص مثقف جامعي ملتزم داعيه ووووووووو كتب الله وتقدم لي الكثير .. وآخرهم شخص كل مواصفاته الظاهرة ماناسبت طموحاتي .. حتى عمره استخرت كثير .. بس هذي المرة ما رفضت قلت خليني افكر بشكل منطقي اترك كل الطموحات على جنب .. وامسك نقطه نقطه واشوف السلبيات والايجابيات على فكره .. امي نفس نوعية امك الله يبارك لنا فيهم لدرجة كانت احيانا تقول لي معلومات خطأ عمدا عشان اوافق .. وهذا وان كان خطأ بس والله دليل حرصها على ستر بنتها بالذات بهالزمن .. صحيح واثقين بأنفسنا .. بس مع كثرة الفتن والله الواحد ما يضمن حاله الله يثبتنا اهم شي عشان اقدر اقرر اسألي نفسك بصدق انا ليش رح اتزوج !!! عشان اشبع احتياجاتي الطبيعيه .. وعشان احس بالاستقرار .. وعشان اعف الانسان اللي رح اتزوجه وعشان انجب ناس تنصر الدين وووووووووووو اذن هدفي واضح هل السلبية اللي بخطيبي ممكن تعرقل هذا الهدف !! ممكن لأن التوافق العقلي جدا مهم اذن اسأل نفسي هل قدراتي كمتعلمه حسب نظرتي لنفسي تؤهلني لدور تربوي يخليني ارفع من مستوى ثقافة زوجي !! " انتبهي .. لا للصراحه في هذا الموضوع .. لأن اساس احتياج الرجل العاطفي انه يحس المرأة قبلت بكل مافيه .. فإذا كنتي متضايقة من طبع او تصرف ابدا مايكون بالمواجهة انما بطرق ملتوية " اول ما انخطبت كانت تسيطر علي فكرة اني اعلى منه !! وهذا الشي مؤلم بالنسبة لي قبل ما يكون له لأن هذا الاحساس يصل للطرف الثاني بدون ما تشعري وكانوا الناس يقولوا نخاف يكسر خشمك بس لأن مستواك اعلى منه بقيت في حيرة .. استشرت .. واستخرت واقتنعت بالنهاية .. ان ربي مارح يضيعني بالذات ان الهدف الاساسي هو عفة النفس وسمعت حديث بما معناه .. ان ثلاثه حق على الله ان يعينهم ومنهم اللي يتزوج رغبة في العفاف وافقت ومن الان قاعده أهيئ نفسي .. اني رح اتقبل اي تفكير اقل مني .. ورح يعينني ربي ارفع من مستوى تفكيره عالاقل هذا اذا ما كان مستوى تعليمه ورح اكسر من داخلي فكرة اني اعلى منه ورح انسى اساسا المستوى التعليمي وما اكذب عليك .. اني مع ذلك رح اواصل الاستخارة .. حتى بعد العقد .. إلى يوم الزواج ومن خلال فترة الملكه رح اشوف مدى مقدرتي على تحمل مستوى تفكيره ومدى تأقلمي اهم شي .. انسي صدمتك .. لأنها رح تغمض عينك عن قدراتك في التأقلم ورح تخليك تحسي نفسك مغلوبة على حالك عشان كدا فكري بايجابية بعيد عن صدمتك وبإذن الله رح توصلي مع نفسك ومع الاستخارة للحل اللي يرضيك تذكري ان دعاء الاستخارة فيه "واقدر لي الخير حيث كان ثم ارضني به " ثقي بربك طالما دعيتي .. انه رح يرضيك باللي مكتوب لك عاجلا او آجلا حتى لو كنتي شايفة انك مو راضية الان لكن طالما دعيتي فثقي انك رح ترضي بإذن الله بالنتيجة النهائية سواء الاستمرار او الفسخ يسر الله امورك وكتب لي ولك ما فيه الخير وصرف عني وعنك ماسواه |
حبيبتي حطي ببالك ان الحياة قدامكم لازم فيها اختلاف وجهات النظر
سواء خطيبك جامعي او ابتدائي فإذا صادفتك مثل هالاختلافات كوني حكيمة ولا ترمي سبب كل المشاكل في اختلاف المستوى التعليمي اذا نسيتي الاختلاف ووافقتي على خطيبك.. فانسيه نهائيا .. لأن قرار دخولك واقترانك بشخص اقل منك لااااااااااازم يقوم على قبولك بمواصفاته واقتناعك من داخلك انه هو صاحب الفضل عليك .. مو انتي صاحبة الفضل وان كنتي حتى جامعيه عشان كدا لازم تنسي الفرق بينكم .. وتبدأي تتأقلمي مع الاختلافات اللي تصادف اي اثنين جدد من منظار ثاني واهم شي لااااااااااااتجرحي كرامة رجل ابدددددددددددا البنت تنسى بس الرجال ماينسى والله معك للعلم تراني جامعيه وخطيبي لأ .. وكمان للعلم اكثر انه اصغر مني وهذا يزيد الطين بلة في حكاية تعويد نفسك واقناعها انه هو صاحب الفضل وهو اللي له الكلمه في البيت الله يكتب لك الخير .. |
يابعد قلبي ياهمسات
الله يعينج من الحين اقولج يبي لج باال طويل اول شي مبرووك والف مبروك ياعروسة ^_^ انا من راي انك تستغلين طيبة قلبه لصالج ولصالحه يعني دام هو طيب خليج ذكية واكسبي قلبه الطيب وخليه مايرفض لج طلب واذا تأكدتي من هالشي ابتدأي معاه مثلا لو تكلمتي عن مووضوع معين وسألج شي قولي له ليش ماتعرف ؟ طيب هذا فايدة التعليم والقراءة وابتدي حثيه وقولي له انج بتساعديه وتدرسيه وراح تدرسين معاه الين يخلص الثانوية وانج تتمنين منه هالمجهود ادا كان صج صج يحبج وشوي شوي معاه ولا تفكرين انه من اول مرة راح يسمع كلامج راح تحتاجين نفس طويل وصبر كبير مرة ومرتين و3 واحتمال يوافق ويدرس وبعدين يطلع ولكن اصبري وارجعي معاه لا تيأسين لا حياة مع اليأس ولا يأس مع الحياة ولكن ماعليه اعتبريه هذي رسالتج في الحياة >> انج تجعلين من زوجج انسان مختلف تمام على ماهو عليه وللأفضل شوفي لا تقولين بتغييرنه وخصوصا قدامه لانه رجال وتجاوز ال 27 او 26 صعب تقولين له بغيرك بقولك ليش انا طفل قولي له بنسعى لنطور أنفسنا ومن هالسوالف وارجع واقول الله يعينج على الرحلة الشاقة ولكن تمتعي فيها بقدر ماتستطعين واجعلي ذلك لوجه الله واهم شي تستدلين بالايت القرآنية والاحاديث النبوية الشريفة في العلم والتي تحث على التعلم وتعطي الخير الجزيل والثواب العظيم في حق المتعلم علشان مايكون عنده حجه في رفضه الا عناده بس موفقة اختي الكريمة لج منا الدعاء والقلب داعي لج خيوتو موفقة |
انا مع كيوتي باي ورسيل
|
| الساعة الآن 06:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©