![]() |
::: نفسيتي تعبت ساعدوني:::((ارتفاع السكر للحامل))
السلام عليكم ورحمة الله و بركاته ،،،
كيفكم عارفة اني مقصرة في حقكم واحيانا بوضع مواضيع ومابرد على الردود لكن السبب الحمل والتعب المهم انا مدايقة جدا وياريت حد يطمني انا حامل بالشهر الخامس اخر الخامس وكل شي تمام ماشاءالله عملت اليوم تجليل الدم للهيموجلوبين و السكر لانو كنت اشعر بدوخة ورجعت بالنتيجة للدكتورة نسبة الدم ممتازة ماشاءالله السكر طلع عندي مرتفع للضعف من 75- 110 هوة الحد الطبيعي وانا طلع عندي 238 انصدمت جدا الدكتورة وانا اكتئبت جدااااااا بتقلي عالي بشكل غير طبيعي وهالشي ممكن يأثر عالجنين ويسبب وفاته بعيد الشر قلت لها انو انا الي فترة مفتوحة نفسي كتير عالحلويات فقالت يمكن هادا السبب او غلط بالمختبر فقالت امتنع عن الحلويات والنشويات يومين ويم التلاتا إن شاء الله راجعة اعيد التحليل في مختبر اخر ونشوف النتيجة كيف وانا نفسيتي تعبت وطلعت من عندها وانا الدموع مالية عيوني ماتخيلت انو احتمال افقد طفلي بعيد الشر ممكن يعمل فية كل هادا ورجعت ابكي لزوجي وهوة بيحاول يطمني وبيقلي ناسية حالك اخر فترة كل يوم حلويات وكنافة وشوكلاتة يعني بيمزح كان وبيقلي اكييييييييد بسبب نفسك المفتوحة للحلويات فخبروني هادا ممكن يكون السبب؟؟؟ اخر اسبوع كنت كتير اكل حلويات متوحمة عليهم فممكن هادا السبب؟؟؟الدكتورة قالت ممكن هادا السبب او خطأ في التحليل الي جربت هيك شي تخبرني انا خايفة جدا شعرت باحساس الامومة ولم اتخيل نفسي راح اشعر فيه بالشكل هادا ابكي لمجرد الاحتمال بهالشي خاااااااايفة يالله احساس الام حسيت فيه الان فعلا اكتب لكم بدموعي طمنوني الي مرت بتجربة متل هيك واحنا قبل بضعة ايام عملت فحص سونار وكلو تمام بتقول ماشاءالله لاقوة إلابالله البيبي مافي اي شي غلط وحركتو كويسة وكلو تمام ماشاءالله لاقوة إلا بالله تبارك الله صدمتني الدكتورة وانا خايفة الان سامحوني على تقصيري واتمنى راي المجربات |
للعلم قبل شهر و 10 ايام كان السكر 89
والان 238 !!!! مش معقول شي خياالي عنجد للعلم النسبة العادية اقصا شي 110 والدكتورة قالت اوكي الحامل بطلع عندها زيادة لكن لل130 لكن فوق هيك بتقلي بكون خطر وانا طالعالي 238 ؟؟؟؟؟؟؟؟ صدمة للعلم ماباكل حلويات بالشكل الي يسبب كل هادا يعني صحيح اخر اكم يوم لكن مو لدرجة مبالغ فيها اكيد غلط بالمختبر حسبي الله عليهم هالمختبر ماعمري راجعالو لانو كل مااعمل تحليل بيطلعولي شي نحس مرة بتكيريا في البول مرة املاح وكل مرة شي شكل اعمل تحليل بول اليوم يطلع في شي بكرة يطلع شي تاني وبعدو شي غير استغفر الله |
لاتخافي ملوكه
اتوكلي على ربي وانتبهي على نفسك والتزمي بتعليمات الطبيبه وإن شاء الله مايصير إلا الخير والله يحفظ لك جنينك ويفرحك بشوفته في تمام الصحة والعافيه.. وطمنينا عليك.. |
اختي ان شاء الله خير من اسبوع عرفت اني حامل صايره وسواسيه زياده اهتم فى صحتي و نومي و كل شى الخوف شى
طبيعي ان شاء الله النتيجه غلط الله يحفظج |
وعليكم السلام ورحمة الله وبركاته
أسأل الله أن يحفظ حملك ويتمم لك على خير ويقومك بالسلامه يارب |
كثيرات يكون معهن سكر وقت الحمل
مع مراقبه الاكل يمر الحمل بسلام الله يفرحك بولادة طفلك معافى ربى لا تذرنى فردا وانت خير الوارثين |
عزيزتي ملك...
انا لما كنت بالسابع عملت تحليل السكر وكنت خايفة كتير والحمدلله ماطلع معي شي... بس اللي بعرفه ان سكر الحمل مو كويس ابداً.. يعني بعيد الشر ممكن مثل ماقالت الدكتورة تفقدي الجنين. ممكن ان الجنين وزنه يزيد و ينتفخ عالفاضي.. وممكن تضطري تولدي قيصري لا سمح الله.. وممكن سكر الحمل يجيكي بكل حمل وممكن يستمر معاكي طول العمر حتى بعد الولادة .. عشان هيك خذي بالك على نوع اكلك وابعدي عن الحلويات وكمان النشويات لانها بتتحول لسكربات داخل الجسم |
الله يطمنك
يا رب انتي امتنعي عن الحلويات وعيدي التحليل انشالله ربنا كريم |
ان شاء الله يكون غلط في نتيجة التحليل من المختبر
ادعي انت بس ربنا يحمي لك جنينك و راقبي أكلك ربنا يرزقك بكل ما تمنيتي |
لا تخافين عزيزتي ووكلي أمرك لله و خلي ثقتك به كبيرة ..
أنا صديقتي صار لها أربع أيام من ولدت و المسكينه كانت مصابه بسكر الحمل و هي ما تدري لأن الدكتورة الذكية ما طلبت منها تحليل سكر طول مدة الحمل و في وقت الولادة عملوا لها تحليل و قالوا لها إن عندها سكر هو صحيح البيبي تنفخ و تعبت وقت الولادة لكنها ولله الحمد هي سليمة و البيبي ما شاء الله سليم و بصحة و عافية فلا تخافين هذا هي ما كانت تدري إن عندها سكر و ما أخذت علاج لكن إرادت الله فوق كل شيء حفظ لها جنينها و ولدته معافى .. الله يحفظ لك جنينك و أهم شيء لا تقنطين من رحمة الله ولا تتذمرين إعملي اللي عليك و الله كريم .. الله يطمنك و لا تنسين تطمنينا عنك |
اكيد في غلط بما انك تعودتي على اخطائهم
ولو كان صحيح لاقدر الله اتبعي الحميه وخذي العلاج اللي توصفه لك الدكتوره وقدامك العافيه باذن الله |
الحل بيديك استبدلي الحلويات بالفواكه بس مو العنب والموز لانها بترفع السكر وكتري سوائل الله يقومك بالسلامه
|
حابة اشكر كل البنات الي وقفو جمبي وردو علية واهتمو بالموضوع
الحمدلله اليوم عدت التحليل والنتيجة كانت غير تماما عن التحليل الاول الحمدلله مافي سكر زيادة ولا اي شي والنسبة ممتازة ما شاء الله لا قوة إلا بالله تبارك الله حابة اشكركم وحابة اقول حسبي الله عالمختبر هداك يعني معقول هيك يوقعو قلوب الناس؟؟؟:29: ماعمري راجعة عليه ابدا حاسة انو ارواح الناس صارت ببلاش شكرا الكو كتير دعواتكم والله يبارك فيكم ويقوم كل بنت بالسلامة ويرزق كل بنت بالحمل الي نفسها فيه |
الحمدلله
الله يحفظك ويحميك ويسعدك دنيا وآخره.. |
الحمد لله ع السلامه
وان شاء الله تشوفي البيبي بالسلامه لان شوفتو شي غيييييييير |
الساعة الآن 06:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©