|
موعد ولادتي طاف وانا بعدني ما ولدت
السلام عليكم اخواتي الغاليات
محتاجه نصيحتكم الله يخليكم هذا اول حمل لي وانا خايفه وايد ، الدكتوره عطتني الموعد المتوقع للولاده تاريخ 7/7 ولما رحت الموعد شافت انه كل شي طبيعي ، فعطتني موعد ثاني 14/7 اللي هو يوم الاثنين، قالت اذا ما ولدتي قبل هاليوم تعالي وبنعطيج طلق صناعي بس امي قالتلي لا طلق صناعي ولا غيره ، قالت لا تسمعي كلامهم والبيبي ما بينولد الا في الوقت اللي ربج كاتبه مع العلم انه صارلي يومين احس بآلام خفيفه اسفل البطن بس بعدين تختفي ، وينزل قطرات من سائل ابيض ، بس مو وايد وانا امشي كل يوم لاني سمعت انه يسهل الولاده واشرب حليب وزبده الحين انا خايفه كل اللي كانوا حوامل معاي ولدوا ، حتى اللي معطينهم موعد بعدي ، وانا موعدي طاف وبعدني ما ولدت شو تنصحوني اسوي اوافق عالطلق الصناعي ولا انتظر ليما الله يفرجها تسلموا |
اختي الله يهون عليك وامك صادقه
لاتروحين الا لما ينزل المويه اولاسمح الله دم وامشي واجد واشربي دارسين مغلي مع مويه وبشرينا اذا جى النونو |
تسلمي الغاليه
ان شاء الله بس دعواتكم |
التأخير عادى مافيش مشكله وممكن اكتر من كده طالما كل شئ طبيعى والجنين فى حاله جيده واصبرى
وان شاءالله خير |
التأخير عادي حبيبتي لاتخافي ولاشي أنا في ولادتي الأخيرة تأخرت 14 يوم وضاق خاطري وجاني إكتئاب وكانوا بسوون لي طلق صناعي لكن الحمدلله مااحتجت لهذا وولدت طبيعي بس عند التأخير ضروري كل يوم تروحي تسوي تخطيط وتشوف النبض لأنه ممكن يضعف وانت ماتدري ...
|
ان شاء الله تقومي بالسلامه....دائما يقولون أول طفل يتأخر موعد ولادته...لكن انتبهي... انا صار معي نفس الشي والدكتوره قالتلي تابعي حركه الطفل اذا وقفت الحركه لازم تيجين بسرعه المستشفى يخافون يختنق الطفل ولازم متابعه نبض الطفل....
الله يوقف معك يا رب.... |
****-m
شكرا حبيبتي ، ان شاء الله خير بس ادعيلي |
اختي
بنت طيبة الطيبه مشكوره الغاليه ، انا من الحين احس نفسيتي تعبانه وخايفة بس هم يعطوني موعدمراجعه للمستشفى كل اسبوع ، بس ما قالولي اراجعهم كل يوم ماعرف الصراحه |
حبيبتي
مدام الاء انا بعد قالولي اتابع حركه البيبي، والحمدلله كل شي طبيعي وبكره عندي موعد للمراجعه مشكوره والله يسلمك يارب ادعيلي الغاليه |
اتناولي خلطة تسهيل الولادة بإذن الله , فقد جربنها صديقاتي وولدن بسرعة ولله الحمد والمنة ..
لخلطة هي : كوب حليب سائل 5-أعواد قرفة كبيرة 5- أعواد قرنفل(مسمار) ملعقتين عسل للتحلية نصف فنجان شاي زيت سمسم تخلط هذه المقادير وتغلى على النار لمدة دقائق وتترك قليلاً ثم تشرب دافية. هذه الخلطة تشرب بعد دخول الشهر التاسع بعشرة أيام وتشرب كل أربع أيام وإذا ظهرت أعراض الولادة تشرب منها كوب قبل الذهاب للمستشفى مباشرة والتساهيل أولاً وأخيراً بيد الله سبحانه . منقول من كتابات العضوة أم جمانة |
ensaaan
شكرا على المشاركه الجميله والخلطه ان شاء الله بجربها من اليوم دعواتكم |
ربي يقومك بالسلامه .. انا قبل فترة ولدت و بطلق صناعي .. لاني تأخرت عن موعدي بـ8 ايام .. وهذي ثالث مره اولد بطلق صناعي .. المشكله يا اختي مو بس في حركة الجنين .. المشكله في المشيمه .. الخوفه انها تضعف و يقل الاكسجين على الطفل .. فكنت كل يومين اروح على المستشفى عشان يشوفون وضع المشيمه و كميه الماي اللي عند الجنين .. قلت للدكتوره ما في مجال تعطي فرصه كم يوم يمكن اولد طبيعي .. قالت لي كل يوم تتأخرين راح تقل عندك فرصه الولاده الطبيعيه .. قفلت خلاص اللي تشوفينه يا دكتوره .. ما ابغى اضيع تعب 9 شهور .. خلاص ولديني بطلق صناعي وامري لله .. والحمد لله ولدت وجبنت بنوته زي القمر .. وطمنينا عن وضعك اختي و لا تشيلين هم .. الله معك خيتوووو .. |
يارب تقومى بالسلامة و إن شاء الله تجيبى نونو حلو زيك الف مبروك مقدما مع حبى:15:
|
طلق طبيعي او صناعي كلهم متعبين وفي حالتج مدام خلصتي التاسع اخذي طلق صناعي احسن لأن مافي فايده من الطواله لان ممكن يزيد وزن الجنين عن الطبيعي وممكن يصير ضمور للرحم واشيا انتي بغنا عنها اتكلي على وروحي المستشفى_ وبالسلامه ان شاءالله
|
الله يقومك بالسلامة انتي وجنينك ان شاء الله
قر عينا اذا الله اذن له بالخروج بتولدين كله بإذنه سبحانه انتي لا تأخرتي ولا تقدمتي بالتاريخ سبحانه وتعالى لم يأذن له بشرينا بسلامتج وسلامة الكتكوت ^_^ |
اختي اميرات
انا بكره رايحه المستشفى وبشوف شو يقولوا، ان شاء الله خير |
marwazubi
ان شاء الله يارب ، والله يبارك في حياتك |
اختي ناآاني
ادعيلي ان شاء الله ما يصير شي خطير ، الله يستر |
دمعات الروح
الله يسمعك منك ان شاء الله مشكوره عالمرور |
مرحبا حبايبي
حبيت اطمنكم اليوم رحت عشان موعد المراجعه في المستشفى سوولي تخطيط وشافوا نبض البيبي وحركته كان كل شي اوكي اما انا فشافوا عندي بعض انقباضات المخاض بس الرحم بعه ما مفتوح الا 1.5 سم فعطوني موعد ثاني يوم الاربعاء دعواتكم |
الله يسهل عليك وتولدين بالسلامة ..
حاسة فيك .. الانتظار متعب ويهد النفسية .. أنا مثلك في ولادتي الاولى كل اللي مواعيدهم قبلي واللي مواعيدهم معاي واللي مواعيدهم بعدي ولدوا وأنا يالله رحمتك .. صار اليوم عن سنة .. واللي حولي أتعبوني اكثر بالأسئلة .. ماجاك الطلق ؟ ماتحسين بألم .. مانزل عليك شي ؟ لحد يوم موعدي الجديد بعد 6 ايام من موعد ولادتي وكانوا يبون يعطوني صناعي .. صحيت الفجر على ألم الطلق .. سبحان الله ألم حلو .. مايتنسي .. والحمد لله أنا كنت خايفة من الصناعي أقول مابي أي شي صناعي أبي يجيني طلق مثل خلق الله .. حتى أبرة المسكن لما كانت بتعطيني أثناء الطلق قلت لها مابيها خلي كل شي طبيعي .. لأني كنت أقول نسوان أول مو أحسن منا .. وش معنى هم تحملوا وإحنا لا .. بغيت أخوض التجربة بحذافيرها مايفوتني حتى الألم والمعاناة .. فأنا رايي من راي والدتك .. أنتظري مادام البيبي طيب وبخير لا تروحين للصناعي .. وهو متى ما صار وقته بيطلع بإذن الله .. طمنينا عليك .. |
اول شي إن شـــاء الله بتقومي بالسلامة وبتيجي نونو امور
انا بعرف انو لازم تمشي كتير وتضلي تاكلي تمر وإن شـــاء الله ربنا بيقومك بالسلامة ما تخافي |
اولا المستشفى تبعتك والدكتور لازم يكونوا عارفين
يعني اذا راح وقت الولادة ولسا ما ولدتي لازم تروحي المستشفى شو بتستني قاعده؟ لا تخاطري روحي وافحصي نفسك لان ممكن تصير مشاكل الله يقومك سالمه وما بدي اخوفك ولكن وحدة قريبتي تاخرت وشرب الطفل ماء الراس ومات لان حصل زيادة في الماء لا تتاخري |
انا كنت زيك وشربت زيت خروع وكان طلقي ساعتين لانه مهيج لطلق وفاتح لرحم ولحمد لله ولدت طبيعي الله يقومك بالسلامه
|
يا جماعة الخير
ومنكم نستفيد .. في وحدة أعرفها شربت قرفة وعسل في التاسع بكثرة أحدث معها نزيف شديد وقت الولادة وإللي أعرفه زيت الخروع صعب البلع بسبب طعمه (مع أني ما جربته لكن من كلام امي الله يحفظها) الله يسهل علي وعلى كل حامل... |
آخر الاخبار
اليوم رحت الموعد وتطمنت عالبيبي لكن الدكتوره عطتني موعد ثاني يوم السبت وقالت اذا ما ولدت خلال هاليومين اروح يوم السبت بالليل وبيرقدوني عندهم وبيحطولي ماده مثل الجل واذا ما جاني الطلق بيحطولي الماده هذي بعد 6 ساعات يعني كل بعد 6 ساعات اربع مرات واذا بعده ما صار شي بيخلوني ارتاح يوم وحده وبيرجعوا يحطولي هالماده اليوم اللي بعده ليما اولد انا بروحي كنت خايفه، وخوفوني اكثر بكلامهم ماما قالتلي ما تروحي طنشيهم ما عارفه شو اسوي خايفه اذا ما رحت تصير مضاعفات ولا شي خطير |
اختي الغالية
بحرينية ولكن مشكوره عالمشاركه حبيبتي انا بعد ما ابي اي شي صناعي ابي اولد طبيعي ، بس نفسيتي تعبت والله مثل ما قلتي كل اللي حوالي يسالوني ما تحسي بالم ،ما ينزل شي، معقوله كل اللي معاج ولدوا الا انتي ، اكيد انتي حاسبه غلط ماعرف انتظر ليما احس بالم وبعدين اروح ولا شو اسوي دعواتك اختي |
اختي
حبيبي دوما مشكوره حبيبتي وانا مستمره عالمشي كل يوم واكل تمر كثير بعد دعواتك |
هلا اختي black_rose
انا رحت وطمنوني عالبيبي، شافوا نبضه وحركاته وكل شي كان تمام بس ماعارفه شو اسوي الحين الله يسمع منك يارب وما تصير مشاكل |
حبيبتي بحريننا
الله يسلمك حبيبيتي وعقبالي ان شاء الله انا اشرب حليب ساخن مع زيده وتمر ادعيلي اختي |
اختي
ام _حمزة ان شاء الله حبيبتي الله يسهل عليكي وعلينا يارب |
| الساعة الآن 04:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©