عاجل تعالو الله يفرج همكم كيس دهني على المبيض اكتشفته قبل زواجي بشهر بموت رعب
 

بسم الله الرحمن الرحيم

اعذورني حبايبي ماعندي وقت مافيني اعصاب احط مقدمه لان اعصابي تالفه ومنهاره تماما بدخل بالموضوع على طول
تذكرون يوم اكتب في انتفاخ بالجهة اليسرى تحت البطن واحس بغازات دوم في هذة المنطقه اليسرى وخاصه مع ايام الدوره وبعدين رحت استخدمت مبيض قبل الزواج اخذته من الصيدليه حسبي الله عليه عشان تبيض المنطقه الحساسه

وراح قشر لي المنطقه كلها والتهبت المنطقه وقدني من اول احس بتورم في المنطقه اليسرى المهم مع الاتهاب حسيت بزياده في التبول رحت عند الدكتورة قالت لي المثانه ملتهبه ممكن عشان كريم التبيض الى استخدمتيه خلى فيك التهاب المهم انه سوت تحاليل تطلع كل شي عادي المهم قلت ابغى اسوي الترا ساوند تلفزيون قالت مايحتاج شكلها دكتوره مو شاطره بالمره المهم الصاعقه انها يوم سوت الترا ساوند

شافت كيس على المبيض في الجهه اليسرى وبعدها انصرعت ارتعبت قالت ماتخافين هذا شي عادي يطع للبنات واحيانا حتى لصغيرات السن واحيانا حتى مع الولاده الطفله الصغيره ممكن يطلع فيها هذا الكيس


المهم حولتني لطبيب استشاري لنساء والولاده عندنا بالشرقيه وقالي كيس دهني فيه اشياء من الداخل مثل اسنان وشعر ومدري ايش قالي كمان يسمونه ورم حميد انا من يوم قال انه ورم وانا خلاص اسودت الدنيا بيعيوني يعني اصبت بحاله انهيار وتركت الاكل وكل شي زواجي بعد شهر وربي منهاره قالي حجم الكيس (9) واسمه( درمويد) ويقولي كثير كل شهر لازم تجيني وحدة فيها هذا الكيس فوق المبيض وراني وحدة حامل ومعها هذا الكيس بس حجمه 5 بس انا كببير

قالي الاحسن تشيله عشان مايكبر ونسوي لك عمليه ياهووو ياناس انا على وجه زواج اروح اشق بطني قالي شق صغير مايبان قلت طيب ممكن بعد الزواج قالي ممكن بس عشان لو تبغي تسافري وتهيصى احسن لك ترتاحي وقالي ان بنت اخوه فيها نفس الكيس واكبر منه بكثير ويقول انه شال لها المبيض وقناه فالوب ويقول انتى انشاء الله ما نطر نشيله

وربي انى تدهورت نفسياا ومعنويا وخاصه يوم بحثت في قوقل عن اسم الكيس لقيت كلام يرعب انه 99% ورم حميد وممكن 1% ورم خبيث او يتحوول لخبيث

سالت الدكتور قالي انه خبره بهذا المجال 35 سنه هذا النوع ما جا منه خبيث غير 3 حالات من اشتغل في هذا المجال وربي خلاص صر ت منهاره وخايفه يطلع خبيث

وانحرم من العيال للابد ابغى اعرف احد فيكم سمع عنه او احد لها تجربه شخصيه في هذا الكيس او الورمه

ارجوكم وش تنصحوني اشيله قبل الزواج او بعد الزواج اخاف زوجي يعرف يتركني او يقول ماتجيب عيال مع ان الدكتور قالي كثير سوووها وعنندهم درزن عيال .... وهل المبيض الايسر خلاص صار ماله اهميه ولا بعد مايشيلون الكيس يرجع طبيعي وربي خايفه بموت بموت



ملاحظه
وارجووكم ابغى تجارب شخصيه او اي احد سمع عن هذا الكيس او الورم ومابغى تسون مثلي وتعطوني معلومات من قوقل او احد المواقع لاني قريت تجارب البعض انه اختفى الكيس او انه صغر ارجووكم ابغى تجارب او عن اي احد سمع عنه من قريب وياريت دكتوره تجاوبني

الله يشفيك وانا اقولك خلي بعد الزواج شيلي مادام زواجك بعد شهر ........واذا كان هو مايأثر عليك ان شاء الله

اشكرك اختي بس اخاف انه يكبر ابغى احد مر نفس تجربتي هل في خطر

ولان كمان في ناس يقولون انه اختفى منهم مع الادويه العشبيه والعسل والقرايه ياريت اعرف تجاربكم

وين الدكاتره في المنتدى وينك يادكتوره بنت النيل وين اهل الخبره وربي مالي غيركم استشيرة وتنصحووني

مع العلم افيدكم ان دورتي دائما والحمدالله منتظمه هل هذا يؤخر الحمل

اشكرك كل الشكر وانا الحمدالله مداومه على الاستغفار يارب يارب الله عندة كل خير

يعني تتوقيعن السبب الأول من الكريم ؟؟؟؟؟

أو الآلآم هذي من قبل تستخدمينه ؟؟

وتفائلي خير إن شاء الله الموضوع سهل

الله يشفيك
شيليه الان كى تكونى تشافيتى وقت الزواج وجسمك مستعد للحمل
وزوجك بيتفهم حالتك

ا كان السبب في بدايه المشكله الكريمات لان فجئة كثر التبول وكان السبب في عمل الترا ساوند وبكذا اكتشفته لكن كثرة التبول راحت الحين

اخاف اشيله او اقول لزوجى عن الكيس يفهم غلط اننى ممكن ما اخلف وبعدين بيكون في شق على البطن في حاله اذا ماخبرته




يالله معقول محد يعرف عن الكيس الدهني وين دكاتره المنتدى اول مرة مايكون في تفاعل

الله يشفيكي يا رب
وانتي تابعي دكتور وشوفي شو بيحكيليك
ربنا يتمم الك على خير

انشاء الله يارب وتابعت معاه يقول لازم تنشال ماتتاخر لكن ودي اعرف احد يعاني مثلي لان على حسب كلام الدكتور كثير يعانون مثلك


ياااااااااااااربي وين دكاترة المندى

نصيحه
تأكدي من التشخيص عند طبيب ثاني .. وعليه قرري .. ولكن انا انصحك لو كان تشخيص طبيبك الجراحه ...
لا تشيلينه بعد الزواج .. شيليه حالا قبل الزواج .. لان مش حلوه زوجك يعرف موضوع الكيس هذا .. وماتدرين بردة فعله .. ويمكن لو عرف ولا سمح الله تاخرتي في الحمل .. راح ينسب المشكله الى كيسك الدهني ... وتتدمر نفسيتك مع الانتظار ... والوساوس ... وهذا تدخل فيه اعتبارات ثانيه .. لان اكيد اهله بيعرفون .. وهذا مش حلو من البدايه تظهرين بهذي الصوره .. شيليه الحين وبسرعه .. عشان جسمك ياخذ راحته بعد الزواج .. وانا مع كلام الدكتور

وانصحك تروحين لطبيب ثاني عشان تتاكدين من التشخيص .. يمكن ماتحتاجين تشيلينه ويروح مع علاج الحبوب...كثير من صديقاتي في المنتدى عالجو التكيسات بالادويه .. وكانت العمليه اخر خيار لهم ..

لكن نصيحه رتبي امورك قبل الزواج .. وكوني جاهزه لحياتك الجديده .. (هذا لو احتجتي لجراحه )
طمنينا عنك والف مبروك مقدما

كثير ياحبيبتي يعانون .. انا هذا اللي عرفته ولكن عالجو تكيساتهم بالادويه وبعضهم بالجراحه

حبيبتي
هذا رد دكتوره بنت النيل عن حالتك
الجلدانيةمن الأنواع الأخرى الشائعة من أكياس المبيضين والتي توجد في سن مبكرة هي الكيسة الجلدانية (درمويد) أو الكيس المسخي وهي عبارة عن ورم حميد في المبيض يتكون من جميع الخلايا الجنينية وتتفاوت هذه الأكياس في الحجم فقد تكون صغيرة في الحجم أو قد تصل إلى حجم كبير ويمكن تشخيصها بسهولة عن طريق الفحص بالموجات فوق الصوتية حيث يمكن تميزها بوجود شوائب داخل الكيس قد تحتوي على بعض التكلسات كما يمكن التأكد من تشخيصها باستخدام الأشعة السينية التي توضح التكلسات التي تشبه الأسنان وقد توجد هذه الأكياس في المبيضين معاً بنسبة 15%، وعند تشخيصها يجب إزالتها جراحياً وقد تحتوي هذه الأكياس على وجود الشعر والجلد والغضاريف، وفي حالة انفجار الكيس داخل البطن يؤدي إلى حدوث آلام شديدة جداً وتحدث التصاقات داخل الحوض وفي حالة نادرة قد تكون هذه الأكياس في مرحلة ما قبل الخبيثة أو تتحول إلى خبيثة.

للامانه منقول

مرحبا اختى اولا هية مش تكيسات هو كيس على المبيض ولكن انا خايفه من موضوع الجراحه لانها راح تكون باينه راح يكون في شق على البطن مثل االعمليه تماما نفس الشي بيقول غشتونى وليه ماقلتولى ولكن بعد الزواج فرق بيكون الحض معاة يعنى لان عادة الحريم بيروح بعد الزواج دكتورات نساءولاده عادى بس البنات صعبه عليهم يرحون انا الادويه ماتنفع لانها مش تكيسات كيس على المبيض

هذا الردود اختى لو تروحين لقوقل بالضبط بالضبط نفس الردود ونفس الكتابه في كل منتدى علشان كذا انا مو حابه نقل عن منتديات قوقل انا حابه تجارب شخصيه او احد سمع عنها

وحطيت ملاحظه بكذا ابغى تجارب شخصيه

الله يوفقك اختي ... واعملي اللي تشوفيه انسب لظروفك

وبالسلامه

الف شكر اختى على النصيحه وراح افكر فيها من كل الجوانب وياريت ماتنسونا بالدعاء

اختي بنفسج اناسويت العملية بالمنظار قبل شهرين تقريبا كان عندي كيسين واحد يمين والثاني يسار
نوعهن مائي عموما العملية لجميع انواع الاكياس بالمنظار يعني ان شاء الله اسبوع وانتي راجعة لوضعك الطبيعي ثلاث فتحات صغيرة
انا اقترح تسوي العملية الحين احسن من التاخير وان شاءالله تخفي قبل الزواج واسالي الدكتور اذا كنتي ترغبين بتأجيل العملية لما بعد الزواج وعن تاثيره على صحتك
وانا قبل اسبوعين سويت عملية ثانية استئصال المرارة باالمنظار والحمدلله انا طيبه الحين اطلع واروح للاسواق والمطاعم
يعني انا سويت عمليتين خلال شهرين ولله الحمد ماعندي مشكله الحين
بس تاكدي العملية بالمنظار لانها اسهل بكثير
واذا عندك سوال تفضلي اختي
والله يشفيك ويعافيك ماتشوفين شر اختي والله يوفقك بزواجك:14:

مرحبا اختى ماليزيه اشكرك حبيبتي ريحتيني بس هم قالو عمليه راح يسون لان الكيس مش مائي المائي سهل اما هذا جلدانى يبغاله عمليه ومادري راح تكون مشهوة ولا عاديه ماتبان تسلمين اختى على الدعوة االحلوة هذة ويارب يكون الموضوع سهل لانى شبه منهارة